JEREMI 30:3 - Bibəl ta Sar̄

³ Kem ndɔ̄ gə̄ ń a reēn̄ noō tə́ ní m-ā m̄-tél yā kənda Israel ō, Juda ō ń i gír deē yāḿ gə̄ ní kijə. M-ā m̄-tél yā reē sedə́ gogə́ kem ɓē ń m-ādə̄ kaadə́ gə̄ ō, nin̄ a əngen̄ yá̰a̰ ndəbā tə́ ō ní. Najə̄ ń Kɔ́ɔ̄ɓē əda ní n noó.

Bible sar

³ Kem ndɔ̄ gə̄ ń a reēn̄ noō tə́ ní m-ā m̄-tél yā kənda Israel ō, *Juda ō ń i gír deē yāḿ gə̄ ní kijə. M-ā m̄-tél yā reē sedə́ gogə́ kem ɓē ń m-ādə̄ kaadə́ gə̄ ō, nin̄ a əngen̄ yá̰a̰ ndəbā tə́ ō ní. Najə̄ ń Kɔ́ɔ̄ɓē əda ní n noó.

JEREMI 30:3 Referans Kwoze

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

JEREMI 16:15

Kɔ́ɔ̄ɓē ń rāā adə̄ ngán Israel gə̄ teēn̄ kem ɓē kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń tə̄ndā tḭ̄ḭ̄də́ tū tə́ ní ō ní na ndi kə kumneé noō. Tɔdɔ̄ m-ā m̄-tél yā reē sedə́ dɔ nang ń m-ādə̄ kaadə́ gə̄ ní tə́ rɔ̄kum. Najə̄ ń Kɔ́ɔ̄ɓē əda ní n noó.

EJEKIEL 20:42

M-ā m̄-tél yā kaw̄ sesí gogə́ dɔ nang kə́ Israel tə́, kem ɓē ń m-ə̄niń ndūḿ kadə̄ m-ādə̄ kaasí gə̄ ní. Loo ń noō tə́ ā ī-gerī kadə̄ Kɔ́ɔ̄ɓē i mā.

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

SOPONI 3:20

Kum mbang ngeé noō tə́ ní, m-ā m̄-rāāsí kadə̄ ī-tél ī-reēī gogə́. m-ā m-ɔ́sə dɔsí naā tə́. M-ā m̄-tūr̄ yá̰á̰ ń rāāsí ní kɔ̄ɔ́ kə̄ ta kumsí tə́ beē. M-ā m̄-rāā kadə̄ rīsí a ɓār̄ ō, m-ā m̄-rāā kadə̄ a rɔyn̄sí ō, dan gír de gə̄ malang kə́ dɔ nang tə́ tə́. I Kɔ́ɔ̄ɓē n ɔr̄ najə̄ ní.

JEREMI 33:26

kə m̄-mbātə́ de kə́ gír kaa yā Jakob tə́ gə̄ ō, kə́ gír kaa yā nge kəla yāḿ Dabid tə́ gə̄ ō a? Kə m̄-gə̄rā ngār gə̄ dan gír deē yā Dabid tə́ kadə̄ o̰ō̰n̄ ɓē dɔ gír kojə yā Abəraham tə́ ō, yā Isaak tə́ ō, yā Jakob tə́ ō, to̰ aĺ a? M-ā m̄-rāā ni ń noō alé! M-ā m̄-tél yā kəndādə́ kijə, tɔdɔ̄ kumḿ o̰o̰m̄ sedə́.

JEREMI 32:44

A mbɔ̄jə́n̄ nar yā mangəń loo ndɔr̄ gə̄ ō, a ndangən̄ makətūbə̄ kə́ ɔjə dɔ ō, a ɓārə́n̄ de gə̄ kadə̄ nin̄ i kə́ kum tə́ yā kəndāń tambō̰o̰ tū makətūbə̄ ní tə́ ō. A ḭḭn̄ i kem ɓē gə̄ kə́ Juda tə́ ō, kem ngé kə́ dɔ mbalá gə̄ tə́ ō, ngé kə́ mbal̄ bo gətóo tū tə́ gə̄ tə́ ō, ngé kə́ Negeb tə́ gə̄ ō n a reēn̄ ní. Tɔdɔ̄ m-ā m̄-tél yā kəndādə́ kijə. Najə̄ ń Kɔ́ɔ̄ɓē əda ní n noó.

HEBƏRO 8:8

Ba yá̰á̰ kə́ gō tə́ aĺ gə̄ kə́ Nə́ɓā gɔŕyɔ̄ deē yān gə̄ najə̄n tə́ to noó, ni-əda na: Kɔ́ɔ̄ɓē əda na: Ndɔ̄ gə̄ a reēn̄ noó, na n-rāā kadə̄ m-ā m-ə́hɔ madə̄ naā kə́ kijə kə ngán Israel gēé ō, kə ngán Juda gēé ō.

JOEL 3:1

Gō tə́ anī, m-ā m-ādə̄ Ndílə́ḿ risə dɔ de gə̄ tə́ malang. Ngáńsí kə́ dəngam gə̄ ō, ngáńsí kə́ dəyá̰ gə̄ ō, a ədan̄ najə̄ kə́ Nə́ɓā əndā tadə́ tə́ ō, nī a rāā de kə́ tɔgə ɓə́ga yāsí gə̄, ngósaa yāsí gə̄ a a̰a̰n̄ yá̰a̰.

EJEKIEL 36:24

M-ā m-ɔ̄r̄sí kɔ̄ɔ́ dan nápar de gə̄ tə́ ō, m-ā m-ɔ́ýsí kem ɓē gə̄ ń ī-ndiī tū tə́ ní tə́ yā kɔsə njasí naā tə́ ba reē sesí gogə́ dɔ nang yāsí tə́.

PĀ GƏ̄ 53:6

Loo ń yá̰á̰ kə́ to ɓōĺ gətóo tū tə́ anī, nin̄ a ɓōlə́n̄ i mbéé kə́ ndewn̄ yakə yakə. Tɔdɔ̄ ngé kənīī rɔ̄ɔ̄ gə̄ ní, Nə́ɓā tə́nī kə̄ngādə́ kógə̄ḿ kógə̄ḿ kə̄ loo gə̄ tə́. Ī-mbóo sedə́ tɔdɔ̄ Nə́ɓā tə̄ɓādə́ kɔ̄ɔ́.

Najə̄ kə́ Majə yā Jeju ń Luk ndang ní 21:6

Yá̰a̰ gə̄ ń á̰a̰ī malang toó ní, ndɔ̄ gə̄ a reēn̄ noó kadə̄ mbal̄ kógə̄ḿ kə́ a to dɔ mbal̄ madə̄ tə́ a gətóo: Yá̰a̰ gə̄ malang a nujən̄ kɔ̄ɔ́.

Najə̄ kə́ Majə yā Jeju ń Luk ndang ní 19:43

Tɔdɔ̄ ndɔ̄ gə̄ a reēn̄ noó kadə̄ madə̄ ba̰ā̰í gə̄ a ɔrən̄ gɔng yā rɔ̄ɔ̄īneé ō, a gīrə̄n̄ gidií njek njek ō, a utə̄nī kə̄ loo gə̄ tə́ malang ō,

Najə̄ kə́ Majə yā Jeju ń Luk ndang ní 17:22

Ni-əda ngé ndóō yá̰a̰ yān gə̄ ɓáý to̰ na: Ndɔ̄ gə̄ a reēn̄ noó kadə̄ sḭḭ̄ ā ī-ndə̄ngāī ka̰a̰ ndɔ̄ kə́ kal kógə̄ḿ beē dan ndɔ̄ gə̄ yā Ngōn̄ Deē tə́, ba ā á̰a̰ī ndɔ̄ ní alé.

EJEKIEL 47:14

Sḭḭ̄ ā ī-nə̄ɓōī naā dɔ nang kadə̄ asə naā. Tɔdɔ̄ m-ə́la jīḿ kə̄ dɔɔ́ m̄-túbəń tām̄ kadə̄ m-ādə̄ kaasí gə̄ dɔ nang ní, adə̄ a tél i yá̰a̰ kənge yāsí.

JEREMI 32:37

M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

JEREMI 31:38

Kem ndɔ̄ gə̄ ń a reēn̄ noó tə́ ní a tél yā rāān̄ ɓē gogə́ rang tām̄ yā Kɔ́ɔ̄ɓē tə́, əla gír dɔ kújə́ kə́ ngāl̄ ɓururu kə̄ dɔɔ́ kə́ Hananel tə́ bátə́ ta róbə́ kə́ kíl ndogə̄ mbal̄ tə́. Najə̄ ń Kɔ́ɔ̄ɓē əda ní n noó.

JEREMI 31:31

Ndɔ̄ gə̄ ń a reēn̄ noó tə́ ní, m-ā m-ə́hɔ madə̄ naā kə́ kijə kə de kə́ gír yā Israel tə́ gə̄ ō, kə kə́ gír yā Juda tə́ gə̄ ō.

JEREMI 31:27

Kem ndɔ̄ gə̄ ń a reēn̄ noó tə́ ní, m-ā m̄-dubə̄ de gə̄ ō, dā̰ gə̄ ō, kə́ Israel tə́ ō, Juda tə́ ō tītə̄ loo dubə̄ kōō beé.

JEREMI 30:10

Ḭ̄, nge kəla yāḿ Jakob, ī-lōō ɓōĺ, Israel ī-lōō kə ndebə. M-ā m̄-taāī kɔ̄ɔ́ jī ɓē kə́ sa̰y gə̄ tə́ ō, m-ā m̄-gān̄g dɔ ngán kaaí gə̄ dɔ nang ń aw̄n̄ sedə́ tū tə́ ní tə́ ō. Jakob a tél yā reē, ni a ənī kemən mámák yā ndiń. Ni a ndi jəke ō, deē a a̰ȳ ndílən to̰ aĺ bátə́ ō. Najə̄ ń Kɔ́ɔ̄ɓē əda ní n noó.

JEREMI 27:22

A ɔyn̄ gotə yá̰a̰ rāā kəla gə̄ ní yā kaw̄ń Babilon, kadə̄ a to noó bátə́ ndɔ̄ ń m-ā m̄-sāań nja yā tél reēń gogə́ loo ń toō tə́ ní. Najə̄ ń Kɔ́ɔ̄ɓē əda ní n noó.

JEREMI 27:11

Banī nápar de gə̄ ń ndigən̄ kənī njúkə yā mban̄g kə́ Babilon tə́, míndə́də́ tə́ ō rāā kəla kadə̄n ō ní, m-ā m-ə́yá̰də́ kadə̄ ndin̄ jəke dɔ nang yādə́ tə́, a ndɔrə̄n̄ dɔ nang ō, a ndin̄ tū tə́ ō. Najə̄ ń Kɔ́ɔ̄ɓē əda ní n noó.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

ESDRAS 3:12

Anī de gə̄ ngá̰ý dan ngé tun̄ yá̰a̰ gə̄ tə́ ō, ngán Lebi gə̄ tə́ ō, de kə́ dɔ gír kojə gə̄ tə́ ō ń tɔgən ngá̰ý á a̰a̰n̄ kújə yā Kɔ́ɔ̄ɓē kə́ kəndā kété ní, dan ń nin̄ a̰a̰n̄ de gə̄ loo kəndā ngəra nge kə́ kijə tə́ anī, unən̄ ndūdə́ kə̄ dɔɔ́ nōōn̄neé. Banī ngá̰ý gə̄ unən̄ ndūdə́ kə̄ dɔɔ́ əganə̄neé i kɔŕ rɔ̄nel̄ ō.

ESDRAS 3:8

Kem nāā kə́ nge ko̰ jōó tə́ yā ɓāl̄ ń utə̄ gō nge ń nin̄ ugə̄n̄neé Jerusalem, ɓē ń kújə yā Nə́ɓā i kemeé tə́ ní anī, Jorobabel ngōn̄ Sealtiel ō, Yesua ngōn̄ Yosadak ō gá̰á̰ ngákó̰ó̰də́ gə̄ kə́ ngé tun̄ yá̰a̰ gə̄ ō, ngán Lebi gə̄ ō, de gə̄ malang ń ɔyn̄də́ aw̄n̄ sedə́ ɓəlo tə́ tá tél reēn̄ gogə́ Jerusalem ní ō, udən̄ kə̄ rɔ̄ kəla tə́ rāān naā tə́. Nin̄ tə́ndān̄ ngán Lebi gə̄ kə́ ɓāl̄də́ i kutə jōó gə̄ ō, ngé kə́ ɓāl̄də́ ḭḭ dɔ kutə jōó tə́ ta kaw̄ kə̄ dɔɔ́ gə̄ ō, kadə̄ unən̄ dɔ kəla kújə yā Kɔ́ɔ̄ɓē.

ESDRAS 3:1

Dan ń nāā kə́ nge ko̰ sīrí ugə̄ anī, ngán Israel gə̄ malang ń ndin̄ kə̄ kem ɓē yādə́ gə̄ tə́ ní, ḭḭn̄ dɔɔ́ gidə kógə̄ḿ ba reē əngen̄ naā Jerusalem.

NDŪ NAJƏ̄ 30:3

Kɔ́ɔ̄ɓē Nə́ɓā yāí a tūr̄ gíŕ yá̰a̰ gə̄ ń a reēn̄ kə̄ dɔí tə́ ní kɔ̄ɔ́. Ni a rāā kem majə seí ō, a ɔysí kɔ̄ɔ́ dan gír de gə̄ malang ń ni tə̄ndā tḭ̄ḭ̄sí kə̄ dandə́ tə́ ní ō, yā reē sesí gogə́ ɓēé.

JEREMI 31:23

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ Juda tə́, a ədan̄ na: Mbal̄ kə́ táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.

NDŪ NAJƏ̄ 30:5

Ni a reē sesí dɔ nang yā kaasí gə̄ tə́. Ā ī-téliī yā taā dɔ nang ní ō, ni a a̰a̰ gōsí kadə̄ tɔȳ ka̰a̰ ń a̰a̰ gō kaasí gə̄ ní ō, a rāā kadə̄ kutəsí tɔȳ yādə́ ō.

JEREMI 3:18

Kem ndɔ̄ gə̄ ń noō tə́ ní, ngé kə́ Juda tə́ gə̄ ō, ngé kə́ Israel tə́ gə̄ ō, a télən̄ yā reē naā tə́ mbak. Nin̄ a ḭḭn̄ dām̄ mbɔ́r ɓē kə́ ko̰ó̰ tə́ yā reē kugə̄ kem ɓēé ń m-ādə̄ kaadə́ gə̄ ní tə́.

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

JEREMI 30:4

Najə̄ gə̄ ń Kɔ́ɔ̄ɓē əda kə́ sɔɔ̄ dɔ Israel ō, Juda ō ní ń toó:

JEREMI 31:16

Kɔ́ɔ̄ɓē ɔr̄ najə̄ i tītə̄ ń toō beé: Asiī beé, ī-nōō rɔ̄í to̰ aĺ ō, ādə̄ man̄ kumií reē to̰ aĺ ō, tɔdɔ̄ ā ə́nge yá̰a̰ kəndā nja yāí tām̄ yā kəla yāí gə̄ tə́. ngání gə̄ a ḭḭn̄ kə gō ɓē yā madə̄ ba̰ā̰í gə̄ yā reē. Najə̄ ń Kɔ́ɔ̄ɓē əda ní n noó.

PĀ GƏ̄ 126:4

Kɔ́ɔ̄ɓē, ī-tél ī-reē kə ɓəlo yājí gēé gogə́ ɓēé, tītə̄ ń man̄ tél reēń kem kārə̄n tə́ kem loo kə́ Negeb tə́ ní.

EJEKIEL 34:13

M-ā m̄-teē sedə́ kɔ̄ɔ́ kem ɓē kə́ rang gə̄ tə́ ō, m-ā m-ɔ́sə njadə́ naā tə́ ō, ba m-ā m̄-tél yā kaw̄ sedə́ gogə́ kem ɓē yādə́ tə́. M-ā m-āw̄ sedə́ dɔ mbal̄ bo gə̄ kə́ Israel tə́ tə́ ō, kum wól loo gə̄ tə́ ō, kem loo kə́ majə ngá̰ý gə̄ kə́ kem ɓēé tə́ ō.

SOPONI 2:7

Juda gə̄ ń a teēn̄ ta yo tə́ ní, a ndin̄ gō nang ngeé ń noō tə́. Nin̄ a aw̄n̄ kə yá̰a̰ kul̄ yādə́ gēé loo ń noō tə́, ba loo tíbí anī, a aw̄n̄ ɓīí kem kújə gə̄ kə́ Askalon tə́ tə́. Tɔdɔ̄ Kɔ́ɔ̄ɓē Nə́ɓā yādə́ a rāā majə sedə́, adə̄ ni a tūr̄ yá̰á̰ ń a rāā yā reē kə̄ dɔdə́ tə́ ní.