JEREMI 32:2 - Bibəl ta Sar̄

² Dan ń noō tə́ ní, ɓūtə̄ ngé rɔ̄ɔ̄ yā mban̄g kə́ Babilon tə́ gə̄ gīrə̄n̄ gidə ɓē kə́ Jerusalem, əhɔn̄ Jeremi nge koō ta əndānən̄ i ndágə loo ń ngé ngɔ̄m̄ ta kújə yā mban̄g kə́ Juda tə́ gə̄ ran̄ tū tə́ ní tə́.

Bible sar

² Dan ń noō tə́ ní, ɓūtə̄ ngé rɔ̄ɔ̄ yā mban̄g kə́ *Babilon tə́ gə̄ gīrə̄n̄ gidə ɓē kə́ Jerusalem, əhɔn̄ Jeremi *nge koō ta əndānən̄ i ndágə loo ń ngé ngɔ̄m̄ ta kújə yā mban̄g kə́ Juda tə́ gə̄ ran̄ tū tə́ ní tə́.

JEREMI 32:2 Referans Kwoze

JEREMI 37:21

Tā anī mban̄g Sedekias əda kadə̄ Jeremi rāā dəngáy i ndágə loo ngɔ̄m̄ ta kújə yā mban̄g tə́ ō, kadə̄ kə dɔ ndɔ̄ gə̄ anī kə adə̄nən̄ mápá kə́ gōr̄ kə́ kḭḭ róbə yā ngé kɔr̄ mápa gə̄ tə́ bátə́ kadə̄ mápa təgāń kɔ̄ɔ́ kem ɓēé malang. I beé n Jeremi ndiń ndágə loo ngɔ̄m̄ ta kújə yā mban̄g tə́ ní.

NEHEMI 3:25

Deē ń rāā kəla kadə Binui tə́ ní i Palal kə́ ngōn̄ Ujai. Ni-rāā i loo kə́ dɔ dáń kíl ndogə̄ mbal̄ tə́ kə kújə́ kə́ n gāl̄ ɓururu kə̄ dɔɔ́ ń ra kə̄ kété no kújə yā mban̄g tə́, kadə ndágə loo kə́ ta kújə dəngáý tə́ ní. Deē ń rāā kəla kadə Palal tə́ ní i Pedaya kə́ ngōn̄ Paros.

JEREMI 38:6

Nin̄ əhɔn̄ Jeremi, ba ənīnən̄ kem bəlo taā man̄ yā Malkiya kə́ ngōn̄ ngār tə́. Bəlo ní i ndágə loo ngɔ̄m̄ ta kújə yā mban̄g tə́. Əlan̄ Jeremi bəloó i kə kəlaá. Man̄ gətóo kemeé, ba i bɔr ngóy, adə̄ Jeremi dubə̄ tū tə́.

JEREMI 33:1

Kɔ́ɔ̄ɓē ɔr̄ najə̄ kə Jeremi nja kə́ nge ko̰ jōó, dan ń ni i ndágə loo ngɔ̄m̄ ta kújə yā mban̄g tə́ ɓáý ní, ədan na:

JEREMI 32:8

Tītə̄ ń Kɔ́ɔ̄ɓē ədamə̄ń ní, ngōn̄ nānə̄ḿ Hanamel reē rɔ̄ḿ tə́ ndágə loo ngɔ̄m̄ ta kújə yā mban̄g tə́ ba ədam̄ na: Ī-mang ndɔr̄ yāḿ kə́ Anatot tə́ ń i gō nang yā Benjamḛ tə́ ní. Tɔdɔ̄ sɔɔ̄ i dɔí ḭ̄ ō, majə kadə̄ i ḭ̄ n ə́nge ō. Ní ī-mang ndɔr̄ ní. Tā anī m̄-ger̄ kadə̄ i Kɔ́ɔ̄ɓē n ɔr̄ najə̄ seḿ ní.

MATIYE 5:12

Ī-rāāī rɔ̄nel̄ ō, ḭ́ḭḭ̄ bal walya ō, tɔdɔ̄ yá̰a̰ kəndā nja yāsí kə́ dɔ rā̰ tə́ ní i yá̰á̰ kə́ sḛ́ý beē tə́ aĺ bátə́, tɔdɔ̄ rāān̄ kum ngé koō ta gə̄ ń nin̄ i kété nosí tə́ ní ndoō tə́ i tītə̄ ń noō ō.

JEREMI 36:5

Gō tə́ anī Jeremi əda Baruk na: Yá̰á̰ kógə̄ḿ ɔgə̄m̄ kaw̄ kem kújə yā Kɔ́ɔ̄ɓē tə́ adə̄ m-ásə kaw̄ alé.

JEREMI 32:3

Sedekias, mban̄g kə́ Juda əhɔn dəngáy adə̄ ndi i loo ń noō tə́ tɔdɔ̄ əda na: I tām̄ rí tə́ á ɔ̄r̄ najə̄ gə̄ ń toō ə́da na: Kɔ́ɔ̄ɓē ɔr̄ najə̄ i tītə̄ ń toō beé: M-ā m-ə́la ɓē ń toō gíŕ tɔ́gə yā mban̄g kə́ Babilon tə́, ni a taā ɓē ní kɔ̄ɔ́ ní?

PĀ GƏ̄ 88:8

Ḭ̄ ī-bə̄gā wōn̄g yāí dɔḿ tə́. Ī-taā tɔ́gə́ḿ kə bəngál man̄ yāí gēé.

JEREMI 34:1

Kɔ́ɔ̄ɓē ɔr̄ najə̄ kə Jeremi dan ń Nabukodonosor, mban̄g kə́ Babilon ō, ɓūtə̄ ngé rɔ̄ɔ̄ yān gə̄ malang ō, ənīn̄neé ɓē kə́ Jerusalem ō, ɓē gə̄ malang ń gīrə̄n̄ gidən ní ō rɔ̄ɔ̄ ní. Nabukodonosor ənīdə́ rɔ̄ɔ̄ naā tə́ kə ɓē ko̰o̰ gə̄ malang ń, ənīn̄ rɔ̄ɔ̄ Jerusalem ō, ɓē gə̄ malang ń a o̰o̰ ɓē dɔ tə́ ní ō kə gír de gə̄ malang ō.

JEREMI 37:4

Jeremi njə̄rā mbənā de gə̄ tə́ aw̄ ō tél ō. Deē ənīn dəngáyá alé.

JEREMI 38:13

Nin̄ ndɔ́rə̄n̄ Jeremi kə kəlāá teēn̄ seneé kɔ̄ɔ́ kem bəlo taā man̄ ndī tə́. Jeremi ndi ndágə loo ngɔ̄m̄ ta kújə yā mban̄g tə́.

2 MBAN̄G 25:1

Kem ɓāl̄ ko̰o̰ ɓē yā Sedekias kə́ nge ko̰ ndōhó tə́, kə ndɔ̄ nāā kə́ nge ko̰ kutə yā nāā kə́ nge ko̰ kutə kógə̄ḿ tə́ anī, Nabukodonosor mban̄g kə́ Babilon reē kə ɓūtə̄ áskar yān gēé malang yā rɔ̄ɔń ɓē kə́ Jerusalem. Ni əndā gérger yān adə̄ sɔɔ̄ ta ɓē. De kə́ Babilon gə̄ ndērə̄n̄ bəlo adə̄ gīr̄ gidə ɓē.

JEREMI 37:15

Wōn̄g rāā de kə́ bo gə̄ ní adə̄ əndan̄ Jeremi ō, əlanən̄ dəngáyá kem kújə yā Yonatan, nge ndang makətūbə̄ tə́ ō. Nin̄ rāān̄ kújə yān ní i kújə dəngáý tə́.