JEREMI 30:20 - Bibəl ta Sar̄

²⁰ Ngánən gə̄ a télən̄ yā ndi majə tītə̄ kə́ kété ō, deē yān gə̄ a télən̄ yā kán̄ naā majə ta kumḿ tə́ ō. Ngé rāā kumən ndoō tə́ gə̄ malang ní m-ā m-ɔ́jə́də́ kum ō.

Bible sar

²⁰ Ngánən gə̄ a télən̄ yā ndi majə tītə̄ kə́ kété ō, deē yān gə̄ a télən̄ yā kán̄ naā majə ta kumḿ tə́ ō. Ngé rāā kumən ndoō tə́ gə̄ malang ní m-ā m-ɔ́jə́də́ kum ō.

JEREMI 30:20 Referans Kwoze

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.

JEREMI 2:3

Israel i yá̰á̰ kə́ kɔr̄ kam̄ kəndā tayā tām̄ yā Kɔ́ɔ̄ɓē tə́. I kōō gə̄ kə́ ta kəga dɔ tām̄ yān tə́, náā nəkɔ́ ń əsa kōō kə́ ta kəga dɔ ngeé ń toō ní najə̄ i dɔ tə́. Yá̰á̰ kə́ to kum kaȳ aĺ əsō dɔn tə́. Najə̄ ń Kɔ́ɔ̄ɓē əda ní n noó.

IJAI 51:22

Najə̄ ń Kɔ́ɔ̄ɓē, ngolií, Nə́ɓā yāí, nge rɔ̄ɔ̄ dɔ gír deē yān gə̄ tə́, əda ní n toó: Kopə wōn̄g yāḿ ń i kópə kə́ a ḭḭ̄ no deē ní, m-ā m̄-tél yā taā jīí tə́ kɔ̄ɔ́. Ā ā̰ȳ yá̰á̰ kə́ kemeé to̰ aĺ i kə́ bátə́ gə̄ tə́.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

PĀ GƏ̄ 102:28

Banī ḭ̄ ī-ndi kum gotií, ta tɔ̄l̄ ta ndɔ̄í gətóo.

JEREMI 30:16

Ɓáa de gə̄ malang ń nujən̄ seí ní, a nujən̄ sedə́ ō, a əhɔn̄ madə̄ ba̰ā̰í gə̄ náḿ náḿ yā kaw̄ sedə́ dɔ nang kə́ rang tə́ ō. De gə̄ ń nujən̄ kə yá̰a̰ yāí ní a nujən̄ kə yá̰a̰ yādə́ ō. De gə̄ malang ń ɔyn̄ yá̰a̰ yāí dɔ gúú tə́ ní m-ā m-ə́ya̰ kadə̄ ɔyn̄ yá̰a̰ yādə́ dɔ gúú tə́ ō.

IJAI 54:14

Ā ə̄ndā tɔ́gí dɔ yá̰a̰ rāā kə́ gōtə́ tə́. Deē a rējī to̰ aĺ ō, ɓōĺ a rāāī to̰ aĺ ō. De kə́ yā rāāī kadə̄ ndílí a̰ȳ to̰ a gətóo ō, de kə́ yā kəla ɓōĺ kemií tə́ to̰ a gətóo ō.

JAKARI 8:5

Ngán gə̄ a taān̄ loo ndágə loo gə̄ kə́ kem ɓēé tə́. Ngáń kə́ dəngam gə̄ ō, kə́ dəyá̰ gə̄ ō, a kógə̄n̄ naā ndágə loo gə̄ ngeé ń noō tə́.

JAKARI 10:8

M-ā m̄-ɓāŕ de gə̄ kə́ dan gír deē yāḿ gə̄ tə́, yā kɔsə dɔdə́ naā tə́. A̰á̰ā̰, m-ā m-ɔ̄r̄də́ ɓəloó ō, kutədə́ a reē ngá̰ý tītə̄ kə́ kété ō.

NŌŌ RƆ̄ 5:21

Kɔ́ɔ̄ɓē ī-rāā ādə̄ jə-tél kə̄ rɔ̄í tə́, anī j-a jə-tél yā reē rɔ̄í tə́. Ə̄nī ndɔ̄ gə̄ ta madə̄ tə́ adə̄jí tītə̄ kə́ kété jóo gə̄.

JAKARI 10:6

M-ā m-ə́la go̰ kem de gə̄ kə́ Juda tə́. M-ā m-ájə́ ngán Israel gə̄. M-ā m̄-tél sedə́ yā reē sedə́ gogə́ ɓēé, tām̄ kumḿ o̰o̰m̄ sedə́. Nin̄ a ton̄ tītə̄ kə́ m̄-mbātə́də́ kété aĺ beē. A̰á̰ā̰, mā i Kɔ́ɔ̄ɓē, Nə́ɓā yādə́ ō, m-ā m̄-dal ndɔ̄ȳ yādə́ gə̄ ō.