JEREMI 31:15 - Bibəl ta Sar̄

¹⁵ Najə̄ ń Kɔ́ɔ̄ɓē əda ní n toó: De gə̄ oōn̄ kōō kɔŕ nōō rɔ̄ ō, nōō kə́ kə wur katāá ngá̰ý ō, kem ɓē kə́ Rama tə́. I Rasel n a nōō ngánən gə̄ ní. Ni-mbātə́ kadə̄ sɔlə̄n̄ kemən, tɔdɔ̄ ngánən gə̄ gətóon̄ kɔ̄ɔ́.

Bible sar

¹⁵ Najə̄ ń Kɔ́ɔ̄ɓē əda ní n toó: De gə̄ oōn̄ kōō kɔŕ nōō rɔ̄ ō, nōō kə́ kə wur katāá ngá̰ý ō, kem ɓē kə́ Rama tə́. I Rasel n a nōō ngánən gə̄ ní. Ni-mbātə́ kadə̄ sɔlə̄n̄ kemən, tɔdɔ̄ ngánən gə̄ gətóon̄ kɔ̄ɔ́.

JEREMI 31:15 Referans Kwoze

JEREMI 40:1

Kɔ́ɔ̄ɓē ɔr̄ najə̄ kə Jeremií kutə̄ gō ń Nebujaradan ngol ngé ngɔ̄m̄ dɔ mban̄g əya̰n adə̄ teē kem ɓē kə́ Rama tə́ kɔ̄ɔ́ ní. Dan ń noō tə́ ní Jeremi to i kə súlú dan dəngáy gə̄ malang kə́ Jerusalem tə́ ō, kə́ Juda tə́ ō ń ɔyn̄də́ aw̄n̄ sedə́ Babilon tə́ ní banī Nebujaradan tá a̰a̰ gōn majə.

PĀ GƏ̄ 77:2

I Nə́ɓā n m̄-ɓārə́n ō, m̄-nōō kə̄ dɔn tə́ ō ní. I Nə́ɓā n m̄-ɓārə́n ní, ni a oō ndūḿ.

TA KƏLA 35:19

Rasel oy adə̄ dubə̄nən̄ róbə́ kə́ ta kaw̄ kə̄ Epərata ń i Betlehem ní tə́.

JEREMI 10:20

Kújə tandā yājí gə̄ nujən̄ sák sák kɔ̄ɔ́, kəlādə́ gə̄ gángə̄n̄ malang kɔ̄ɔ́. Ngánjí gə̄ əya̰n̄jí kɔ̄ɔ́, nin̄ gətóon̄. De gə̄ kə́ kadə̄ rákə̄n̄ tandā yājí gə̄ gətón̄ bátə́ ō, de gə̄ kə́ kadə̄ rákə̄n̄ gérger yājí gə̄ gətón̄ bátə́ ō.

IJAI 22:4

I tām̄ najə̄ ń toō tə́ n m-ə́dásí najə̄ ń toō ní: Ə̄ndāī kumsí gōḿ tə́ to̰ alé, ə́ya̰mī ādə̄ m̄-nōō kə wur katāá. Nujən̄ gír deē yāḿ gə̄ kɔ̄ɔ́, ba ī-lōōī nāā sɔl̄ kemḿ.

TA KƏLA 42:13

Nin̄ tél ədanən̄ na nin̄ ngé kəla yān gə̄ na nin̄ na i deē kutə gidə i jōó. Nin̄ na i ngákó̰o̰ naā gə̄, ngán de kə́ kógə̄ḿ beē dɔ nang kə́ Kanaan tə́. Ngōkó̰ó̰də́ kə́ dūú na ndi ɓēé noō kə bɔbə̄də́, ba nge kə́ kógə̄ḿ tá na gətóo.

TA KƏLA 37:35

Ngánən kə́ dəngam gē kə́ dəyá̰ gē reēn̄ rɔ̄n tə́ malang yā sɔl̄ kemən tā, ba ni ɔdə alé, əda na n-a n-nōō na i ngōnə̄n bátə́ yā kaw̄ń gōn tə́ ɓádá, adə̄ ndi a nōō ngōnə̄n.

NŌŌ RƆ̄ 5:7

Bɔbə̄jí gə̄ rāān̄ majaĺ, ba gətóon̄ kɔ̄ɔ́, adə̄ i jḭḭ n j-əgā kə̄rā yá̰á̰ kə́ gōtə́ aĺ yādə́ gə̄ ní.

TA KƏLA 42:36

Bɔbə̄də́ əda na i nin̄ n a rāān̄ kadə̄ na n-nal̄ ngánən gə̄ ní. Jəjep na gətóo, Simeo̰ na gətóo, tá ń toō ké a sāān̄ taā Benjamḛ jīn tə́ ɓáý to̰ wa. Yá̰a̰ gə̄ ń noō na a télən̄ na i kə̄ dɔn nəkɔ́ tə́ malang.

EJEKIEL 2:10

Jī deē ní tútə ndāŕ ndang najə̄ ní gidə naā tə́ ta kumḿ tə́. Ndangən̄ najə̄ kemeé ō, gidə tə́ ō. Yá̰á̰ ń ndangən̄ ní i pā rɔ̄nel̄ aĺ gə̄ ō, i pā yo gə̄ ō, nōō rɔ̄ gə̄ ō.

PĀ GƏ̄ 37:36

Banī ni gətóo gír yān gān̄g kɔ̄ɔ́. m̄-sāā njan banī loo kəngen dum̄.

Makətūbə̄ yā Job 7:21

Ásə́ tə́gā taí dɔ mbātə́ najə̄ yāḿ tə́ aĺ a? Yá̰á̰ kə́ gōtə́ aĺ ń m̄-rāā ní ásə kəya̰ gō kɔ̄ɔ́ aĺ a? Tɔdɔ̄ ń toō ní, m̄-to i kum bumbə́rú tə́ kɔ̄ɔ́ ɓá. Ā ī-sāām̄, banī mā m̄-gətóo kɔ̄ɔ́.

1 SAMUEL 7:17

Pá tá a tél a aw̄ gogə́ ɓēé Rama ɓáý. Tɔdɔ̄ kújə yān i noó ō, a gān̄g sarya yā Israel gə̄ i noó ō, rāā loo tun̄ yá̰a̰ yā Kɔ́ɔ̄ɓē i noó ō.

JOJUE 18:25

Ɓē kə́ rang gə̄ i Gabaon ō, Rama ō, Beerot ō,

TA KƏLA 5:24

Henok njə̄rā kə Nə́ɓāá ba ta tɔ̄l̄ ta anī ni gətóo, tɔdɔ̄ Nə́ɓā unən kɔ̄ɔ́.

NGÉ SARYA 4:5

Ni a ndi i gír kāgə̄ túmbur ń a ɓārə́n̄ na i túmbur yā Debora ní tə́ n a gāngəń sarya ní. I dɔ dán ɓē kə́ Rama kə ɓē kə́ Betel, gō nang kə́ mbalá yā Epəraim tə́. Ngán Israel gə̄ aw̄n̄ kə saryaá rɔ̄n tə́ i loo ń noō tə́.

IJAI 10:29

Nin̄-əndan̄ dūn̄ róbə́ kə́ dūú ngá̰ý gāngə̄n̄ ba ədan̄ na: Jə-ɓīī Geba. Ɓōĺ rāā de kə́ Rama gə̄ adə̄ ndewn̄. Gibea ń i ɓē yā Saul ní, de kə́ kemeé gə̄ a a̰ȳn̄ i naā.