JEREMI 31:12 - Bibəl ta Sar̄

¹² Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

Bible sar

¹² Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ *Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə *nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

JEREMI 31:12 Referans Kwoze

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

JA̰A̰ 16:22

I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

EJEKIEL 17:23

M-ā m-ə̄ndān dɔ mbal̄ kógə̄ḿ kə́ ngāl̄ dɔ nang kə́ Israel tə́. Kāgə̄ ní a tɔ̄ɔ̄ ta jīn gə̄ ō, a an̄ ō, a tél kāgə̄ sedər kə́ majə ngá̰ý ō. Gír yel̄ kə́ tayā tayā gə̄ a rāān̄ ɓēdə́ ta jīn gə̄ tə́ ō, a ɔrə̄n̄ koō ndílən tə́ ō.

IJAI 65:19

M-ā m̄-rāā rɔ̄nel̄ najə̄ yā ɓē kə́ Jerusalem tə́. Rɔ̄nel̄ yāḿ kə́ tām̄ yā gír deē yāḿ gə̄ tə́ a ɔjə rɔ̄n kə̄ ndágá. Deē a oō kōō nōō to̰ aĺ ō, kōō ɓāŕ kə́ de gə̄ a ɓārə́n̄ yá̰a̰ kadə̄ dḭḭ̄n̄də́ to̰ aĺ ō.

IJAI 60:20

Mbang yāí a udə to̰ aĺ ō, nāā yāí a udə to̰ aĺ ō. A̰á̰ā̰, mā Kɔ́ɔ̄ɓē, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́. Gír kəhɔ ndoō yāí a gān̄g.

JEJU TEĒ KUM JA̰A̰ 21:4

Ni a ɔl̄ man̄ nōō kə́ kumdə́ tə́ kɔ̄ɔ́ ō, deē a oy to̰ aĺ ō. Kəhɔ ndoō a gətóo ō, kɔŕ a gətóo ō, rɔ̄ tōr̄ a gətóo ō, tɔdɔ̄ yá̰á̰ kə́ jóo gə̄ mānə̄n̄ kɔ̄ɔ́.

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

PĀ GƏ̄ 130:4

Banī ḭ̄ i nge mā̰ȳ rɔ̄í adə̄ a ɓōlə́n̄ ndílí.

EJEKIEL 20:40

Tɔdɔ̄ ngán Israel gə̄ malang, ngé gə̄ ń a ndin̄ kem ɓēé ní, a rāān̄ kəla yā kadə̄m̄ dɔ mbal̄ yāḿ kə́ táĺ tə́, dɔ mbal̄ bo kə́ Israel tə́. I mā Kɔ́ɔ̄ɓē Nə́ɓā n m-ə́da najə̄ ń noō ní. M-ā m̄-rāā kem majə sesí loo ń noō tə́, adə̄ m-ā m-ə́wásí kə̄ rɔ̄ḿ tə́ ō, m-ā m̄-taā yá̰a̰ malang ń ā ɔ̄rī tām̄ yāḿ tə́ ní ō. Adə̄ i yá̰a̰ ndējə̄ yāsí gə̄ ō, yá̰á̰ kə́ majə tɔȳ madə̄ gə̄ ń ā ādə̄mī karī ní ō.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

IJAI 1:30

Ā ī-toī tītə̄ kāgə̄ gə̄ kə́ mbīdə́ ur̄ kɔ̄ɔ́ beē, aláa ā ī-toī tītə̄ ndɔr̄ kə́ ənge man̄ aĺ beē.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

JEREMI 3:14

Ngáń kə́ ngé túy taā kem gə̄ ī-tél ī-reēī! Tɔdɔ̄ i mā n i Kɔ́ɔ̄ɓē ní. Najə̄ ń Kɔ́ɔ̄ɓē əda ní n noó. M-ā m-ɔ́ýsí kógə̄ḿ, kógə̄ḿ kə dɔ ɓē gēé ō, jōó jōó kə dɔ gír kaa gēé ō, yā kaw̄ sesí Siyo̰.

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

JEREMI 31:7

Najə̄ ń Kɔ́ɔ̄ɓē əda ní n toó: Ə́gaī kɔŕ rɔ̄nel̄ dɔ Jakob tə́, ɔ́jiī no ngār yā nápar de gə̄ kə walya kə́ ngá̰ý. Úniī ndūsí kə̄ dɔɔ́ ō, ī-rāāī rɔ̄nel̄ ō, ba ə́daī na: Kɔ́ɔ̄ɓē, ajə gír deē yān gə̄ adə̄ i gá̰ ngán Israel gə̄ ń na̰yn̄ ní.

JEREMI 31:24

Ngé ndɔr̄ gə̄ ō, ngé kul̄ yá̰a̰ gə̄ ō a ndin̄ naā tə́ kem ɓē gə̄ kə́ gō nang kə́ Juda tə́.

JEREMI 31:25

Ngé gə̄ ń kəndā man̄ taā tɔ́gə́də́ ní, m-ā m̄-tɔ̄l̄ kəndā dɔdə́ tə́ ō. Ngé gə̄ ń tél sɔlə̄n̄ yélélé ní m-ā m-ādə̄də́ tɔ́gə ō.

JEREMI 32:15

Tɔdɔ̄ najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: De gə̄ a mangən̄ kújə gə̄ ō, loo ndɔr̄ gə̄ ō, kāgə̄ nduú gə̄ ō kem ɓē ń toō tə́.

JEREMI 33:12

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Loo ń toō i ndəbā ɓē ō, i loo kə́ kanjə̄ de gə̄ ō, kə́ kanjə̄ dā̰ gə̄ ō, kə gō ɓē kə́ tū tə́ gə̄ malang ō ní, nge kul̄ yá̰a̰ gə̄ a rāān̄ gong kə́ rang gə̄ tū tə́ yā kadə̄ batə̄ yādə́ gə̄ a taān̄neé koō.

JEREMI 33:13

Batə̄ gə̄ a tél yā mānə̄n̄ kə gō naá no nge tə́dádə́ tə́ kem ɓē gə̄ kə́ dɔ mbalá tə́ ō, kə́ mbal̄ bo gətóo tū tə́ ō, kem ɓē gə̄ kə́ Negeb tə́ ō, kem ɓē yā Benjamḛ tə́ ō, kə gō gidə ɓē kə́ Jerusalem ō, kem ɓē gə̄ kə́ Juda tə́ ō. Najə̄ ń Kɔ́ɔ̄ɓē əda ní n noó.

EJEKIEL 34:14

M-ā m-āw̄ sedə́ dɔ mu kə́ majə tə́ ō, nin̄ a əngen̄ loo kəsa mu yādə́ dɔ mbal̄ bo gə̄ kə́ dɔ nang kə́ Israel tə́ tə́ ō. Batə̄ yāḿ gə̄ a asən̄ kɔr̄ koō loo ngeé ń noō tə́, loo kə́ majə kə́ mu i tū tə́ tə́. Nin̄ a əsan̄ yá̰a̰ dɔ nang kə́ teē yá̰a̰ gə̄ tə́ tə́, dɔ mbal̄ bo gə̄ kə́ Israel tə́ tə́.

Makətūbə̄ yā Aje 2:19

Njár̄ kōō na̰y kem mō̰yō̰ó̰ to̰ alé. Kāgə̄ nduú gə̄ ō, kāgə̄ kótə̄ gə̄ ō, kāgə̄ gərenadə gə̄ ō, kāgə̄ olibə gə̄ ō, anə̄n̄ alé. I beé ní, əla gír ɓōólaā ní, m-ā m̄-rāā majə sesí ngá̰ý al̄ naā.

IJAI 52:8

Ngé ngɔ̄m̄ loo gə̄ ń ī-tə́ndādə́ ní, ōō najə̄ yādə́. Nin̄ malang əgan̄ kɔŕ rɔ̄nel̄ ndɔ̄ naā tə́, tām̄ nin̄ a̰a̰n̄ Kɔ́ɔ̄ɓē loo tél reē tə́ gogə́ Siyo̰ kə kumdə́.

EJEKIEL 36:30

Kāgə̄ yāsí gə̄ a anə̄n̄ ngá̰ý ō, ndɔr̄ yāsí gə̄ a teēn̄ kōō ngá̰ý ō, kə ta kūlə̄ḿ. Loo ń noō tə́ rɔ̄sí a sɔl̄sí najə̄ yā ɓō kə́ rāāsí tə́ ta kum nápar de gə̄ tə́ to̰ alé.

JAKARI 8:12

M-ā m̄-rāā kadə̄ lɔm a reē dɔ nang tə́ ō, kāgə̄ nduú gə̄ a anə̄n̄ ō, dɔ nang a teē yá̰a̰ ō, man̄ kə́ dɔ rā̰ tə́ a edə ō. Gír deē yāḿ gə̄ ń teēn̄ ta yo tə́ ní, m-ā m̄-rāā majə sedə́ kə yá̰a̰ gə̄ ń noō malang.