JEREMI 32:34 - Bibəl ta Sar̄

³⁴ Nin̄ tə́ndān̄ yá̰á̰ kə́ to yḛr gə̄ ń i ɓesə̄ yādə́ gə̄ ní kem kújə́ ń rīḿ ɓār̄ dɔ tə́ ní. Tām̄ ń toō tə́ ní, nin̄-rāān̄ beé adə̄ kújə́ ní téĺ kə́ yḛr.

Bible sar

³⁴ Nin̄ tə́ndān̄ yá̰á̰ kə́ to yḛr gə̄ ń i ɓesə̄ yādə́ gə̄ ní kem kújə́ ń rīḿ ɓār̄ dɔ tə́ ní. Tām̄ ń toō tə́ ní, nin̄-rāān̄ beé adə̄ kújə́ ní téĺ kə́ yḛr.

JEREMI 32:34 Referans Kwoze

JEREMI 7:30

De kə́ Juda tə́ gə̄ rāān̄ yá̰á̰ kə́ majaĺ kə́ nelə̄m̄ aĺ ngá̰ý tə́ndān̄ yá̰á̰ kə́ yḛr yādə́ gə̄ kem kújə́ ń rīḿ ɓār̄ dɔ tə́ ní tə́, adə̄ téĺ yá̰á̰ kə́ yḛr. Najə̄ ń Kɔ́ɔ̄ɓē əda ní ń noó.

JEREMI 23:11

Ngé koō ta gə̄ ō, ngé tun̄ yá̰a̰ gə̄ ō nujən̄ háĺdə́ adə̄ m-á̰a̰ kem ndul yādə́ kem kújə yāḿ tə́ gə̄gē. Najə̄ ń Kɔ́ɔ̄ɓē əda ní n noó.

2 YÁ̰A̰ GƏ̄ 33:15

nə́ɓā kə́ mbā gə̄ ō, ɓesə̄ kāgə̄ kə́ tɔ́sə̄ ō ń aw̄ tə́ndādə́ kem kújə yā Kɔ́ɔ̄ɓē tə́ ní ɔy teēń ndágá kɔ̄ɔ́ ō, loo tun̄ yá̰a̰ gə̄ ń rāādə́ dɔ mbal̄ kújə yā Kɔ́ɔ̄ɓē tə́ ō, kem ɓē kə́ Jerusalem tə́ ō ní, nujən̄ kɔ̄ɔ́ malang ba ɔydə́ ɓōkə́də́ gidə ɓē tə́ ndágə́ kɔ̄ɔ́ ō.

2 MBAN̄G 23:6

Ni un kāgə̄ ɓesə̄ Asera kem kújə yā Kɔ́ɔ̄ɓē tə́ aw̄ń gidə ɓē kə́ Jerusalem tə́ ndágá adə̄ róōn̄ horoó wól loo kə́ Sedəron tə́. Róōn̄ kāgə̄ ɓesə̄ Asera ní ba ɔyn̄ būn ɓōkə́n̄ dɔ ɓádá ń kə́nə̄n̄ nīń kósə de gə̄ kemeé tə́ ní.

2 MBAN̄G 21:1

Dan ń Manase əlań gír ndi mban̄g ní ɓālə̄n i kutə gidə i jōó. Ni-o̰o̰ ɓē ɓāl̄ kutə mí gidə i mí kem ɓē kə́ Jerusalem tə́. Rī kó̰on na i Hepsi Ba.

JEREMI 7:10

ba kə ī-reēī ta kumḿ tə́ kem kújə ń toō ń rīḿ ɓār̄ dɔ tə́ ní yā kəda na: Ajən̄jí kɔ̄ɔ́ ɓá ō, kə ī-toī dan rāā yá̰á̰ kə́ majaĺ gə̄ malang ń noō tə́ ō a?

JEREMI 19:4

Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

JEREMI 34:15

Ń toō ní, sḭḭ̄ ī-tūrī háĺsí adə̄ ī-rāāī yá̰á̰ kə́ gōtə́ ta kumḿ tə́. Sḭḭ̄ kógə̄ḿ kógə̄ḿ ə́daī na a ə́ya̰ī ngáń ngé ɓē madə̄sí gə̄ dɔɔ́ ō, ə̄nīī ndūsí ta kumḿ tə́ i kem kújə́ ń rīḿ ɓār̄ dɔ tə́ ní ō.

JEREMI 44:4

M-ə́la ngé kəla yāḿ gə̄ ń i ngé koō ta gə̄ ní rɔ̄sí tə́ kanjə̄ kɔr ta tə́ kadə̄ ədan̄sí na: Ī-lōōī rāā yá̰á̰ kə́ majaĺ ngá̰ý gə̄ ń nelə̄m̄ aĺ ní.

2 YÁ̰A̰ GƏ̄ 36:14

Tá ngār gə̄ yā ngé tun̄ yá̰a̰ gə̄ ō, yā de kə́ kem ɓē gə̄ ō, malang rāān̄ háĺ kə́ gōtə́ aĺ gə̄ i ngá̰ý. Nin̄ rāān̄ yá̰á̰ kə́ to yḛr kum gə̄ malang ń nápar de gə̄ rāān̄ ní ō, rāān̄ adə̄ kújə ń Kɔ́ɔ̄ɓē ɔr̄ kamə̄n tayā tām̄ yān tə́ Jerusalem ní tél kújə́ kə́ yḛr ō.

JEREMI 7:31

Nin̄ rāān̄ loo kə́ ḭḭ kə̄ dɔɔ́ gə̄ Topet tə́, kem wól loo kə́ Ben Hinom tə́, yā róoń ngáńdə́ kə́ dəngam gə̄ ō, kə́ dəyá̰ gə̄ ō horoó. Yá̰á̰ ń noō i mā n m̄-dəje ní alé, m̄-gír̄ dɔ tə́ sḛ́ý aĺ bátə́ ō.

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.