JEREMI 30:19 - Bibəl ta Sar̄

¹⁹ Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

Bible sar

¹⁹ Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

JEREMI 30:19 Referans Kwoze

JEREMI 33:22

M-ā m̄-rāā kadə̄ ngán kaa nge kəla yāḿ Dabid ō, ngán kaa Lebi gə̄ ō ń i de kə́ bo yāḿ gə̄ ní, a bəlan̄ ngá̰ý tītə̄ tə́yō̰ gə̄ kə́ dɔ rā̰ tə́ gə̄ ō, nán̄g ngárə̄ḿnjēý kə́ ta bā bo tə́ ō ń deē asə tə́da aĺ ní.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

IJAI 60:22

De kə́ dūú tɔȳ madə̄n gə̄ kə́ dandə́ tə́ a ojə de gə̄ dūbú, de kə́ tɔ́gən gətóo tɔȳ madə̄n gə̄ kə́ dandə́ tə́ a téĺ gír de gə̄ kə́ tɔ́gə́də́ i ngá̰ý. Mā Kɔ́ɔ̄ɓē, dan ń kum mbang a asə anī, m-ā m̄-rāā yá̰á̰ ń noō i láẃ ngá̰ý.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

EJEKIEL 36:37

Yá̰á̰ ń mā Kɔ́ɔ̄ɓē Nə́ɓā m-ə́da kadə̄ i rɔ̄kum ní n toó: M-ā m-ə́yá̰ Israel gə̄ kadə̄ tél ndɔ̄ȳmə̄n̄ gogə́ ō, m-ā m̄-daldə́ i kə ta kūl̄ rāā kadə̄ nin̄ i ngá̰ý tītə̄ batə̄ gə̄ kə́ dan ɓūtə̄ yá̰a̰ kul̄ kógə̄ḿ tə́ beē.

JAKARI 10:8

M-ā m̄-ɓāŕ de gə̄ kə́ dan gír deē yāḿ gə̄ tə́, yā kɔsə dɔdə́ naā tə́. A̰á̰ā̰, m-ā m-ɔ̄r̄də́ ɓəloó ō, kutədə́ a reē ngá̰ý tītə̄ kə́ kété ō.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

JAKARI 12:8

Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ de kə́ dɔ rā̰ tə́ yā Kɔ́ɔ̄ɓē beé.

JAKARI 8:19

Ndi ń ā ī-*ndiī ɓō tām̄ yā Nə́ɓā tə́ kem nāā kə́ nge ko̰ sɔ́ tə́ ō, mí tə́ ō, kem nāā kə́ nge ko̰ sīrí tə́ ō, kutə tə́ ō ní, ngɔlaā a télən̄ i ndɔ̄ naā gə̄ kə́ rɔ̄nel̄ i ngá̰ý tū tə́ ō, kem de gə̄ a nel̄də́ ngá̰ý tū tə́ ō, tām̄ yā gír de gə̄ kə́ Juda tə́. I beé ní, ī-gḛyiī najə̄ kə́ rɔ̄kum ō, ndi lɔm ō.

EJEKIEL 37:26

M-ā m-ə́hɔ madə̄ naā kə́ tām̄ yā lɔm tə́ sesí, ba madə̄ naā ní a to ngándáńg. M-ā m-ə̄ndāsí kem ɓē ń toō tə́ ō, m-ā m̄-rāāsí kadə̄ kutəsí i ngá̰ý ō, m-ā m-ə̄ndā kújə yāḿ dansí tə́ kadə̄ a to ngándáńg ō.

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

NEHEMI 8:12

Loo ń noō tə́ de gə̄ malang tél aw̄n̄ kə̄ ɓē gə̄ tə́ yā kəsa yá̰a̰ ō, ka̰ȳ yá̰a̰ ō. Nin̄ əlan̄ kə núsə yá̰a̰ k əsa yādə́ gēé adə̄n̄ ngé gə̄ ń yādə́ gətóó ní ō, rāān̄ rɔ̄nel̄ ngá̰ý ō, tɔdɔ̄ nin̄ gerə̄n̄ kum najə̄ gə̄ ń ɔjən̄də́ ní majə.

ESDRAS 6:22

Gō tə́ anī rāān̄ nāā mápá kə́ kanjə̄ kaa kə rɔ̄nelēé bátə́ ndɔ̄ sīrí. Kɔ́ɔ̄ɓē rāā adə̄ rɔ̄də́ nel̄də́ ngá̰ý tɔdɔ̄ ni tūr̄ kem mban̄g kə́ Asiri adə̄də́. Nge ń noō rāā adə̄ jīdə́ ngan̄g loo rāā kəla kújə yā Nə́ɓā yā Israel tə́.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

IJAI 60:19

Ā ī-sāā i mbang yā ka̰a̰ń loo kadaá to̰ aĺ ō, i nāā yā ka̰a̰ń loo ndɔ̄ɔ́ to̰ aĺ ō. Mā Kɔ́ɔ̄ɓē Nə́ɓā yāí, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́ ō, m-ā m̄-rāā kadə̄ á̰a̰ loo kə́ unjə̄ kow ń m-ūnjə̄ ní ō.

IJAI 52:9

Ndəbā ɓē gə̄ kə́ Jerusalem, ī-túrī kɔĺ rɔ̄nel̄. Kɔ́ɔ̄ɓē tél kə kəndā kem dɔ tə́ adə̄ gír deē yān gə̄ gogə́, ni-ɔr̄ Jerusalem ɓəloó.

JAKARI 2:4

m̄-dəje na ké reēn̄ i rāā rí tə́ wa. Anī ni-tél ədam̄ na: Reēn̄ i kəla ɓōĺ tə́ kem ɓē kə́ ngan̄g gə̄ ń ənīn̄ ɓē kə́ Juda rɔ̄ɔ̄ ní tə́ ō, reēn̄ i nujə ɓē gə̄ ní tə́ ō. Nin̄ tə̄ɓān̄ de kə́ kemeé gə̄ ādə̄ aw̄n̄ kə̄ loo gə̄ tə́ ō, de kə́ asə dum̄ tadə́ gətóo ō.

JEREMI 31:27

Kem ndɔ̄ gə̄ ń a reēn̄ noó tə́ ní, m-ā m̄-dubə̄ de gə̄ ō, dā̰ gə̄ ō, kə́ Israel tə́ ō, Juda tə́ ō tītə̄ loo dubə̄ kōō beé.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

IJAI 27:6

Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

PĀ GƏ̄ 53:6

Loo ń yá̰á̰ kə́ to ɓōĺ gətóo tū tə́ anī, nin̄ a ɓōlə́n̄ i mbéé kə́ ndewn̄ yakə yakə. Tɔdɔ̄ ngé kənīī rɔ̄ɔ̄ gə̄ ní, Nə́ɓā tə́nī kə̄ngādə́ kógə̄ḿ kógə̄ḿ kə̄ loo gə̄ tə́. Ī-mbóo sedə́ tɔdɔ̄ Nə́ɓā tə̄ɓādə́ kɔ̄ɔ́.

NEHEMI 8:17

Ngé kán̄ naā gə̄ malang, adə̄ i ngé gə̄ ń télən̄ ɓəloó ní, rāān̄ kújə́ kámbə gə̄ ba ndin̄ kemeé. Rɔ̄ de gə̄ neldə́ ngá̰ý, tɔdɔ̄ əla gír ɓāl̄ yā Jojue ngōn̄ Nun tə́ bátə́ ɓōólaā ní, ngán Israel gə̄ rāān̄ yá̰á̰ kə́ tītə̄ ń noō alé.

JA̰A̰ 17:22

M-ādə̄də́ kɔsə gɔn ń ādə̄m̄ ní, yā kadə̄ nin̄ i kógə̄ḿ beē tītə̄ ń ḭ̄ ō mā ō jḭḭ i kógə̄ḿ beē ní.

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

IJAI 55:5

Israel, ā ī-ɓāŕ nápar de gə̄ kə́ ī-ger̄də́ aĺ gə̄ ō, nápar de gə̄ ń toō ń nin̄ gerīn̄ aĺ ní, a reēn̄ láẃ kə̄ rɔ̄í tə́. Nin̄ a reēn̄ i najə̄ yāḿ mā Kɔ́ɔ̄ɓē Nə́ɓā yāí tə́, Nə́ɓā kə́ táĺ yā Israel, ni ń ndigə rɔyī ní.

JEREMI 17:26

De gə̄ a ḭḭn̄ ɓē gə̄ kə́ Juda tə́ ō, kem ɓē gə̄ ń ndi gīrə̄n̄ gidə Jerusalem ní ō, kem ɓē gə̄ kə́ Benjamḛ tə́ ō, dɔ nang kə́ mbal̄ bo gətóo tū tə́ tə́ ō, kə́ mbalá tə́ ō, kə́ Negeb tə́ ō, yā reē. Ngé gə̄ ń adə̄n̄ dā̰ gə̄ kə́ yā róō horoó ō, kə́ yā tun̄ ō, kadə̄ karī gə̄ ō, kajaja ō ní, a reēn̄ naā tə́ kə ngé gə̄ ń a adə̄n̄ yá̰a̰ tun̄ kə́ yā tɔ̄ȳiń Kɔ́ɔ̄ɓē kem kújə yān tə́ ní.

EJEKIEL 37:10

Najə̄ gə̄ ń toō ń Kɔ́ɔ̄ɓē əndā taḿ tə́ ní, m-ə́da tītə̄ ń ni mēr̄məń kəda ní. Loo ń noō tə́ koō kə́ nge rāā kadə̄ deē ndi kə kumneé udə kem de kə́ koy gə̄ tə́, adə̄ nin̄ tél ndin̄ kə kumuú gogə́. Nin̄ ḭḭ ran̄ dɔɔ́ anī i kósə de kə́ ngá̰ý gə̄.

IJAI 26:15

Kɔ́ɔ̄ɓē, ī-rāā adə̄ kutə nápar deē yāí gə̄ i ngá̰ý, ḭ̄ ɔ́jə kɔsə gɔn yāí, ḭ̄ ī-rāā adə̄ nápar deē yāí gə̄ tɔgən̄, ḭ̄ ɔ́jə kɔsə gɔn yāí, ḭ̄ ī-tél kə dɔ nin̄ loo gə̄ yā ɓēé kə̄ gogə́ malang.

JEREMI 3:16

Kem ndɔ̄ ń noō tə́ ní, dan ń sḭḭ̄ ā ī-bəlaī ngá̰ý kem ɓēé anī, de gə̄ a ədan̄ na: I sandúkə madə̄ naā yā Kɔ́ɔ̄ɓē to̰ alé, najə̄ ń Kɔ́ɔ̄ɓē əda ní n noó. De kə́ yā gír̄ dɔ tə́ a gətóo: Deē a ɔr̄ najə̄n to̰ aĺ bátə́ ō, a gerə̄n̄ gō kadə̄ ni gətóo aĺ ō, a télən̄ yā rāān rang aĺ ō.