JEREMI 32:32 - Bibəl ta Sar̄

³² najə̄ yá̰á̰ kə́ majaĺ gə̄ malang ń Israel gə̄ ō, Juda gə̄ ō rāān̄ tə́ ní. Nin̄ ō, mban̄g yādə́ gə̄ ō, de kə́ bo yādə́ gə̄ ō, ngé tun̄ yá̰a̰ yādə́ gə̄ ō, ngé koō ta yādə́ gə̄ ō, de kə́ Juda tə́ gə̄ ō, de gə̄ ń ndin̄ Jerusalem ō ní,

Bible sar

³² najə̄ yá̰á̰ kə́ majaĺ gə̄ malang ń Israel gə̄ ō, Juda gə̄ ō rāān̄ tə́ ní. Nin̄ ō, mban̄g yādə́ gə̄ ō, de kə́ bo yādə́ gə̄ ō, *ngé tun̄ yá̰a̰ yādə́ gə̄ ō, *ngé koō ta yādə́ gə̄ ō, de kə́ Juda tə́ gə̄ ō, de gə̄ ń ndin̄ Jerusalem ō ní,

JEREMI 32:32 Referans Kwoze

DANIEL 9:8

Kɔ́ɔ̄ɓē, yājí i rɔ̄sɔl̄ ō, rɔ̄sɔl̄ i yā ngār yājí gə̄ ō, kaají gə̄ ō, tɔdɔ̄ jə-rāā yá̰á̰ kə́ majaĺ seí.

JEREMI 2:26

Tītə̄ ń rɔ̄ nge ɓogə kə́ əhɔnən̄ dɔ ɓogə yá̰á̰ tə́ sɔlə̄n ní, de kə́ Israel tə́ gə̄ rɔ̄də́ sɔl̄də́ i beé ō, nin̄ ō, mban̄g yādə́ gə̄ ō, de kə́ bo yādə́ gə̄ ō, ngé tun̄ yá̰a̰ yādə́ gə̄ ō.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

ESDRAS 9:7

Əla gír ɓāl̄ yā kaají gə̄ tə́ bátə́ ɓōólaā ní, gír deē yājí gə̄ rāān̄ yá̰á̰ kə́ gōtə́ aĺ gə̄ ngá̰ý. I tām̄ najə̄ ń noō tə́ n mban̄g kə́ tə̄rā gə̄ ndin̄neé dɔjí tə́ ō, dɔ mban̄g yājí gə̄ tə́ ō, dɔ ngé tun̄ yá̰a̰ yājí gə̄ tə́ ō, rɔ̄ɔ̄n̄neéjí ō, aw̄n̄neé sejí ɓəloó ō, ɔyn̄neé yá̰a̰ kənge yājí gə̄ ō, əlan̄neé rɔ̄sɔl̄ dɔjí tə́ ō tītə̄ ń rāān̄neé ɓōólaā ɓáý ní.

DANIEL 9:6

Ngé kəla yāí kə́ ngé koō ta gə̄ ń unən̄ rīí ɔr̄nneé najə̄ kə mban̄g yājí gə̄ ō, ngār yājí gə̄ ō, kaají gə̄ ō, de gə̄ malang kə́ kem ɓēé gə̄ ō ní, jə-mbātə́ koō najə̄ yādə́.

EJEKIEL 22:6

Ngār kə́ Israel tə́ ń ndin̄ kemií ḭ̄ ɓē kə́ Jerusalem tə́ ní, nin̄ kógə̄ḿ kógə̄ḿ a unən̄ i ko̰o̰ ɓē yādə́ gə̄ n a tɔ̄l̄nəń madə̄də́ gə̄.

JEREMI 44:17

J-a jə-rāā yá̰a̰ malang ń j-ənī ndūjí yā rāā ní, adə̄ i róō yá̰a̰ ndējə̄ gə̄ yā kadə̄ Mban̄g kə́ dəyá̰ kə́ dɔ rā̰ tə́ ō, i tə́te kasə nang tə́ kadə̄n ō, tītə̄ ń jḭḭ kɔ́ gə̄ ō, kaají gə̄ ō, mban̄g yājí gə̄ ō, de kə́ bo yājí gə̄ ō jə-rāań kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō, j-əsań yá̰a̰ adə̄ ndān̄ kemjí ō, jə-ndi majə kanjə̄ kadə̄ yá̰á̰ kə́ to kum kaȳ aĺ rāājí ō.

JEREMI 44:21

Yá̰a̰ ndējə̄ gə̄ ń sḭḭ̄ ō, kaasí gə̄ ō, mban̄g yāsí gə̄ ō, de kə́ bo yāsí gə̄ ō, gír de gə̄ kə́ kem ɓēé ō, ī-róōī kem ɓē gə̄ kə́ Juda tə́ ō, dɔ kə̄lá róbə gə̄ kə́ Jerusalem tə́ ō ní, Kɔ́ɔ̄ɓē ger̄ gō aĺ a? Əga kemən dɔ tə́ aĺ a?

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

IJAI 22:1

Najə̄ yā wól loo kə́ deē a̰a̰ yá̰a̰ tū tə́. Sḭḭ̄ de kə́ Jerusalem gə̄, i tām̄ rí tə́ á sḭḭ̄ malang ālī dɔ kújə gə̄ tə́ dɔɔ́ ní?

JEREMI 7:17

Á̰á̰ yá̰á̰ ń nin̄ a rāān̄ kem ɓē gə̄ kə́ Juda tə́ ō, kum róbə kɔsə gə̄ kə́ Jerusalem tə́ ō ní aĺ a?

DANIEL 9:7

Ɓōólaā Kɔ́ɔ̄ɓē najə̄ i yāí ba yājí i rɔ̄sɔl̄, i rɔ̄sɔl̄ yā Juda gə̄ ō, de kə́ Jerusalem gə̄ ō, Israel gə̄ malang kə́ ngɔr gə̄ ō kə́ sa̰y gə̄ ō, nin̄ ń ī-tə̄ndā ī-tḭ̄ḭ̄də́ kə̄ kem ɓē gə̄ tə́ malang najə̄ yā yá̰á̰ kə́ gōtə́ aĺ ngá̰ý ń nin̄ rāān̄ seí tə́ ní.