JEREMI 30:18 - Bibəl ta Sar̄

¹⁸ Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

Bible sar

¹⁸ Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

JEREMI 30:18 Referans Kwoze

PĀ GƏ̄ 102:13

Banī Kɔ́ɔ̄ɓē, ḭ̄ i mban̄g ngándáńg, ḭ̄ i Nə́ɓā kə dɔ ɓāl̄ gə̄ ɓāl̄ gə̄.

JEREMI 30:3

Kem ndɔ̄ gə̄ ń a reēn̄ noō tə́ ní m-ā m̄-tél yā kənda Israel ō, Juda ō ń i gír deē yāḿ gə̄ ní kijə. M-ā m̄-tél yā reē sedə́ gogə́ kem ɓē ń m-ādə̄ kaadə́ gə̄ ō, nin̄ a əngen̄ yá̰a̰ ndəbā tə́ ō ní. Najə̄ ń Kɔ́ɔ̄ɓē əda ní n noó.

JEREMI 33:7

M-ā m̄-tél yā kəndā Juda gə̄ ō, Israel gə̄ ō kijə. M-ā m̄-rāā kadə̄ nin̄ tél ndin̄ majə gogə́ tītə̄ kə́ kété.

JEREMI 49:39

Banī ta tɔ̄l̄ ta ndɔ̄ gə̄ tə́ anī, m-ā m̄-tél yā kəndā Elam gə̄ kijə.

JEREMI 23:3

Mā m-ā m̄-kán̄ nja gotə yá̰a̰ kul̄ yāḿ gə̄ ń m̄-tə̄ndā m̄-tḭ̄ḭ̄də́ kə̄ gō ɓē gēé ní naā tə́ malang. M-ā m̄-tél yā reē sedə́ gogə́ dɔ mu kə́ mbōl̄ tə́. A ojən̄ naā ngá̰ý.

JAKARI 1:16

I tām̄ najə̄ ń toō tə́ n m-ə́da najə̄ ń toō ní, mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní. M-ā m̄-tūr̄ rɔ̄ḿ kə̄ rɔ̄ Jerusalem tə́ ɓáý to̰ kə kem kə́ majaá. Loo ń noō tə́ a télən̄ yā rāā kújə́ kə́ bo yāḿ gogə́ rang ō, a télən̄ yā rāā ɓē gogə́ rang ō.

JEREMI 46:27

Ḭ̄ nge kəla yāḿ Jakob, ī-lōō ɓōĺ. Israel, ī-lōō ndebə. M-ā m̄-gān̄g dɔí jī ɓē kə́ sa̰y ngá̰ý gə̄ tə́ ō, m-ā m̄-gān̄g dɔ ngán kaaí gə̄ dɔ nang ń əhɔ aw̄n̄ sedə́ tū tə́ tə́ ní ō. Jakob tél a reē, ni ɓōĺ yá̰á̰ kógə̄ḿ aĺ bátə́. Ni-ndi jəke kanjə̄ sōl̄ yá̰á̰ kógə̄ḿ, de kə́ njə́ɓan̄ to̰ gətóo.

JEREMI 49:6

Gō yá̰á̰ ń noō tə́ anī, m-ā m̄-t-él yā kəndā Amon gə̄ kadə̄ majə tītə̄ kə́ kété. Najə̄ ń Kɔ́ɔ̄ɓē əda ní n noó.

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

1 YÁ̰A̰ GƏ̄ 29:19

Ādə̄ ngōnə̄ḿ Salomo̰ kem kə́ ndigə ngɔ̄m̄ gō míndí gə̄ ō, yá̰á̰ ndóō yāí gə̄ ō, yá̰a̰ gə̄ ń ī-ndang kadə̄ yā rāā gə̄ ní ō, tá kadə̄ rāań yá̰a̰ gə̄ ń noō malang ō, rāań kújə mban̄g ń m-ɔ́sə nja yá̰a̰ gə̄ ń toō malang naā tə́ yā rāań ní ō.

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ kújə́ yā Kɔ́ɔ̄ɓē gogə́.

JEREMI 31:38

Kem ndɔ̄ gə̄ ń a reēn̄ noó tə́ ní a tél yā rāān̄ ɓē gogə́ rang tām̄ yā Kɔ́ɔ̄ɓē tə́, əla gír dɔ kújə́ kə́ ngāl̄ ɓururu kə̄ dɔɔ́ kə́ Hananel tə́ bátə́ ta róbə́ kə́ kíl ndogə̄ mbal̄ tə́. Najə̄ ń Kɔ́ɔ̄ɓē əda ní n noó.

JEREMI 31:23

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ Juda tə́, a ədan̄ na: Mbal̄ kə́ táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.

JAKARI 12:6

Kum mbang ngeé ń noō tə́ ní, m-ā m̄-rāā ngār kə́ Juda gə̄ kadə̄ a tél a ton̄ tītə̄ hor kə́ a o̰o̰ gír kīr̄ kə́ kán̄ dɔ naā tə́ bing beé, aláa a ton̄ i tītə̄ mu kə́ ndégə̄ kem jī kógə̄ḿ ba kəla hor tū tə́ gír dɔ do̰ō̰ kōō gə̄ tə́ beē. Gír de kə́ rang gə̄ ń ndi gīrə̄n̄ gidədə́ ní, nin̄ a nujən̄də́ kə̄ ta gə̄ tə́. Banī de kə́ Jerusalem gə̄ a na̰yn̄ kə̄ loo ndi tə́ loo ń toō tə́.

PĀ GƏ̄ 78:69

Rāā loo kə́ táĺ yān adə̄ to tītə̄ ta tél mbal̄ gə̄ ō, əndā ngəran adə̄ to ngándáńg tītə̄ yā dɔ nang ō.

NEHEMI 7:4

Ɓē kə́ Jerusalem bo ō, laa dɔ jī jōó ō, banī de kə́ kemeé gə̄ i sḛ́ý beē. Kújə́ kə́ tétə̄ nang tə́ gə̄ ní deē tél rāādə́ gogə́ aĺ ɓáý.

PĀ GƏ̄ 85:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

JAKARI 14:10

Dɔ nang malang ń to kə gō gidə ɓē kə́ Jerusalem ní, a rāān̄ kadə̄ a téĺ ndágə mbō. A əlan̄ gír i Geba ń deē ra kem ɓēé anī i kə̄ dām̄ mbɔ́r ɓē kə́ ko̰ó̰ tə́ ní, bátə́ Rimon ń deē ra kem ɓēé anī i kə̄ dām̄ mbɔ́r ɓē kə́ geleé tə́ ní. Ɓē kə́ Jerusalem a ndi i loo kə́ kḭḭ kə̄ dɔɔ́ tə́, ba ɓē a ḭḭ i ta róbə yā Benjamḛ tə́, bátə́ ta róbə́ ń rīn na i kíl loo ní tə́, loo ń ta róbə́ kə́ jóo i tū tə́ ní tə́. A ḭḭ kújə́ kə́ ngāl̄ ɓururu kum kə̄ dɔɔ́ yā Hananel tə́, bátə́ loo mbə́rē kan̄ kāgə̄ nduú yā mban̄g tə́.

JEREMI 31:40

Wól loo ɓōkə́ nīń gə̄ ō, kúĺ yá̰á̰ kə́ tun̄ gə̄ ō, loo kə́ kə gō ngāl̄ wól loo kə́ Sedəro̰ tə́, bátə́ ugə̄ń kíl róbə yā Sə́nda gə̄ tə́ gír ɓē tə́ ō ní, a télən̄ i loo kə́ yā ɓōĺ gidə malang tām̄ yā Kɔ́ɔ̄ɓē. Deē a ɔr̄ kə gír ngəraá aĺ ō, a bótə̄yō̰ aĺ ō, i kə́ njɔ́ḿ gə̄ tə́.

1 YÁ̰A̰ GƏ̄ 29:1

Mban̄g Dabid əda ngé kán̄ naā gə̄ malang na: Ngōnə̄ḿ Salomo̰ ń Nə́ɓā gə̄rān ní i ngōn̄ ō, tɔ́gən asə yá̰a̰ aĺ ō, tá kəla ní i kəla kə́ bo ngá̰ý ō. Tɔdɔ̄ kújə mbang ní i tām̄ yā deē tə́ alé, banī i tām̄ yā Kɔ́ɔ̄ɓē Nə́ɓā tə́.

PĀ GƏ̄ 48:3

Mbal̄ ní majə ō, ngāl̄ kə̄ dɔɔ́ ɓururu ō, rāā adə̄ rɔ̄ dɔ nang malang nelə̄n ō. Ɓē bo kə́ dɔ ɓē gə̄ kə́ dɔ nang tə́ laā malang, i mbal̄ Siyo̰. I ɓē yā mban̄g kə́ bo.

PĀ GƏ̄ 48:13

Ī-njə̄rāī kə gō naá tururu dɔ ndogə̄ mbal̄ kə́ gidə ɓē kə́ Siyo̰ tə́ tə́. Ī-tə́daī kutə kújə ngɔ̄m̄ ɓē kə́ dɔ tə́ gə̄.

PĀ GƏ̄ 122:7

Ādə̄ lápə́ya to kem ndogə̄ mbal̄ yāí gə̄ tə́ ō, lɔm to kem kújə́ kə́ bo yāí gə̄ tə́ ō!

JEREMI 29:11

Mā m̄-ger̄ yá̰a̰ gə̄ ń m̄-nóm̄ yā rāā tām̄ yāsí tə́ ní, i ndi majə ba i yá̰á̰ kə́ to kum kaȳ aĺ alé. Ta ndo̰sí a aw̄ kum kə̄ kété majə ō, ā ə́ngeī yá̰á̰ kə́ yā kəndā kemsí dɔ tə́ ō. Najə̄ ń Kɔ́ɔ̄ɓē əda ní n noó.

JEREMI 32:15

Tɔdɔ̄ najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: De gə̄ a mangən̄ kújə gə̄ ō, loo ndɔr̄ gə̄ ō, kāgə̄ nduú gə̄ ō kem ɓē ń toō tə́.

EJEKIEL 36:11

Kutə de gə̄ gē dā̰ gē a reē ngá̰ý kə̄ dɔ naā tə́ kə̄ loo gə̄ tə́ malang. Ā ójiī ngán gə̄ ō, kutəsí a reē ngá̰ý ō. De gə̄ a ton̄ ngá̰ý kem ɓēé tītə̄ kə́ kété ō, ā ə́ngeī yá̰a̰ tɔȳ kə́ kété ō. Loo ń noō tə́ ā ī-gerī kadə̄ Kɔ́ɔ̄ɓē i mā.

AMOS 9:14

Israel gə̄ ń i gír deē yāḿ gə̄ ní, m-ā m̄-rāādə́ kadə̄ a tél a ndin̄ tītə̄ kə́ kété. Ɓē bo kə́ nujə kɔ̄ɔ́ gə̄ ní, nin̄ a télən̄ yā rāā gogə́ ō, a télən̄ yā ndi kem ɓē bo gə̄ ní tə́ gogə́ ō. Nin̄ a əhɔn̄ kāgə̄ nduú gə̄ ō, a a̰ȳn̄ kasə nduú ō. Nin̄ a ndɔrə̄n̄ ō, a əsan̄ yá̰á̰ kə́ ndɔrɔ́ ō.

JAKARI 1:12

Anī nge kaw̄ kəla yā Kɔ́ɔ̄ɓē əda na: Kɔ́ɔ̄ɓē nge rāā dɔ rā̰ ō dɔ nang ō, ń toō asə ɓāl̄ kutə sīrí kɔ̄ɔ́ tā n ī-rāań wōn̄g kə ɓē kə́ Jerusalem ō, kə gotə ɓē kə́ rang gə̄ kə́ Juda tə́ ō ní. Ní, ā ī-ngóō i ɓāl̄ kóndóńg ɓáý to̰ tá kadə̄ kumií a o̰o̰īń tām̄ yān tə́ ní?

JAKARI 12:7

I kojə gə̄ yā Juda ń Kɔ́ɔ̄ɓē a ajədə́ ta kəga dɔ ní. Loo ń noō tə́ de gə̄ kə́ kem kojə yā Dabid tə́ ō, de kə́ Jerusalem gə̄ ō, a rāān̄ rɔ̄də́ i de gə̄ kə́ dɔɔ́ dɔ gotə de kə́ rang gə̄ kə́ Juda tə́ alé.

PĀ GƏ̄ 102:14

Ā ḭ́ḭ dɔɔ́ tām̄ yā Siyo̰ tə́, tām̄ táŕ kə́ ī-tárən tə́, tɔdɔ̄ mbang kə́ kadə̄ kumií o̰o̰īneé tām̄ yān tə́ asə. A̰á̰ā̰ kum mbang ní asə kɔ̄ɔ́!

JEREMI 32:44

A mbɔ̄jə́n̄ nar yā mangəń loo ndɔr̄ gə̄ ō, a ndangən̄ makətūbə̄ kə́ ɔjə dɔ ō, a ɓārə́n̄ de gə̄ kadə̄ nin̄ i kə́ kum tə́ yā kəndāń tambō̰o̰ tū makətūbə̄ ní tə́ ō. A ḭḭn̄ i kem ɓē gə̄ kə́ Juda tə́ ō, kem ngé kə́ dɔ mbalá gə̄ tə́ ō, ngé kə́ mbal̄ bo gətóo tū tə́ gə̄ tə́ ō, ngé kə́ Negeb tə́ gə̄ ō n a reēn̄ ní. Tɔdɔ̄ m-ā m̄-tél yā kəndādə́ kijə. Najə̄ ń Kɔ́ɔ̄ɓē əda ní n noó.