JEREMI 31:35 - Bibəl ta Sar̄

³⁵ Kɔ́ɔ̄ɓē ń rāā mbang tām̄ kadə̄ loo kə́ kadaá unjə̄ń ō, Kɔ́ɔ̄ɓē ń rāā nāā ō tə́yō̰ gə̄ ō, kə gō naá majə kadə̄ loo kə́ ndɔ̄ɔ́ unjə̄ń ō, Kɔ́ɔ̄ɓē ń əla jīn kum man̄ bā bo tə́ anī i kōō bəngál man̄ gə̄ n ɓārə̄n̄ ō ní, rīn na i Kɔ́ɔ̄ɓē kə́ bo kə́ tɔ́gən i ngá̰ý.

Bible sar

³⁵ Kɔ́ɔ̄ɓē ń rāā mbang tām̄ kadə̄ loo kə́ kadaá unjə̄ń ō, Kɔ́ɔ̄ɓē ń rāā nāā ō tə́yō̰ gə̄ ō, kə gō naá majə kadə̄ loo kə́ ndɔ̄ɔ́ unjə̄ń ō, Kɔ́ɔ̄ɓē ń əla jīn kum man̄ bā bo tə́ anī i kōō bəngál man̄ gə̄ n ɓārə̄n̄ ō ní, rīn na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 31:35 Referans Kwoze

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

IJAI 51:15

Nə́ɓā yāí i mā Kɔ́ɔ̄ɓē. I mā n i nge pukə́tū bā bo ō, nge rāā kadə̄ kōō bəngál bā gə̄ ɓārə̄n̄ bu bu ō ní. Rīḿ mā i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 50:34

Ba nge rɔ̄ɔ̄ dɔdə́ tə́ tɔ́gən ngan̄g ngá̰ý, rīn na i Kɔ́ɔ̄ɓē kə́ bo kə́ tɔ́gən i ngá̰ý. Ni-ɔr̄ najə̄ kə́ tām̄ yādə́ tə́ kə ngangá ngá̰ý yā rāań kadə̄ ɓē tél ndi lɔm gogə́ ō, yā kəlań ɓōĺ kem Babilon gə̄ tə́ ō.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

NDŪ NAJƏ̄ 4:19

Ī-lōōī kənī kumsí kə̄ dɔɔ́ ka̰a̰ń mbang ō, nāā ō, tə́yō̰ gə̄ ō, ɓūtə̄ yá̰a̰ gə̄ kə́ dɔ rā̰ tə́ malang ō, ba kəya̰ rɔ̄sí kadə̄ gólə̄n̄sí kadə̄ ɔ́siī nosí nang tə́ nodə́ tə́ ō, ī-rāāī kəla ādīdə́ ō. Tɔdɔ̄ háĺ yá̰a̰ rāā kə́ tītə̄ ń noō ní, Kɔ́ɔ̄ɓē Nə́ɓā yāsí adə̄ i gír de kə́ rang gə̄ malang ń ndin̄ dɔ nang tə́ ní.

MATIYE 5:45

yā kadə̄ ī-téliīneé ngán Bɔbə̄sí ń ndi dɔ rā̰ tə́ ní. Tɔdɔ̄ ni-rāā adə̄ mbang yān əɓa dɔ ngé kem ndul gə̄ tə́ ō, dɔ ngé kem majə gə̄ tə́ ō. Ni-rāā man̄ adə̄ edə dɔ de kə́ súmūú gə̄ tə́ ō, dɔ de kə́ súmūú aĺ gə̄ tə́ ō.

JEREMI 51:19

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír ɓē ń i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 46:18

Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní əda na: Tītə̄ ń m̄-ndiń kə kumḿ noō, ni a reē, a to i tītə̄ mbal̄ Tabor kə́ ra dan mbal̄ madə̄n gə̄ tə́ beē ō, i tītə̄ mbal̄ Karmel kə́ ra dan bā bo tə́ beē ō!

JEREMI 32:18

I ḭ̄ n ī-rāā majə kə de gēé bátə́ ugə̄ń dɔ gír kojə kə́ nge ko̰ dūbú tə́ ní, ba ḭ̄ ī-rāā ādə̄ ngán gə̄ əgān̄ kə̄rā majaĺ yā bɔbə̄də́ gə̄ ō. Nə́ɓā kə́ bo, go̰ rɔ̄ɔ̄ kə́ ɔl watang, rīí na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 5:22

Ā ī-ɓōlíī ndílə́ḿ aĺ a? Mā ń m-ə̄ndā nán̄g ngárə̄ḿnjēý m̄-gāngəń gír ba bo ō, m-əndān m-ādə̄ i dɔ nin̄ kə́ a to ngándáńg kə́ ni asə mān̄ dɔ aĺ ō ní? A ī-ndebiī ta kumḿ tə́ aĺ a? Najə̄ ń Kɔ́ɔ̄ɓē əda ní n noó. Bəngálən gə̄ ḭḭn̄, banī tɔ́gə́də́ gətóo. Kōōdə́ ɓār̄ a mānə̄n̄ dɔn alé.

IJAI 63:12

Dan ń a njə̄rān̄ ní, i ni n əhɔ Moijə kə̄ dɔɔ́ kə jīn kə́ kə tɔ́gɔ́ ní. Ni njar man̄ nodə́ tə́, yā kutə̄ń gidə rɔ̄n kə kɔsə gɔnɔɔ́ kə́ njɔ́ḿ gə̄ tə́.

IJAI 48:2

Tá sḭḭ̄ ā ī-ɓāríī naā na i ngé ndi kem ɓē kə́ táĺ tə́ gə̄ ō, ā ə̄ndāī tɔ́gə́sí i dɔ Nə́ɓā yā Israel ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní tə́ ō. Sḭḭ̄ ōōī najə̄ ń toō:

PĀ GƏ̄ 119:89

Kɔ́ɔ̄ɓē, najə̄ yāí to ngándáńg dɔ rā̰ tə́.

PĀ GƏ̄ 106:9

Ndán̄g bā tə̄ɓā gə̄, anī bā iī kə̄ ta jī gə̄ tə́ noō. Gō tə́ anī rāā adə̄ njə̄rān̄ kem kār̄ bā tə́ tītə̄ loo njə̄rā kem dəla loo tə́ beē.

PĀ GƏ̄ 89:2

M-ā m-ə̄nī pā yá̰a̰ gə̄ ń Kɔ́ɔ̄ɓē rāā kə gō kem majə yān ní ngándáńg. M-ā m-ə̄nī mbēr̄ dɔ yá̰á̰ kə́ rɔ̄kum yān tə́, kadə̄ ngáńjí gə̄ ō ngán kaají gə̄ ō gerə̄n̄.

PĀ GƏ̄ 78:13

Ni-gān̄g bā bo naā tə́ kadə̄ nin̄ mānə̄n̄neé, rāā adə̄ man̄ ḭḭ ra dɔɔ́ ɓururu tītə̄ ndogə̄ mbal̄ beé.

PĀ GƏ̄ 74:16

Ḭ̄ ń ī-rāā mbang ō nāā ō ní, loo kə́ kadaá i yāí ō, loo kə́ ndɔ̄ɔ́ i yāí ō.

PĀ GƏ̄ 74:13

Adə̄ ī-gān̄g bā naā tə́ kə ta kūl̄ tɔ́gí. Dā̰ man̄ kə́ bo ngá̰ý kə́ kum bā bo tə́ ń dɔn gə̄ i ngá̰ý ní, ḭ̄ ī-rējə̄ dɔn gə̄ ní.

PĀ GƏ̄ 72:17

ādə̄ ni-rāā adə̄ rīn to ngándáńg, ādə̄ rāā adə̄ rīn ní ɓār̄ ta kaw̄ kə̄ jóo, dɔ nang ń mbang a ɔsə tū tə́ ní tə́. Kadə̄ de gə̄ ədan̄ najə̄ yān tɔ́rə̄n̄neé tadə́ dɔ naā tə́ ō, kadə̄ nápar de gə̄ malang ədan̄ na mban̄g ndi kə rɔ̄nelēé ō.

PĀ GƏ̄ 72:5

Dan ń mbang a ɔsəń ɓáý ō, nāā ndaań ɓáý ō ní, ādə̄ de gə̄ ń ɔsən̄ gō naā dɔ nang tə́ ní ɓōlə́n̄ ndílí bátə́ ta ngóy ndɔ̄ gə̄ tə́.

Makətūbə̄ yā Job 26:12

Nə́ɓā njar bā bo kə ta kūl̄ tɔ́gəneé ō, Ni-tetə tɔ́gə́ nél balway kə ta kūl̄ kur̄ dɔneé ō.

Makətūbə̄ yā Job 38:33

Ī-ger̄ ndū najə̄ gə̄ kə́ dɔ rā̰ tə́ a? Ī-rāā ādə̄ de kə́ dɔ nang tə́ gə̄ rāān̄ yá̰a̰ kə gō ndū najə̄ gə̄ ní a?

PĀ GƏ̄ 119:91

Yá̰a̰ malang ra loo ran tə́ kə gō ndūí gə̄ ń ī-ra dɔ tə́ ní bátə́ ɓōólaā, tɔdɔ̄ yá̰a̰ malang rāā kəla adī.

PĀ GƏ̄ 148:6

Ni tə́ndādə́ loo ndidə́ gə̄ tə́ i kə́ njɔ́ḿ gə̄ tə́. Ni tə́ndā ndū najə̄ gə̄ kə́ a ton̄ ngándáńg.

JEREMI 33:20

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ré sḭḭ̄ ásiī gān̄g madə̄ naā ń m-ə́hɔ kə loo kə́ kadaá ō, m̄-rāā kə loo kə́ ndɔ̄ɔ́ ō ní, adə̄ loo kə́ kadaá ō, loo kə́ ndɔ̄ɔ́ ō unən̄ gō naā kə gōó to̰ aĺ anī,

JEREMI 33:25

Banī Kɔ́ɔ̄ɓē ɔr̄ najə̄ i tītə̄ ń toō beé əda na: Mā ń m-ə́hɔ madə̄ naā kə loo kə́ kadaá ō, kə loo kə́ ndɔ̄ɔ́ ō, m̄-rāā ādə̄ yá̰a̰ gə̄ kə́ dɔ rā̰ tə́ ō, kə́ dɔ nang tə́ ō njə̄rān̄ kə gōó majə ō ní,

OJEE 13:14

Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

AMOS 9:8

Ɓē ko̰o̰ kə́ Israel tə́ ń najə̄ i dɔ tə́ ní, Kɔ́ɔ̄ɓē Nə́ɓā əndā kumən gírí a̰ā̰ majə ngá̰ý. Ni-əda na: M-ā m̄-rāān kadə̄ ni a gətóo kɔ̄ɔ́ dɔ nang tə́. Ɓá tā ba m-ā m̄-rāā kadə̄ de kə́ kem kojə yā Jakob tə́ gə̄ gətóon̄ kɔ̄ɔ́ malang alé.

JEREMI 33:26

kə m̄-mbātə́ de kə́ gír kaa yā Jakob tə́ gə̄ ō, kə́ gír kaa yā nge kəla yāḿ Dabid tə́ gə̄ ō a? Kə m̄-gə̄rā ngār gə̄ dan gír deē yā Dabid tə́ kadə̄ o̰ō̰n̄ ɓē dɔ gír kojə yā Abəraham tə́ ō, yā Isaak tə́ ō, yā Jakob tə́ ō, to̰ aĺ a? M-ā m̄-rāā ni ń noō alé! M-ā m̄-tél yā kəndādə́ kijə, tɔdɔ̄ kumḿ o̰o̰m̄ sedə́.