JEREMI 31:23 - Bibəl ta Sar̄

²³ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ Juda tə́, a ədan̄ na: Mbal̄ kə́ táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.

Bible sar

²³ Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ *Juda tə́, a ədan̄ na: Mbal̄ kə́ *táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.

JEREMI 31:23 Referans Kwoze

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

JEREMI 50:7

De gə̄ malang ń əngen̄də́ ní rə́yā̰n̄də́ naā tə́. Madə̄ ba̰ā̰də́ gə̄ ədan̄ na: Najə̄ a əsō dɔjí tə́ alé, tɔdɔ̄ nin̄ rāān̄ majaĺ kə Kɔ́ɔ̄ɓēé. I Kɔ́ɔ̄ɓē n i nge rāā yá̰á̰ kə́ gōtə́ ō, i ni n i yá̰a̰ kəndā kem dɔ tə́ yā kaadə́ gə̄ ō ní.

IJAI 1:26

Ngé sarya yāí gə̄ a ton̄ tītə̄ ngé kə́ kété jóo gə̄ ō, ngé kadə̄ kɔjə̄ yāí gə̄ a ton̄ tītə̄ ngé kə́ kem ɓāl̄ gə̄ kə́ mānə̄n̄ kɔ̄ɔ́ tə́ ō, i kə ta kūlə̄ḿ māá. Gō tə́ anī, a ɓāríīn̄ na i ɓē yā yá̰a̰ rāā kə́ gōtə́, na i ɓē kə́ nge ra dɔ ndūn tə́.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

ABƏDIAS 1:17

Loo ń noō tə́ ní, ngé gə̄ ń a ndin̄ kə kumdə́ ɓáý ní, a reēn̄ yā ɓɔ̄ɔ̄ rɔ̄də́ dɔ mbal̄ Siyo̰ tə́. Dɔ mbal̄ Siyo̰ a tél loo kə́ táĺ gogə́ ō, de gə̄ kə́ kem kojə yā Jakob tə́ a télən̄ yā taā ɓē yādə́ kɔ̄ɔ́ jī ngé gə̄ ń taān̄ ɓē yādə́ tə́ ní ō.

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

IJAI 1:21

Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

PĀ GƏ̄ 134:3

Ādə̄ Kɔ́ɔ̄ɓē nge rāā dɔ rā̰ ō dɔ nang ō ń ndi Siyo̰ ní, rāā majə sesí!

PĀ GƏ̄ 129:8

Najə̄ ń na: Ādə̄ Kɔ́ɔ̄ɓē rāā majə sesí ní, ngé mān̄ róbə gə̄ ədan̄də́ aĺ ō. Jə-tɔ́r̄ tají dɔsí tə́ kə rī Kɔ́ɔ̄ɓēé.

PĀ GƏ̄ 128:5

Ādə̄ Kɔ́ɔ̄ɓē ń ndi Siyo̰ ní rāā majə seí. Loo ń noō tə́ ā á̰a̰ majə yā ɓē kə́ Jerusalem kə dɔ ndɔ̄ gə̄ malang ń ā ī-ndiń kə kumií ní ō,

PĀ GƏ̄ 28:9

Kɔ́ɔ̄ɓē, ájə́ gír deē yāí gə̄ ō, ī-rāā majə kə yá̰a̰ halaí gēé ō. ādə̄ ḭ̄ i nge kuldə́ ō, nge ka̰a̰ gōdə́ ngándáńg ō!

RUTƏ 2:4

Gō tə́ anī Boj ḭḭ Betlehem reē ugə̄. Ni-əda ngé sāā kōō gə̄ na: Ādə̄ Kɔ́ɔ̄ɓē i naā tə́ sesí! Anī ngé sāā kōō gə̄ tél ədanən̄ na: Ādə̄ Kɔ́ɔ̄ɓē rāā majə seí!

JEREMI 32:44

A mbɔ̄jə́n̄ nar yā mangəń loo ndɔr̄ gə̄ ō, a ndangən̄ makətūbə̄ kə́ ɔjə dɔ ō, a ɓārə́n̄ de gə̄ kadə̄ nin̄ i kə́ kum tə́ yā kəndāń tambō̰o̰ tū makətūbə̄ ní tə́ ō. A ḭḭn̄ i kem ɓē gə̄ kə́ Juda tə́ ō, kem ngé kə́ dɔ mbalá gə̄ tə́ ō, ngé kə́ mbal̄ bo gətóo tū tə́ gə̄ tə́ ō, ngé kə́ Negeb tə́ gə̄ ō n a reēn̄ ní. Tɔdɔ̄ m-ā m̄-tél yā kəndādə́ kijə. Najə̄ ń Kɔ́ɔ̄ɓē əda ní n noó.

IJAI 11:9

Yá̰á̰ kə́ majaĺ, aké yá̰a̰ rāā kə́ kə dɔ́nɔ́ a to dɔ mbal̄ kə́ táĺ yā Kɔ́ɔ̄ɓē tə́ to̰ alé. Tām̄ ger̄ Kɔ́ɔ̄ɓē a taā loo kem ɓēé, tītə̄ ń man̄ taāń loo kum bā bo gə̄ tə́ ní beē.

IJAI 32:16

Loo ń noō tə́ a ɓōlə́n̄ gidə yá̰á̰ kə́ súmūú dəla loo tə́ ō, yá̰á̰ kə́ gōtə́ a ndi kem ndɔr̄ kāgə̄ gə̄ kə́ a anə̄n̄ tə́ ō.

IJAI 33:5

Kɔ́ɔ̄ɓē bo tɔȳ yá̰a̰ malang, tɔdɔ̄ ni-ndi i loo kógə̄ḿ kə́ ḭḭ kə̄ dɔɔ́ tə́. Ɓōĺ gidə yá̰á̰ kə́ súmūú ō, yá̰a̰ rāā kə́ gōtə́ ō ní, ni-əndā ngəran i Jerusalem.

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.