JEREMI 30:2 - Bibəl ta Sar̄

² Mā Kɔ́ɔ̄ɓē, Nə́ɓā yā Israel m-ɔ̄r̄ najə̄ i tītə̄ ń toō beé: Ī-ndang najə̄ gə̄ malang ń m-ə́daī ní kem makətūbūú.

Bible sar

² Mā Kɔ́ɔ̄ɓē, Nə́ɓā yā *Israel m-ɔ̄r̄ najə̄ i tītə̄ ń toō beé: Ī-ndang najə̄ gə̄ malang ń m-ə́daī ní kem makətūbūú.

JEREMI 30:2 Referans Kwoze

JEREMI 36:32

Tā anī, Jeremi un ndāŕ ndang najə̄ kə́ ɓír̄ gidə naā tə́ kə́ rang adə̄ Baruk nge ndang makətūbə̄ kə́ ngōn̄ Neriya. Ni ndang najə̄ gə̄ malang ń Jeremi tə́dan á Joakim, mban̄g kə́ Juda tə́ róō kɔ̄ɔ́ ní kemeé. Ndangən̄ najə̄ kə́ rang kə́ tītə̄ ngé gə̄ ń noō gə̄ ngá̰ý kemeé ɓáý to̰ ō.

IJAI 30:8

Kɔ́ɔ̄ɓē əda Ijai na: Ngɔlaā ní, ī-ndang yá̰a̰ gə̄ ń toō dɔ bar mbal̄ tə́, ta kum de kə́ Jerusalem gə̄ tə́. Ndɔ̄ń tə́ anī, nge ń noō a tél i yá̰á̰ kə́ kum tə́ kə́ a to ngándáńg.

JEJU TEĒ KUM JA̰A̰ 1:19

I beé ní, yá̰a̰ gə̄ ń á̰á̰də́ kɔ̄ɔ́ ō, yá̰a̰ gə̄ ń ā á̰á̰də́ toō ō, yá̰a̰ gə̄ ń a utə̄n̄ gōdə́ ɓáý ō ní, ī-ndangdə́ makətūbūú.

JEJU TEĒ KUM JA̰A̰ 1:11

ədam̄ na: Yá̰á̰ ń á̰a̰ā̰ ní ī-ndang makətūbūú ə́lań ādə̄ Egəlijə kə́ sīrí gə̄, adə̄ i Egəlijə kə́ Epejə ō, Səmirnə ō, Pergam ō, Tiyatir ō, Sardə ō, Piladelpi ō, Laodise ō.

2 PIYER 1:21

Tɔdɔ̄ i kem ndigə yā deē n teē kə najə̄ kə́ Nə́ɓā əndā ta deē tə́ ní alé, banī i tām̄ kɔsə kə́ Ndíĺ kə́ Táĺ ɔsə sedə́ n de gə̄ ədan̄neé najə̄ kə́ Nə́ɓā əndā tadə́ tə́ ní.

1 KORḚNTƏ 10:11

Yá̰a̰ gə̄ ń noō malang teēn̄ dɔdə́ nin̄ tə́ i yā kɔjəń de kə́ rang gə̄ yá̰a̰ kadə̄ gerə̄n̄. Ba ndangən̄də́ kem makətūbūú i yā tāańjí jḭḭ̄ ń j-ugī ta ngóy ndɔ̄ gə̄ tə́ ní.

Makətūbə̄ ń Pol ndang adə̄ Rom gə̄ ní 15:4

Najə̄ gə̄ ń ndangən̄ kété malang ní i yā kɔjəńjí yá̰a̰, i gáŕ kadə̄ najə̄ gə̄ ní rāān̄jí adə̄ jə-tə́gāī tají ō, j-əhɔī rɔ̄jí tɔgə ō, j-əndāī kemjí dɔ Nə́ɓā tə́ ō.

DANIEL 12:4

Ḭ̄ Daniel, ī-ngɔ̄m̄ najə̄ gə̄ ń toō ādə̄ ton̄ loo mundə̄ tə́ ō, ə̄ndā mbō̰ ta makətūbə̄ tə́ ō, bátə́ ndɔ̄ kə́ ta ngóý tə́. Loo ń noō tə́ de gə̄ ngá̰ý a tə́dan̄ ō, yá̰a̰ ger̄ yādə́ a reē kə̄ dɔ madə̄ tə́ ō.

IJAI 8:1

Kɔ́ɔ̄ɓē ədam̄ na: Ún bar ndang yá̰á̰ kə́ bo, ba ī-ndang ādə̄ kumən to kadə̄ deē tə́da, ī-ndang na: Kaw̄ láẃ nār̄ yá̰a̰, kɔy yá̰a̰ kənge dɔ gúú tə́.

NDŪ NAJƏ̄ 31:19

Ngɔlaā ní ī-ndangiī kum najə̄ gə̄ kə́ tū pā ń toō tə́ tām̄ yāsí tə́. Ḭ̄ Moijə, ā ī-ndóō ngán Israel gə̄. Ā ə̄ndā kumií gírí kadə̄ ndóō gerə̄n̄, kadə̄ pā ń toō tél najə̄ kə́ kum tə́ yāḿ kə̄ no ngán Israel gə̄ tə́.

Teē Ngán Israel gə̄ 17:14

Kɔ́ɔ̄ɓē əda Moijə na kə ndang yá̰a̰ gə̄ ń noō malang na sōgə́ dɔ de gə̄ ndígə̄nal. Kə əda Jojue na n-a n-rāā kadə̄ Amalek gə̄ gətóon̄ kɔ̄ɔ́ malang, adə̄ na a əga kem deē dɔdə́ tə́ dɔ nang tə́ to̰ alé.

JEREMI 25:13

M-ā m̄-rāā kadə̄ yá̰a̰ gə̄ malang ń m-ɔ̄r̄ najə̄də́ dɔ ɓē ń toō tə́ ní, a reēn̄ dɔn tə́. Yá̰a̰ malang ń ndangən̄ kem makətūbə̄ ń toō tə́ ní ō, najə̄ ń Jeremi oō taḿ tə́ á ɔr̄ sɔɔ̄ dɔ de gə̄ ní ō.

JEREMI 30:1

Kɔ́ɔ̄ɓē ɔr̄ najə̄ kə Jeremií ədan na:

JEREMI 36:28

Ún ndāŕ ndang najə̄ kógə̄ḿ kə́ ɓír̄ gidə naā tə́ kə́ rang ō, ī-ndang najə̄ gə̄ malang ń ton̄ kem nge kə́ kété tə́ ń Joakim, mban̄g kə́ Juda tə́ róō kɔ̄ɔ́ ní ō kemeé.