JEREMI 31:31 - Bibəl ta Sar̄

³¹ Ndɔ̄ gə̄ ń a reēn̄ noó tə́ ní, m-ā m-ə́hɔ madə̄ naā kə́ kijə kə de kə́ gír yā Israel tə́ gə̄ ō, kə kə́ gír yā Juda tə́ gə̄ ō.

Bible sar

³¹ Ndɔ̄ gə̄ ń a reēn̄ noó tə́ ní, m-ā m-ə́hɔ *madə̄ naā kə́ kijə kə de kə́ gír yā *Israel tə́ gə̄ ō, kə kə́ gír yā *Juda tə́ gə̄ ō.

JEREMI 31:31 Referans Kwoze

EJEKIEL 37:26

M-ā m-ə́hɔ madə̄ naā kə́ tām̄ yā lɔm tə́ sesí, ba madə̄ naā ní a to ngándáńg. M-ā m-ə̄ndāsí kem ɓē ń toō tə́ ō, m-ā m̄-rāāsí kadə̄ kutəsí i ngá̰ý ō, m-ā m-ə̄ndā kújə yāḿ dansí tə́ kadə̄ a to ngándáńg ō.

JEREMI 32:40

M-ā m-ə́hɔ madə̄ naā sedə́ kadə̄ a to ngándáńg. M-ā m̄-rāā majə sedə́, kanjə̄ kɔr ta tə́ ō, m-ā m̄-rāā kadə̄ a ɓōlə́n̄ ndílə́ḿ ngarā̰ kemdə́ tə́ ō, yā kadə̄ ɔrə̄n̄ rɔ̄də́ sa̰y rɔ̄ḿ tə́ to̰ aĺ i kə́ bátə́ gə̄ tə́.

2 KORḚNTƏ 3:6

Tɔdɔ̄ i ni n i nge rāā tá kadə̄ jḭḭ j-asəń téĺ ngé rāā kəla gə̄ yā madə̄ naā kə́ kíjə ní. Madə̄ naā kə́ kijə ní ra i dɔ ndū najə̄ kə́ ndang tə́ alé, banī ra i dɔ Ndíĺ tə́. Ndū najə̄ kə́ ndang a tɔ̄l̄ i deē, banī Ndíĺ i nge rāā kadə̄ deē ndi kə kumneé.

HEBƏRO 12:24

Sḭḭ̄ ī-ndɔ́tī i kə̄ rɔ̄ Jeju tə́, ni i nge ra mbənā de gə̄ tə́ kə Nə́ɓāá tām̄ yā madə̄ naā kə́ kijə tə́ ō, kə̄ ta mósə́ Jeju kə́ a̰ȳ nang tə́ tə́, mósən ní ɔr̄ najə̄ majə tɔȳ yā Abel.

Najə̄ kə́ Majə yā Jeju ń Luk ndang ní 22:20

Gō yá̰a̰ kəsa tə́ anī, ni-rāā tītə̄ ń noō ɓáý to̰ kə kopoó, ba ədadə́ na: Kopə ń toō i kópə yā madə̄ naā kə́ kijə kə ta kūl̄ mósə́ḿ kə́ ɓōkə́ nang tə́ tām̄ yāsí tə́.

1 KORḚNTƏ 11:25

Dan ń əsan̄ yá̰á̰ gír gān̄g ní a, ni-rāā tītə̄ ń noō kə kópó ō, ba gō tə́ anī əda na: Kópə́ ń toō i madə̄ naā kə́ kijə kə́ Nə́ɓā əhɔ kə de gēé kə ta kūl̄ mósə́ḿ māá. Ī-rāāī yá̰á̰ ń toō yā gírəń dɔḿ tə́ kə dɔ ka̰ȳsí yá̰á̰ kə́ kem kópə ń toō tə́ gə̄ malang.

MARK 14:24

Ni ədadə́ na: Nge ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō.

MATIYE 26:28

tɔdɔ̄ yá̰á̰ ń toō i mósə́ḿ, i mósə madə̄ naā ń Nə́ɓā əhɔ sesí ní. I mósə́ kə́ ɓōkə́ nang tə́ tām̄ yā kósə de kə́ ngá̰ý gə̄ tə́ ō, tām̄ kadə̄ Nə́ɓā māyń rɔ̄n dɔ majaĺ yādə́ gə̄ tə́ ō.

HEBƏRO 9:15

I tām̄ najə̄ ń toō tə́ n Kərist i nge ra mbənā tə́ tām̄ yā madə̄ naā kə́ kíjə tə́ ní. Adə̄ i tām̄ yā madə̄ naā kə́ kijə tə́. Ni-oy i yā gāngə̄ń dɔ ngé gə̄ ń mānə̄n̄ dɔ ndū najə̄ gə̄ yā madə̄ naā kə́ kété tə́ ní, adə̄ ngé gə̄ ń ɓārə́n̄də́ ní a əngen̄ yá̰á̰ kə́ to ngándáńg ń Nə́ɓā ənī míndən dɔ tə́ yā kadə̄ ngánən gə̄ ní.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

JEREMI 30:3

Kem ndɔ̄ gə̄ ń a reēn̄ noō tə́ ní m-ā m̄-tél yā kənda Israel ō, Juda ō ń i gír deē yāḿ gə̄ ní kijə. M-ā m̄-tél yā reē sedə́ gogə́ kem ɓē ń m-ādə̄ kaadə́ gə̄ ō, nin̄ a əngen̄ yá̰a̰ ndəbā tə́ ō ní. Najə̄ ń Kɔ́ɔ̄ɓē əda ní n noó.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

AMOS 9:13

Kɔ́ɔ̄ɓē əda ɓáý to̰ na: Ndɔ̄ a reē noó kadə̄ kōō i ngá̰ý al̄ naā, adə̄ kōō gə̄ ní a ton̄ bátə́ ugə̄ń dan yā ndɔr̄ gə̄ tə́. Kəja kan̄ kāgə̄ nduú a to bátə́ ugə̄ń dan yā dubə̄ kōō gémē gə̄ tə́ tītə̄ ń noō ō. Loo ń noō tə́ kasə nduú kə́ kijə a nūgə́ dɔ ngán mbal̄ gə̄ tə́ ō, a un dɔ ngán mbal̄ gə̄ ō.

JEREMI 31:27

Kem ndɔ̄ gə̄ ń a reēn̄ noó tə́ ní, m-ā m̄-dubə̄ de gə̄ ō, dā̰ gə̄ ō, kə́ Israel tə́ ō, Juda tə́ ō tītə̄ loo dubə̄ kōō beé.

GALATƏ 6:16

De gə̄ malang ń unən̄ gō róbə́ ń toō, kə deē yā Nə́ɓā gēé ní, ādə̄ Nə́ɓā adə̄də́ kem sɔl̄ lɔm ō, a̰a̰ kum tō ndoō yādə́ ō.

NDŪ NAJƏ̄ 29:14

ba i kə deē ń ra sejí ɓōólaā ta kum Kɔ́ɔ̄ɓē Nə́ɓā yājí tə́ ní ō, kə deē ń i sejí ɓōólaā aĺ ɓáý ní ō.

IJAI 59:21

Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.

HEBƏRO 7:12

Tɔdɔ̄ ré tūrə̄n̄ kəla tun̄ yá̰a̰ kɔ̄ɔ́ anī, i gáŕ kadə̄ a tūrə̄n̄ gír ndū najə̄ kɔ̄ɔ́ ō.