JEREMI 30:24 - Bibəl ta Sar̄

²⁴ Wōn̄g kə́ ngá̰ý yā Kɔ́ɔ̄ɓē a tetə alé, bátə́ kadə̄ yá̰a̰ gə̄ ń núm̄ kemən tə́ yā rāā ní udə gírí majə. Ndɔ̄ ń tə́ anī, sḭḭ̄ ā ī-gerī kum ɓáý.

Bible sar

²⁴ Wōn̄g kə́ ngá̰ý yā Kɔ́ɔ̄ɓē a tetə alé, bátə́ kadə̄ yá̰a̰ gə̄ ń núm̄ kemən tə́ yā rāā ní udə gírí majə. Ndɔ̄ ń tə́ anī, sḭḭ̄ ā ī-gerī kum ɓáý.

JEREMI 30:24 Referans Kwoze

JEREMI 23:20

Wōn̄g yā Kɔ́ɔ̄ɓē a tetə alé, bátə́ kadə̄ rāań yá̰á̰ ń núm̄ ní adə̄ udə gírí majə. Ndɔ̄ń tə́ anī ā ī-gerī kum yá̰á̰ ní ɓáý.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

EJEKIEL 38:16

Israel gə̄ ń i gír deē yāḿ gə̄ ní, ā ī-reē yā kənīdə́ rɔ̄ɔ̄ ō, ā ī-taā loo ɓē yādə́ tə́ tītə̄ kil̄ man̄ kə́ taā loo dɔ nang tə́ beé ō. Dan i ngá̰ý pá tá yá̰a̰ gə̄ ń noō a rāān̄ yá̰á̰ ɓáý. M-ā m-ə́laī kadə̄ āw̄ ə̄nī ɓē yāḿ rɔ̄ɔ̄. Loo ń noō tə́ nápar de gə̄ a gerə̄n̄ kadə̄ Nə́ɓā kə́ táĺ i mā. Ba i Gog n m-ā m-úniī yā kɔjəńdə́ nge ń noō ní.

JEREMI 4:28

I tām̄ ń toō tə́ n dɔ nang əhɔ ndoō ní. No rā̰ əga ndul dɔɔ́ nú, tɔdɔ̄ i yá̰á̰ kə́ m-ún ndūḿ dɔ tə́ kɔ̄ɔ́ ɓá, i yá̰á̰ kə́ m̄-nóm̄ rāā i jóo ngá̰ý. M-ā m̄-lōō gírí alé, m-ā m̄-tūr̄ ndūḿ alé.

DANIEL 10:14

m̄-reē i kɔjiī yá̰á̰ ń ndɔ̄ń tə́ a rāā gír deē yāí gə̄ ní tə́ kadə̄ ī-ger̄. Tɔdɔ̄ yá̰á̰ kə́ ka̰ā̰ kə́ rang to noó ɓáý, ba yá̰á̰ ní a rāā yá̰a̰ i kem ndɔ̄ gə̄ kə́ ndɔ̄ń tə́ ní tə́.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

JEREMI 48:47

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā reē sedə́ gogə́. Najə̄ ń Kɔ́ɔ̄ɓē əda ní n noó. Sarya ń gāngə̄n̄ dɔ Moab tə́ ní, ta tɔ̄l̄ tan i loon ń toō tə́.

JEREMI 4:8

Tām̄ najə̄ ń toō tə́ ní, ō̰ō̰ī sákə̄ kūbə̄ tə́ rɔ̄sí tə́. Ī-nōōī rɔ̄sí ō, ə́gaī kɔŕ ō, tɔdɔ̄ wōn̄g yā Kɔ́ɔ̄ɓē kə́ al̄ naā ngá̰ý əya̰ gōjí alé.

IJAI 46:11

m̄-ɓāŕ deē kógə̄ḿ sa̰y ngá̰ý dām̄ kə́ gír ɓē tə́, deē ní ngan̄g tītə̄ kərō beé. Yá̰a̰ gə̄ ń m̄-núm̄ ní, i ni n a rāādə́ kadə̄ reē udən̄ gírí ní. Yá̰á̰ m-ə́dá ní, m̄-rāā yá̰á̰ ní. Yá̰á̰ ń m̄-núm̄ ní, m̄-rāā yá̰á̰ ní adə̄ udə gírí.

IJAI 14:24

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-túbə, yá̰á̰ m-ɔ́jə rāā ní, a reē yā kudə gírí.

1 SAMUEL 3:12

Ndɔ̄ ń noō tə́ ní yá̰a̰ malang ń m-ə́da dɔ Eli tə́ ō, dɔ gír kojə yān tə́ ō ní m-ā m̄-rāā. M-ā m-ə́lá gír i ta kəla gíŕ tə́ bátə́ ta tɔ̄l̄ ta tə́ kanjə̄ kəya̰ yá̰á̰ kógə̄ḿ kɔ̄ɔ́.

NDŪ NAJƏ̄ 31:29

Tɔdɔ̄ m̄-ger̄ kadə̄ ré m-óy kɔ̄ɔ́ anī, ngán Israel gə̄ a rāān̄ yá̰a̰ majaĺ ō, a əya̰n̄ róbə́ ń m-ɔ́jə́də́ ní kɔ̄ɔ́ ō. Ta tɔ̄l̄ ta anī yá̰á̰ kə́ to kum kaȳ aĺ a reē dɔdə́ tə́, tām̄ yá̰á̰ kə́ majaĺ ń rāān̄ adə̄ rɔ̄ Kɔ́ɔ̄ɓē nelə̄n aĺ ō, wōn̄g rāān ō ní tə́.

NDŪ NAJƏ̄ 4:30

Ré yá̰a̰ gə̄ ń m̄-tāāsí najə̄n malang toó reē ugə̄n̄ dɔsí tə́ adə̄ ī-ndiī dan wur kɔl tə́ anī, ā ī-téliī yā reē rɔ̄ Kɔ́ɔ̄ɓē Nə́ɓā yāsí tə́ ō, yā koō najə̄ kɔrə̄n gogə́ rang ō.

TƏ́DA 24:14

Ngɔlaā m-ā m̄-tél yā kaw̄ gogə́ rɔ̄ de gə̄ yāḿ gə̄ tə́, ba ī-reē ādə̄ m-ə́daī yá̰á̰ ń ndɔ̄ń tə́ anī ngán Israel gə̄ a rāān̄ kə de yāí gēé ní.

TA KƏLA 49:1

Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.

JEREMI 49:39

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā kəndā Elam gə̄ kijə.

JEREMI 49:37

m̄-rāā Elam gə̄ adə̄ ndewn̄ ta kum madə̄ ba̰ā̰də́ gə̄ ń i nge sāā tɔ̄l̄də́ gə̄ ní tə́, ta kum ngé gə̄ ń ndigən̄ ka̰a̰də́ kə kumdə́ aĺ ní tə́. m̄-rāā adə̄ yá̰á̰ kə́ to kum kaȳ aĺ əsō dɔdə́ tə́, adə̄ i wōn̄g yāḿ kə́ al̄ naā. Najə̄ ń Kɔ́ɔ̄ɓē əda ní n noó. m̄-ngɔ̄də̄də́ kə kaskaraá yā tɔ̄l̄də́ bátə́ kadə̄ təgān̄.

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.