JEREMI 31:11 - Bibəl ta Sar̄

¹¹ Kɔ́ɔ̄ɓē gān̄g dɔ Jakob ō, ɔrə̄n jī de kə́ ngan̄g tɔȳn tə́ ō.

Bible sar

¹¹ Kɔ́ɔ̄ɓē gān̄g dɔ Jakob ō, ɔrə̄n jī de kə́ ngan̄g tɔȳn tə́ ō.

JEREMI 31:11 Referans Kwoze

TITƏ 2:14

Ni-əya̰ rɔ̄n adə̄ de gə̄ əhɔ tɔ̄lə̄n̄ kum gotəjí, yā gāngəń dɔjí tām̄ yá̰á̰ kə́ majaĺ gə̄ ń jə-rāāī tə́ ní ō, yā rāań kadə̄ jḭḭ̄ i gír deē yān gə̄ kə́ unən̄ majaĺ dɔjí tə́ kɔ̄ɔ́ adə̄ j-unjī njáý njáý ō, kadə̄ jḭḭ̄ i gír de gə̄ kə́ jə-təngāī loo rāā kəla kə́ majə gə̄ tə́ ō.

IJAI 48:20

Ī-teēī kɔ̄ɔ́ kem ɓē kə́ Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

IJAI 44:23

A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

JEREMI 15:21

M-ɔ̄rī kɔ̄ɔ́ jī ngé kem ndul gə̄ tə́ ō, m̄-taāī jī ngé rāā yá̰a̰ kə dɔ́nɔ́ gə̄ tə́ ō.

IJAI 49:24

Yá̰a̰ kənge gə̄ ń nge rɔ̄ɔ̄ taā jī madə̄ ba̰ā̰ tə́ ní, deē asə taā jīn tə́ a? Deē asə taā dəngáý kógə̄ḿ jī nge rāā de gə̄ yá̰á̰ kə́ tōr̄ tə́ dɔ gúú tə́ a?

PĀ GƏ̄ 142:6

Kɔ́ɔ̄ɓē, m-ə́ga kɔŕ kə̄ dɔí tə́! M-ə́da na: I ḭ̄ n i loo ɓɔ̄ɔ̄ rɔ̄ yāḿ ō, yá̰a̰ halaḿ ō, dɔ nang tə́ laā ní.

MATIYE 20:28

Yā Ngōn̄ Deē i tītə̄ n noō ō. Ni-reē yā kadə̄ i de gə̄ n rāān̄ kəla yān alé, ba i ni n kadə̄ rāā kəla tām̄ yādə́ tə́ ō, kadə̄ adə̄ rɔ̄n yá̰a̰ gān̄g dɔ tə́ tām̄ yā de kə́ ngá̰ý gə̄ tə́ ō ní.

MATIYE 12:29

Loo kadə̄ deē udə kújə yā de kə́ dəngam kə́ ngan̄g tə́ ō, ndúr̄ yá̰a̰ yān yā kaw̄ń, kanjə̄ kadə̄ əla gíŕ tṵ́ṵ̄ dəngam ní kə kəlāá kété ní i ba̰ý? A tṵ́ṵ̄n pá tá a ndúr̄ yá̰á̰ kə́ kem kújə yān tə́ yā kaw̄ń ɓáý.

MATIYE 22:29

Jeju tél ədadə́ na: Gír̄ yāsí i gír̄ kə́ gōtə́ alé. Tɔdɔ̄ ī-gerī makətūbə̄ yā Nə́ɓā aĺ ō, ī-gerī tɔ́gə yā Nə́ɓā aĺ ō.

OJEE 13:14

Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

JEREMI 50:33

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda na ní n toó: Əndān̄ gúu dɔ ngán Israel gə̄ tə́ ō, dɔ ngán Juda gə̄ tə́ ō, kanjə̄ kɔr̄ kam̄də́ naā tə́. Ngé kɔydə́ kaw̄ sedə́ ɓəloó gə̄ əhɔn̄də́ ngan̄g, mbātə́n̄ kəya̰də́ dɔɔ́.

Teē Ngán Israel gə̄ 15:16

Ndíĺdə́ a̰ȳ malang. Kɔ́ɔ̄ɓē, dan ń gír deē yāí gə̄ ń ī-gān̄g dɔdə́ ní a mānə̄n̄ anī, ɓōĺ asə madə̄ ɓēdə́ gə̄ nák adə̄ ədan̄ najə̄ alé, tɔdɔ̄ a̰a̰n̄ tɔ́gí ń ī-rɔ̄ɔń dɔ deē yāí gə̄ tə́ ní.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

JEREMI 50:34

Ba nge rɔ̄ɔ̄ dɔdə́ tə́ tɔ́gən ngan̄g ngá̰ý, rīn na i Kɔ́ɔ̄ɓē kə́ bo kə́ tɔ́gən i ngá̰ý. Ni-ɔr̄ najə̄ kə́ tām̄ yādə́ tə́ kə ngangá ngá̰ý yā rāań kadə̄ ɓē tél ndi lɔm gogə́ ō, yā kəlań ɓōĺ kem Babilon gə̄ tə́ ō.

JAKARI 9:16

Ba ndɔ̄ ngeé ń noō tə́ ní, Kɔ́ɔ̄ɓē Nə́ɓā yādə́ a ajədə́, tītə̄ ń nge ngɔ̄m̄ yá̰a̰ kul̄ a ajəń ɓūtə̄ yá̰a̰ kul̄ yān gə̄ ní beē. Nin̄ a ndílēn̄ kem ɓē yān tə́ tītə̄ mbal̄ gə̄ kə́ gātə̄də́ i ngá̰ý gə̄, kə́ tə́lan̄ tū jākā mbang tə́ beē.

IJAI 49:25

Najə̄ ń Kɔ́ɔ̄ɓē əda ní n toó: A̰á̰ā̰, m-ā m̄-taā dəngáy yā nge rɔ̄ɔ̄ jīn tə́, m-ā m̄-taā yá̰a̰ kənge gə̄ kə́ kəhɔ ta rɔ̄ɔ̄ tə́ yā nge rāā de gə̄ yá̰á̰ kə́ tōr̄ dɔ gúú tə́. Jerusalem, mə̄kɔ́ m-ā m̄-rɔ̄ɔ̄ ngé kənīí rɔ̄ɔ̄ gə̄ ō, mə̄kɔ́ m-ā m-ájə́ ngání gə̄ ō.

NŌŌ RƆ̄ 3:58

Kɔ́ɔ̄ɓē, ɔ̄r̄ najə̄ dɔḿ tə́ ndɔ̄ sarya ń sāān̄ kəndā dɔḿ tə́ ní ō, ájəm̄ ō.