JEREMI 32:17 - Bibəl ta Sar̄

¹⁷ Á Kɔ́ɔ̄ɓē Nə́ɓā, i ḭ̄ n ī-rāā dɔ rā̰ ō, dɔ nang ō, kə ta kūl̄ tɔ́gí kə́ ngá̰ý ɔ́jəń tɔ́gí kə̄ ndágá ní. Yá̰á̰ kə́ dum̄ tɔ́gí gətóo.

Bible sar

¹⁷ Á Kɔ́ɔ̄ɓē Nə́ɓā, i ḭ̄ n ī-rāā dɔ rā̰ ō, dɔ nang ō, kə ta kūl̄ tɔ́gí kə́ ngá̰ý ɔ́jəń tɔ́gí kə̄ ndágá ní. Yá̰á̰ kə́ dum̄ tɔ́gí gətóo.

JEREMI 32:17 Referans Kwoze

Najə̄ kə́ Majə yā Jeju ń Luk ndang ní 1:37

Tɔdɔ̄ yá̰á̰ kə́ dum̄ Nə́ɓā gətóo.

JEREMI 32:27

Mā Kɔ́ɔ̄ɓē i Nə́ɓā yā de gə̄ malang. Yá̰á̰ kə́ yā dum̄ taḿ i rí?

TA KƏLA 18:14

Yá̰á̰ kə́rēý kə́ dum̄ Nə́ɓā i noó a? Ɓāl̄ kə́ gogə́ tə́ m-ā m̄-tél yā reē ɓēé looí, ɓáa Sara a aw̄ kə ngōn̄ kə́ dəngam kógə̄ḿ jīn tə́.

Makətūbə̄ yā Job 42:2

m̄-ger̄ kadə̄ ásə rāā yá̰a̰ malang ō, yá̰á̰ kə́ núm̄ rāā kə́ dum̄ tɔ́gí gətóo ō.

MATIYE 19:26

Jeju əndā kumən dɔdə́ tə́ a̰a̰də́ ba ədadə́ na: A dum̄ de gə̄, banī yá̰á̰ kə́ dum̄ Nə́ɓā gətóo.

Teē Ngán Israel gə̄ 20:11

Tɔdɔ̄ dɔ rā̰ ō, dɔ nang ō, bā bo ō, yá̰a̰ malang kə́ tū tə́ gə̄ ō ní, m̄-rāādə́ i kem ndɔ̄ mehḛ́, ba m-ɔ̄r̄ koō i kə ndɔ̄ kə́ nge ko̰ sīrí. I tām̄ najə̄ ń noō tə́ n mā Kɔ́ɔ̄ɓē m-ə́dań najə̄ kə́ majə dɔ ndɔ̄ sabat tə́ ō, m̄-ndigəń kadə̄ ɔr̄nən̄ tayā tām̄ yāḿ tə́ ō ní.

JEREMI 27:5

I mā n m̄-rāā dɔ nang ō, de gə̄ ō, dā̰ gə̄ ō, kə́ tū tə́ ní. m̄-rāādə́ kə tɔ́gə́ḿ kə́ ngá̰ý, m-ɔ́jəń tɔ́gə́ḿ kə̄ ndágá ní. Deē nəkɔ́ ń kemḿ ndigə anī m-ādə̄n dɔ nang ní karī.

Najə̄ kə́ Majə yā Jeju ń Luk ndang ní 18:27

Anī Jeju əda na: A dum̄ de gə̄ banī yá̰á̰ kə́ dum̄ Nə́ɓā gətóo.

2 MBAN̄G 19:15

ba ndɔ̄ȳ əda na: Kɔ́ɔ̄ɓē Nə́ɓā yā Israel, ḭ̄ ń ī-ndi dɔɔ́ dɔ ngé ngɔ̄m̄ loo kə́ dɔ rā̰ tə́ gə̄ tə́ ní, i ḭ̄ kógə̄ḿ beē ngóy n i Nə́ɓā kə́ tām̄ yā ɓē ko̰o̰ gə̄ malang kə́ dɔ nang tə́ tə́, tām̄ i ḭ̄ n ī-rāā dɔ rā̰ ō, dɔ nang ō ní.

IJAI 45:12

I mā n m̄-rāā dɔ nang ō, de gə̄ ń ndin̄ tū tə́ ní ō. I mā n m̄-tḛḛ̄ kem dɔ rā̰ ō, i mā n i nge kəda ɓūtə̄ tə́yō̰ kə́ ngá̰ý gə̄ yá̰á̰ kə́ kadə̄ rāān̄ ō ní.

JEJU TEĒ KUM JA̰A̰ 4:11

Kɔ́ɔ̄ɓē Nə́ɓā yājí, ḭ̄ ásə kadə̄ ɔsən̄ gɔnií ō, rɔȳnī ō, ásə kənge tɔ́gə ō, tɔdɔ̄ i ḭ̄ n ī-rāā yá̰a̰ malang ní. Ḭ̄ ī-gḛy kadə̄ yá̰a̰ gə̄ ton̄ anī, yá̰a̰ gə̄ ní i kə́ kəndādə́.

PĀ GƏ̄ 102:25

Adə̄ m-ə́da na: Nə́ɓā yāḿ, ī-lōō kunəm̄ kɔ̄ɔ́ dan ń ɓālə̄ḿ ugə̄ kə̄ danaá ɓáý ní! Ḭ̄ ā ī-ndi i kə dɔ ɓāl̄ gə̄ malang.

JEREMI 51:15

Ni-rāā dɔ nang kə ta kūl̄ tɔ́gəneé ō, əndā yá̰a̰ gə̄ malang kə kum kedə̄ yānneé ō, teē kem dɔ rā̰ kə̄ gogə́ kə gō ger̄ yá̰a̰ yānneé ō.

NEHEMI 9:6

I īkɔ́ ngóy kal kógə̄ḿ beē n i Kɔ́ɔ̄ɓē ní! I ḭ̄ n ī-rāā dɔ rā̰ adə̄ bo ngá̰ý ní ō, i ḭ̄ n ī-rāā tə́yō̰ gə̄ malang kə́ dɔ rā̰ tə́ ō, i ḭ̄ n ī-rāā dɔ nang kə yá̰a̰ malang kə́ tū tə́ ō, bā bo gə̄ kə yá̰a̰ malang kə́ kum tə́ gə̄ ō ní. I ḭ̄ n ī-rāā ādə̄ yá̰a̰ gə̄ ń noō malang ndin̄ kə kumdə́ ní ō, i ḭ̄ n yá̰a̰ malang kə́ dɔ rā̰ tə́ a əsō kə̄ nang tə́ a rɔyī ō ní.

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

DANIEL 2:22

I ni n i nge teē kə gíŕ yá̰a̰ kə́ lú ngá̰ý gēé dɔɔ́ ō, yá̰á̰ kə́ to loo mundə̄ tə́ gə̄ ndágá ō ní. Ni ger̄ yá̰á̰ kə́ kum til tə́ ō, loo kə́ unjə̄ kow ndi i rɔ̄n tə́ ō.

JEREMI 51:19

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír ɓē ń i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 1:6

M-ə́da na: Á! Kɔ́ɔ̄ɓē Nə́ɓā, m̄-ger̄ kɔr̄ najə̄ alé, mā i ngōn̄ ngá̰ý ɓáý.

JEREMI 14:13

m̄-téĺ m-ə́da na: Á, Kɔ́ɔ̄ɓē Nə́ɓā, yá̰á̰ ń ngé koō ta gə̄ ədan̄də́ ní n toó: Sḭḭ̄ ā á̰a̰ī kaskar aĺ ō, ɓō a rāāsí aĺ ō. Banī m-ādə̄ ā ī-ndiī majə rɔ̄kum loo ń toō tə́.

KƏLA RĀĀ 17:24

Nə́ɓā ń rāā dɔ rā̰ ō, dɔ nang ō, yá̰a̰ malang kə́ tū tə́ ō ní, ni i Kɔ́ɔ̄ɓē dɔ rā̰ tə́ ō dɔ nang tə́ ō. Tá kújə gə̄ ń de gə̄ rāān̄ kə jīdə́ tām̄ yān tə́ ní, ni-ndi kemeé aĺ ō.

KƏLA RĀĀ 15:18

Najə̄ ń Kɔ́ɔ̄ɓē əda ní n noó, ni ń i nge rāā kadə̄ gerə̄n̄ yá̰á̰ gə̄ ń toō i jóó ngá̰ý ní.

KƏLA RĀĀ 14:15

Nin̄-əgan̄ kɔŕ ngá̰ý ədan̄ na: Madə̄jí gə̄, ā ī-rāāī i rí kə beē? Jḭḭ i deē ndul gə̄ kə́ jə-to tītə̄sí ō! Najə̄ kə́ Majə ń j-ədasí ní, i yā kadə̄ ə́ya̰īneé ɓesə̄ kə́ kanjə̄ kumən gə̄ ń toō kɔ̄ɔ́, ba kadə̄ ī-tūrīneé rɔ̄sí kə̄ rɔ̄ Nə́ɓā kə́ ndi kə kumneé tə́, ni ń rāā dɔ rā̰ ō, dɔ nang ō, bā bo ō, yá̰a̰ malang kə́ tū tə́ ō ní.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

EJEKIEL 11:13

Dan ń m̄-rā m-ā m-ə́da najə̄ ń toō ń Kɔ́ɔ̄ɓē taḿ tə́ ní anī, Pelatia kə́ ngōn̄ Benaya gān̄g dɔɔ́ oy. M-ə̄sō m̄-séw kumḿ nang tə́ ō, m-ə́ga kɔŕ ō, m-ə́da na: Á! Kɔ́ɔ̄ɓē Nə́ɓā, adə̄ gotə ngán Israel gə̄ ń na̰yn̄ ní, ā ī-rāādə́ kadə̄ oyn̄ malang a?

EJEKIEL 9:8

Adə̄ nin̄ aw̄n̄ tɔ̄l̄ de kə́ kem ɓēé gə̄ tə́. Dan ń nin̄ na̰yn̄ kə̄ loo tɔ̄l̄ de gə̄ tə́ ní, m̄-rā i kə kérə́ḿ. M-ɔ́sə kejəḿ nang tə́ ō, m-ɔ́sə noḿ nang tə́ ō, ba m-ə́ga kɔŕ, m-ə́da na: Aa Kɔ́ɔ̄ɓē Nə́ɓā, dan ń ī-bə̄gā wōn̄g yāí kə́ ngá̰ý dɔ ɓē kə́ Jerusalem tə́ beé ní, gotə Israel gə̄ ń a na̰yn̄ ní ā ī-tɔ̄l̄də́ kɔ̄ɔ́ malang a?

JEREMI 4:10

M-ə́da na: Aa, Kɔ́ɔ̄ɓē Nə́ɓā, kə́ rɔ̄kum tə́ ní, ḭ̄ ī-gól̄ gír de gə̄ ń toō dan ń ḭ̄ ə́dádə́ na: A əngen̄ lɔm ní, tɔdɔ̄ jə-to dan koy yo kaskar tə́ ɓáý.

MARK 10:27

Jeju əndā kumən dɔdə́ tə́, ba ədadə́ na: A dum̄ de gə̄, banī a dum̄ Nə́ɓā alé, tɔdɔ̄ yá̰á̰ kə́ dum̄ Nə́ɓā gətóo.

2 MBAN̄G 3:18

Ba nge ń noō i yá̰á̰ kə́ ngá̰ý ta kum Kɔ́ɔ̄ɓē tə́ aĺ ɓáý, tɔdɔ̄ a əla Moab gə̄ kem jīsí tə́ ō.

PĀ GƏ̄ 136:12

Teē sedə́ kɔ̄ɔ́ kə tɔ́gə jīn ń əla kə̄ dɔɔ́ ní, tɔdɔ̄ kem majə yān to ngándáńg.

IJAI 59:1

Kɔ́ɔ̄ɓē ní tɔ́gə jīn gətóó ngá̰ý al̄ naā á ni asə kajəsí aĺ alé, nge ń noō ní to i kə̄ dɔ ndágá kadə̄ i rɔ̄kum. Mbīn mbóó ngá̰ý á asə koō najə̄ yāsí aĺ alé.

JEREMI 21:2

Ōō najə̄ ta Kɔ́ɔ̄ɓē tə́ tām̄ yājí tə́, tɔdɔ̄ Nabukodonosor, mban̄g kə́ Babilon ənījí rɔ̄ɔ̄, majanī Kɔ́ɔ̄ɓē a tél yā rāā yá̰á̰ kə́ yáā yān kógə̄ḿ tām̄ yājí tə́, yā tə̄ɓānneé kə gérger yānneé. Tā anī, Kɔ́ɔ̄ɓē ɔr̄ najə̄ kə Jeremi.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.

DANIEL 6:20

Mban̄g ḭḭ dɔɔ́ kə gír looí ɓatə ba aw̄ láẃ ta bəlo ɓɔl gə̄ tə́.

JAKARI 8:6

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: Tām̄ yā ngán Israel gə̄ ń teēn̄ ta yo tə́ ní, a to i tītə̄ yá̰á̰ kə́ deē asə rāā aĺ beē. Banī mā ń i Kɔ́ɔ̄ɓē kə́ bo kə́ tɔ́gən i ngá̰ý ní, kə m-á̰ā̰ tītə̄ kə́ i yá̰á̰ kə́ deē asə rāā aĺ beē a?

TƏ́DA 11:23

Kɔ́ɔ̄ɓē tél əda Moijə na: Tɔ́gə́ Kɔ́ɔ̄ɓē asə aĺ a? Ń toō ní ā á̰a̰ā̰ ké najə̄ ń m-ə́daī ní a rāā yá̰a̰ aké a rāā yá̰a̰ aĺ wa.