JEREMI 32:10 - Bibəl ta Sar̄

¹⁰ m̄-ndang makətūbə̄ kə́ ɔjə dɔ loo ń m̄-mang ní, ba m-ə̄ndā tambō̰o̰ tū tə́, ta kum de gə̄ ń m̄-ɓāŕdə́ kadə̄ reēn̄ kum tə́ ní. m̄-mbɔ̄jə́ kɔȳ nar ní dɔ yá̰a̰ mbɔ̄jə́ kɔȳ yá̰á̰ tə́.

Bible sar

¹⁰ m̄-ndang makətūbə̄ kə́ ɔjə dɔ loo ń m̄-mang ní, ba m-ə̄ndā *tambō̰o̰ tū tə́, ta kum de gə̄ ń m̄-ɓāŕdə́ kadə̄ reēn̄ kum tə́ ní. m̄-mbɔ̄jə́ kɔȳ nar ní dɔ yá̰a̰ mbɔ̄jə́ kɔȳ yá̰á̰ tə́.

JEREMI 32:10 Referans Kwoze

JEREMI 32:44

A mbɔ̄jə́n̄ nar yā mangəń loo ndɔr̄ gə̄ ō, a ndangən̄ makətūbə̄ kə́ ɔjə dɔ ō, a ɓārə́n̄ de gə̄ kadə̄ nin̄ i kə́ kum tə́ yā kəndāń tambō̰o̰ tū makətūbə̄ ní tə́ ō. A ḭḭn̄ i kem ɓē gə̄ kə́ Juda tə́ ō, kem ngé kə́ dɔ mbalá gə̄ tə́ ō, ngé kə́ mbal̄ bo gətóo tū tə́ gə̄ tə́ ō, ngé kə́ Negeb tə́ gə̄ ō n a reēn̄ ní. Tɔdɔ̄ m-ā m̄-tél yā kəndādə́ kijə. Najə̄ ń Kɔ́ɔ̄ɓē əda ní n noó.

JEREMI 32:12

Baruk, ngōn̄ Neriya kə́ ngōn̄ Maseya, makətūbə̄ mang naā ndɔr̄ ní ta kum Hanamel kə́ ngōn̄ nānə̄ḿ tə́ ō, ta kum de kə́ kum tə́ gə̄ ń əndān̄ jīdə́ gír makətūbə̄ ní tə́ ō, ta kum de gə̄ malang kə́ Juda tə́ ń ran̄ ndágə loo ngɔ̄m̄ ta kújə yā mban̄g tə́ ní ō.

JEREMI 32:25

Kɔ́ɔ̄ɓē Nə́ɓā, ḭ̄ ī-ger̄ majə kadə̄ ɓē a əsō kem jī Kalde gə̄ tə́, ba i tām̄ rí tə́ á ī-mērə̄m̄ mbɔ̄jə́ nar ta kum de kə́ kum tə́ gə̄ tə́ yā mangəń loo ndɔr̄ ní?

IJAI 44:5

Nge kə́rēý a əda na: Mā i deē yā Kɔ́ɔ̄ɓē, nge kə́ rang a əda na: Mā i de kə́ kem kojə yā Jakob tə́. Nge kə́ rang ɓáý to̰ a ndang gidə jīn tə́ na: Mā i yá̰a̰ yā Kɔ́ɔ̄ɓē, ō ni a əndā rī Israel dɔn tə́ ō.

Makətūbə̄ yā Job 14:17

Ḭ̄ ī-tūr̄ mbātə́ najə̄ yāḿ gə̄ kem ngɔngɔɔ́ ba ūtə̄ ta ō, yá̰á̰ kə́ gōtə́ aĺ ń m̄-rāā ní, ī-utə̄ gidə kə hō̰rō̰ó̰ kɔ̄ɔ́.

NDŪ NAJƏ̄ 32:34

Yá̰á̰ ń mā Kɔ́ɔ̄ɓē m-ə̄ndā dɔ danaá jəke loo mundə̄ tə́ ní n toó, yá̰á̰ ń m̄-ngɔ̄m̄ tām̄ yādə́ tə́ ní n toó.

JEJU TEĒ KUM JA̰A̰ 9:4

Ɔgə̄n̄də́ rāā yá̰á̰ kə́ majaĺ kə mu kə́ dɔ nang tə́ ō, kə mbī yá̰á̰ kə́ mbōl̄ ō, kə kāgāá ō, banī de gə̄ ń mbō̰ yā Nə́ɓā gətóo nodə́ tə́ ní tá kə rāān̄də́ yá̰á̰ kə́ majaĺ.

JEJU TEĒ KUM JA̰A̰ 7:2

Anī m-á̰a̰ de kə́ dɔ rā̰ tə́ kógə̄ḿ kə́ rang ḭḭ gír ɓē tə́. Ni-əhɔ mbō̰ yā Nə́ɓā kə́ ndi kə kumneé jīn tə́. Ni əga kɔŕ ngá̰ý ədań de kə́ dɔ rā̰ tə́ kə́ sɔ́ gə̄ ń adə̄n̄də́ kadə̄ nujən̄ dɔ nang ō, bā bo ō ní na:

EPEJƏ 4:30

Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

EPEJƏ 1:13

Dan ń sḭḭ̄ ōōī najə̄ kə́ rɔ̄kum, adə̄ i Najə̄ kə́ Majə ń ajəsí ní anī, sḭḭ̄ ī-taāī kem Kərist ō. Loo ń noō tə́ Nə́ɓā əndā tə́ré yá̰á̰ kə́ ɔjə kadə̄ sḭḭ̄ i deē yān gə̄ rɔ̄sí tə́, ba tə́ré yá̰á̰ ní i Ndíĺ kə́ Táĺ ń ni-adə̄sí kə gō ń ni-ənīń ndūn ní.

2 KORḚNTƏ 1:22

Ni-əndā tə́ré yá̰á̰ kógə̄ḿ rɔ̄jí tə́ yā kɔjəń kadə̄ jḭḭ i deē yān gə̄ ō, adə̄jí Ndíĺ kə́ Táĺ kemjí tə́ tītə̄ yá̰a̰ kəhɔ gātə̄jí beē, yā kɔjəńjí kadə̄ na n-adə̄jí yá̰á̰ kə́ majə gə̄ ń ni ngɔ̄m̄ tām̄ yājí tə́ ní rɔ̄kum ō.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

JA̰A̰ 3:33

Deē ń ndigə koō najə̄ kə́ kum tə́ yān ní, kɔ́ɔ̄ a ndigə i gōn tə́ kadə̄ Nə́ɓā i nge kəda najə̄ kə́ rɔ̄kum.

DANIEL 8:26

Banī yá̰á̰ kə́ ɔjə loo kə́ a tíbə ō a tīī ō ń á̰a̰ā̰ ní, tītə̄ ń ədan̄neé ní, i najə̄ kə́ rɔ̄kum. Ba yá̰á̰ ń á̰a̰ā̰ ní ādə̄ to loo mundə̄ tə́, tɔdɔ̄ i tām̄ yā ndɔ̄ gə̄ kə́ sa̰y ngá̰ý ɓáý tə́.

IJAI 30:8

Kɔ́ɔ̄ɓē əda Ijai na: Ngɔlaā ní, ī-ndang yá̰a̰ gə̄ ń toō dɔ bar mbal̄ tə́, ta kum de kə́ Jerusalem gə̄ tə́. Ndɔ̄ń tə́ anī, nge ń noō a tél i yá̰á̰ kə́ kum tə́ kə́ a to ngándáńg.

PĀ KƏ́ MAJƏ 8:6

Ə̄ndām̄ dan wurií tə́ ō, dɔ jīí tə́ ō tītə̄ tambō̰o̰ beé. Tɔdɔ̄ tár i yá̰á̰ kə́ a ɔsə kə deé kə ngangá ngá̰ý tītə̄ yo ō, nii i yá̰á̰ kə́ a rāā háĺ kə́ ngan̄g ngá̰ý kə deé tītə̄ loo kə́ ɓádá beē ō. Nii i ta ndo̰ hor kə́ təngā ō, a ndang deē tītə̄ man̄ beé ō.

JOJUE 18:9

De gə̄ ní aw̄ njə̄rān̄ dɔ nang ní tə́ kə taá malang. Nin̄-ndangən̄ najə̄ kə́ dɔ dɔ nang ń nin̄-gángə̄n̄ naā tə́ gír loo sīrí ní ō, ndangən̄ rī ɓē gə̄ ō, ba tél aw̄n̄ gogə́ rɔ̄ Jojue tə́ gérger kə́ Silo tə́.

MATIYE 27:66

Nin̄-aw̄ ɔrən̄ mbō̰ ta bāá bəlo ní tə́, ba əndān̄ ngé ngɔ̄m̄ loo gə̄ ta tə́ kadə̄ ngɔ̄mə̄n̄.

TA KƏLA 23:16

Abəraham ger̄ kum najə̄ ń Epəron ɔr̄ ní, adə̄ tə́da kutə nar ń Epəron gān̄g ní adə̄n ta kum Het gə̄ tə́. I njáŕ sə́lē kə́ rāā kə gində̄ arjā̰a̰á̰ ɓú sɔ́. I sə́lē gə̄ ń de gə̄ a əsan̄ kem ɓēé ní.

TA KƏLA 23:20

Adə̄ ndɔr̄ ō, bəlo mbal̄ kə́ kemeé ō, télən̄ loo dubə̄ de gə̄ yā Abəraham kə́ mang jī Het gə̄ tə́ ta kumdə́ tə́ malang.

RUTƏ 4:1

Boj aw̄ ndi loo sarya tə́. Anī nge gān̄g dɔ ń ni-əda Rutə najə̄ yān ní a mān̄. Ni-ɓārə́n ba ədan na kə reē kə ndi laā. Anī deē ní reē ndi.