Biblia Todo Logo
Bib sou entènèt

- Piblisite -




JEREMI 31:33 - Bibəl ta Sar̄

33 Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

Gade chapit la Kopi

Bible sar

33 Madə̄ naā ń m-ā m̄-rāā kə de kə́ gír yā *Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā *ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

Gade chapit la Kopi




JEREMI 31:33
36 Referans Kwoze  

Kadə̄ sḭḭ̄ i makətūbə̄ kə́ Kərist ndang əla jījí tə́ kadə̄ j-adə̄ de gə̄ ní, nge ń noō to i kə̄ dɔ ndágá. Sḭḭ̄ i makətūbə̄ kə́ ndang kə man̄ yá̰á̰ kə́ nduluú alé, banī i kə́ ndang kə Ndíĺ Nə́ɓā kə́ ndi kə kumneé. Sḭḭ̄ i najə̄ kə́ ndang dɔ ngán mbal̄ kə́ laa gə̄ tə́ alé, ba i dan wur deē tə́.


Kɔ́ɔ̄ɓē əda na: Gō ndɔ̄ gə̄ ngeé ń noō tə́ ní, madə̄ naā ń m-ā m-ə́hɔ sedə́ ní n toō, m-ā m̄-tə́ndā ndū najə̄ yāḿ gə̄ ngarān̄g kemdə́ tə́ ō, m-ā m̄-ndangdə́ tū kur̄ dɔdə́ tə́ ō.


Ni-əda ɓáý to̰ na: Gō ndɔ̄ gə̄ ngeé ń noō tə́ ní, madə̄ naā ń m-ā m̄-ə́hɔ kə ngán Israel gēé ní toó: M-ā m-ə̄ndā ndū najə̄ yāḿ gə̄ i tū kur̄ dɔdə́ tə́ ō, m-ā m̄-ndang ndū najə̄ yāḿ gə̄ i ngarān̄g kemdə́ tə́ ō. Mā i Nə́ɓā yādə́ ō, nin̄ i deē yāḿ gə̄ ō.


M-ā m-ādə̄də́ kur̄ dɔ kə́ kadə̄ nin̄ gerə̄n̄neé na mā i Kɔ́ɔ̄ɓē. A télən̄ gír deē yāḿ gə̄ ō, mā i Nə́ɓā yādə́ ō, a télən̄ yā reē rɔ̄ḿ tə́ kə ngarā̰ kemdə́ malang.


M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.


Tā anī m-ə́da na: Á̰a̰ā̰, mə̄kɔ́ m̄-reē rɔ̄í tə́. M-ə́ngé yá̰á̰ ń kadə̄ m̄-rāā ní kem ndāŕ ndang najə̄ kógə̄ḿ kə́ ɓír̄ gidə naā tə́.


M-ā m̄-ndi dansí tə́. Adə̄ mā i Nə́ɓā yāsí ō, sḭḭ̄ i gír deē yāḿ gə̄ ō.


Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.


Nin̄ a télən̄ gír deē yāḿ gə̄ ō, mā m̄-tél Nə́ɓā yādə́ ō.


Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.


Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.


Ndū najə̄ yā Nə́ɓā yān i kemən tə́, adə̄ njan a ngan̄g.


Ndū najə̄ yā Nə́ɓā nel̄ kemḿ ngá̰ý,


Sḭḭ̄ ā ī-téliī gír deē yāḿ gə̄ ō, mā m-ā m̄-tél Nə́ɓā yāsí ō.


Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.


Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.


Deē ń tetə rɔ̄ɔ̄ anī, a ənge man̄ ní. Mā i Nə́ɓā yān ō, ni i ngōnə̄ḿ ō.


Jeju ədan na: Ɔ́dəm̄ alé, tɔdɔ̄ m-āw̄ rɔ̄ Bɔbə́ḿ tə́ aĺ ɓáý. Ba āw̄ ə́dá ngákó̰ó̰ḿ gə̄ na m-āw̄ kə̄ rɔ̄ Bɔbə́ḿ ń i Bɔbə̄sí ō, kə̄ rɔ̄ Nə́ɓā yāḿ ń i Nə́ɓā yāsí ō ní tə́.


I nge ń noō n i madə̄ naā yāḿ kə́ sedə́ dan ń m-ā m-ɔ̄r̄ yá̰á̰ kə́ majaĺ yādə́ gə̄ kɔ̄ɔ́ ní.


Najə̄ kə́ dɔ tár kə́ dɔ dáń ngákó̰o̰ naā gə̄ tə́ ní, majə kadə̄ deē ndang makətūbə̄ adə̄sí najə̄n tə́ alé, tɔdɔ̄ i Nə́ɓā n ɔjəsí sḭḭ̄ kɔ́ gə̄ loo tár naā ní.


Ādə̄ tūr̄ kemjí kə̄ rɔ̄n tə́ kadə̄ j-uniīń gō róbə́ ń ni ɔjəjí ní: Adə̄ ī-rāā yá̰a̰ gə̄ ń ni ədají kadə̄ jə-rāāī ní ō, yá̰a̰ gə̄ ń ndū najə̄ əda ní ō, yá̰a̰ kāgə̄ ɓē gə̄ ń ɔjə kaají gə̄ ní ō.


M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.


Loo ń noō tə́ ní, m-ā m-ə́hɔ madə̄ naā kə dā̰ kə́ bembeé gə̄ ō, kə yel̄ kə́ dɔɔ́ gə̄ ō, kə ngán dā̰ kə́ nang tə́ gə̄ ō, tām̄ yā gír deē yāḿ gə̄ tə́. M-ā m̄-rāā kadə̄ ga̰ gərā gə̄ ō, kaskar gə̄ ō, yá̰a̰ rɔ̄ɔ̄ gə̄ ō, gətóon̄ kɔ̄ɔ́ kem ɓēé. M-ā m-ādə̄ de kə́ kem ɓēé gə̄ a ɓīīn̄ loo yādə́ jəke.


Israel gə̄ ń a teēn̄ ta yo tə́ ní, a rāān̄ yá̰á̰ kə́ majaĺ to̰ aĺ ō, a sorə̄n̄ to̰ aĺ ō, a gólə̄n̄ madə̄də́ gə̄ kə najə̄ kə́ tadə́ tə́ to̰ aĺ ō. Nin̄ a asən̄ kəsa yá̰a̰ ō, ɓīī ō, de kə́ yā rāādə́ kadə̄ ɓōlə́n̄ gətóo ō.


M-ā m̄-rāāsí gír deē yāḿ gə̄ tə́ ō, mā i Nə́ɓā yāsí ō. Ā ī-gerī kadə̄ i mā n i Kɔ́ɔ̄ɓē Nə́ɓā yāsí, nge kɔr̄sí ta kəla ngámbá tə́ dɔ nang kə́ Ejiptə tə́ kɔ̄ɔ́ ní.


Kɔ́ɔ̄ɓē, ḭ̄ ī-rāādə́ gír deē yāí gə̄ tə́ kə́ njɔ́ḿ gə̄ tə́ ō, ī-tél Nə́ɓā yādə́ ō.


Nə́ɓā yāḿ, m̄-gḛy rāā yá̰á̰ ń nelī ní ō, ndū najə̄ yāí i kemḿ tə́ ō.


Ī-do̰ō̰də́ ta ngán jīí tə́, ī-ndangdə́ dan wurií tə́.


Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.


Yá̰á̰ kə́ gōtə́ aĺ yā Juda i kə́ ndang kə gəreé ō, kə diyamā̰a̰ kə́ ta nīmbə́ ō. Ndangən̄ i ngarā̰ kemdə́ tə́ ō, i dɔ gajə loo tun̄ yá̰a̰ gə̄ tə́ ō.


Swiv nou:

Piblisite


Piblisite