JEREMI 31:2 - Bibəl ta Sar̄

² Najə̄ ń Kɔ́ɔ̄ɓē əda ní n toó: m̄-rāā kem ndaa kə gír de gə̄ ń teēn̄ ta yo kaskar tə́ ní kem dəla loo tə́. Israel a tél yā ndi lɔm.

Bible sar

² Najə̄ ń Kɔ́ɔ̄ɓē əda ní n toó: m̄-rāā kem ndaa kə gír de gə̄ ń teēn̄ ta yo kaskar tə́ ní kem dəla loo tə́. Israel a tél yā ndi lɔm.

JEREMI 31:2 Referans Kwoze

PĀ GƏ̄ 95:11

Adə̄ dan ń wōn̄g rāām̄ ní, m̄-túbə́ m-ə́da na: Nin̄ a udən̄ loo kɔr̄ koō yāḿ tə́ aĺ bátə́!

TƏ́DA 10:33

Ngán Israel gə̄ ḭḭn̄ mbal̄ yā Kɔ́ɔ̄ɓē tə́, njə̄rān̄ ndɔ̄də́ mətá. Sandúkə madə̄ naā yā Kɔ́ɔ̄ɓē i kété nodə́ tə́ yā sāā loo kɔr̄ koō tām̄ yādə́ tə́.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

NDŪ NAJƏ̄ 1:33

Tá i ni n i nge njə̄rā kété nosí tə́ yā sāań loo kə́ yā kadə̄ ī-ndiī tū tə́ ní. Ndɔ̄ɔ́ anī ni i sesí kum hor kə́ ra kə ngālāá ɓururu ń kadə̄ á̰a̰īń loo dɔ róbə́ ń ī-njə̄rāī tū tə́ ní tə́ ō, kadaá anī ni i sesí tū kil̄ man̄ kə́ ra kə ngālāá ɓururu tə́ ō.

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

PĀ GƏ̄ 78:52

Ni-adə̄ gír deē yān gə̄ teēn̄ tītə̄ yá̰a̰ kul̄ gə̄ kə́ teēn̄ kem gɔngɔɔ́ beē, aw̄ sedə́ kem dəla loo tə́ tītə̄ batə̄ gə̄ beé.

NDŪ NAJƏ̄ 12:9

Tɔdɔ̄ ūgī loo ń Kɔ́ɔ̄ɓē Nə́ɓā yāsí a adə̄sí kadə̄ ī-ndiī tū tə́ lɔm tə́ ní aĺ ɓáý.

NDŪ NAJƏ̄ 8:16

Mána ń i yá̰a̰ kəsa kə́ kaasí gə̄ gerə̄n̄ aĺ ní, i ni n i nge kadə̄sí kadə̄ ə́saī kem dəla loo tə́ ní. Ni- rāā adə̄ ko̰y əngesí i yā nāańsí ō, yá̰á̰ kə́ majə gə̄ kə́ tām̄ yāsí tə́ ní, ni-əndā dɔ jīn yā rāań majə sesí kem ndɔ̄ gə̄ ń a reēn̄ ɓáý tə́ ní ō.

NDŪ NAJƏ̄ 2:7

Tām̄ Kɔ́ɔ̄ɓē Nə́ɓā yāsí rāā majə sesí tū kəla rāāsí gə̄ tə́ malang dan ń ə́ndaī dəla loo kə́ bo ngá̰ý ń toō ī-gāngī ní ō, əndā kumən gōsí tə́ ō. Kɔ́ɔ̄ɓē njə̄rā sesí ɓāl̄ kutə sɔ́ ngɔlaā ō, ī-nalī yá̰á̰ kógə̄ḿ aĺ ō.

NDŪ NAJƏ̄ 1:30

na Kɔ́ɔ̄ɓē Nə́ɓā yāsí ń a njə̄rā nosí tə́ ní na a rɔ̄ɔ̄ dɔsí tə́, tə́ tītə̄ ń rāań kem ɓē kə́ Ejiptə tə́ adə̄ á̰a̰ī kə kumsí ní ō,

TƏ́DA 14:20

Anī Kɔ́ɔ̄ɓē əda na: m̄-mā̰ȳ rɔ̄ḿ dɔdə́ tə́ tītə̄ ń ī-dejemə̄ń ní.

Teē Ngán Israel gə̄ 33:14

Kɔ́ɔ̄ɓē dəjen na ké i nəkɔ́ n kə n-aw̄ sedə́ bátə́ kadə̄ əngen̄neé loo ndidə́ ní wa.

Teē Ngán Israel gə̄ 1:22

Banī Parao̰ əda gír deē yān gə̄ malang na kə tə́nīn̄ ngán Hebəro kə́ dəngam gə̄ kɔ̄ɔ́ kum bā tə́ ba kə əya̰n̄ ngé kə́ dəyá̰ gə̄.

Teē Ngán Israel gə̄ 1:16

ré kə a taān̄ ngán gə̄ gír dəyá̰ Hebəro gə̄ tə́ anī, kə a̰a̰n̄ ngōn̄ ń a teē ní majə. Ré i ngōn̄ kə́ dəngam anī, kə rāān̄ kadə̄ oy, ba ré i ngōn̄ kə́ dəyá̰ anī kə əya̰nən̄ kadə̄ ndi kə kumneé.

Teē Ngán Israel gə̄ 12:37

Ngán Israel gə̄ ḭḭn̄ Ramses ta kaw̄ kə̄ Sukot. De kə́ dəngam gə̄ asən̄ deē dūbú ɓú mehḛ́ ń noō kanjə̄ tə́dá ngán gə̄.

Teē Ngán Israel gə̄ 5:21

aw̄ ədan̄də́ na kadə̄ Kɔ́ɔ̄ɓē kə əndā ma̰ȳ ba kə gān̄g sarya, na nel̄ Parao̰ ō, ngé kəla yān gə̄ ō, sedə́ to̰ alé i tām̄ yā Moijə nin̄ kə Aaro̰ tə́, nin̄ na əlan̄ na i kaskar jī Parao̰ nin̄ kə ngé kəla yān gēé tə́ kadə̄ tɔ̄lə̄n̄neédə́.

Teē Ngán Israel gə̄ 2:23

Dan i ngá̰ý gō tə́ anī, mban̄g kə́ Ejiptə oy. Ngán Israel gə̄ ń a rāān̄ kəla ɓəlo ní nōōn̄ rɔ̄də́ ō, əgan̄ kɔ̄ŕ ō, adə̄ nōō yādə́ aw̄ ugə̄ rɔ̄ Nə́ɓā tə́.

JOJUE 1:13

Ādə̄ əga kemsí dɔ yá̰á̰ ń Moijə nge kəla yā Kɔ́ɔ̄ɓē ədasí kadə̄ ī-rāāī tə́ ní. Ni-ədasí na Kɔ́ɔ̄ɓē Nə́ɓā yādə́ na adə̄sí loo kə́ yā kadə̄ ī-ndiīneé lɔm. Na a adə̄sí dɔ nang ń toō.

OJEE 11:4

M-ɔ́rən ta róbə kə kemḿ kə́ sɔl̄ léléḿ ō, tár do̰ō̰jí naā tə́ seneé ō. Kété ní m̄-to i tītə̄ de kə́ un ngōnən əndā kadə mbɔ́rən tə́ beē tām̄ yān tə́. m̄-rodə́ i mbée n m-ā m-ādə̄nəń yá̰a̰ kəsa ní.

EJEKIEL 20:35

M-ā m-āw̄ sesí kem dəla loo tə́, sa̰y rɔ̄ gír de kə́ rang gə̄ tə́. J-a jə-raī ta naā tə́ loo ń noō tə́ ō, m-ā m̄-dəjesí gíŕ yá̰a̰ gə̄ ō.