JEREMI 32:31 - Bibəl ta Sar̄

³¹ Əla gír ndɔ̄ ń əndān̄əń ɓē ń toō tə́ bátə́ ɓōólaā ní, ɓē toō rāā i kəla kadə̄m̄ wōn̄g, i wōn̄g kə́ ngá̰ý. Ní, m-ā m-á̰a̰n ta kumḿ tə́ to̰ alé,

Bible sar

³¹ Əla gír ndɔ̄ ń əndān̄əń ɓē ń toō tə́ bátə́ ɓōólaā ní, ɓē toō rāā i kəla kadə̄m̄ wōn̄g, i wōn̄g kə́ ngá̰ý. Ní, m-ā m-á̰a̰n ta kumḿ tə́ to̰ alé,

JEREMI 32:31 Referans Kwoze

2 MBAN̄G 23:27

Adə̄ Kɔ́ɔ̄ɓē əda na tītə̄ ń na n-gḛyń ka̰a̰ de kə́ kem ɓē ko̰o̰ kə́ Israel tə́ gə̄ ta kumən tə́ to̰ aĺ ní, na n-gḛy ka̰a̰ ngé kə́ Juda tə́ gə̄ ta kumən tá aĺ ō. Na n-mbātə́ ɓē kə́ Jerusalem ń na n-gə̄rā ní ō, kújə yān ń n-ənī ndūn yā kəndā rīn dɔ tə́ ní ō.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

JEREMI 27:10

I najə̄ kə́ rɔ̄kum alé n ngé koō ta gə̄ ń noō ədan̄sí kadə̄ ə́ya̰īneé dɔ nang yāsí kɔ̄ɔ́ ní. Kə́ rɔ̄kum tə́ ní, m-ā m̄-tə̄ndā yā tḭ̄ḭ̄sí ō, ā óyiī ō.

2 MBAN̄G 21:16

Mban̄g Manase tɔ̄l̄ de kə́ kanjə̄ najə̄ dɔdə́ tə́ gə̄ i ngá̰ý, adə̄ mósə taā loo kem ɓē kə́ Jerusalem tə́ malang. Majaĺ ń noō əsō dɔ majaĺ ń ni sə̄lā de kə́ Juda gə̄ adə̄ rāān̄ ní tə́. Ni sə̄lādə́ adə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́.

NŌŌ RƆ̄ 1:8

Jerusalem rāā yá̰á̰ kə́ majaĺ adə̄ ni téĺ yá̰á̰ kə́ yḛr. Ngé gə̄ malang ń ɔsən̄ gɔnən ní kídə̄nən̄ kɔ̄ɔ́ dan ń a̰a̰n̄ kadə̄ gírən i karī ní. Nəkɔ́ gə̄gē a to̰ō̰ ō, tūr̄ gidən ō.

2 MBAN̄G 23:15

Josias bótə̄yō̰ loo tun̄ yá̰á̰ kə́ Betel kɔ̄ɔ́ ō, nujə loo ndɔ̄ȳ kə́ kḭḭ kə̄ dɔɔ́ ń Jeroboam ngōn̄ Nebat rāā ba sə̄lā Israel gə̄ adə̄ rāān̄ majaĺ ní kɔ̄ɔ́ ō. Ni-əla hor dɔ tə́ ō, rāā adə̄ əsō bū ō, róō kāgə̄ ɓesə̄ kə́ yā ɓōĺ gidə kɔ̄ɔ́ horoó ō.

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

JEREMI 23:39

á̰a̰ī m-ā m-ə́yá̰sí kɔ̄ɔ́ ō, m-ā m̄-tə̄ɓāsí kɔ̄ɔ́ ta kumḿ tə́ ō. M-ā m-ə́yá̰sí sḭḭ̄ ō, ɓē ń m-ādə̄sí ō, m-ādə̄ kaasí gə̄ ō ní kɔ̄ɔ́.