JEREMI 31:8 - Bibəl ta Sar̄

⁸ M-ā m-ḭ́ḭ sedə́ dɔ nang kə́ mbɔ́r ɓē kə́ ko̰ó̰ tə́ ō, ta ngóy dɔ nang tə́ ō, yā reē kɔsə dɔdə́ naā tə́. A télən̄ yā reē naā tə́ malang kə ngé kum tɔ̄ɔ̄ gə̄ ō, ngé tə́sō motə gə̄ ō, dəyá̰ kə́ ndān̄ ngán gə̄ ō, kó ndōō gə̄ ō adə̄ i kósə de kə́ ngá̰ý gə̄ n a ɔsən̄ dɔdə́ naā tə́ ní.

Bible sar

⁸ M-ā m-ḭ́ḭ sedə́ dɔ nang kə́ mbɔ́r ɓē kə́ ko̰ó̰ tə́ ō, ta ngóy dɔ nang tə́ ō, yā reē kɔsə dɔdə́ naā tə́. A télən̄ yā reē naā tə́ malang kə ngé kum tɔ̄ɔ̄ gə̄ ō, ngé tə́sō motə gə̄ ō, dəyá̰ kə́ ndān̄ ngán gə̄ ō, kó ndōō gə̄ ō adə̄ i kósə de kə́ ngá̰ý gə̄ n a ɔsən̄ dɔdə́ naā tə́ ní.

JEREMI 31:8 Referans Kwoze

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

JEREMI 23:8

A ədan̄ na: Kɔ́ɔ̄ɓē ń ɔr̄ ngán Israel gə̄ kɔ̄ɔ́ dɔ nang kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń ni tə̄ndā tḭ̄ḭ̄də́ tū tə́ tə́ ní ō, ba tél reē sedə́ kadə̄ ndin̄ dɔ nang yādə́ tə́ ō ní, ni-ndi kə kumneé noō. Najə̄ ń Kɔ́ɔ̄ɓē əda ní n noó.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

MISE 4:6

Kɔ́ɔ̄ɓē əda kə̄ ndágá wáńg na: Ndɔ̄ ń noō tə́ ní, ngé gə̄ ń əngen̄ do ní, m-ā m-ɔ́sə dɔdə́ naā tə́ ō, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní ō, ngé gə̄ ń m̄-rāādə́ yá̰á̰ kə́ ngan̄g ní ō, m-ā m̄-kán̄də́ kə ɓūtə̄də́ gēé.

HEBƏRO 12:12

I beé ní, jīsí gə̄ ń ɔrən̄ kɔ̄ɔ́ ní, ī-téĺ ɔ́yiīdə́ dɔɔ́ ō, kejəsí gə̄ ń sɔlə̄n̄ yélélé ní, ī-rāāīdə́ ādə̄ tél ngangə̄n̄ gogə́ ō!

EJEKIEL 34:13

M-ā m̄-teē sedə́ kɔ̄ɔ́ kem ɓē kə́ rang gə̄ tə́ ō, m-ā m-ɔ́sə njadə́ naā tə́ ō, ba m-ā m̄-tél yā kaw̄ sedə́ gogə́ kem ɓē yādə́ tə́. M-ā m-āw̄ sedə́ dɔ mbal̄ bo gə̄ kə́ Israel tə́ tə́ ō, kum wól loo gə̄ tə́ ō, kem loo kə́ majə ngá̰ý gə̄ kə́ kem ɓēé tə́ ō.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

1 TESALONIK 5:14

Ngákó̰ó̰jí gə̄, jə-rāāsí ɓɔ́ ba ī-gɔŕyɔ̄ī ngé yay gə̄ ō, ə́laī go̰ kem ngé ɓōĺ gə̄ tə́ ō, ī-rāāī kə ngé tɔ́gə gətóo gə̄ ō. Ī-tə́gāī tasí dɔ de gə̄ tə́ malang ō.

MATIYE 12:20

A tetə tə̄ɓā kə́ rugə aĺ ō, a tɔ̄l̄ hor ń a o̰o̰ njḛḛ tū lámbá tə́ ní aĺ ō, bátə́ kadə̄ ni-rāań kadə̄ yá̰á̰ kə́ gōtə́ tetə rɔ̄ɔ̄.

JEREMI 3:18

Kem ndɔ̄ gə̄ ń noō tə́ ní, ngé kə́ Juda tə́ gə̄ ō, ngé kə́ Israel tə́ gə̄ ō, a télən̄ yā reē naā tə́ mbak. Nin̄ a ḭḭn̄ dām̄ mbɔ́r ɓē kə́ ko̰ó̰ tə́ yā reē kugə̄ kem ɓēé ń m-ādə̄ kaadə́ gə̄ ní tə́.

IJAI 52:10

Ni ɔjə tɔ́gən kə́ táĺ ta kum nápar de gə̄ tə́ malang ō, de gə̄ a̰a̰n̄ loo kajə ń Nə́ɓā yājí a ajəjí ní bátə́ ta ngóy dɔ nang tə́ ō.

IJAI 43:6

M-ə́dá mbɔ́r ɓē kə́ ko̰ó̰ na ī-tél ādə̄m̄ sedə́ ō, m-ə́dá mbɔ́r ɓē kə́ geleé na ī-lōō kəhɔdə́ gotoó ō. Ngánə́ḿ kə́ dəngam gə̄ ń ndin̄ ɓē kə́ sa̰y gə̄ ń toō tə́ ní, ī-tél ī-reēī sedə́ ādə̄mī ō, ngánə́ḿ kə́ dəyá̰ gə̄ ń ndin̄ ta ngóy dɔ nang tə́ ní, ī-tél ī-reēī sedə́ ādə̄mī ō.

NDŪ NAJƏ̄ 30:4

Ká ré aw̄n̄ sesí bátə́ ugə̄n̄ sesí i ta ngóy dɔ nang tə́ gə̄gē anī, Kɔ́ɔ̄ɓē Nə́ɓā yāsí a aw̄ gōsí tə́ loo ní tə́ yā kɔysí reē sesí ɓēé.

HEBƏRO 4:15

Jḭḭ̄ i kə ngol ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

1 KORḚNTƏ 8:10

Tɔdɔ̄ ré de kə́ tɔ́gən gətóo a̰a̰ī ḭ̄ de kə́ ger̄ yá̰a̰ loo kəsa yá̰á̰ tə́ kem kújə ɓesə̄ tə́ anī, ni a ənge tɔ́gə kə ta kūlīí yā kəsań dā̰ kə́ tun̄ kadə̄ ɓesə̄ gə̄ aĺ a?

JA̰A̰ 21:15

Dan ń nin̄-əsan̄ yá̰a̰ oy anī, Jeju dəje Simo̰ Piyer na: Simo̰ ngōn̄ Ja̰a̰, ī-tárəm̄ tɔȳ madí gə̄ ń toō a? Anī Simo̰ Piyer tél ədan na: A̰á̰ā̰ Kɔ́ɔ̄ɓē, ī-ger̄ kadə̄ nelə̄m̄ seí. Anī Jeju ədan na: Ūl̄ ngán batə̄ yāḿ gə̄.

JAKARI 2:6

m̄-dəjen najə̄ m-ə́da na ké a aw̄ i kə̄ rá wa. Anī ni-tél ədam̄ na: M-āw̄ i kə̄ mbɔ̄jə́ ɓē kə́ Jerusalem tə́, yā gerə̄ń laan ō ngālə̄n ō.

SOPONI 3:19

Kum mbang ngeé ń noō tə́ ní, de gə̄ malang ń rējə̄n̄sí kə yá̰a̰ rāā kə́ gōtə́ aĺ ní, m-ā m̄-rāādə́ kadə̄ oyn̄. Kum mbang ngeé ń noō tə́ ní, de gə̄ yāsí gə̄ ń əngen̄ do ní, m-ā m̄-ndem̄ ta dodə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-tél yā reē sedə́ gogə́. M-ā m̄-rāā kadə̄ a rɔyn̄sí ō, a gerə̄n̄ rīsí kə̄ kem ɓē gə̄ malang ń əlan̄ rɔ̄sɔl̄ dɔsí tə́ tū tə́ ní tə́ ō.

EJEKIEL 20:41

M-ā m̄-teē sesí kɔ̄ɔ́ dan gír de gə̄ tə́ ō, kem ɓē gə̄ ń ī-tə̄ndāī naā ī-tḭ̄ḭ̄ tū tə́ ní ō, ba m-ā m-ɔ́sə dɔsí naā tə́. Gō tə́ anī, m-ā m̄-rāā kem majə sesí adə̄ m-ā m̄-taā yá̰a̰ tun̄ yāsí kə́ sēēdə́ otə majə gə̄. Ré m̄-rāā yá̰á̰ kə́ tītə̄ ń noō sesí anī, m-ɔ́jə i gotə nápar de gə̄ kadə̄ mā i Nə́ɓā kə́ táĺ.

EJEKIEL 20:34

M-ā m̄-teē sesí kɔ̄ɔ́ dan gír de kə́ tayā gə̄ tə́ ō, kem ɓē gə̄ ń ī-tḭ̄ḭ̄ naā tū tə́ ní ō, ba m-ā m-ɔ́sə njasí kə̄ naā tə́. Loo rāā tə́ beé ní, m-ā m-ɔ́jə́sí tɔ́gə́ḿ malang ō, m-ā m̄-bə̄gā wōn̄g yāḿ kə́ ngá̰ý dɔsí tə́ ō.

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

JEREMI 3:12

Āw̄, ə̄nī mbēr̄ ń toō dām̄ mbɔ́r ɓē kə́ ko̰ó̰ tə́ ə́da na: Israel kə́ nge túy taā kem yān, ī-tél ī-reē tā. Najə̄ ń Kɔ́ɔ̄ɓē əda ní n noó. Ndíĺsí a a̰ȳ ta kumḿ tə́ to̰ alé. Rɔ̄kum, mā i de kə́ sew. M-ā m̄-rāā wōn̄g sesí kə́ njɔ́ḿ gə̄ tə́ alé. Najə̄ ń Kɔ́ɔ̄ɓē əda ní n noó.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

PĀ GƏ̄ 107:3

ni ɔydə́ kə dɔ ɓē gə̄ malang ō, ḭḭ sedə́ gír ɓē tə́ ō no ɓē tə́ ō, dām̄ mbɔ́r ɓē kə́ ko̰ó̰ tə́ ō, bā bo tə́ ō, ba kán̄də́ naā tə́ ní, ədan̄ najə̄ ń toō kə̄ nja naā tə́.

PĀ GƏ̄ 98:3

Əga kemən dɔ kem majə yān kə́ rāā kə ngán Israel gēé tə́ ō, dɔ ra kə́ ni-ra dɔ ndūn tə́ sedə́ ō. De gə̄ ń ndin̄ ta kaw̄ kə̄ ta ngóy dɔ nang tə́ nú ní a̰a̰n̄ Nə́ɓā yājí loo tetə rɔ̄ɔ̄ tə́.

PĀ GƏ̄ 65:5

Rɔ̄nel̄ i kə deē ń ī-gə̄rān kadə̄ reē rɔ̄í tə́ ní. Ni a ndi ndágə loo kə́ gīr̄ gidə kújə yāí tə́. Yá̰a̰ kəsa kə́ majə majə gə̄ kə́ kem kújə yāí tə́ ō, yá̰á̰ gə̄ kə́ kem kújə́ kə́ táĺ yāí tə́ ō ndānə̄n̄jí.

JEREMI 23:3

Mā m-ā m̄-kán̄ nja gotə yá̰a̰ kul̄ yāḿ gə̄ ń m̄-tə̄ndā m̄-tḭ̄ḭ̄də́ kə̄ gō ɓē gēé ní naā tə́ malang. M-ā m̄-tél yā reē sedə́ gogə́ dɔ mu kə́ mbōl̄ tə́. A ojən̄ naā ngá̰ý.

EJEKIEL 34:12

Loo ń ré nge ngɔ̄m̄ yá̰a̰ kul̄ gə̄ ra dan ɓūtə̄ yá̰a̰ kul̄ gə̄ kə́ tə̄ndān̄ naā tḭ̄ḭ̄n̄ kə̄ loo gə̄ tə́ anī, ni a̰a̰ gō batə̄ yān gə̄. M-ā m-á̰a̰ gō yá̰a̰ kul̄ yāḿ gə̄ i tītə̄ ń noō ō. M-ā m-āw̄ gō batə̄ gə̄ tə́, loo malang ń nin̄ aw̄n̄ tū tə́ ní tə́, yā kaw̄ gān̄g dɔdə́. M-ā m̄-njə̄rā kum kə́ tuú tū tə́ ō, kum loo kə́ risə til tə́ ō, yā kaw̄ń gōdə́ tə́.

JEREMI 16:15

Kɔ́ɔ̄ɓē ń rāā adə̄ ngán Israel gə̄ teēn̄ kem ɓē kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń tə̄ndā tḭ̄ḭ̄də́ tū tə́ ní ō ní na ndi kə kumneé noō. Tɔdɔ̄ m-ā m̄-tél yā reē sedə́ dɔ nang ń m-ādə̄ kaadə́ gə̄ ní tə́ rɔ̄kum. Najə̄ ń Kɔ́ɔ̄ɓē əda ní n noó.