JEREMI 31:18 - Bibəl ta Sar̄

¹⁸ M-ōō kōō Epəraim kə́ a nōō rɔ̄n. Ī-rāām̄ ādə̄ dɔḿ tetə, tītə̄ ń a tetən̄neé dɔ duĺ man̄g kə́ dɔ ngan̄g ní. Ī-rāā ādə̄ m̄-tél m̄-reē rɔ̄í tə́ yā kadə̄ m̄-reē rɔ̄í tə́ kə́ rɔ̄kum tə́, tɔdɔ̄ Kɔ́ɔ̄ɓē ḭ̄ i Nə́ɓā yāḿ.

Bible sar

¹⁸ M-ōō kōō *Epəraim kə́ a nōō rɔ̄n. Ī-rāām̄ ādə̄ dɔḿ tetə, tītə̄ ń a tetən̄neé dɔ duĺ man̄g kə́ dɔ ngan̄g ní. Ī-rāā ādə̄ m̄-tél m̄-reē rɔ̄í tə́ yā kadə̄ m̄-reē rɔ̄í tə́ kə́ rɔ̄kum tə́, tɔdɔ̄ Kɔ́ɔ̄ɓē ḭ̄ i Nə́ɓā yāḿ.

JEREMI 31:18 Referans Kwoze

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

PĀ GƏ̄ 80:3

Ɔ́jə́ tɔ́gí ō, ī-reē ájə́jí ō, ta kum gír ɓē yāí gə̄ tə́, ta kum Epəraim tə́ ō Benjamḛ tə́ ō Manase tə́ ō.

IJAI 9:13

Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

Makətūbə̄ yā Job 5:17

Á̰a̰ā̰, rɔ̄nel̄ i kə deē ń Nə́ɓā ndángən ní. I beé ní ī-lōō kídə̄ gɔŕyɔ̄ ń Nə́ɓā kə́ tɔ́gən i ngá̰ý gɔŕyɔ̄ī ní.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

KƏLA RĀĀ 3:26

Adə̄ Nə́ɓā teē kə nge kəla yānneé i tām̄ yāsí sḭḭ̄ tə́ ta kəga dɔ. Ni əlan i yā kadə̄ rāā majə sesí ō, tūr̄sí kógə̄ḿ kógə̄ḿ kɔ̄ɔ́ ta yá̰a̰ rāāsí kə́ majaĺ gə̄ tə́ ō.

Najə̄ kə́ Majə yā Jeju ń Luk ndang ní 15:20

Anī ni-ḭḭ dɔɔ́, aw̄ ta kaw̄ gogə́ rɔ̄ bɔbə̄n tə́. Dan ń ni i sa̰y ɓáý á bɔbə̄n a̰a̰ dɔn, anī kumən o̰o̰n seneé. Bɔbə̄n a̰ȳ ngɔ̄də̄ ɔjə non, əhɔn kə̄ rɔ̄n tə́ ɓirə̄n dagə.

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

NŌŌ RƆ̄ 5:21

Kɔ́ɔ̄ɓē ī-rāā ādə̄ jə-tél kə̄ rɔ̄í tə́, anī j-a jə-tél yā reē rɔ̄í tə́. Ə̄nī ndɔ̄ gə̄ ta madə̄ tə́ adə̄jí tītə̄ kə́ kété jóo gə̄.

JEREMI 17:14

Kɔ́ɔ̄ɓē ī-tɔ̄l̄ mo̰y dɔḿ tə́ anī rɔ̄ḿ a ngan̄g. Ī-gān̄g dɔḿ, anī m-ā m-ájə. Tɔdɔ̄ i ḭ̄ n i yá̰á̰ tɔ̄ȳ yāḿ ní.

PĀ GƏ̄ 94:12

Kɔ́ɔ̄ɓē, rɔ̄nel̄ i kə deē ń ɔ̄jən kə ndéyé ō, ī-ndóōn yá̰a̰ kə ndū najə̄ yāí ō ní.

PĀ GƏ̄ 80:19

Loo ń noō tə́, j-a j-ɔr̄ rɔ̄jí rɔ̄í tə́ to̰ alé, ā ī-tél yā rāā kadə̄ jə-ndi kə kumjí ō, j-a jə-ɓāŕ rīí ō.

PĀ GƏ̄ 80:7

Ḭ̄ ī-rāājí i yá̰a̰ kɔ̄l̄ naā yā madə̄ ɓējí gə̄ tə́ ō, madə̄ ba̰ā̰jí gə̄ rāān̄jí i kur̄ kəgō yādə́ tə́ ō.

PĀ GƏ̄ 32:9

Ī-lōō ndájə̄ sə́nda, aláa kərō rapáy ń mbóon̄ páráńg á, a əhɔn̄də́ gətóo i kə jámáá ō kə kəlāá ō ní. Loo ń noō tə́ yá̰a̰ a rāāī alé.

HEBƏRO 12:5

Kɔjə̄ ń Nə́ɓā adə̄sí ní dɔsí ndígə̄nal a? Ni-ɔjə̄sí tītə̄ ngánən gə̄, əda na: Ngōnə̄ḿ, ī-lōō kidə taí gíŕ ndéy kɔjə̄ yā Kɔ́ɔ̄ɓē tə́. Ré ndángī anī, ī-lōō kadə̄ tɔ́gí ur̄ wak.

PILIPƏ 2:13

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

Najə̄ kə́ Majə yā Jeju ń Luk ndang ní 1:17

Ni a njə̄rā kété no Nə́ɓā tə́ kə Ndíl yā Nə́ɓā kə́ tɔ́gən i ngá̰ý ń Eli nge koō ta a rāań yá̰á̰ kété ní ō, a tūr̄ kem bɔbə̄ ngán gə̄ kə̄ rɔ̄ ngáńdə́ gə̄ tə́ ō, a rāā kadə̄ ngé mbātə́ najə̄ ta Nə́ɓā tə́ gə̄ gírə̄n̄ yá̰á̰ ń de kə́ súmūú gə̄ a gírə̄n̄ ní ō, yā kadə̄ ngán Israel gə̄ ngá̰ý əndān̄neé dɔ rɔ̄də́ danaá tām̄ yā Kɔ́ɔ̄ɓē tə́.

SOPONI 3:2

Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.

OJEE 10:11

Epəraim i duĺ man̄g kə́ ndóōnən̄ yá̰a̰ majə, nelə̄n səɓā kōō gémē ngá̰ý. Mā tā a dan ń m-á̰á̰ míndən kə́ majə ngá̰ý ní, m̄-ndigə kənī yá̰á̰ míndən tə́ yā rāāń kəla: Juda a ndɔr̄, ba Israel a tɔ̄ɔ̄ nán̄g ta kɔsə kə yá̰a̰ jɔ̄r̄yɔ̄ nán̄g ta kɔsɔɔ́.

OJEE 4:16

Israel rāā dɔ ngan̄g tītə̄ man̄g kə́ mbātə́ rāā kəla beé. Ní, ngɔlaā ní Kɔ́ɔ̄ɓē a rāā gír deē yān gə̄ i ngán batə̄ gə̄ ń deē a aw̄ sedə́ dɔ mu kə́ ngá̰ý tə́ ní a?

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

JEREMI 3:25

Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

IJAI 53:7

Rāānən̄ yá̰á̰ kə́ tōr̄, banī ni ndigə yá̰á̰ ń rāān̄ seneé ní. Ni-əda yá̰a̰ alé. Əda yá̰a̰ alé, tītə̄ ngōn̄ batə̄ kə́ aw̄n̄ seneé kə̄ loo tɔ̄lən tə́ beē, tītə̄ batə̄ kə́ əjan̄ bḭḭ̄n anī nōō aĺ beē.

IJAI 51:20

Ngání gə̄ ton̄ nang tə́ bəlim bəlim kíĺ róbə kɔsə gə̄ tə́ malang. Nin̄ ton̄ loo ń noō tə́, tɔ́gə́də́ gətóo, tītə̄ jal̄ gə̄ kə́ gūmbə̄ əhɔdə́. Nə́ɓā yāí əndadə́ kə ndéy ɓōĺ kə́ ni-əla kemdə́ tə́.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

Gōsə̄ najə̄ gə̄ 29:1

Deē ń ndán̄gnən̄ ba dum̄ naā ní, a tétə̄n̄ kə̄ngōn̄ rárák gidə kógə̄ḿ ō, a gətóo ō!

Gōsə̄ najə̄ gə̄ 26:3

Ndéy məraw i tām̄ yā sə́ndá tə́ ō, jámá i tām̄ yā ta kərō tə́ ō, ndéý sálang i tām̄ yā dan gidə de kə́ mboó tə́ ō.

Gōsə̄ najə̄ gə̄ 3:11

Ngōnə̄ḿ, ī-lōō mbātə́ kɔjə̄ yā Kɔ́ɔ̄ɓē ō, ndéy ń əndaī ɔjiīneé ní kɔjə̄ yā yá̰á̰ ní ō, ī-lōō kadə̄ kɔr rāāī ta najə̄ yān gə̄ tə́ ō.

PĀ GƏ̄ 119:75

Kɔ́ɔ̄ɓē, ndūí gə̄ ń ī-ra dɔ tə́ ní, m̄-ger̄ kadə̄ i yá̰á̰ kə́ gōtə́ gə̄ ō, kəla ń ə́la rɔ̄sɔl̄ dɔḿ tə́ ní i tām̄ ḭ̄ i nge ra dɔ ndūí tə́ ō.

PĀ GƏ̄ 85:4

Ḭ̄ ə́ya̰ gō wōn̄g ń rāāī ngá̰ý ní kɔ̄ɔ́, ḭ̄ ī-lōō gír wōn̄g yāí kə́ ngá̰ý tə́.

IJAI 63:16

Tá ḭ̄ i bɔbə̄jí. Kaají Abəraham ger̄ najə̄ yājí kógə̄ḿ alé, Jakob ger̄jí alé. Ba ḭ̄ Kɔ́ɔ̄ɓē ḭ̄ i bɔbə̄jí, nge gān̄g dɔjí, nəkɔ́ ń jóo toó rīí n noó ngándáńg.

TƏ́DA 2:18

Epəraim a ndi ɓē i dām̄ kə́ no ɓē tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Epəraim tə́ i Elisama ngōn̄ Amihud. De gə̄ yān gə̄ i 40 500. Ngol ngé rɔ̄ɔ̄ gə̄ kə́ gír ɓē yā Manase tə́ i Gamliel ngōn̄ Pedasur. De gə̄ yān gə̄ i 32 200. Ngol ngé rɔ̄ɔ̄ gə̄ kə́ gír ɓē yā Benjamḛ tə́ i Abidan ngōn̄ Gidoni. De gə̄ yān gə̄ i 35 400.

PĀ GƏ̄ 118:18

Kɔ́ɔ̄ɓē əndam̄ najə̄ yá̰á̰ kə́ gōtə́ aĺ kə́ m̄-rāā tə́ rɔ̄kum, banī ni əya̰m̄ adə̄ m-óy alé.

PĀ GƏ̄ 119:67

Kété ní m̄-gól̄ i rɔ̄ḿ adə̄ rɔ̄ḿ sɔlə̄m̄, ba ngɔlaā m̄-rāā yá̰a̰ gə̄ ń ɔ́sə kə de gēé ta rāā ní.

EJEKIEL 20:43

Ā ī-gírī dɔ háĺsí kə́ mān̄ kɔ̄ɔ́ tə́ ō, dɔ yá̰a̰ rāāsí gə̄ malang ń rāān̄sí adə̄ ī-téliī de kə́ yḛr gə̄ ní tə́ ō loo ngeé ń noō tə́. Rɔ̄sí a nel̄sí kə rɔ̄sí sḭḭ̄ kɔ́ gɔ̄ɔ́ alé, sɔɔ̄ń yá̰a̰ malang kə́ majaĺ ń ī-rāāī ní.

DANIEL 9:13

Yá̰á̰ kə́ to kum kaȳ aĺ ní reē dɔjí tə́ malang i tītə̄ ń ndangən̄neé kem makətūbə̄ ndū najə̄ yā Moijə tə́ ní. Banī jḭḭ jə-tūr̄ gidəjí kɔ̄ɔ́ ta yá̰a̰ rāājí kə́ gōtə́ aĺ gə̄ tə́ jə-sɔlə̄ń kem Kɔ́ɔ̄ɓē Nə́ɓā yājí aĺ ō, jə-nēl̄ mbījí j-oōń najə̄ kə́ rɔ̄kum yān jə-sɔlə̄ń kemən aĺ ō.

JONAS 3:10

Kəhɔ ń nin̄ əhɔn̄ rɔ̄də́ tɔgə yā kəya̰ háĺdə́ kə́ majaĺ kɔ̄ɔ́ ní, Nə́ɓā a̰ā̰. Adə̄ ni-lōō gíŕ yá̰á̰ ń sāā rāā tə́ ní. Ni ndə̄ngā rɔ̄n najə̄ yá̰á̰ kə́ majaĺ ń sāā rāā sedə́ tə́ ní, adə̄ rāādə́ yá̰á̰ kə́ majaĺ ní alé.

MALASI 3:16

Loo ń noō tə́ ngé ɓōĺ ndíĺ Kɔ́ɔ̄ɓē gə̄ ɔrə̄n̄ najə̄ kə naá. Kɔ́ɔ̄ɓē nēl̄ mbīn ooń najə̄ kɔr̄də́ ní. Ndangən̄ rī ngé ɓōĺ ndílən gə̄ ō, rɔȳn gə̄ ō ta kumən tə́.

PĀ GƏ̄ 31:15

Banī Kɔ́ɔ̄ɓē, mā m-ə̄ndā kemḿ i dɔí ḭ̄ tə́. M-ə́da na: Nə́ɓā yāḿ i ḭ̄.