JEREMI 32:20 - Bibəl ta Sar̄

²⁰ Ḭ̄ ɔ́jə rɔ̄í kə̄ ndágá kem ɓē kə́ Ejiptə i kə yá̰á̰ kə́ to kɔr kum gə̄ kə́ kumdə́ i ngá̰ý ō, ton̄ bátə́ ɓōólaā ō. Tá ḭ̄ ī-rāā ādə̄ rīí ɓār̄ gō nang kə́ Israel tə́ ō, dɔ nang tə́ malang ō, adə̄ ɓōólaā gə̄gē a j-a̰a̰ kə kumjí ɓáý.

Bible sar

²⁰ Ḭ̄ ɔ́jə rɔ̄í kə̄ ndágá kem ɓē kə́ Ejiptə i kə yá̰á̰ kə́ to kɔr kum gə̄ kə́ kumdə́ i ngá̰ý ō, ton̄ bátə́ ɓōólaā ō. Tá ḭ̄ ī-rāā ādə̄ rīí ɓār̄ gō nang kə́ *Israel tə́ ō, dɔ nang tə́ malang ō, adə̄ ɓōólaā gə̄gē a j-a̰a̰ kə kumjí ɓáý.

JEREMI 32:20 Referans Kwoze

NEHEMI 9:10

Ī-rāā yá̰a̰ gə̄ kə́ yā kɔjəń yá̰a̰ gə̄ ō, yá̰á̰ kə́ to kɔr kum gə̄ ō, dɔ Parao̰ tə́ ō, ngé rāā kəla yān gə̄ tə́ ō, de gə̄ malang kə́ kem ɓē yān tə́ gə̄ ō. Tɔdɔ̄ ī-ger̄ kɔjə ń de kə́ Ejiptə tə́ gə̄ ɔjən̄ rɔ̄də́ dɔ kaají gə̄ tə́ ní. Adə̄ rīí ɓār̄ ngá̰ý. Rī ɓār̄ yāí ní to ɓōólaā ɓáý.

KƏLA RĀĀ 7:36

I ni n-teē sedə́ kɔ̄ɔ́ kem ɓē kə́ Ejiptə tə́ ní, tɔdɔ̄ ni-rāā yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, kem ɓē ní tə́ ō, bā ń a ɓārə́n̄ na i bā Kərē ní tə́ ō, kem dəla loo tə́ ɓāl̄ kutə sɔ́ ō.

DANIEL 9:15

Kɔ́ɔ̄ɓē Nə́ɓā yājí, ī-teē kə gír deē yāí gēé kɔ̄ɔ́ kem ɓē kə́ Ejiptə tə́ ta kūl̄ jīí kə́ kə tɔ́gɔ́ ō, i -rāā ādə̄ rīí ɓār̄ tītə̄ ń a ɓārəń ɓōólaā ɓáý ní ō, ba ngɔlaā ní jḭḭ i ngé rāā majaĺ gə̄ ō, ngé kem ndul gə̄ ō.

PĀ GƏ̄ 135:9

Ḭ̄ ɓē kə́ Ejiptə, ni-əla ngé kəla yān gə̄ adə̄ aw̄ rāān̄ yá̰á̰ kə́ yā kɔjəń yá̰a̰ gə̄ ō, yá̰á̰ kə́ to kɔr kum gə̄ ō, ɓēé looí, yā rɔ̄ɔń Parao̰ kə ngé kəla yān gēé malang.

2 SAMUEL 7:23

I nápar de kə́ rá gə̄ n ton̄ tītə̄ gír deē yāí gə̄ ń i ngán Israel gə̄ ní? Gír de gə̄ kə́ dɔ nang tə́ kə́ ton̄ tītə̄ gír deē yāí gə̄ ń i ngán Israel gə̄ ní gətóo. Ḭ̄ ī-reē ī-gān̄g dɔdə́ jī de gə̄ kə́ Ejiptə tə́ ń i ngé rāādə́ majaĺ gə̄ ní tə́ ō, ī-gān̄g dɔdə́ jī ɓesə̄ gə̄ yā de gə̄ kə́ Ejiptə tə́ ō, ba ī-rāādə́ gír deē yāí gə̄ tə́. Ḭ̄ ī-rāā adə̄ rīdə́ ɓār̄ ngá̰ý, tɔdɔ̄ ī-rāā yá̰á̰ kə́ bo gə̄ aláa kə́ ton̄ ɓōĺ gə̄ tām̄ yādə́ tə́ kem ɓē yāí tə́.

Teē Ngán Israel gə̄ 10:2

kadə̄ ə̄niń ngání gə̄ ō, ngán kaaí gə̄ ō, gotə yá̰á̰ ń n-rāā kə de kə́ Ejiptə gə̄ kem ɓē yādə́ tə́ ní ō. Loo ń noō tə́ na ā ī-gerī kadə̄ ni i Kɔ́ɔ̄ɓē.

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

IJAI 63:12

Dan ń a njə̄rān̄ ní, i ni n əhɔ Moijə kə̄ dɔɔ́ kə jīn kə́ kə tɔ́gɔ́ ní. Ni njar man̄ nodə́ tə́, yā kutə̄ń gidə rɔ̄n kə kɔsə gɔnɔɔ́ kə́ njɔ́ḿ gə̄ tə́.

1 YÁ̰A̰ GƏ̄ 17:21

Dan nápar de gə̄ malang kə́ dɔ nang tə́ ní, nápar de gə̄ kógə̄ḿ gə̄ kə́ ton̄ tītə̄ Israel gə̄ ndin̄ noó a? I nin̄ ngóy n ī-gān̄g dɔdə́ jī de kə́ Ejiptə gə̄ tə́ ba ī-rāādə́ gír deē yāí gə̄ tə́ ní aĺ a. Ḭ̄ ī-rāā yá̰á̰ kə́ to kɔr kum ngá̰ý gə̄, adə̄ i yá̰á̰ kə́ to ɓōĺ ngá̰ý gə̄, ī-tə̄ɓāń nápar de kə́ rang gə̄ kɔ̄ɔ́ no gír deē yāí gə̄ tə́ adə̄ rīí ɓār̄ ń.

NDŪ NAJƏ̄ 7:19

Ādə̄ əga kemsí dɔ yá̰a̰ nāā kə́ ngan̄g ngá̰ý gə̄ ń reē nāańdə́ adə̄ á̰a̰ī kə kumsí ní ō, dɔ yá̰á̰ kə́ tō ɓōĺ ngá̰ý gə̄ ń ni-rāā tə́ ní ō, ādə̄ əga kemsí dɔ tɔ́gə jīn tə́ ō, jīn kə́ kəla kə̄ dɔɔ́ tə́ ń teēń sesí kɔ̄ɔ́ kem ɓē kə́ Ejiptə tə́ ní ō. Yá̰á̰ ń Kɔ́ɔ̄ɓē Nə́ɓā yāsí rāā sedə́ ní, a rāā kə gír de gə̄ malang ń ī-ɓōlíīdə́ ní.

NDŪ NAJƏ̄ 6:22

Kɔ́ɔ̄ɓē rāā yá̰á̰ kə́ yā kɔjəń yá̰a̰ gə̄ ō, yá̰á̰ kə́ yáā kə́ to ɓōĺ gə̄ ō, kə́ bo ngá̰ý gə̄ ta kumjí tə́ ənīń yá̰á̰ kə́ to kum kaȳ aĺ dɔ ɓē kə́ Ejiptə tə́ ō, dɔ mban̄g Parao̰ tə́ ō, dɔ ngéén gə̄ tə́ malang ō,

NDŪ NAJƏ̄ 4:34

Aké nə́ɓā kógə̄ḿ nāā kɔr̄ deē yān gə̄ kɔ̄ɔ́ ɓá jī madə̄ ba̰ā̰də́ gə̄ tə́ kə ta kūl̄ yá̰a̰ nāā gə̄ ō, yá̰a̰ kɔjə gə̄ ō, yá̰á̰ kə́ yáā gə̄ ō, rɔ̄ɔ̄ kə́ rɔ̄ɔ̄ de gə̄ ō, kə jīn kə́ ngan̄g ngá̰ý ń əla kə̄ dɔɔ́ ní ō, kə yá̰á̰ kə́ to ɓōĺ ngá̰ý gə̄ ō, kɔ̄ɔ́ ɓá tītə̄ ń Kɔ́ɔ̄ɓē Nə́ɓā yāsí rāań adə̄ á̰a̰ī Ejiptə tə́ ní a?

Teē Ngán Israel gə̄ 7:3

M-ā m̄-rāā kadə̄ Parao̰ a rāā dɔ ngan̄g. M-ā m̄-rāā yá̰á̰ kə́ yáā gə̄ ō, kə́ to kɔr kum gə̄ ō, ngá̰ý dɔ nang kə́ Ejiptə tə́,

Teē Ngán Israel gə̄ 3:20

Adə̄ m-ā m̄-rāā yá̰á̰ kə́ to kɔr kum kə́ tayā tayā gə̄ yā rɔ̄ɔń kə ɓē yānneé kə ngangá ngá̰ý. Gō tə́ anī a əya̰sí kadə̄ āwī.

IJAI 63:14

Kété ní nin̄ ton̄ tītə̄ ɓūtə̄ yá̰a̰ kul̄ kógə̄ḿ kə́ risə kum wól loo tə́ beē. Ndíĺ Kɔ́ɔ̄ɓē ɔrdə́ ta róbə aw̄ sedə́ kum loo kɔr̄ koō kógə̄ḿ tə́. A̰á̰ā̰ Kɔ́ɔ̄ɓē, ḭ̄ ɔ́r no gír deē yāí gə̄ tītə̄ ń noō i yā kutə̄ń gidə rɔ̄í kə kɔsə gɔnɔɔ́!

JEREMI 13:11

M-ə́hɔ de gə̄ malang kə́ gír yā Israel tə́ ō, kə́ gír yā Juda tə́ ō kə̄ rɔ̄ḿ tə́, tītə̄ loo do̰ō̰ ta kūbə̄ lḛ́ḛ ɓōdə̄ tə́ beé. I yā kadə̄ télən̄ gír deē yāḿ gə̄ ō, rī ɓār̄ yāḿ ō, yá̰a̰ tɔ̄ȳ yāḿ ō, yá̰á̰ súū rɔ̄ yāḿ ō, banī usədə́ nin̄ dɔ tə́ alé. Najə̄ ń Kɔ́ɔ̄ɓē əda ní n noó.

NDŪ NAJƏ̄ 11:3

yá̰a̰ gə̄ ń ni-rāā yā kɔjəńsí yá̰á̰ ní ō, kəla rāān gə̄ ō. Ī-gerī yá̰á̰ ń ni-rāā kə mban̄g Parao̰ kem ɓē kə́ Ejiptə tə́ ō, kə dɔ nang yān malang ō,

NEHEMI 9:11

Ī-gān̄g bā bo no ngán Israel gə̄ tə́ adə̄ mānə̄n̄ danaá loo kə́ tutə tə́. Ī-mbə́rē ngé ngɔ̄də̄ gōdə́ gə̄ ī-tə́nādə́ dan ɓūl̄ bā tə́. Nin̄ jə̄ngā aw̄ ndin̄ gír maná tītə̄ mbal̄ beé.

DANIEL 6:28

Ni i nge gān̄g dɔ deē ō, nge kajə deē ō, nge rāā yá̰á̰ kə́ ɔr kum gə̄ ō yá̰á̰ kə́ yáā gə̄ ō, dɔ rā̰ tə́ ō dɔ nang tə́ ō, tɔdɔ̄ i ni n ajə Daniel ta ɓɔl gə̄ tə́ ní.