JEREMI 32:21 - Bibəl ta Sar̄

²¹ Ḭ̄ ɔ́jə rɔ̄í kə̄ ndágá kə ta kūl̄ yá̰a̰ rāāí kə́ majə to ɓōĺ ngá̰ý gə̄ ō, kə ta kūl̄ tɔ́gə jīí ō, adə̄ ḭ̄ ɔ́jə́ tɔ́gí kə́ majə to ɓōĺ ngá̰ý malang kə̄ ndāgá ī-teēń kə gír deē yāí gə̄ ń i ngán Israel gə̄ ní kɔ̄ɔ́ kem ɓē kə́ Ejiptə tə́.

Bible sar

²¹ Ḭ̄ ɔ́jə rɔ̄í kə̄ ndágá kə ta kūl̄ yá̰a̰ rāāí kə́ majə to ɓōĺ ngá̰ý gə̄ ō, kə ta kūl̄ tɔ́gə jīí ō, adə̄ ḭ̄ ɔ́jə́ tɔ́gí kə́ majə to ɓōĺ ngá̰ý malang kə̄ ndāgá ī-teēń kə gír deē yāí gə̄ ń i ngán *Israel gə̄ ní kɔ̄ɔ́ kem ɓē kə́ Ejiptə tə́.

JEREMI 32:21 Referans Kwoze

NDŪ NAJƏ̄ 26:8

Ni-teē sejí kɔ̄ɔ́ dɔ nang kə́ Ejiptə tə́ kə ta kūl̄ yá̰á̰ kə́ to ɓōĺ gə̄ ō, yá̰á̰ kə́ bo gə̄ kə́ yā kɔjəń yá̰a̰ gə̄ ō, kə́ kɔr kum gə̄ ō.

Teē Ngán Israel gə̄ 6:6

Adə̄ m̄-mērī kədadə́ najə̄ ń toō: Mā i Kɔ́ɔ̄ɓē. M-ā m-ɔ̄r̄sí ta kəla ngámbá tə́ ō, ta kəla ɓəlo tə́ jī de kə́ Ejiptə gə̄ tə́ ō kɔ̄ɔ́. M-ā m-ə́ndádə́ kə tɔ́gə́ḿ ń yá̰á̰ kə́ dum̄ tan gətóó ní kadə̄ a ɓōlə́n̄ ō, m-ā m̄-taāsí jīdə́ tə́ yā kəya̰sí dɔɔ́ ō.

PĀ GƏ̄ 105:43

Ni-adə̄ gír deē yān gə̄ teēn̄ i kə rɔ̄nel̄ kə́ ngá̰ý. Ngé gə̄ ń ni gə̄rādə́ ní əgan̄ i kɔŕ rɔ̄nel̄ n teēn̄neé ní.

PĀ GƏ̄ 105:37

Gō tə́ anī teē kə deē yān gēé kɔ̄ɔ́, nin̄ ətōn̄ gində̄ arjā̰a̰ ō lɔ́r ō. Deē kógə̄ḿ kə́ dan gír ɓē yān gə̄ tə́ kə́ njan əhɔ dɔ nang aĺ gətóo.

1 YÁ̰A̰ GƏ̄ 17:21

Dan nápar de gə̄ malang kə́ dɔ nang tə́ ní, nápar de gə̄ kógə̄ḿ gə̄ kə́ ton̄ tītə̄ Israel gə̄ ndin̄ noó a? I nin̄ ngóy n ī-gān̄g dɔdə́ jī de kə́ Ejiptə gə̄ tə́ ba ī-rāādə́ gír deē yāí gə̄ tə́ ní aĺ a. Ḭ̄ ī-rāā yá̰á̰ kə́ to kɔr kum ngá̰ý gə̄, adə̄ i yá̰á̰ kə́ to ɓōĺ ngá̰ý gə̄, ī-tə̄ɓāń nápar de kə́ rang gə̄ kɔ̄ɔ́ no gír deē yāí gə̄ tə́ adə̄ rīí ɓār̄ ń.

1 MBAN̄G GƏ̄ 8:42

tɔdɔ̄ rīí a ɓār̄ ngá̰ý adə̄ de gə̄ a oōn̄ ō, a oōn̄ najə̄ yā jīí kə́ kə tɔ́gɔ́ ń ə́la kə̄ dɔɔ́ ní ō, ré tə̄rā ní reē tūr̄ kumən sɔɔ̄ kújə́ ń toō ndɔ̄yīneé anī,

NDŪ NAJƏ̄ 4:34

Aké nə́ɓā kógə̄ḿ nāā kɔr̄ deē yān gə̄ kɔ̄ɔ́ ɓá jī madə̄ ba̰ā̰də́ gə̄ tə́ kə ta kūl̄ yá̰a̰ nāā gə̄ ō, yá̰a̰ kɔjə gə̄ ō, yá̰á̰ kə́ yáā gə̄ ō, rɔ̄ɔ̄ kə́ rɔ̄ɔ̄ de gə̄ ō, kə jīn kə́ ngan̄g ngá̰ý ń əla kə̄ dɔɔ́ ní ō, kə yá̰á̰ kə́ to ɓōĺ ngá̰ý gə̄ ō, kɔ̄ɔ́ ɓá tītə̄ ń Kɔ́ɔ̄ɓē Nə́ɓā yāsí rāań adə̄ á̰a̰ī Ejiptə tə́ ní a?

Teē Ngán Israel gə̄ 13:14

Ré ndɔ̄n tə́ ngáńsí gə̄ a dəjen̄sí na ké ā ī-rāāī yá̰á̰ ń toō i tām̄ yā rí tə́ wa anī, ī-téĺ ə́daīdə́ na ɓē kə́ Ejiptə ń sḭḭ̄ i ɓəlo gə̄ kemeé ní Kɔ́ɔ̄ɓē na teē sesí kɔ̄ɔ́ kemeé i kə ta kūl̄ tɔ́gən kə́ dum̄ ta yá̰a̰ malang.

Teē Ngán Israel gə̄ 13:9

Nāā ngeé ń noō ń ā ī-rāāī ní rāā rɔ̄n i yá̰á̰ kə́ yā kadə̄ əgań kemsí dɔ najə̄ tə́, rāā rɔ̄n i tə́ré yá̰á̰ kə́ ə̄ndāī jīsí tə́, aláa nɔtə nosí tə́. A ter̄ kemsí dɔ ndū najə̄ yā Kɔ́ɔ̄ɓē kə́ i gáŕ kadə̄ ɔ́jiī tə́, tɔdɔ̄ i ni n teē sesí kem ɓē kə́ Ejiptə tə́ kɔ̄ɔ́ kə ta kūl̄ tɔ́gən kə́ dum̄ ta yá̰a̰ malang ní.

Teē Ngán Israel gə̄ 6:1

Kɔ́ɔ̄ɓē tél əda Moijə na a a̰a̰ yá̰á̰ ń na n-a n-rāā kə Parao̰ó̰ ní ɓáý. Na n-a n-ɔjə tɔ́gən dɔn tə́ kadə̄ a əya̰ ngán Israel gə̄ kadə̄ a aw̄n̄ ō, kadə̄ a tə̄ɓādə́ dɔ nang yān tə́ kɔ̄ɔ́ ō.

NDŪ NAJƏ̄ 7:19

Ādə̄ əga kemsí dɔ yá̰a̰ nāā kə́ ngan̄g ngá̰ý gə̄ ń reē nāańdə́ adə̄ á̰a̰ī kə kumsí ní ō, dɔ yá̰á̰ kə́ tō ɓōĺ ngá̰ý gə̄ ń ni-rāā tə́ ní ō, ādə̄ əga kemsí dɔ tɔ́gə jīn tə́ ō, jīn kə́ kəla kə̄ dɔɔ́ tə́ ń teēń sesí kɔ̄ɔ́ kem ɓē kə́ Ejiptə tə́ ní ō. Yá̰á̰ ń Kɔ́ɔ̄ɓē Nə́ɓā yāsí rāā sedə́ ní, a rāā kə gír de gə̄ malang ń ī-ɓōlíīdə́ ní.

2 SAMUEL 7:23

I nápar de kə́ rá gə̄ n ton̄ tītə̄ gír deē yāí gə̄ ń i ngán Israel gə̄ ní? Gír de gə̄ kə́ dɔ nang tə́ kə́ ton̄ tītə̄ gír deē yāí gə̄ ń i ngán Israel gə̄ ní gətóo. Ḭ̄ ī-reē ī-gān̄g dɔdə́ jī de gə̄ kə́ Ejiptə tə́ ń i ngé rāādə́ majaĺ gə̄ ní tə́ ō, ī-gān̄g dɔdə́ jī ɓesə̄ gə̄ yā de gə̄ kə́ Ejiptə tə́ ō, ba ī-rāādə́ gír deē yāí gə̄ tə́. Ḭ̄ ī-rāā adə̄ rīdə́ ɓār̄ ngá̰ý, tɔdɔ̄ ī-rāā yá̰á̰ kə́ bo gə̄ aláa kə́ ton̄ ɓōĺ gə̄ tām̄ yādə́ tə́ kem ɓē yāí tə́.

Teē Ngán Israel gə̄ 3:20

Adə̄ m-ā m̄-rāā yá̰á̰ kə́ to kɔr kum kə́ tayā tayā gə̄ yā rɔ̄ɔń kə ɓē yānneé kə ngangá ngá̰ý. Gō tə́ anī a əya̰sí kadə̄ āwī.

NDŪ NAJƏ̄ 11:3

yá̰a̰ gə̄ ń ni-rāā yā kɔjəńsí yá̰á̰ ní ō, kəla rāān gə̄ ō. Ī-gerī yá̰á̰ ń ni-rāā kə mban̄g Parao̰ kem ɓē kə́ Ejiptə tə́ ō, kə dɔ nang yān malang ō,

IJAI 63:12

Dan ń a njə̄rān̄ ní, i ni n əhɔ Moijə kə̄ dɔɔ́ kə jīn kə́ kə tɔ́gɔ́ ní. Ni njar man̄ nodə́ tə́, yā kutə̄ń gidə rɔ̄n kə kɔsə gɔnɔɔ́ kə́ njɔ́ḿ gə̄ tə́.