JEREMI 31:40 - Bibəl ta Sar̄

⁴⁰ Wól loo ɓōkə́ nīń gə̄ ō, kúĺ yá̰á̰ kə́ tun̄ gə̄ ō, loo kə́ kə gō ngāl̄ wól loo kə́ Sedəro̰ tə́, bátə́ ugə̄ń kíl róbə yā Sə́nda gə̄ tə́ gír ɓē tə́ ō ní, a télən̄ i loo kə́ yā ɓōĺ gidə malang tām̄ yā Kɔ́ɔ̄ɓē. Deē a ɔr̄ kə gír ngəraá aĺ ō, a bótə̄yō̰ aĺ ō, i kə́ njɔ́ḿ gə̄ tə́.

Bible sar

⁴⁰ Wól loo ɓōkə́ nīń gə̄ ō, kúĺ yá̰á̰ kə́ tun̄ gə̄ ō, loo kə́ kə gō ngāl̄ wól loo kə́ Sedəro̰ tə́, bátə́ ugə̄ń kíl róbə yā Sə́nda gə̄ tə́ gír ɓē tə́ ō ní, a télən̄ i loo kə́ yā ɓōĺ gidə malang tām̄ yā Kɔ́ɔ̄ɓē. Deē a ɔr̄ kə gír ngəraá aĺ ō, a bótə̄yō̰ aĺ ō, i kə́ njɔ́ḿ gə̄ tə́.

JEREMI 31:40 Referans Kwoze

2 SAMUEL 15:23

Dan ń de gə̄ a mānə̄n̄ anī, de kə́ kem ɓēé gə̄ malang unən̄ ndūdə́ kə̄ dɔɔ́ a nōōnneé. Mban̄g teē man̄ Sedəron kə̄ gidə kə́rēý tə́ ō, de gə̄ malang mānə̄n̄ kumdə́ sɔɔ̄ róbə́ ń to kə gō kadə dəla loo ní ō.

JA̰A̰ 18:1

Dan ń Jeju ɔr̄ najə̄ beē oy anī, nin̄ kə ngé ndóō yá̰a̰ yān gēé aw̄n̄ gidə wól man̄ Sedəro̰ tə́. Ndɔr̄ kógə̄ḿ i loo ngeé ń noō tə́, adə̄ ni udə kemeé kə ngé ndóō yá̰a̰ yān gēé.

2 YÁ̰A̰ GƏ̄ 23:15

Nin̄ əhɔn̄ Atali aw̄n̄ seneé ta kaw̄ kə̄ kújə yā mban̄g tə́. Dan ń ugə̄ ta róbə yā sə́nda gə̄ tə́ anī tɔ̄l̄nən̄ loo ń noō tə́.

2 MBAN̄G 11:16

Nin̄ əhɔn̄ Atali teē aw̄n̄ seneé kə ta róbə́ ń sə́nda gə̄ a udən̄neé ní ba a ugə̄n̄ kə̄ kújə yā mban̄g tə́ ngɔr anī tɔ̄l̄nən̄ loo ń noō tə́.

JAKARI 14:20

Ndɔ̄ ngeé ń noō tə́ ní, ɓɔ kə́ dūú gə̄ yā sə́nda gə̄ gə̄gē, a ndangən̄ tū tə́ na: I kə́ kɔr̄ kam̄ tām̄ yā Kɔ́ɔ̄ɓē tə́. Jóo ndīr̄ yá̰a̰ gə̄ kə́ kem kújə yā Kɔ́ɔ̄ɓē tə́ ní, a ɓōlə́n̄ gidədə́ tītə̄ ń a ɓōlə́n̄nəń gidə kópə gə̄ ń mósə dā̰ gə̄ i kemeé ta loo tun̄ yá̰á̰ tə́ ní ō.

NEHEMI 3:28

Ngé tun̄ yá̰a̰ gə̄ əlan̄ gír kəla yādə́ i ta róbə yā sə́nda gə̄ tə́. Nin̄ kógə̄ḿ kógə̄ḿ ran̄ i loo kə́ sɔɔ̄n̄ ta naā kə ta kújə yādə́ tə́ n a rāān̄neé kəla ní.

2 MBAN̄G 23:12

Ni tɔ̄ɔ̄ loo tun̄ yá̰a̰ gə̄ ń mban̄g kə́ Juda gə̄ rāān̄ dɔ kújə́ kə́ dɔɔ́ yā Akaj tə́ ní kɔ̄ɔ́ ō, tɔ̄ɔ̄ loo tun̄ yá̰a̰ gə̄ ń Manase rāādə́ ndágə loo kə́ gīr̄ gidə kújə yā Kɔ́ɔ̄ɓē kə́ jōó gə̄ kə́ ta kújə yā Kɔ́ɔ̄ɓē tə́ ní kɔ̄ɔ́ ō. Ni ɔydə́ loo ní tə́ kɔ̄ɔ́ ba ɓōkə́ būdə́ kum wól loo kə́ Sedəron tə́.

2 MBAN̄G 23:6

Ni un kāgə̄ ɓesə̄ Asera kem kújə yā Kɔ́ɔ̄ɓē tə́ aw̄ń gidə ɓē kə́ Jerusalem tə́ ndágá adə̄ róōn̄ horoó wól loo kə́ Sedəron tə́. Róōn̄ kāgə̄ ɓesə̄ Asera ní ba ɔyn̄ būn ɓōkə́n̄ dɔ ɓádá ń kə́nə̄n̄ nīń kósə de gə̄ kemeé tə́ ní.

EJEKIEL 48:35

Laa ndogə̄ mbal̄ ń gīr̄ gidə ɓē ní asə kíl deē 18 000. Əla gír ndɔ̄ ń noō tə́ ní, a ɓārə́n̄ rī ɓē na i Kɔ́ɔ̄ɓē i loo ń toō tə́.

EJEKIEL 39:29

Israel gə̄ ń i gír deē yāḿ gə̄ ní, m-ā m-ādə̄də́ ndílə́ḿ ō, m-ā m̄-tūr̄ gidəḿ kɔ̄ɔ́ tadə́ tə́ to̰ aĺ ō. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

EJEKIEL 37:2

Kɔ́ɔ̄ɓē rāā adə̄ m̄-njə̄rā m̄-gīr̄ gidə loo ní. Kə̄ngā gə̄ ní i ngá̰ý ō, tutən̄ malang ō.

JEREMI 32:36

Ɓáa ngɔlaā ní, Kɔ́ɔ̄ɓē Nə́ɓā yā Israel ɔr̄ najə̄ dɔ ɓē ń sḭḭ̄ ə́daī na a əsō kem jī mban̄g kə́ Babilon tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní i tītə̄ ń toō beé:

JEREMI 18:7

Dan kə́rēý gə̄ tə́ anī, m-ɔ̄r̄ najə̄ kɔr̄ nápar de gə̄ aláa ɓē ko̰o̰ kógə̄ḿ kə gír ngəraá ō, ɓéngə̄lē ō, nujəń sák sák ō.

JEREMI 8:2

A ɓōkə́n̄də́ kum mbang tə́ ō, nāā ndaá ō, ta kum kɔýyo̰ gə̄ tə́ ō. I yá̰a̰ gə̄ ń nin̄ tárən̄də́ ō, rāān̄ kəla adə̄n̄də́ ō, unən̄ gōdə́ ō, aw̄n̄ koō tadə́ tə́ ō, əsōn̄ kə̄ nang tə́ nodə́ tə́ rɔȳn̄də́ ō ní. De gə̄ a kánə̄n̄ kə̄ngā gə̄ ń toō yā dubə̄ alé, a télən̄ i yedə̄ yá̰a̰ dɔ nang tə́.

IJAI 51:22

Najə̄ ń Kɔ́ɔ̄ɓē, ngolií, Nə́ɓā yāí, nge rɔ̄ɔ̄ dɔ gír deē yān gə̄ tə́, əda ní n toó: Kopə wōn̄g yāḿ ń i kópə kə́ a ḭḭ̄ no deē ní, m-ā m̄-tél yā taā jīí tə́ kɔ̄ɔ́. Ā ā̰ȳ yá̰á̰ kə́ kemeé to̰ aĺ i kə́ bátə́ gə̄ tə́.

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

PĀ GƏ̄ 48:9

Yá̰á̰ ń ənīn̄jí gotə adə̄ j-oō ní, j-a̰ā̰ kem ɓē yā Kɔ́ɔ̄ɓē kə́ bo kə́ tɔ́gən i ngá̰ý tə́, kem ɓē yā Nə́ɓā yājí tə́. Nə́ɓā əhɔ ɓē ní dɔɔ́ ngándáńg.

JAKARI 14:11

De gə̄ a ndin̄ kem ɓēé ō, deē a nujə ɓē to̰ aĺ ō, de gə̄ a ndin̄ kemeé kanjə̄ sōl̄ yá̰á̰ kógə̄ḿ ō.