JEREMI 31:30 - Bibəl ta Sar̄

³⁰ Banī i beé alé. Náā nəkɔ́ a oy najə̄ majaĺ yān tə́. Ré deē kógə̄ḿ əsa kan̄ nduú kə́ ɓogə́ro anī, i ngān̄g kɔ́ɔ̄ nəkɔ́ n a nujə ní.

Bible sar

³⁰ Banī i beé alé. Náā nəkɔ́ a oy najə̄ majaĺ yān tə́. Ré deē kógə̄ḿ əsa kan̄ nduú kə́ ɓogə́ro anī, i ngān̄g kɔ́ɔ̄ nəkɔ́ n a nujə ní.

JEREMI 31:30 Referans Kwoze

EJEKIEL 18:20

I deē ń rāā majaĺ ní n sɔɔ̄ kadə̄ ni-oy ní. A əndan̄ ngán gə̄ tām̄ majaĺ yā bɔbə̄də́ gə̄ tə́ aĺ ō, a əndan̄ bɔbə̄ ngán gə̄ tām̄ majaĺ yā ngáńdə́ gə̄ tə́ aĺ ō. Deē ń rāā yá̰á̰ kə́ majə ní, a əndān̄ njan tām̄ yá̰a̰ rāān gə̄ kə́ gōtə́ tə́ ō, deē ń rāā yá̰á̰ kə́ majaĺ ní, a əndanən̄ tām̄ yá̰a̰ rāān kə́ majaĺ tə́ ō.

IJAI 3:11

Banī i yá̰á̰ kə́ to kum kaȳ aĺ kə́ ba̰ý beē tām̄ yā ngé kem ndul gə̄ tə́! Yá̰a̰ malang a majaĺ tām̄ yādə́ tə́. I yá̰á̰ ń nin̄ rāān ní n a rāān̄ sedə́ ní.

GALATƏ 6:5

Tɔdɔ̄ náā nəkɔ́ a ətō yá̰á̰ kə́ kɔȳ yān nəkɔ́.

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

NDŪ NAJƏ̄ 24:16

A tɔ̄lə̄n̄ bɔbə̄ ngán gə̄ tām̄ majaĺ yā ngáńdə́ gə̄ tə́ aĺ ō, a tɔ̄lə̄n̄ ngán gə̄ tām̄ majaĺ yā bɔbə̄də́ gə̄ tə́ aĺ ō, banī a tɔ̄lə̄n̄ de gə̄ kógə̄ḿ kógə̄ḿ i tām̄ majaĺ yādə́ nin̄ kɔ́ gə̄ tə́.

EJEKIEL 33:18

Dan ń de kə́ gōtə́ əya̰ gō hálən kə́ gōtə́ ba rāā yá̰á̰ kə́ gōtə́ aĺ anī, ni a oy tāmən tə́.

JAKƏ 1:15

Ba dan ń ngur yá̰á̰ kə́ majaĺ kə́ kem deē tə́ ní ndān̄ ngōn̄ anī, a ojə i rāā majaĺ, ba dan ń rāā majaĺ tɔgə anī a ojə i yo.

EJEKIEL 33:13

Tītə̄ ń toō: M-ə̄nī ndūḿ m-ādə̄ de kə́ gōtə́ kadə̄ ni a ndi kə kumneé. Banī ni gír̄ kadə̄ hálən kə́ majə kə́ kété ń ni-rāā ní asə adə̄ ni udə kə̄ rɔ̄ rāā yá̰á̰ kə́ majaĺ tə́. I beé ɓá ní, yá̰a̰ rāān kə́ majə kə́ kété gə̄ ní i kə́ yā tə́da to̰ alé. Adə̄ ni a oy tām̄ yā yá̰á̰ kə́ majaĺ ń ni rāā tə́ ní.

EJEKIEL 33:8

Tītə̄ ń toō, i gáŕ kadə̄ m̄-tāā deē kógə̄ḿ kə́ majaĺ m-ə́dan na ni a oy rɔ̄kum. Banī ḭ̄ ī-tāan alé, ī-dəjen kadə̄ tūr̄ hálən alé. Adə̄ deē ní a oy najə̄ yá̰a̰ rāān gə̄ kə́ gōtə́ aĺ tə́, banī mā m-ā m̄-dəjeī ḭ̄ gír yon.

EJEKIEL 3:24

Anī Ndíĺ Nə́ɓā udə kemḿ tə́ ba un udəm̄ dɔɔ́ gogə́. Kɔ́ɔ̄ɓē ədam̄ na: Āw̄ údə́ kújú looí ba ūtə̄ ta kújə dɔí tə́.

2 MBAN̄G 14:6

Banī ni tɔ̄l̄ ngáń ngé tɔ̄l̄ bɔbə̄n gə̄ alé, kə gō ń ndangən̄neé kem makətūbə̄ ndū najə̄ yā Moijə tə́ ní. Tɔdɔ̄ Kɔ́ɔ̄ɓē əda kem makətūbə̄ ndū najə̄ yā Moijə tə́ na a tɔ̄lə̄n̄ bɔbə̄ ngán gə̄ tām̄ yā yá̰á̰ kə́ majaĺ gə̄ ń ngán gə̄ rāān̄ tə́ ní aĺ ō, a tɔ̄lə̄n̄ ngán gə̄ tām̄ yā yá̰á̰ kə́ majaĺ gə̄ ń bɔbə̄də́ gə̄ rāān̄ ní tə́ aĺ ō. A tɔ̄lə̄n̄ deē i tām̄ yā yá̰á̰ kə́ majaĺ gə̄ ń kɔ́ɔ̄ rāā tə́ ní.

Makətūbə̄ yā Job 21:20

Ādə̄ ni-a̰a̰ nujə ń ni a nujə sák sák ní kə kumneé ō, ādə̄ tan nāā wōn̄g yā Nə́ɓā kə́ tɔ́gən i ngá̰ý ō!