JEREMI 31:9 - Bibəl ta Sar̄

⁹ Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

Bible sar

⁹ Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán *Israel gə̄ tə́ ní, m̄-tél i bɔbə̄də́ adə̄ *Epəraim i ngōn̄ hágə́ḿ.

JEREMI 31:9 Referans Kwoze

MATIYE 5:4

Rɔ̄nel̄ i kə ngé gə̄ ń dɔdə́ sɔl̄ ní, tɔdɔ̄ Nə́ɓā a adə̄də́ dɔ nang.

JEREMI 3:4

Nəkɔ́ ń toō gə̄gē ní ā ɓārə́m̄ jīí tə́ laā ɓáý na: Bɔbə́ḿ, i ḭ̄ n kemjí əhɔ naā majə dan mandəḿ tə́ ní.

Teē Ngán Israel gə̄ 4:22

Ā ə́da Parao̰ na najə̄ ń Kɔ́ɔ̄ɓē əda ní n toó: Israel i ngōn̄ hágə́ḿ mā Nə́ɓā.

JEREMI 50:4

Dan ń noō tə́ ní, kum mbang nəkɔ́ ń noō tə́, ngán Israel gə̄ ō, Juda gə̄ ō, a reēn̄ naā tə́ mbak. A njə̄rān̄ kə nōó kumdə́ tə́ yā sāań Kɔ́ɔ̄ɓē Nə́ɓā yādə́.

JEREMI 31:20

Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

IJAI 63:13

I ni n teē bā bo kə́ ɗúú ngá̰ý sedə́ tītə̄ sə́ndá kə́ ənda dəla loo gān̄g beé ní ō, nin̄ əsōn̄ aĺ ō.

PĀ GƏ̄ 23:2

Ni-aw̄ seḿ dɔ mu kə́ mbōl̄ tə́. Njə̄rā seḿ kə gō kadə man̄ kə́ to lɔmɔɔ́.

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

Najə̄ kə́ Majə yā Jeju ń Luk ndang ní 6:21

Rɔ̄nel̄ i yāsí sḭḭ̄ ń ɓō rāāsí ngɔlaā ní, tɔdɔ̄ ā ī-ndānī! Rɔ̄nel̄ i yāsí sḭḭ̄ ń ā i-nōōī naā ngɔlaā ní, tɔdɔ̄ ā ī-kəgōī naā!

MATIYE 6:9

Adə̄ ré ā ī-ndɔ̄yī ɓáa ī-ndɔ̄yī tītə̄ ń toō beé: Bɔbə̄jí kə́ ndi dɔ rā̰ tə́, ādə̄ rīí i kə́ kɔr̄ kam̄,

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.

IJAI 64:8

Kɔ́ɔ̄ɓē, ī-lōō kadə̄ wōn̄g rāāī ngá̰ý. Yá̰a̰ rāājí kə́ gōtə́ aĺ gə̄ ní, ādə̄ əga kemií dɔ tə́ kə́ njɔ́ḿ gə̄ tə́ alé. Jə-rāāī ɓɔ́ ba á̰a̰ā̰, jḭḭ malang i gír deē yāí gə̄.

IJAI 57:14

Kɔ́ɔ̄ɓē əda na: Ī-rāāī róbə ādə̄ tél majə gogə́, ī-njariī róbə́ láẃ, yá̰a̰ gə̄ kə́ dɔ róbə yā gír deē yāḿ gə̄ tə́ kə́ a ɔgə̄ deē mān̄ gə̄ ní, ī-ró̰yīdə́ kɔ̄ɔ́.

HEBƏRO 12:23

Sḭḭ̄ ī-ndɔ́tī i kə̄ rɔ̄ ngé kán̄ naā gə̄ ń i ngáń hágə gə̄ yā Nə́ɓā, kə́ ndangən̄ rīdə́ dɔ rā̰ tə́. Sḭḭ̄ ī-ndɔ́tī i kə̄ rɔ̄ Nə́ɓā nge ngān̄g sarya yā de gə̄ malang tə́ ō, kə̄ rɔ̄ ndíl de kə́ súmūú gə̄ n télən̄ kə́ majə ɔtə̄ kə taá gə̄ tə́ ō.

HEBƏRO 12:13

Ī-njə̄rāī dɔ róbə́ kə́ súmūú tə́, yā kadə̄ njasí kə́ motə ḭḭ ta naā alé, ba kadə̄ aw̄ ta naā tə́ majə.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

2 KORḚNTƏ 6:18

Loo ń noō tə́ mā i bɔbə̄sí ō, sḭḭ̄ i ngánə́ḿ kə́ dəngam gə̄ ō, kə́ dəyá̰ gə̄ ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

Makətūbə̄ ń Pol ndang adə̄ Rom gə̄ ní 8:26

Adə̄ i tītə̄ ń toō beé n Ndíĺ kə́ Táĺ reē yā dḭḭ̄jí najə̄ yā ngan̄g aĺ yājí tə́ ní. Tɔdɔ̄ jə-gerī loo ndɔ̄ȳ kə gōó alé. Ndíĺ a dəje yá̰a̰ tām̄ yājí tə́ i kə to̰ō̰ kógə̄ḿ kə́ deē asə kəda kum kə najá alé.

MATIYE 3:3

Ijai nge koō ta ɔr̄ najə̄ yā Ja̰a̰ ngeé ń toō kété əda na: Deē kógə̄ḿ un ndūn kə̄ dɔɔ́ ɔrə̄ń najə̄ kem dəla loo tə́ əda na: Ī-rāāī róbə yā Kɔ́ɔ̄ɓē, ī-rāāī ngáń róbə yān gə̄ ādə̄ ran̄ súmūú.

OJEE 12:4

Dan ń Jakob i kem kó̰o̰n tə́ ɓáý ní, ni-taā loo yā ngōkó̰o̰n. Dan ń ni tɔgə deē anī, ni rɔ̄ɔ̄ Nə́ɓā.

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

NDŪ NAJƏ̄ 32:6

Sḭḭ̄ gír de kə́ mbóó kə́ ger̄ yá̰a̰ aĺ gə̄, deē a rāā háĺ kə́ beé kə Kɔ́ɔ̄ɓēé a? I ni n i bɔbə̄sí kə́ nge kəndāsí ní aĺ a? I ni n rāā adə̄ sḭḭ̄ i gír deē yān gə̄ ní aĺ a?

1 YÁ̰A̰ GƏ̄ 29:10

Dabid tɔ̄ȳ Kɔ́ɔ̄ɓē ta kum ngé kán̄ naā gə̄ tə́ malang əda na: Kɔ́ɔ̄ɓē, Nə́ɓā yā kaaḿ Israel, ādə̄ de gə̄ ɓōkə́nī tɔ̄ȳ kə kum mbang gə̄ malang.

TƏ́DA 2:18

Epəraim a ndi ɓē i dām̄ kə́ no ɓē tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Epəraim tə́ i Elisama ngōn̄ Amihud. De gə̄ yān gə̄ i 40 500. Ngol ngé rɔ̄ɔ̄ gə̄ kə́ gír ɓē yā Manase tə́ i Gamliel ngōn̄ Pedasur. De gə̄ yān gə̄ i 32 200. Ngol ngé rɔ̄ɔ̄ gə̄ kə́ gír ɓē yā Benjamḛ tə́ i Abidan ngōn̄ Gidoni. De gə̄ yān gə̄ i 35 400.

PĀ GƏ̄ 89:27

Ni a ɓārə́m̄ mā na i bɔbə̄n ō, Nə́ɓā yān ō, mbal̄ kə́ nge kajən ō.

PĀ GƏ̄ 107:7

Ni-rāā adə̄ unən̄ róbə́ kə́ aw̄ súmūú dɔ ɓē kə́ de gə̄ ndin̄ kemeé tə́.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

IJAI 43:20

Dā̰ kə́ bembeé gə̄, tal̄ gə̄ kə burum gə̄ a rɔȳmə̄n̄, tɔdɔ̄ m̄-rāā adə̄ man̄ nūgə́ dəla loo tə́, bā gə̄ nūgə́n̄ loo kə́ tutə ń toō tə́. A̰á̰ā̰, gír de gə̄ ń m̄-gə̄rādə́ ní, m̄-ndigə kadə̄də́ man̄ kadə̄ a̰ȳn̄.

IJAI 45:11

Yá̰á̰ ń Kɔ́ɔ̄ɓē, Nə́ɓā kə́ táĺ yā Israel, nge rāā gír deē yān gə̄, əda ní n toó: Sḭḭ̄ ī-dəjemī najə̄ kə́ dɔ ngánə́ḿ gə̄ tə́. Sḭḭ̄ ī-ndigiī kədam̄ yá̰á̰ kə́ kadə̄ m̄-rāā gə̄ najə̄ yā yá̰á̰ ń mā m̄-rāā tə́ ní. Ní, nge ń noō i najə̄ yāḿ mā!

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

MALASI 2:10

Jiḭ̄ malang ní, bɔbə̄jí i kógə̄ḿ beē aĺ a? I Nə́ɓā kə́ kógə̄ḿ beē n rāājí ní aĺ a? Ɓá tā ba jə-raī dɔ ndūjí tə́ kə naā alé. I beé n jə-ɓōlíiń gidə madə̄ naā ń to dɔ dáń Nə́ɓā tə́ kə kaají gēé ní aĺ ní. Ní, i tām̄ rí tə́?

NDŪ NAJƏ̄ 14:1

Sḭḭ̄ i ngán Kɔ́ɔ̄ɓē Nə́ɓā yāsí, adə̄ ā ī-tə́jāī rɔ̄sí, aláa ā ī-dəsāī dɔsí yā rāań ndoō de kə́ koy alé.