JEREMI 31:7 - Bibəl ta Sar̄

⁷ Najə̄ ń Kɔ́ɔ̄ɓē əda ní n toó: Ə́gaī kɔŕ rɔ̄nel̄ dɔ Jakob tə́, ɔ́jiī no ngār yā nápar de gə̄ kə walya kə́ ngá̰ý. Úniī ndūsí kə̄ dɔɔ́ ō, ī-rāāī rɔ̄nel̄ ō, ba ə́daī na: Kɔ́ɔ̄ɓē, ajə gír deē yān gə̄ adə̄ i gá̰ ngán Israel gə̄ ń na̰yn̄ ní.

Bible sar

⁷ Najə̄ ń Kɔ́ɔ̄ɓē əda ní n toó: Ə́gaī kɔŕ rɔ̄nel̄ dɔ Jakob tə́, ɔ́jiī no ngār yā nápar de gə̄ kə walya kə́ ngá̰ý. Úniī ndūsí kə̄ dɔɔ́ ō, ī-rāāī rɔ̄nel̄ ō, ba ə́daī na: Kɔ́ɔ̄ɓē, ajə gír deē yān gə̄ adə̄ i gá̰ ngán Israel gə̄ ń na̰yn̄ ní.

JEREMI 31:7 Referans Kwoze

IJAI 37:31

Ngé kə́ kem ɓē ko̰o̰ yā Juda tə́ gə̄ ń a ndin̄ kə kumdə́ ní, a ton̄ tītə̄ ngōn̄ kāgə̄ beé. Nin̄ a télən̄ ngəradə́ kə́ kijə gə̄ gíŕ nángāá, ta jī gə̄ a anə̄n̄.

PĀ GƏ̄ 28:9

Kɔ́ɔ̄ɓē, ájə́ gír deē yāí gə̄ ō, ī-rāā majə kə yá̰a̰ halaí gēé ō. ādə̄ ḭ̄ i nge kuldə́ ō, nge ka̰a̰ gōdə́ ngándáńg ō!

PĀ GƏ̄ 14:7

I náā n ndi Siyo̰ nú yā tetəń rɔ̄ɔ̄ kadə̄ Israel ní? Dan ń Kɔ́ɔ̄ɓē a tél kə ngé gə̄ ń rɔ̄ gān̄gdə́ ní yā reē sedə́ dan gír deē yān gə̄ tə́ anī, Jakob a rāā walya, Israel a ndi i kə rɔ̄nelēé.

JEREMI 23:3

Mā m-ā m̄-kán̄ nja gotə yá̰a̰ kul̄ yāḿ gə̄ ń m̄-tə̄ndā m̄-tḭ̄ḭ̄də́ kə̄ gō ɓē gēé ní naā tə́ malang. M-ā m̄-tél yā reē sedə́ gogə́ dɔ mu kə́ mbōl̄ tə́. A ojən̄ naā ngá̰ý.

Makətūbə̄ ń Pol ndang adə̄ Rom gə̄ ní 11:5

Ngɔlaā nəkɔ́ ń jə-ndiī toó gá̰a̰ de gə̄ kə́ Nə́ɓā nəkɔ́ gə̄rā əya̰ ɔjəń rajə yān ndin̄ noó ō.

Makətūbə̄ ń Pol ndang adə̄ Rom gə̄ ní 9:27

Ɓáý to̰ ní Ijai ɔr̄ najə̄ yā ngán Israel gə̄ ngeé ń noō kə ndū boó əda na: Ká ré kutə ngán Israel gə̄ asəń i kə kutə nán̄g ngárə̄ḿnjēý kə́ ta bā bo tə́ gə̄gē anī, i gotədə́ kə́ na̰y n a ənge kajə yā Nə́ɓā ní.

SOPONI 2:9

I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

MISE 2:12

Mā Kɔ́ɔ̄ɓē, m̄-ndigə kɔsə nja kojə yā Jakob kə̄ naā tə́. A̰á̰ā̰, de gə̄ malang kə́ dan gír de gə̄ yā Israel tə́ ń teēn̄ ta yo tə́ ní, m̄-ndigə ɓoodə́ naā tə́. M-ā m̄-kán̄də́ loo kógə̄ḿ kem gong yādə́ gə̄ tə́ tītə̄ batə̄ gə̄ beé, tītə̄ ɓūtə̄ yá̰a̰ kul̄ gə̄ kə́ ran̄ loo kəsa mu yādə́ tə́ beé. Nin̄ a télən̄ kósə de gə̄ kə́ kōōdə́ ɓār̄ ngá̰ý.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.

OJEE 1:7

Banī m-ā m̄-tár de kə́ Juda gə̄ ngándáńg. Mā Kɔ́ɔ̄ɓē Nə́ɓā yādə́ m-ā m-ájə́də́, ba i kanjə̄ ga̰ gərā ō, kaskar ō, gotə yá̰a̰ rɔ̄ɔ̄ kə́ rang gə̄ ō, kanjə̄ sə́nda gə̄ ō, ngé kal̄ sə́nda gə̄ ō.

EJEKIEL 6:8

Banī m-ā m-ə́ya̰ gotə de kə́ sḛ́ý beē gə̄ ngóy, de gə̄ kə́ dɔ dáń nápar de gə̄ tə́ ń teēn̄ ta yo kaskar tə́ ní, dan ń a tə̄ndā tḭ̄ḭ̄n̄sí kə̄ kem ɓē kə́ rang gə̄ tə́ ní.

IJAI 61:9

De gə̄ a gerə̄n̄ ngáńsí gə̄ dan nápar de gə̄ tə́ malang ō, a gerə̄n̄ ngán kaasí gə̄ kə̄ loo gə̄ tə́ malang ō. De gə̄ malang ń a a̰a̰n̄də́ ní, a gerə̄n̄də́ i kə ta kūl̄ yá̰á̰ ń toō: Nin̄ i gír de gə̄ kə́ Kɔ́ɔ̄ɓē tɔ́r̄ tan dɔdə́ tə́.

IJAI 44:23

A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

IJAI 37:4

Mban̄g kə́ Asiri əla ngol áskar yān gə̄ kə́ dɔ madə̄ gə̄ tə́ adə̄ reē tájə̄ Nə́ɓā kə́ ndi kə kumneé. Nə́ngētə́ Kɔ́ɔ̄ɓē Nə́ɓā yāí asə i koō ndū ń ni tájə̄ ní ō, asə i kəndan tām̄ najə̄ kɔrə̄n tə́ ō anī! Ḭ̄ Ijai, ɔ̄r̄ najə̄ kə Kɔ́ɔ̄ɓēé tām̄ yā de gə̄ kə́ dan gír deē yān gə̄ tə́ ń ndin̄ kə kumdə́ ní.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

PĀ GƏ̄ 106:47

Kɔ́ɔ̄ɓē Nə́ɓā yājí, ájə́jí, ɔ́sə njají kə̄ naā tə́ dan nápar de kə́ rang gə̄ tə́. Loo ń noō tə́ j-a jə-tɔ̄yī anī, j-a j-əda rīí kə́ táĺ, j-a j-a̰a̰ yá̰a̰ ta kum naā tə́ tām̄ kɔsə kə́ j-ɔsə gɔnií tə́.

PĀ GƏ̄ 69:35

Dɔ rā̰ ō dɔ nang ō bā bo gə̄ kə yá̰a̰ malang kə́ kum tə́ gə̄ ō, ī-ɓōkə́nī tɔ̄ȳ!

PĀ GƏ̄ 67:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kendeé. Pā.

NDŪ NAJƏ̄ 32:43

Ādə̄ nápar de gə̄ malang tɔ̄ȳn̄ gír de gə̄ yā Kɔ́ɔ̄ɓē. Tɔdɔ̄ Kɔ́ɔ̄ɓē a dal ba̰ā̰ mósə́ ngé rāā kəla yān gə̄. Ni a rāā kadə̄ ba̰ā̰ əsō dɔ madə̄ kɔ̄lən gə̄ tə́. I beé n a utə̄ń dɔ majaĺ yā dɔ nang yān ō, dɔ majaĺ yā gír deē yān gə̄ ō ní.

NDŪ NAJƏ̄ 28:13

Kɔ́ɔ̄ɓē a əndāī i kété ba i gogə́ alé. Ngáńdáńg ā āw̄ i kum kə̄ dɔɔ́ ba ā ī-tél kə̄ nang tə́ alé, tɔdɔ̄ ī-rāā gō míndə gə̄ ń Kɔ́ɔ̄ɓē Nə́ɓā yāí əda na kə ī-rāā á m-ə́daī ɓōólaā na kə ī-ngɔ̄m̄ ō, kə ī-rāā ō ní.

JEREMI 3:23

Kə́ rɔ̄kum gə̄ tə́ ní, yá̰á̰ kə́ ḭḭ dɔ ngán mbal̄ gə̄ tə́ i yá̰á̰ kə́ rɔ̄kum alé. De gə̄ rāān̄ adə̄ i kōōdə́ ngóy n ɓār̄ dɔ mbal̄ gə̄ tə́ ní. Kə́ rɔ̄kum gə̄ tə́ ní, Israel ənge kajə i kem Kɔ́ɔ̄ɓē Nə́ɓā yājí tə́ ngóy.

JEREMI 20:13

Ə̄nīī pā tām̄ yā Kɔ́ɔ̄ɓē tə́, ɔ́siī gɔn Kɔ́ɔ̄ɓē, tɔdɔ̄ ni-ɔr̄ ngé ndoō gə̄ jī ngé rāā majaĺ gə̄ tə́.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

NŌŌ RƆ̄ 1:1

Jerusalem ń i ɓē kə́ kété de gə̄ i ngá̰ý kemeé ní, i ba̰ý á ngɔlaā əya̰nən̄ kɔ̄ɔ́ kə kérneé ní? I ba̰ý á ndi tītə̄ dəyá̰ kə́ ngaa koy beé ní? Ni ń rīn ɓār̄ ngá̰ý dan nápar de gə̄ tə́ ō, ni i ngār kə́ dɔ ngán ɓē gə̄ tə́ ō ní, i najə̄ rí tə́ á a rāā kəla ngámbá ní?

PĀ GƏ̄ 126:2

J-əgō ngá̰ý ō, jə-túr̄ kɔĺ kə rɔ̄nelēé ngá̰ý ō. Nápar de kə́ rang gə̄ ədan̄ na: Kɔ́ɔ̄ɓē rāā yá̰á̰ kə́ bo ngá̰ý tām̄ yādə́ tə́!

IJAI 52:8

Ngé ngɔ̄m̄ loo gə̄ ń ī-tə́ndādə́ ní, ōō najə̄ yādə́. Nin̄ malang əgan̄ kɔŕ rɔ̄nel̄ ndɔ̄ naā tə́, tām̄ nin̄ a̰a̰n̄ Kɔ́ɔ̄ɓē loo tél reē tə́ gogə́ Siyo̰ kə kumdə́.