JEREMI 31:27 - Bibəl ta Sar̄

²⁷ Kem ndɔ̄ gə̄ ń a reēn̄ noó tə́ ní, m-ā m̄-dubə̄ de gə̄ ō, dā̰ gə̄ ō, kə́ Israel tə́ ō, Juda tə́ ō tītə̄ loo dubə̄ kōō beé.

Bible sar

²⁷ Kem ndɔ̄ gə̄ ń a reēn̄ noó tə́ ní, m-ā m̄-dubə̄ de gə̄ ō, dā̰ gə̄ ō, kə́ *Israel tə́ ō, *Juda tə́ ō tītə̄ loo dubə̄ kōō beé.

JEREMI 31:27 Referans Kwoze

OJEE 2:23

Kɔ́ɔ̄ɓē əda na: Ndɔ̄ ń noō tə́ ní, m-ā m-ādə̄ yá̰á̰ ń dɔ rā̰ ndi a ngóō ta jīḿ tə́ ní ō, dɔ rā̰ a adə̄ yá̰á̰ ń dɔ nang ndi a ngóō ta jīn tə́ ní ō.

EJEKIEL 36:11

Kutə de gə̄ gē dā̰ gē a reē ngá̰ý kə̄ dɔ naā tə́ kə̄ loo gə̄ tə́ malang. Ā ójiī ngán gə̄ ō, kutəsí a reē ngá̰ý ō. De gə̄ a ton̄ ngá̰ý kem ɓēé tītə̄ kə́ kété ō, ā ə́ngeī yá̰a̰ tɔȳ kə́ kété ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 36:9

A̰á̰ā̰, m̄-reē kə̄ rɔ̄sí tə́, m̄-tūr̄ kumḿ kə̄ rɔ̄sí tə́. A télən̄ yā ndɔr̄ dɔ nang yāsí tə́ gogə́ ō, a dubə̄n̄ kōō tū tə́ gogə́ ō.

JAKARI 10:9

Kété ní, m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de gə̄ tə́, tītə̄ loo dubə̄ kum yá̰a̰ beé. Ba loo ń nin̄ i kem ɓē kə́ sa̰y gə̄ tə́ anī, a əga kemdə́ dɔḿ tə́. Nin̄ a ndin̄ nú kə ngáńdə́ gēé, ba gō tə́ anī, a télən̄ yā reē.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

NDŪ NAJƏ̄ 30:9

Kɔ́ɔ̄ɓē Nə́ɓā yāsí a adə̄sí rɔ̄nel̄ tū yá̰a̰ malang ń ā ī-rāāī tə́ ní, tɔdɔ̄ a adə̄sí ngán gə̄ ngá̰ý ō, a rāā kadə̄ yá̰a̰ kul̄ yāsí gə̄ ojən̄ naā ngá̰ý ō, a rāā kadə̄ dɔ nang yāsí teē kōō ngá̰ý ō. Tītə̄ ń ndi majə yā kaasí gə̄ nelə̄ń Kɔ́ɔ̄ɓē kété ní, yá̰á̰ ń a tél yā nelə̄n gogə́ rang ní i ndi majə yāsí sḭḭ̄ ō,

EJEKIEL 36:10

Dɔ nang kə́ Israel tə́ malang ní, m-ā m̄-rāāsí kadə̄ kutəsí i ngá̰ý. De gə̄ a télən̄ yā ndi kem ɓē bo gə̄ tə́ gogə́ ō, yá̰á̰ ń i kə́ nujə kɔ̄ɔ́ ní, a télən̄ yā rāā gogə́ ō.

PĀ GƏ̄ 107:41

Banī ni un nge rɔ̄ tō ndoō kɔ̄ɔ́ kum ndoō kə́ ngá̰ý aĺ naā tə́ ō, rāā adə̄ gír kojə gə̄ ojən̄ naā ngá̰ý tītə̄ ɓūtə̄ yá̰a̰ kuĺ gə̄ ō.