JEREMI 31:13 - Bibəl ta Sar̄

¹³ Dan ń noō tə́ ní, ngáń kə́ mandə gə̄ a tḭ̄ḭ̄n̄ rɔ̄də́ yā ndāməń. Balsáa gə̄ ō, ɓə́ga gə̄ ō, a rāān̄ rɔ̄nel̄. M-ā m̄-mbél gír kəhɔ ndoō yādə́ kə rāā rɔ̄nelēé ō, m-ā m-ādə̄də́ tɔ́gə ō. M-ā m̄-rāā kadə̄ ngé gə̄ ń wurdə́ ɔldə́ ní tḭḭ̄n̄ rɔ̄də́.

Bible sar

¹³ Dan ń noō tə́ ní, ngáń kə́ mandə gə̄ a tḭ̄ḭ̄n̄ rɔ̄də́ yā ndāməń. Balsáa gə̄ ō, ɓə́ga gə̄ ō, a rāān̄ rɔ̄nel̄. M-ā m̄-mbél gír kəhɔ ndoō yādə́ kə rāā rɔ̄nelēé ō, m-ā m-ādə̄də́ tɔ́gə ō. M-ā m̄-rāā kadə̄ ngé gə̄ ń wurdə́ ɔldə́ ní tḭḭ̄n̄ rɔ̄də́.

JEREMI 31:13 Referans Kwoze

PĀ GƏ̄ 30:11

Kɔ́ɔ̄ɓē, ōō ndūḿ, á̰a̰ kum tō ndoō yāḿ! Kɔ́ɔ̄ɓē, ī-rāā seḿ!

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

JA̰A̰ 16:22

I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

PĀ GƏ̄ 149:3

Ādə̄ ɔsən̄ gɔnən kə ndāmāá ō, əndan̄ kɔdə ō, ugən̄ kənde ō, tām̄ yān tə́.

ESTER 9:22

Tɔdɔ̄ Jipə gə̄ rāān̄ adə̄ madə̄ ba̰ā̰də́ gə̄ əya̰n̄də́ jəke i kem ndɔ̄ gə̄ ngeé ń noō tə́. I kem nāā ń noō tə́ n ngān̄g nōō téləń ngān̄g kəgō ō, yá̰á̰ kə́ majaĺ kə́ reē dɔdə́ tə́ téləń yá̰a̰ rɔ̄nel̄ ō ní. Nin̄ rāān̄ ndɔ̄ gə̄ ngeé ń noō i ndɔ̄ kəsa yá̰a̰ kə rɔ̄nelēé yādə́ tə́. Nin̄ əlan̄ kə núsə yá̰a̰ gēé adə̄n̄ naā kem ndɔ̄ gə̄ ngeé ń noō tə́ ō, adə̄n̄ ngé ndoō gə̄ yá̰a̰ karī ō.

NEHEMI 12:43

Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.

NEHEMI 12:27

Dan ń əndān̄ ndogə̄ mbal̄ kə́ Jerusalem oy anī, əlan̄ gō ngán Lebi gə̄ tə́ loo malang ń ndin̄ tū tə́ ní tə́ kadə̄ reē ɔrə̄n̄ kamə̄n tayā tām̄ yā Nə́ɓā tə́ ō, rāān̄ nān kə rɔ̄nelēé ō, kə tɔ̄ȳ gə̄ ō, pā gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde kə́ kəlān i ngá̰ý kə́ kugə gə̄ ō, kə́ kəlān i ngá̰ý aĺ kə́ kugə gə̄ ō.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.

IJAI 60:20

Mbang yāí a udə to̰ aĺ ō, nāā yāí a udə to̰ aĺ ō. A̰á̰ā̰, mā Kɔ́ɔ̄ɓē, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́. Gír kəhɔ ndoō yāí a gān̄g.

ESDRAS 6:22

Gō tə́ anī rāān̄ nāā mápá kə́ kanjə̄ kaa kə rɔ̄nelēé bátə́ ndɔ̄ sīrí. Kɔ́ɔ̄ɓē rāā adə̄ rɔ̄də́ nel̄də́ ngá̰ý tɔdɔ̄ ni tūr̄ kem mban̄g kə́ Asiri adə̄də́. Nge ń noō rāā adə̄ jīdə́ ngan̄g loo rāā kəla kújə yā Nə́ɓā yā Israel tə́.

NGÉ SARYA 21:21

ī-to ūmīiń loo. Ba ré á̰a̰ī ngán kə́ dəyá̰ gə̄ kə́ kem ɓē kə́ Silo tə́ a teēn̄ yā ndām̄ anī, ī-teē əhɔīdə́ kógə̄ḿ kógə̄ḿ kə dɔsí gēé āwī sedə́ dɔ nang kə́ Benjamḛ tə́ ādə̄ télən̄ nə̄yá̰sí gə̄.

IJAI 61:2

Ni əlam̄ kadə̄ m-ə́da najə̄ ń toō: I ɓāl̄ ń kadə̄ ā á̰a̰īń kem majə yā Kɔ́ɔ̄ɓē ní, i ndɔ̄ ń Nə́ɓā yājí a daləń ba̰ā̰ dɔ madə̄ ba̰ā̰n gə̄ tə́ ní! Ngé gə̄ ń əhɔn̄ ndoō ní, ni əlam̄ kadə̄ m̄-tél m-ādə̄də́ kəndā kem dɔ tə́ gogə́.

PĀ GƏ̄ 126:5

Deē ń dubə̄ kōō i kə nōó kumən tə́ ní, a sāā kōō ní i kə rɔ̄nelēé.

PĀ GƏ̄ 148:12

balsáa gə̄ ō mandə gə̄ ō, ɓə́ga gə̄ ō ngán gə̄ ō.

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.