JEREMI 32:35 - Bibəl ta Sar̄

³⁵ Rāān̄ loo kə́ ḭḭ kə̄ dɔɔ́ gə̄ tām̄ yā ɓesə̄ Baal tə́ wól loo kə́ Ben Hinom tə́, yā tɔ̄lə̄ń ngáńdə́ kə́ dəngam gə̄, kə kə́ dəyá̰ gə̄ dɔ tə́ yā kadə̄ ɓesə̄ Molok. I yá̰á̰ kə́ m-ə́dádə́ kadə̄ rāān̄ aĺ ō, i majaĺ kə́ to ɓōĺ ngá̰ý kə́ m̄-gír̄ mēr̄ ngán Juda gə̄ rāā kadə̄ nin̄ ndɔmə̄n̄neé ta róbə aĺ ō.

Bible sar

³⁵ Rāān̄ loo kə́ ḭḭ kə̄ dɔɔ́ gə̄ tām̄ yā ɓesə̄ *Baal tə́ wól loo kə́ Ben Hinom tə́, yā tɔ̄lə̄ń ngáńdə́ kə́ dəngam gə̄, kə kə́ dəyá̰ gə̄ dɔ tə́ yā kadə̄ ɓesə̄ Molok. I yá̰á̰ kə́ m-ə́dádə́ kadə̄ rāān̄ aĺ ō, i majaĺ kə́ to ɓōĺ ngá̰ý kə́ m̄-gír̄ mēr̄ ngán *Juda gə̄ rāā kadə̄ nin̄ ndɔmə̄n̄neé ta róbə aĺ ō.

JEREMI 32:35 Referans Kwoze

JEREMI 7:31

Nin̄ rāān̄ loo kə́ ḭḭ kə̄ dɔɔ́ gə̄ Topet tə́, kem wól loo kə́ Ben Hinom tə́, yā róoń ngáńdə́ kə́ dəngam gə̄ ō, kə́ dəyá̰ gə̄ ō horoó. Yá̰á̰ ń noō i mā n m̄-dəje ní alé, m̄-gír̄ dɔ tə́ sḛ́ý aĺ bátə́ ō.

LEBI GƏ̄ 18:21

Ā ī-tun̄ ngōnīí yā kadə̄ ɓesə̄ Molok alé, tɔdɔ̄ ré ī-rāā beé anī, ā ī-nujə i rī Nə́ɓā yāí. Mā i Kɔ́ɔ̄ɓē Nə́ɓā yāsí.

2 YÁ̰A̰ GƏ̄ 33:6

Ni-aw̄ bátə́ tɔ̄l̄ ngánən kə́ dəngam gə̄ ba tun̄də́ wól loo kə́ Ben Hinom tə́. Ni-rāā mbōlí kə́ tayā tayā gə̄ ō, rāā kəga kə́ tayā tayā gə̄ ō, aw̄ ndḛḛ̄ sāá ɓē kɔdə̄ sāā gə̄ tə́ ō. Ni-rāā yá̰á̰ kə́ nel̄ Kɔ́ɔ̄ɓē aĺ gə̄ ngá̰ý adə̄ wōn̄g rāā Kɔ́ɔ̄ɓē seneé.

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

1 MBAN̄G GƏ̄ 16:19

Yá̰a̰ gə̄ ń noō malang rāān̄ yá̰a̰ i tām̄ yá̰á̰ kə́ majaĺ ń Jimri rāā tə́ ní. Ni-rāā yá̰á̰ kə́ majaĺ ta kum Kɔ́ɔ̄ɓē tə́, ndájə̄ kəla rāā Jeroboam ō, yá̰á̰ kə́ majaĺ ń Jeroboam rāā á sə̄lā Israel gə̄ adə̄ rāān̄ ní ō.

EJEKIEL 23:37

Nin̄ i dəyá̰ kə́ ngé rāȳ gə̄ ō, nin̄ tɔ̄lə̄n̄ de gə̄ ō. Nin̄ rāān̄ rāȳ, tām̄ nin̄ rɔȳn̄ nə́ɓā yādə́ kə́ rɔ̄kum aĺ gə̄. Nin̄ tɔlə̄n̄ de gə̄, tām̄ ngáńdə́ gə̄ ń ojən̄ tām̄ yāḿ tə́ ní, nin̄ tɔ̄lə̄n̄də́ ba tun̄ adə̄n̄ nə́ɓā yādə́ kə́ rɔ̄kum aĺ gə̄.

IJAI 57:5

Ngur asəsí nák kadə̄ kāgə̄ kə́ yā ɓōĺ gidə gə̄ tə́, gír kāgə̄ gə̄ malang kə́ mbīdə́ əga ku tə́. Sḭḭ̄ ī-tɔ̄lī ngán gə̄ ba ī-tunīdə́ kadə ngán man̄ gə̄ tə́, bəlo mbal̄ gə̄ tə́.

2 YÁ̰A̰ GƏ̄ 33:9

Banī Manase ndóm̄ kə Juda gēé ō, kə de kə́ Jerusalem gēé ō, adə̄ rāān̄ yá̰á̰ kə́ majaĺ tɔȳ yā nápar de gə̄ ń Kɔ́ɔ̄ɓē tɔ̄l̄də́ kɔ̄ɔ́ malang ba əya̰ń loo adə̄ ngán Israel gə̄ ní.

2 MBAN̄G 23:15

Josias bótə̄yō̰ loo tun̄ yá̰á̰ kə́ Betel kɔ̄ɔ́ ō, nujə loo ndɔ̄ȳ kə́ kḭḭ kə̄ dɔɔ́ ń Jeroboam ngōn̄ Nebat rāā ba sə̄lā Israel gə̄ adə̄ rāān̄ majaĺ ní kɔ̄ɔ́ ō. Ni-əla hor dɔ tə́ ō, rāā adə̄ əsō bū ō, róō kāgə̄ ɓesə̄ kə́ yā ɓōĺ gidə kɔ̄ɔ́ horoó ō.

2 MBAN̄G 21:11

Manase, mban̄g kə́ Juda rāā yá̰á̰ kə́ majaĺ ngá̰ý gə̄ ń noō malang. Ni-rāā yá̰á̰ kə́ majaĺ tɔȳ yā Amor gə̄ ń rāān̄ kété non tə́ malang ní ō, sə̄lā de kə́ Juda gə̄ adə̄ rāān̄ majaĺ kə ta kūl̄ ɓesə̄ yān gə̄ ō.

2 MBAN̄G 3:3

Ba yá̰á̰ kə́ majaĺ ń Jeroboam ngōn̄ Nebat sə̄lā ngán Israel gə̄ adə̄ rāān̄ ní n ni ndájə̄ ní. Əhɔ gō adə̄ ngan̄g ba əya̰ gō kɔ̄ɔ́ alé.

1 MBAN̄G GƏ̄ 21:22

M-ā m̄-rāā gír kojə yāí yá̰á̰ ń m̄-rāā kə gír kojə yā Jeroboam ngōn̄ Nebat ní ō, yá̰á̰ ń m̄-rāā kə gír kojə yā Baasa ngōn̄ Ahia ní ō, tām̄ ī-rāām̄ ādə̄ wōn̄g rāām̄ ngá̰ý ō, ī-sə̄lā ngán Israel gə̄ ādə̄ rāān̄ yá̰á̰ kə́ majaĺ ō.

1 MBAN̄G GƏ̄ 15:30

Yá̰a̰ gə̄ ń noō malang rāān̄ yá̰a̰ i tɔdɔ̄ Jeroboam rāā yá̰á̰ kə́ majaĺ ō, ni sə̄lā ngán Israel gə̄ adə̄ rāān̄ yá̰á̰ kə́ majaĺ ō. Yá̰a̰ gə̄ ń ni-rāā ní adə̄ Kɔ́ɔ̄ɓē Nə́ɓā yā Israel gə̄ wōn̄g ngá̰ý.

1 MBAN̄G GƏ̄ 15:26

Ni-rāā yá̰á̰ kə́ majaĺ ta kum Kɔ́ɔ̄ɓē tə́. Ni ndájə̄ kəla rāā bɔbə̄n ō, yá̰á̰ kə́ majaĺ ń bɔbə̄n rāā ba sə̄lā Israel gə̄ kadə̄ rāān̄ ní ō.

1 MBAN̄G GƏ̄ 14:16

Kɔ́ɔ̄ɓē a əya̰də́ kɔ̄ɔ́ tām̄ majaĺ yā Jeroboam tə́ ō, tām̄ rāā ń Jeroboam rāā ngán Israel gə̄ adə̄ rāān̄ majaĺ ní ō.

1 MBAN̄G GƏ̄ 11:33

Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.

NDŪ NAJƏ̄ 24:4

ngaan kə́ kété ní a tél yā taān gogə́ to̰ alé, tɔdɔ̄ kə́ tām̄ yān tə́ ní ni-tél i dəyá̰ kə́ yḛr kɔ̄ɔ́. Ré taān anī rāā i yá̰á̰ kə́ to yḛr ta kum Kɔ́ɔ̄ɓē tə́. Ā ī-rāā yá̰á̰ kə́ beé yā kəlań rɔ̄sɔl̄ dɔ ɓē ń Kɔ́ɔ̄ɓē Nə́ɓā yāí adī tə́ ní alé.

NDŪ NAJƏ̄ 18:10

Ādə̄ de kə́ nge kənī ngōnən kə́ dəngam, aké kə́ dəyá̰ kum hor tə́ gətóo mbo̰ō̰í tə́ ō, de kə́ nge koō ta ɓádə gə̄, aláa kɔdə̄ wor, aláa kɔdə̄ gara, aláa nge bógə̄rō de gə̄,

Teē Ngán Israel gə̄ 32:21

Tā anī dəje Aaro̰ na ké gír de gə̄ ń noō rāān i rí seneé áké ndɔ́r̄də́ aw̄ sedə́ kum majaĺ kə́ bo kasə naā beé tə́ wa.

KƏLA RĀĀ 7:43

Sḭḭ̄ ī-rāāī nge ń noō alé, ba ə̄tōī i kújə tandā yā ɓesə̄ Molok ō, i tə́yō̰ yā Repan ń i nə́ɓā yāsí ní ō. Sḭḭ̄ ī-rāāī ɓesə̄ gə̄ ní i yā kadə̄ ī-rɔyīdə́. I beé ɓáá ní m-ā m-ɔ́ýsí yā kaw̄ sesí sa̰y gidə ɓē kə́ Babilon tə́, kə̄ dām̄ kə́ nú tə́.

NDŪ NAJƏ̄ 12:31

Ā ī-ndɔ̄yī Kɔ́ɔ̄ɓē Nə́ɓā yāsí tītə̄ ń nin̄ a ndɔ̄ȳn̄neé ɓesə̄ yādə́ gə̄ ní alé. Tɔdɔ̄ yá̰a̰ malang kə́ to yḛr ta kum Kɔ́ɔ̄ɓē tə́ ō, yá̰a̰ malang ń nelə̄n aĺ ō ní, nin̄ rāān̄ tām̄ yā ɓesə̄ yādə́ gə̄ tə́. Nin̄ aw̄n̄ bátə́ tɔ̄lə̄n̄ ngán kemdə́ kə́ dəngam gə̄ ō, kə́ dəyá̰ gə̄ ō, ba róōn̄də́ horoó adə̄n̄ ɓesə̄ yādə́ gə̄.

1 MBAN̄G GƏ̄ 11:7

Dan ngeé ń noō tə́ ní Salomo̰ rāā loo kə́ kḭḭ kə̄ dɔɔ́ dɔ mbal̄ ń ra sɔɔ̄ no ɓē kə́ Jerusalem ní tə́ tām̄ yā ɓesə̄ Kemos ń i ɓesə̄ kə́ majaĺ ngá̰ý yā Moab gə̄ ní tə́ ō, rāā loo kə́ kḭḭ kə̄ dɔɔ́ kə́ rang tām̄ yā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní tə́ ō.

JEREMI 7:30

De kə́ Juda tə́ gə̄ rāān̄ yá̰á̰ kə́ majaĺ kə́ nelə̄m̄ aĺ ngá̰ý tə́ndān̄ yá̰á̰ kə́ yḛr yādə́ gə̄ kem kújə́ ń rīḿ ɓār̄ dɔ tə́ ní tə́, adə̄ téĺ yá̰á̰ kə́ yḛr. Najə̄ ń Kɔ́ɔ̄ɓē əda ní ń noó.

JEREMI 19:2

Gō tə́ anī, ī-teē kum kə̄ wól loo kə́ Ben Hinom ń i ta róbə yā jóo man̄ kə́ tɔ̄ɔ̄ gə̄ tə́ ní kadə̄ ə̄nī mbēr̄ najə̄ gə̄ ń m-ā m-ə́daī ní loo ń noō tə́.

JEREMI 44:4

M-ə́la ngé kəla yāḿ gə̄ ń i ngé koō ta gə̄ ní rɔ̄sí tə́ kanjə̄ kɔr ta tə́ kadə̄ ədan̄sí na: Ī-lōōī rāā yá̰á̰ kə́ majaĺ ngá̰ý gə̄ ń nelə̄m̄ aĺ ní.

2 MBAN̄G 21:4

Ni-rāā loo tun̄ yá̰a̰ gə̄ kem kújə yā Kɔ́ɔ̄ɓē ń Kɔ́ɔ̄ɓē nəkɔ́ əda na n-a n-əndā rīn dɔ tə́ kem ɓē kə́ Jerusalem tə́ ní.

2 YÁ̰A̰ GƏ̄ 36:14

Tá ngār gə̄ yā ngé tun̄ yá̰a̰ gə̄ ō, yā de kə́ kem ɓē gə̄ ō, malang rāān̄ háĺ kə́ gōtə́ aĺ gə̄ i ngá̰ý. Nin̄ rāān̄ yá̰á̰ kə́ to yḛr kum gə̄ malang ń nápar de gə̄ rāān̄ ní ō, rāān̄ adə̄ kújə ń Kɔ́ɔ̄ɓē ɔr̄ kamə̄n tayā tām̄ yān tə́ Jerusalem ní tél kújə́ kə́ yḛr ō.

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.