JEREMI 31:32 - Bibəl ta Sar̄

³² Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

Bible sar

³² *Madə̄ naā ní a to tītə̄ *madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

JEREMI 31:32 Referans Kwoze

NDŪ NAJƏ̄ 5:3

Əhɔ madə̄ naā i kə kaají gēé alé, ba i kə ngarā̰ kumjí jḭḭ̄ ń ɓōólaā jə-raī laā malang toō.

NDŪ NAJƏ̄ 1:31

tītə̄ ń rāań kem dəla loo tə́ ní ō. Kem dəla loo tə́ ní, sḭḭ̄ kɔ́ gə̄ á̰a̰ī kadə̄ Kɔ́ɔ̄ɓē Nə́ɓā yāsí ətōsí i tītə̄ ń deē a ətōń ngōnən ní. Ni-ətōsí dɔ róbə́ ń ī-njə̄rāī tū tə́ bátə́ ī-reē ūgīneé loo ń toō tə́ laā ní.

Teē Ngán Israel gə̄ 19:5

Adə̄ ń toō ré ōōī najə̄ ń m-ə́dásí ní majə ō, ī-ngɔ̄mī madə̄ naā yāḿ ō anī, ā ī-téliī gír deē yāḿ gə̄ kə́ gātə̄sí i ngá̰ý dan gír de gə̄ tə́ malang, tɔdɔ̄ dɔ nang malang i yāḿ mā,

EJEKIEL 16:8

m̄-tél m̄-mān̄ kadií tə́ ɓáý to̰, anī m-á̰a̰ kadə̄ ásə dəyá̰ kɔ̄ɔ́. Loo ń noō tə́ ní m-ə̄nī kūbə̄ yāḿ dɔí tə́ m-utəń gidə rɔ̄í, tām̄ rɔ̄í i karī. m̄-túbə̄ m-ɔ́jəń kadə̄ m-ā m̄-ra dɔ ndūḿ kə́ m-ə̄nī m-ādī tə́ ō, m-ə́hɔ madə̄ naā seí ō. Loo ń noō tə́ ní ḭ̄ i yāḿ, adə̄ mā Kɔ́ɔ̄ɓē Nə́ɓā m-ə́da nge ń noō kə̄ ndágá.

JA̰A̰ 3:29

Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.

OJEE 3:1

Kɔ́ɔ̄ɓē ədam̄ na: Ī-na̰y kə̄ loo tár dəyá̰ kə́ nge ra dɔ ndūn tə́ aĺ ń a tár dəngam kə́ rang ní. Ī-tárən tītə̄ ń mā Kɔ́ɔ̄ɓē m̄-tárəń ngán Israel gə̄ ní. Ɓá tā banī, nin̄ tūrə̄n̄ rɔ̄də́ kə̄ rɔ̄ nə́ɓā kə́ rang gə̄ tə́ ō, kan̄ kāgə̄ nduú kə́ kɔsə mbō̰ tə́ nel̄də́ ō.

JEREMI 3:14

Ngáń kə́ ngé túy taā kem gə̄ ī-tél ī-reēī! Tɔdɔ̄ i mā n i Kɔ́ɔ̄ɓē ní. Najə̄ ń Kɔ́ɔ̄ɓē əda ní n noó. M-ā m-ɔ́ýsí kógə̄ḿ, kógə̄ḿ kə dɔ ɓē gēé ō, jōó jōó kə dɔ gír kaa gēé ō, yā kaw̄ sesí Siyo̰.

LEBI GƏ̄ 26:15

ré ə́yaī ndū najə̄ yāḿ gə̄ kɔ̄ɔ́ ō, ī-kídī yá̰a̰ kāgə̄ ɓē gə̄ ń m-ɔ́jə́sí ní ō, ī-rāāī yá̰a̰ gə̄ ń m-ɔ́jə́sí malang aĺ ō, adə̄ ī-nujiī madə̄ naā ń m-ə́hɔ sesí ní anī,

HEBƏRO 8:9

Madə̄ naā ní a to i tītə̄ madə̄ naā ń m-ə́hɔ kə kaadə́ gēé, ndɔ̄ ń m-ə́hɔń ta jīdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Kɔ́ɔ̄ɓē əda ɓáý to̰: Nin̄-ran̄ dɔ madə̄ naā yāḿ tə́ alé, adə̄ mā m-ə́yá̰də́ kɔ̄ɔ́.

2 KORḚNTƏ 11:2

m̄-rāā jang najə̄ yāsí tə́, ba jang ń m̄-rāā ní, i jang kə́ ḭḭ i rɔ̄ Nə́ɓā tə́. Tām̄ sḭḭ̄ i tītə̄ ngōmandə kə́ ger̄ dəngam aĺ ɓáý kə́ m-ə́hɔ gātə̄sí tām̄ yā dəngam kə́ kógə̄ḿ beē tə́, dəngam ní i Kərist.

MARK 8:23

Ni-əhɔ jī nge kum tɔ̄ɔ̄ ní, ndɔ́rə̄n, aw̄ seneé gidə ɓē tə́. Ni-rāā hōr̄ tan kumən tə́ ō, əndā jīn dɔn tə́ ō, ba dəjen na ké a̰a̰ yá̰á̰ kə́rēý wa.

OJEE 11:1

Kɔ́ɔ̄ɓē əda na: Dan ń Israel i ngōn̄ ɓáý ní, m̄-tárən ō, m̄-ɓārə́n ni ngōnə̄ḿ kadə̄ teē kɔ̄ɔ́ kem ɓē kə́ Ejiptə tə́ ō.

OJEE 2:2

Loo ń noō tə́ de kə́ Juda gə̄ ō, de kə́ Israel gə̄ ō, a télən̄ yā ɓoo naā gogə́. Nin̄ a əndān̄ ngār kə́ kógə̄ḿ beē dɔdə́ tə́ ō, nin̄ a télən̄ Kɔ́ɔ̄ ɓē gə̄ ō. Ndɔ̄ ń noō i ndɔ̄ kə́ bo yā Jisreel.

EJEKIEL 23:4

Rī ni kə́ nga tɔ́gə na i Ohola, banī rī gidən na i Oholiba. Ni kə́ nga tɔ́gə i Samari, banī gidən i Jerusalem. Nin̄ i yāḿ gə̄ mbak ō, ojən̄ ngáń kə́ dəngam gə̄ ō, ngáń kə́ dəyá̰ gə̄ ō.

EJEKIEL 20:37

M-ā m-ə̄ndā gúu dɔsí tə́ kadə̄ sḭḭ̄ i ɓūtə̄ yá̰a̰ kul̄ yāḿ gə̄ ō, kadə̄ ī-ɓōlíī madə̄ naā ń do̰ō̰ rɔ̄ḿ tū yāsí tə́ ní ō.

JEREMI 34:14

M-ə́dádə́ m-ə́da na: Ré ī-tə́daī ɓāl̄ sīrí ta asə naā anī deē kógə̄ḿ kógə̄ḿ kə́ dansí tə́ a əya̰ ngōkó̰o̰n kə́ hebəro ń gātə̄ kə rɔ̄neé jīn tə́ ní dɔɔ́. Ni a rāā kəla ɓəlo adī kem ɓāl̄ mehḛ́, ba gō tə́ anī ā ə́ya̰n dɔɔ́. Banī kaasí gə̄ nēlə̄n̄ mbīdə́ oōn̄neé najə̄ yāḿ alé.

JEREMI 31:1

Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

JEREMI 22:9

De gə̄ a télən̄ yā kədadə́ na: I tɔdɔ̄ mbātə́n̄ madə̄ naā yā Kɔ́ɔ̄ɓē Nə́ɓā yādə́ ba ɔsən̄ nodə́ nang tə́ no nə́ɓā kə́ rang gə̄ tə́ ō, rāān̄ kəla adə̄n̄də́ ō.

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

IJAI 41:13

Mā Kɔ́ɔ̄ɓē mā i Nə́ɓā yāí. M-ə́hɔ ta jī ko̰í. M-ə́daī na: Ī-lōō ɓōĺ, m̄-reē i yā dḭḭ̄.

IJAI 24:5

A̰á̰ā̰, deē ndul gə̄ rāān̄ dɔ nang adə̄ tél kə́ yḛr, nin̄ mbātə́n̄ rāā yá̰á̰ ń Kɔ́ɔ̄ɓē ədadə́ kadə̄ rāān̄ ní, nin̄ kídə̄n̄ jī bēl̄ loo rāā yá̰a̰ yān gə̄, madə̄ naā ń ɓoodə́ naā tə́ kə Nə́ɓāá kə́ njɔ́ḿ gə̄ tə́ ní, nin̄ gāngə̄n̄ madə̄ naā ní kɔ̄ɔ́.

PĀ KƏ́ MAJƏ 8:5

Dəyá̰ ń ḭḭ dəla loo tə́ ba ndə̄nā rɔ̄n rɔ̄ kó tár yān tə́ a reē noó i náā? m̄-ndólī gír kāgə̄ jīm̄ tītə̄ tə́, loo ń kó̰ó̰í ndānī tū tə́ ní tə́, loo ń dəyá̰ ń ojiī ní ndānī tū tə́ ní tə́.

PĀ GƏ̄ 73:23

Tɔdɔ̄ mā i seí ngándáńg, ḭ̄ ə́hɔ ta jīḿ kə́ ko̰ó̰.

1 MBAN̄G GƏ̄ 8:9

Yá̰á̰ kə́ kem sandúkə tə́ i bar mbal̄ kə́ jōó gə̄ ń Moijə ɓō kemeé ní ngóy. Ni-taā jī Kɔ́ɔ̄ɓē tə́ i dɔ mbal̄ kə́ Horeb tə́, dan ń Kɔ́ɔ̄ɓē əhɔń madə̄ naā kə ngán Israel gēé gō teē sedə́ kɔ̄ɔ́ kem ɓē kə́ Ejiptə tə́ ní.

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

NDŪ NAJƏ̄ 29:1

Moijə ɓāŕ ngán Israel gə̄ malang ba ədadə́ na: Yá̰a̰ malang ń Kɔ́ɔ̄ɓē rāā kə mban̄g Parao̰ ō, kə ngé rāā kəla yān gə̄ ō, kə dɔ nang yān ō, ta kumsí tə́ kem ɓē kə́ Ejiptə tə́ ní, sḭḭ̄ kɔ́ gə̄ á̰a̰ī kə kumsí malang.

NDŪ NAJƏ̄ 29:21

Najə̄ ń ngáńsí gə̄ ń a utə̄n̄ gōsí ní ō, tə̄rā gə̄ ń a ḭḭn̄ dɔ ɓē kə́ sa̰y gə̄ tə́ ní ō, a ədan̄ loo ń a a̰a̰n̄ ɓē yāsí kə́ nujə sák sák kɔ̄ɔ́ ń toō ō, yá̰á̰ kə́ majaĺ gə̄ ń Kɔ́ɔ̄ɓē reēń dɔ tə́ ō ní n toó:

NDŪ NAJƏ̄ 5:2

Kɔ́ɔ̄ɓē Nə́ɓā yājí əhɔ madə̄ naā sejí dɔ mbal̄ Horeb tə́.

JEREMI 11:4

Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

JEREMI 34:13

Najə̄ ń mā Kɔ́ɔ̄ɓē, Nə́ɓā yā Israel m̄-ə́dá ní n toó: I mā n m-ə́da kaasí gə̄ kadə̄ ənīn̄ ndūdə́, dan ń m̄-teēń sedə́ kɔ̄ɔ́ ɓəloó kem ɓē kə́ Ejiptə tə́ ní.

Teē Ngán Israel gə̄ 32:8

na tɔ̄ɔ̄n̄ láẃ ngá̰ý bā̰ā̰ loo tɔ̄ɔ̄ tə́ kɔ̄ɔ́ dɔ róbə́ ń na n-ɔjədə́ tə́ ní. Na rāān̄ ngōn̄ man̄g tām̄ yādə́ tə́ kə lɔ́ŕ kə́ nō horoó. Na ɔsən̄ nodə́ nang tə́ non tə́ ō, na tunə̄n̄ yá̰a̰ adə̄nən̄ ō. Tá ədan̄ na i nə́ɓā yādə́ ń na teē sedə́ kem ɓē kə́ Ejiptə tə́ kɔ̄ɔ́ ní n noó ō.

NDŪ NAJƏ̄ 29:24

Anī a tél a ədan̄də́ na: I tām̄ nin̄ gāngə̄n̄ madə̄ naā ń Kɔ́ɔ̄ɓē Nə́ɓā yā kaadə́ gə̄ rāā sedə́ a teēń sedə́ kɔ̄ɔ́ dɔ nang kə́ Ejiptə tə́ ní.

NDŪ NAJƏ̄ 31:20

Tɔdɔ̄ m-ā m-āw̄ sedə́ dɔ nang ń mba ō, yibə̄ tejə ō, i ngá̰ý tū tə́ á m-ə̄nī ndūḿ m-ādə̄ kaadə́ gə̄ ní tə́. A əsan̄ yá̰a̰ kadə̄ asədə́ ō, a ndin̄ majə ō. Gō tə́ anī a tūrə̄n̄ rɔ̄də́ kə̄ rɔ̄ ɓesə̄ gə̄ tə́ yā rāā kəla kadə̄də́. Ba a kídə̄mə̄n̄ ō, a gāngə̄n̄ madə̄ naā ń m-ə́hɔ sedə́ ní kɔ̄ɔ́ ō.

PĀ GƏ̄ 78:37

Kemdə́ i seneé mámák alé, nin̄ tā a ran̄ dɔ ndūdə́ ń ənīn̄ adə̄nən̄ ní tə́ alé.

JEREMI 11:3

Ā ə́dádə́ na: Kɔ́ɔ̄ɓē, Nə́ɓā yā Israel ɔr̄ najə̄ tītə̄ ń toō beé: Ndɔ̄ĺ i dɔ deē ń oō najə̄ kə́ dɔ madə̄ naā ń toō tə́ aĺ ní tə́.

KƏLA RĀĀ 23:19

Ngol áskar gə̄ kə́ bo ní əhɔ ta jī balsáá ní, aw̄ seneé kə kérneé ba dəjen na ké i yá̰á̰ rí n a sāā kədan ní wa.