JEREMI 31:3 - Bibəl ta Sar̄

³ Kɔ́ɔ̄ɓē ndɔ̄bə̄m̄ sa̰y adə̄ m-á̰a̰n, ni ədam̄ na: m̄-táriī i kə táŕ kə́ a to ngándáńg. m̄-ndɔ́rī kə̄ rɔ̄ḿ tə́ i tām̄ ra kə́ m̄-rā dɔ ndūḿ tə́.

Bible sar

³ Kɔ́ɔ̄ɓē ndɔ̄bə̄m̄ sa̰y adə̄ m-á̰a̰n, ni ədam̄ na: m̄-táriī i kə táŕ kə́ a to ngándáńg. m̄-ndɔ́rī kə̄ rɔ̄ḿ tə́ i tām̄ ra kə́ m̄-rā dɔ ndūḿ tə́.

JEREMI 31:3 Referans Kwoze

PĀ GƏ̄ 103:17

Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́ əla gír i jóo ō, a to ngándáńg ō. Háĺ kə́ gōtə́ yān to tām̄ yā ngán kaadə́ gə̄ tə́ ō,

OJEE 11:4

M-ɔ́rən ta róbə kə kemḿ kə́ sɔl̄ léléḿ ō, tár do̰ō̰jí naā tə́ seneé ō. Kété ní m̄-to i tītə̄ de kə́ un ngōnən əndā kadə mbɔ́rən tə́ beē tām̄ yān tə́. m̄-rodə́ i mbée n m-ā m-ādə̄nəń yá̰a̰ kəsa ní.

NDŪ NAJƏ̄ 33:3

Kɔ́ɔ̄ɓē táŕ gír ɓē gə̄ yā ngán Israel gə̄. Ni-ngɔ̄m̄ deē yān gə̄ malang kə́ ngé kán̄ naā ta kejən tə́ yā taāń kɔjə̄ yān gə̄.

1 JA̰A̰ 4:19

Ba jḭḭ̄ jə-táriī Nə́ɓā i tɔdɔ̄ ni-táŕjí kété.

2 TIMOTE 1:9

I Nə́ɓā n ajəjí ō, ɓāŕjí kadə̄ jə-téliī deē yān gə̄ ō ní. I kə gō kəla rāājí jḭḭ̄ kɔ́ gɔ̄ɔ́ alé, banī i tām̄ gír̄ ń nəkɔ́ gír̄ kemən tə́ kadə̄ n-rāā beé ní ō, tām̄ kem majə yān tə́ ō. Ni-rāā kem majə ní sejí i kə ta kūl̄ ɓoo kə́ jə-ɓooī naā kə Jeju Kərist, i kété pá tá kadə̄ ni-rāā yá̰a̰ malang ɓáý.

Makətūbə̄ ń Pol ndang adə̄ Rom gə̄ ní 8:30

Ngé gə̄ ń ni-əndā dɔdə́ tə́ kadə̄ a ton̄ tītə̄ Ngōnən ní, ni-ɓāŕdə́ ō. Ngé gə̄ ń ni-ɓāŕdə́ ní, ni-rāā adə̄ télən̄ de kə́ súmūú gə̄ ō. Ngé gə̄ ń ni-rāā adə̄ télən̄ de kə́ súmūú gə̄ ní, ni-ɔsə gɔndə́ ō.

IJAI 45:17

Banī Kɔ́ɔ̄ɓē ajə gír de gə̄ yā Israel, ni ajədə́ i kə́ njɔ́ḿ gə̄ tə́. A nujən̄də́ to̰ aĺ ō, a əlan̄ rɔ̄sɔl̄ dɔdə́ tə́ to̰ aĺ ō.

MALASI 1:2

Kɔ́ɔ̄ɓē əda gír deē yān gə̄ wáńg na: Mā Kɔ́ɔ̄ɓē m̄-táŕsí, banī sḭḭ̄ ī-dəjemī najə̄ ə́daī na ké yá̰á̰ ń ɔjə kadə̄ m̄-táŕsí ní ké i rí wa. m̄-tél m̄-tūr̄sí m-ə́da na: Kété ní, Esau i ngōkó̰o̰ Jakob aĺ a? Ɓá tā ba m̄-gḛy i Jakob

NDŪ NAJƏ̄ 10:15

Ɓá tā ba i kaasí gə̄ ngóy n Kɔ́ɔ̄ɓē əhɔ gōdə́ táŕdə́ kété ní. Tá i sḭḭ̄ ngán kaadə́ gə̄ n ni gə̄rāsí dan gír de gə̄ tə́ tītə̄ ń á̰a̰īń ɓōólaā ní.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

PĀ KƏ́ MAJƏ 1:4

Əhɔ ta jīḿ, ī-ndɔ́rə̄m̄ gōí tə́ ō, ādə̄ j-a̰ȳ ngɔ̄də̄ ō. Ḭ̄ i mban̄g yāḿ, āw̄ seḿ kújə yāí tə́. Ī-rāā ādə̄ jḭḭ kɔ́ gə̄ jōó mbak ní rɔ̄jí nel̄jí ngá̰ý. Ādə̄ jə-tɔ̄ȳ tár yāí tɔȳ loo kɔr ta kasə nduú. Ngáń kə́ dəyá̰ gə̄ ń nel̄də́ seí ní najə̄ i yādə́!

OJEE 11:1

Kɔ́ɔ̄ɓē əda na: Dan ń Israel i ngōn̄ ɓáý ní, m̄-tárən ō, m̄-ɓārə́n ni ngōnə̄ḿ kadə̄ teē kɔ̄ɔ́ kem ɓē kə́ Ejiptə tə́ ō.

NDŪ NAJƏ̄ 33:26

Gō tə́ anī Moijə əda ɓáý to̰ na: Yesurun, nə́ɓā kə́ rang kə́ to tītə̄ Nə́ɓā yāí gətóo. Ni-al̄ kil̄ man̄ sə́ndá tə́ kə tɔ́gɔ́ əndań dɔ rā̰ gān̄g ba mān̄ reē gōí tə́ yā dḭḭ̄.

NDŪ NAJƏ̄ 4:37

Nəkɔ́ teē sesí kɔ̄ɔ́ dɔ nang kə́ Ejiptə tə́ kə ta kūl̄ tɔ́gən kə́ ngá̰ý tɔdɔ̄ ni tár kaasí gə̄ ō, gə̄rasí sḭḭ̄ ngán kaadə́ gə̄ ní.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

Makətūbə̄ ń Pol ndang adə̄ Rom gə̄ ní 9:13

Yá̰á̰ ń toō reē i kə gō najə̄ ń ndangən̄ kem makətūbūú tītə̄ ń toō beé ədan̄ na: m̄-tár Jakob ba m-īm̄ Esau.

PĀ GƏ̄ 25:6

Kɔ́ɔ̄ɓē, ādə̄ əga kemií na ḭ̄ i Nə́ɓā kə́ nge tár deē ō, nge kem majə ō, ngándáńg.

1 MBAN̄G GƏ̄ 10:9

Kɔ́ɔ̄ɓē Nə́ɓā yā Salomo̰ ń gə̄rā Salomo̰ kadə̄ o̰o̰ ɓē dɔ Israel gə̄ tə́ ní, ādə̄ de gə̄ ɓōkə́nən̄ tɔ̄ȳ. Kɔ́ɔ̄ɓē na tár Israel gə̄ na i kə́ njɔ́ḿ gə̄ tə́ á na əndā Salomo̰ kadə̄ ni i mban̄g yādə́ kadə̄ gān̄g sarya yādə́ kə gō gēé ní.

IJAI 43:4

A̰á̰ā̰, kemḿ i dɔí tə́ ngan̄g ngá̰ý, gātīí i ngá̰ý ō, m̄-táriī ō. I tām̄ najə̄ ń toō tə́ n m-ādə̄ gír de gə̄ kum gotií ní, m-ādə̄ deē ndul gə̄ m̄-mbéləń gírí ní.

IJAI 49:14

Kété ní Siyo̰ əda na: Kɔ́ɔ̄ɓē əya̰m̄ kɔ̄ɔ́, dɔ Kɔ́ɔ̄ɓē ndígə̄naləḿ kɔ̄ɔ́.