JEREMI 31:20 - Bibəl ta Sar̄

²⁰ Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

Bible sar

²⁰ *Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

JEREMI 31:20 Referans Kwoze

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

IJAI 63:15

Kɔ́ɔ̄ɓē, ī-ndi dɔɔ́ dɔ rā̰ tə́ a̰a̰ń loo. Ī-ndi loo kə́ táĺ tə́ ō, kə́ majə ngá̰ý tə́ ō á̰a̰ń yá̰á̰ ń rāājí ní. Tár yāí ń a o̰ō̰ī kə́ hor tə́ tām̄ yājí tə́ ní n to rá? Tɔ́gí n to rá? J-a̰a̰ rāā kə́ ī-rāā tɔdɔ̄jí to̰ aĺ ō, kem majə yāí kə́ tām̄ yājí tə́ to̰ aĺ ō.

PĀ GƏ̄ 103:13

Tītə̄ ń bɔbə̄ ngán gə̄ a rāań tɔdɔ̄ ngánən gə̄ ní, tītə̄ ń toō Kɔ́ɔ̄ɓē rāā tɔdɔ̄ ngé ɓōĺ ndílən gə̄ ō.

OJEE 14:4

Dɔ nang kə́ Asiri asə kajəjí alé. J-a j-ḭḭ gidə sə́nda rɔ̄ɔ̄ gə̄ tə́ to̰ alé. Yá̰á̰ kə́ tɔ́sə̄ kum gotə yá̰a̰ gə̄ ń jḭḭ kɔ́ gə̄ jə-tɔ́sə̄ kə jījí ní, j-a jə-ɓāŕdə́ na i Nə́ɓā yājí to̰ alé. Tɔdɔ̄ i ḭ̄ ngóy n á̰a̰ kum tō ndoō yā ngán hal gə̄ ní.

NGÉ SARYA 10:16

Gō tə́ anī ró̰ȳn̄ ɓesə̄ yā tə́rā gə̄ ń udən̄ loodə́ ní kɔ̄ɔ́ ba tél rāān̄ kəla yā Kɔ́ɔ̄ɓē. Adə̄ Kɔ́ɔ̄ɓē asə tə́gā tan dɔ ko̰y yādə́ tə́ to̰ alé.

PILIPƏ 1:8

m̄-táŕsí malang kə ta kūl̄ tár yā Jeju Kərist. Nge ń noō ní Nə́ɓā i de kə́ kum tə́ yāḿ loon tə́.

Najə̄ kə́ Majə yā Jeju ń Luk ndang ní 15:24

tɔdɔ̄ ngōnə̄ḿ ń toō oy i mbée, ba ngɔlaā ni-tél ajə gogə́, tan tḭ̄ḭ̄ i mbée ba j-əngeniī kɔ̄ɔ́ tā. Loo ń noō tə́ nin̄-əlan̄ gír rāā rɔ̄nel̄.

JEREMI 48:36

Kemḿ síkə̄ nōō najə̄ yā Moab tə́ ō, síkə̄ nōō najə̄ yā Kir Heres gə̄ tə́ ō, tītə̄ nal kə́ a ɓār̄ beé. Nin̄ oyn̄ najə̄ yá̰a̰ kənge yādə́ kə́ teēdə́ yá̰á̰ tə́ alé.

IJAI 16:11

I tām̄ najə̄ ń noō tə́ n kemḿ nōō dɔ ɓē kə́ Moab tə́ ní. Nōō yāḿ ɓār̄ tītə̄ kōō kənde kənde kə́ kugə kənīń pā beé. m̄-nōō tām̄ yā Kir Heres tə́.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.

PĀ KƏ́ MAJƏ 5:4

Kó tár yāḿ əla jīn ko̰rō̰ kújə́ tə́, anī kemḿ əgam̄ biting.

Gōsə̄ najə̄ gə̄ 3:12

Tɔdɔ̄ Kɔ́ɔ̄ɓē i nge ndán̄g deē ń ni tárən ní, tītə̄ ń bɔbə̄ ngōn̄ a ndángəń ngōn̄ kó tár yān ní beē.

1 MBAN̄G GƏ̄ 3:26

Anī dəyá̰ ń ngōn̄ kə́ kə kumuú i yān ní kumən o̰o̰n ngá̰ý tām̄ yā ngōnən tə́, adə̄ əda mban̄g na: Kɔ́ɔ̄ ɓē gə̄, m̄-rāāī ɓɔ́, ādə̄n ngōn̄ kə́ kə kumuú ní ba ī-lōō tɔ̄lən! Banī dəyá̰ madə̄n əda na: Ī-gāngī ngōn̄ ní danaá, ādə̄ i yāḿ aĺ ō, i yān aĺ ō!

NDŪ NAJƏ̄ 32:36

Kɔ́ɔ̄ɓē a gān̄g sarya kə́ gōtə́ yā kadə̄ deē yān gə̄ ō, kumən a o̰o̰n tām̄ yā ngé kəla yān gə̄ tə́ ō, loo ń ni a a̰a̰ kadə̄ tɔ́gə́də́ gətóo ō, yá̰á̰ kə́ yā kadə̄ əndān̄ tɔ́gə́də́ dɔ tə́ gətóo ō, yá̰á̰ kə́ yā kɔsə kíĺdə́ kə̄ dɔɔ́ gətóo ō ní.

TA KƏLA 43:30

Kemən ḭḭn huyuyu tām̄ yā ngōkó̰o̰n tə́, adə̄ ngur nōō rāān, anī udə kem kújə kə́rēý tə́ láẃ ra a nōō.

Najə̄ kə́ Majə yā Jeju ń Luk ndang ní 15:32

Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.

JEREMI 3:12

Āw̄, ə̄nī mbēr̄ ń toō dām̄ mbɔ́r ɓē kə́ ko̰ó̰ tə́ ə́da na: Israel kə́ nge túy taā kem yān, ī-tél ī-reē tā. Najə̄ ń Kɔ́ɔ̄ɓē əda ní n noó. Ndíĺsí a a̰ȳ ta kumḿ tə́ to̰ alé. Rɔ̄kum, mā i de kə́ sew. M-ā m̄-rāā wōn̄g sesí kə́ njɔ́ḿ gə̄ tə́ alé. Najə̄ ń Kɔ́ɔ̄ɓē əda ní n noó.

JEREMI 33:26

kə m̄-mbātə́ de kə́ gír kaa yā Jakob tə́ gə̄ ō, kə́ gír kaa yā nge kəla yāḿ Dabid tə́ gə̄ ō a? Kə m̄-gə̄rā ngār gə̄ dan gír deē yā Dabid tə́ kadə̄ o̰ō̰n̄ ɓē dɔ gír kojə yā Abəraham tə́ ō, yā Isaak tə́ ō, yā Jakob tə́ ō, to̰ aĺ a? M-ā m̄-rāā ni ń noō alé! M-ā m̄-tél yā kəndādə́ kijə, tɔdɔ̄ kumḿ o̰o̰m̄ sedə́.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

LEBI GƏ̄ 26:44

Nəkɔ́ ń a ndinəń kem ɓē yā madə̄ ba̰ā̰də́ gə̄ tə́ noō, n-ā tūr̄ gidəḿ tadə́ tə́ aĺ ō, m-ā m̄-kídə̄də́ bátə́ yā tɔ̄ləńdə́ kɔ̄ɔ́ malang aĺ ō, yā nujəń madə̄ naā ń m-ə́hɔ sedə́ ní aĺ ō, tɔdɔ̄ mā i Kɔ́ɔ̄ɓē Nə́ɓā yādə́.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

NŌŌ RƆ̄ 3:22

I kem majə yā Kɔ́ɔ̄ɓē kə́ ta ngóyn gətóo. Ni-a̰a̰ kum tō ndoō yā de gə̄ ngándáńg.