JEREMI 32:18 - Bibəl ta Sar̄

¹⁸ I ḭ̄ n ī-rāā majə kə de gēé bátə́ ugə̄ń dɔ gír kojə kə́ nge ko̰ dūbú tə́ ní, ba ḭ̄ ī-rāā ādə̄ ngán gə̄ əgān̄ kə̄rā majaĺ yā bɔbə̄də́ gə̄ ō. Nə́ɓā kə́ bo, go̰ rɔ̄ɔ̄ kə́ ɔl watang, rīí na i Kɔ́ɔ̄ɓē kə́ bo kə́ tɔ́gən i ngá̰ý.

Bible sar

¹⁸ I ḭ̄ n ī-rāā majə kə de gēé bátə́ ugə̄ń dɔ gír kojə kə́ nge ko̰ dūbú tə́ ní, ba ḭ̄ ī-rāā ādə̄ ngán gə̄ əgān̄ kə̄rā majaĺ yā bɔbə̄də́ gə̄ ō. Nə́ɓā kə́ bo, go̰ rɔ̄ɔ̄ kə́ ɔl watang, rīí na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 32:18 Referans Kwoze

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

Teē Ngán Israel gə̄ 34:7

M-ā m̄-rāā majə kə de gēé ō, kə ngáńdə́ gēé ō, bátə́ ugə̄ń dɔ gír kojə yādə́ kə́ nge ko̰ dūbú tə́ ō, tɔdɔ̄ m-ā m̄-tə́gā taḿ dɔ yá̰á̰ kə́ gōtə́ aĺ gə̄ ń a rāān̄ tə́ ní ō, dɔ mbātə́ najə̄ yādə́ gə̄ tə́ ō, majaĺ yādə́ gə̄ tə́ ō. Banī deē ń najə̄ i dɔn tə́ ní, m-ā m̄-rāān de kə́ najə̄ gətóo dɔn tə́ tə́ alé. Deē ń rāā majaĺ ní, m-ā m-ə́ndá ngánən gə̄ ō, ngán kaan gə̄ ō, kaa gugūn gə̄ ō, kaa dɔgən gə̄ ō, tām̄ majaĺ ní tə́.

MATIYE 27:25

Anī kósə de gə̄ malang tél ədan̄ na: Ādə̄ mósən əsō dɔjí tə́ ō, dɔ ngáńjí gə̄ tə́ ō!

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 10:21

Gotə gə̄ ń a na̰yn̄ ní a télən̄ yā reē. A̰á̰ā̰, gotə Israel gə̄ ń a na̰yn̄ ní a tūrə̄n̄ rɔ̄də́ kə̄ rɔ̄ Nə́ɓā kə́ tɔ́gən to tə́

IJAI 9:6

Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.

NDŪ NAJƏ̄ 10:17

Tɔdɔ̄ i Kɔ́ɔ̄ɓē Nə́ɓā yāsí n i Nə́ɓā yā nə́ɓā gə̄ ō, Kɔ́ɔ̄ɓē yā kɔ́ɔ̄ ɓē gə̄ ō ní. Ni i Nə́ɓā kə́ bo ō, tɔ́gən i ngá̰ý ō, to ɓōĺ ngá̰ý ō, a sāā ger̄ ta kum deē tá yā rāań majə seneé aĺ ō, ni i nge mbātə́ yá̰á̰ kə́ kəla nang tə́ kadə̄ deē kadə̄ rāań yá̰a̰ ō.

TƏ́DA 14:18

Kɔ́ɔ̄ɓē i de kə́ nge rāā wōn̄g láẃ aĺ ō, nge rāā kem majə ngá̰ý ō, nge kəndā njan dɔ yá̰á̰ kə́ gōtə́ aĺ kə́ deē rāā tə́ ō, dɔ dum̄ naā yā deē tə́ ō. Banī deē ń najə̄ əhɔn̄ ní, a mbəre najə̄ dɔn tə́ kɔ̄ɔ́ aĺ ō, yá̰á̰ kə́ majaĺ gə̄ ń bəra ngán gə̄ rāān̄ ní, a ənda ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō najə̄n tə́.

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

NEHEMI 1:5

m-ə́da na: Á, Kɔ́ɔ̄ɓē Nə́ɓā kə́ dɔ rā̰ tə́, Nə́ɓā kə́ bo ō, kə́ to ɓōĺ ngá̰ý ō! Ngé gə̄ ń tár̄nī ō, rāān̄ gō míndə gə̄ ń ə̄ndā dɔdə́ tə́ kadə̄ rāān̄ ní ō ní, ḭ̄ ə́ya̰ madə̄ naā yāí ādə̄ to gotoó sedə́ ō, ī-ra dɔ ndūí tə́ sedə́ ō.

2 MBAN̄G 9:26

Kɔ́ɔ̄ɓē əda bɔbə̄n kété na mósə Nabot nin̄ kə ngánən gēé ní na n-a̰ā̰. N-a̰ā̰ na i joó ngá̰ý alé. Na n-a n-rāā seneé kadə̄ əgā kə̄rān kem ndɔr̄ nəkɔ́ ń toō tə́. Yehu əda ɓáý to̰ na: I beé ní ún Joram ə̄nīn kem ndɔr̄ ń toō tə́, tītə̄ ń Kɔ́ɔ̄ɓē ədań ní.

JEREMI 31:35

Kɔ́ɔ̄ɓē ń rāā mbang tām̄ kadə̄ loo kə́ kadaá unjə̄ń ō, Kɔ́ɔ̄ɓē ń rāā nāā ō tə́yō̰ gə̄ ō, kə gō naá majə kadə̄ loo kə́ ndɔ̄ɔ́ unjə̄ń ō, Kɔ́ɔ̄ɓē ń əla jīn kum man̄ bā bo tə́ anī i kōō bəngál man̄ gə̄ n ɓārə̄n̄ ō ní, rīn na i Kɔ́ɔ̄ɓē kə́ bo kə́ tɔ́gən i ngá̰ý.

PĀ GƏ̄ 50:1

I pā yā Asap. Nə́ɓā, Nə́ɓā ń i Kɔ́ɔ̄ɓē ní, ɔr̄ najə̄. Ni ɓāŕ dɔ nang, əla gír loo ń mbang a əɓa tū tə́ ní, bátə́ loo ń mbang a udə tū tə́ ní.

NDŪ NAJƏ̄ 7:21

Ī-lōōī ndebə ta kumdə́ tə́, tɔdɔ̄ Kɔ́ɔ̄ɓē Nə́ɓā yāsí ń i Nə́ɓā kə́ bo ō, to ɓōĺ ngá̰ý ō ní i sesí.

TA KƏLA 49:24

ba ga̰ gərā yān ngan̄g. Nə́ɓā kə́ nge tɔ́gə yā Jakob rāā adə̄ jī Jəjep ənge tɔ́gə. I tītə̄ ń noō n ni téləń nge ngɔ̄m̄ yá̰a̰ kul̄ gə̄ ō, mbal̄ ń Israel ndə̄nā rɔ̄n tū tə́ ní ō.

Najə̄ kə́ Majə yā Jeju ń Luk ndang ní 6:38

Ādī madə̄sí gə̄ yá̰á̰ ń ndoōn rāādə́ ní anī Nə́ɓā a adə̄sí yá̰á̰ ń ndoōn rāāsí ní, a ɔjən̄ kadə̄ majə ō, a əren̄ ō, a yéȳn̄ ō, a rə̄ɓā ō, pá tá a ɓōkə́n̄ ta kūbə̄ yāsí tə́. Tɔdɔ̄ a mbɔ̄jə́n̄ yá̰a̰ yā kadə̄sí i kə kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī madə̄sí gə̄ ní.

Teē Ngán Israel gə̄ 34:6

Kɔ́ɔ̄ɓē mān̄ no Moijə tə́, anī əda kə ndū boó na: Mā i Kɔ́ɔ̄ɓē, mā i Kɔ́ɔ̄ɓē. Mā i Nə́ɓā kə́ kumḿ a o̰o̰m̄ kə deé ō, kə́ m-á̰a̰ kum tō ndoō yā deē ō, kə́ m-ā m̄-rāā wōn̄g láẃ aĺ ō, mā m̄-rāā kem majə ngá̰ý ō, mā i de kə́ m̄-ra dɔ ndūḿ tə́ ō.

JEREMI 10:6

Kɔ́ɔ̄ɓē, de kə́ tītīí ḭ̄ gətóo. Ḭ̄ i de kə́ bo ō, rīí ɓār̄ ngá̰ý dɔ yá̰a̰ gə̄ ń ī-rāā tə́ ní ō.

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.

JEREMI 50:34

Ba nge rɔ̄ɔ̄ dɔdə́ tə́ tɔ́gən ngan̄g ngá̰ý, rīn na i Kɔ́ɔ̄ɓē kə́ bo kə́ tɔ́gən i ngá̰ý. Ni-ɔr̄ najə̄ kə́ tām̄ yādə́ tə́ kə ngangá ngá̰ý yā rāań kadə̄ ɓē tél ndi lɔm gogə́ ō, yā kəlań ɓōĺ kem Babilon gə̄ tə́ ō.

DANIEL 2:45

Ngōn̄ mbal̄ ń rəte kanjə̄ kadə̄ jī deē ɔdən ba reē tɔ̄ɔ̄ gində̄ ō, gində̄ nə̄ngā kasə ō, nánjə ō, gində̄ arjā̰a̰ ō, lɔ́r ō, á á̰a̰ā̰ ní ɔjə i gō yá̰á̰ ń noō. Kɔ́ɔ̄ ɓē gə̄, Nə́ɓā kə́ bo ɔjiī i yá̰á̰ ń a rāā yā reē ní. Nī ní i nī kə́ rɔ̄kum ō, kumən ń m-ɔ́jiī ní asə kadə̄ deē taā kem ō.

PĀ GƏ̄ 89:9

Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, Kɔ́ɔ̄ɓē, i náā n ngan̄g tītīí? Yá̰á̰ kə́ rɔ̄kum gīr̄ gidií.

JEREMI 33:2

Kɔ́ɔ̄ɓē ń rāā dɔ nang ō, Kɔ́ɔ̄ɓē ń rāān adə̄ ra ngan̄g ō, ni ń rīn na i Kɔ́ɔ̄ɓē ní, ɔr̄ najə̄ i tītə̄ ń toō beé: