JEREMI 30:6 - Bibəl ta Sar̄

⁶ Ī-dəjeī najə̄ ōōī ké de kə́ dəngam gə̄ ojən̄ ngán gə̄ ō wa. M-á̰a̰ de kə́ dəngam kə́ ngan̄g majə gə̄ tə́nīn̄ jīdə́ dɔ kemdə́ tə́, tītə̄ dəyá̰ gə̄ kə́ a rāān̄ kem beé. I tām̄ rí tə́ á ta kum de gə̄ malang tél kə́ rang ō, tetə ndaa kɔ̄ɔ́ ō ní?

Bible sar

⁶ Ī-dəjeī najə̄ ōōī ké de kə́ dəngam gə̄ ojən̄ ngán gə̄ ō wa. M-á̰a̰ de kə́ dəngam kə́ ngan̄g majə gə̄ tə́nīn̄ jīdə́ dɔ kemdə́ tə́, tītə̄ dəyá̰ gə̄ kə́ a rāān̄ kem beé. I tām̄ rí tə́ á ta kum de gə̄ malang tél kə́ rang ō, tetə ndaa kɔ̄ɔ́ ō ní?

JEREMI 30:6 Referans Kwoze

NAHUM 2:10

Ɔ́yiī gində̄ arjā̰a̰, ɔ́yiī lɔ́r! Yá̰a̰ kənge yā Ninibə ní, ta ngóyn gətóo. Yá̰á̰ kə́ gātə̄də́ i ngá̰ý gə̄ taān̄ loo kem ɓēé.

JOEL 2:6

Ɓōĺ kə́ ngá̰ý tɔ̄l̄ gír nápar de gə̄ malang kété nodə́ tə́, ɓōĺ rāā adə̄ ta kumdə́ tūr̄ kɔ̄ɔ́.

JEREMI 4:31

M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.

IJAI 21:3

I tām̄ najə̄ ń toō tə́ m̄-ndew kə̄ dūnə̄ḿ gə̄ tə́ ní. M-á̰á̰ tápə̄ tītə̄ dəyá̰ kə́ a rāā loo kojə beé. Kemḿ nujə ngá̰ý adə̄ mbīḿ oō loo alé, ndílə́ḿ a̰ȳ kɔ̄ɔ́ adə̄ kumḿ a̰a̰ loo alé.

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

OJEE 13:13

Kə́ tām̄ yān ni tə́ ɓáa, i kum mbang kə́ tām̄ yā ko̰y kə́ tītə̄ ko̰y kə́ ndɔ̄ kojə ngōn̄ tə́ beē. Banī Epəraim i ngōn̄ kógə̄ḿ kə́ kum kedə̄ yān gətóo. Ni-mbātə́ teē kem kó̰o̰n tə́ kɔ̄ɔ́.

JEREMI 22:23

Ḭ̄ ń ī-rāā ɓē dɔ mbal̄ Liban tə́ ō, ī-rāā kújə yāí dan kāgə̄ sédər gə̄ tə́ ō ní, ā ī-to̰ō̰ rus rus dan ń rɔ̄í a tōrī, tītə̄ yā dəyá̰ ń a rāā kem á a jənga rik rik ní.

JEREMI 6:24

J-oō najə̄ ní adə̄ jījí ur̄ wak ō, jə-sōl̄ kekəre ō, rɔ̄jí tōr̄jí ngá̰ý tītə̄ yā dəyá̰ kə́ a rāā kem beé.

PĀ GƏ̄ 48:6

Dan ń nin̄ a̰a̰n̄ yá̰á̰ ń Kɔ́ɔ̄ɓē rāā ní anī sitə̄n̄ sata ō, ɔr kumdə́ ngá̰ý ō. ɓōĺ kə́ ngá̰ý rāādə́ adə̄ a̰ȳn̄ naā kɔ̄ɔ́.

DANIEL 5:6

ta kumən tetə ndaa ō, gír̄ yān gə̄ əlan̄ ɓōĺ kemən tə́ ō, ni sōl̄ ō, dɔ kur jejə njan gə̄ tə́ndān̄ naā ō.

JEREMI 50:43

Mban̄g kə́ Babilon tə́ oō najə̄ ní, adə̄ tɔ́gən ur̄ wak kɔ̄ɔ́. Ni-ndi kə sōlōó kekəre ō, kemən tōrə̄n tītə̄ yā dəyá̰ kə́ a rāā kem beé ō.

JEREMI 49:24

Tɔ́gə Damas teē kɔ̄ɔ́. Ni tūr̄ rɔ̄n yā ka̰ȳ. Ni-ndew yakə yakə. Ni sōl̄ kekəre ō, rɔ̄n tōrə̄n ō, tītə̄ dəyá̰ kə́ a rāā kem beé.

IJAI 29:22

I tām̄ najə̄ ń toō tə́ ń, Kɔ́ɔ̄ɓē ń ajə Abəraham ní ɔr̄ najə̄ kə kojə yā Jakob gēé i beé ní: Ngɔlaā ní gír deē yā Jakob gə̄ a nalə̄n̄ yá̰á̰ ń nin̄ əndan̄ kemdə́ dɔ tə́ ní to̰ alé, rɔ̄də́ a sɔl̄də́ ngá̰ý to̰ alé.

JEREMI 13:21

I rí n ā ə́da dan ń de gə̄ a reēn̄ rāāī yá̰á̰ kə́ to kum kaȳ aĺ tə́ ní. I īkɔ́ n ī-ndóōdə́ loo ko̰o̰ ɓē dɔí tə́ ní aĺ a? Rɔ̄kum, rɔ̄í a tōrī tītə̄ yā dəyá̰ ń a rāā kem ní.

JEREMI 48:41

Taān̄ ɓē kə́ Keriyot ō, tetən̄ ɓē kə́ Mesadot rɔ̄ɔ̄ ō. Ndɔ̄ ń noō tə́ ní, kem go̰ rɔ̄ɔ̄ kə́ Moab gə̄ a to tītə̄ kem dəyá̰ ń a rāā loo kojə ní beē.

JEREMI 49:22

To i tītə̄ kə̄rō kə́ ḭḭ kum kə̄ dɔɔ́ ba nēl̄ ō, j-ā̰ā̰ bɔ̄gə̄n dɔ Bosra tə́ ō. Ndɔ̄ ń noō tə́ ní, kem go̰ rɔ̄ɔ̄ gə̄ kə́ Edom tə́ a to i tītə̄ kem dəyá̰ kə́ nge rāā kem beé.