JEREMI 30:17 - Bibəl ta Sar̄

¹⁷ M-ā m̄-rāā kadə̄ rɔ̄í əsō naā tə́ majə ō, kadə̄ doí gə̄ edə̄n̄ ō. Tɔdɔ̄ de gə̄ ɓāríīn̄ na i yá̰á̰ kə́ ɓōkə́ kɔ̄ɔ́ ō, Siyo̰ ń de kə́ usən dɔ tə́ gətóo ō ní. Najə̄ ń Kɔ́ɔ̄ɓē əda ní n noó.

Bible sar

¹⁷ M-ā m̄-rāā kadə̄ rɔ̄í əsō naā tə́ majə ō, kadə̄ doí gə̄ edə̄n̄ ō. Tɔdɔ̄ de gə̄ ɓāríīn̄ na i yá̰á̰ kə́ ɓōkə́ kɔ̄ɔ́ ō, *Siyo̰ ń de kə́ usən dɔ tə́ gətóo ō ní. Najə̄ ń Kɔ́ɔ̄ɓē əda ní n noó.

JEREMI 30:17 Referans Kwoze

PĀ GƏ̄ 107:20

Ni-ɔr̄ najə̄ adə̄ rɔ̄də́ ngan̄g ō, taādə́ jī yo tə́ ō.

JEREMI 33:6

Banī m-ā m̄-rāā kadə̄ ni-tél ndi majə gogə́ tītə̄ kə́ kété. M-ā m̄-rāā kadə̄ rɔ̄də́ ngan̄g ō, ndin̄ lɔm ō, kanjə̄ kadə̄ yá̰á̰ kógə̄ḿ a̰ȳ ndíĺdə́.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

PĀ GƏ̄ 103:3

I ni n i nge mā̰ȳ rɔ̄n dɔ yá̰á̰ kə́ gōtə́ aĺ gə̄ ń ī-rāā tə́ ní ō, nge tɔ̄l̄ mo̰y gə̄ malang dɔí tə́ ō ní.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

PĀ GƏ̄ 23:3

Rāām̄ adə̄ m̄-tél m̄-ngan̄g májə́ májə́. Njə̄rā seḿ dɔ róbə́ kə́ gōtə́ gə̄ tə́ i tām̄ yā rīn kə́ bo tə́.

OJEE 6:1

Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

JEJU TEĒ KUM JA̰A̰ 22:2

Kāgə̄ kógə̄ḿ ra dan ɓē ní tə́ ta mba bā kə́ tɔ̄ɔ̄ dām̄ jōó tə́. Kāgə̄ ní i kāgə̄ kə́ deē əsa anī a ndi kə kumneé ō, i kāgə̄ kə́ a an̄ nja kutə gidə i jōó kem ɓāl̄ kógə̄ḿ ō. Ni a an̄ i kə dɔ nāā gə̄ ō, mbīn i dáwá kə́ yā ngáań mo̰y yā nápar de gə̄ ō.

IJAI 30:26

Ndɔ̄ ń Kɔ́ɔ̄ɓē a ndem̄ ta do yā gír deē yān gə̄ anī, dan ń ni a rāā do yā gír deē yān gə̄ kadə̄ idə̄ ní, nāā a ndə́lē tītə̄ mbang ō, mbang kə́ ndɔ̄ kógə̄ḿ a ɔsə, loo kə́ unjə̄ kow yā mbang kə́ ɔsə ndɔ̄ kógə̄ḿ a asən̄ naā kə loo kə́ unjə̄ kow yā mbang kə́ ɔsə ndɔ̄ sīrí.

JEREMI 30:13

De kə́ yā kəndā rɔ̄n ta najə̄ yāí tə́ gətóo. Kḭ̄ḭ̄ kə́ yā do̰ō̰ń do səya̰ yāí kadə̄ edə̄ gətóo.

JEREMI 8:22

Bəto kə kāgə̄ kə́ yā rāā ta do tə́ gətóo Galaad i mbée a? Nge rāā de gə̄ mo̰y gətóo noó a? I tām̄ rí tə́ á rɔ̄ gír deē yāḿ gə̄ əsō naā tə́ aĺ ní?

JEREMI 3:22

Ngáń kə́ ngé túy taā kem gə̄ ī-tél ī-reēī, m̄-ndigə rāā kadə̄ gír túy taā kem yāsí gān̄g kɔ̄ɔ́. Jḭḭ n toó! Jḭḭ i tām̄ yāí tə́. Rɔ̄kum i ḭ̄ n i Kɔ́ɔ̄ɓē Nə́ɓā yājí ní.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

IJAI 11:12

Ni a udə dərapóo rɔ̄ɔ̄ yā tāań nápar de gə̄ ngeé ń toō najə̄ yá̰á̰ ń ni sāā rāā tə́ ní. Israel gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni a ɔsə dɔdə́ naā tə́ ō, Juda gə̄ ń aw̄n̄ kə̄ kíl dɔ nang kə́ sɔ́ gə̄ tə́ ní, ni a kán̄də́ kə̄ naā tə́ ō.

JEREMI 33:24

Īkɔ́ ī-ger̄ majə kadə̄ de gə̄ ń toō ədan̄ na Kɔ́ɔ̄ɓē na mbātə́ gír kojə kə́ jōó gə̄ ń na gə̄rā ní. Adə̄ kídə̄n̄ gír deē yāḿ gə̄ ba rāān̄də́ nápar de gə̄ tə́ to̰ alé.

EJEKIEL 35:12

Loo ń noō tə́ ā ī-ger̄ kadə̄ mā Kɔ́ɔ̄ɓē m-ōō najə̄ gə̄ ń ī-tájəń ndū ní. Ḭ̄ ə́da na: Mbal̄ gə̄ kə́ Israel i yājí. Nujən̄ mbal̄ gə̄ kə́ Israel kɔ̄ɔ́, adə̄ nin̄ télən̄ i yá̰a̰ yājí.

EJEKIEL 36:20

Dɔ nang malang ń nin̄ aw̄n̄ tū tə́ ní, nápar de gə̄ kídə̄n̄ rīḿ kə́ táĺ tū tə́ najə̄ yādə́ tə́. Tɔdɔ̄ de gə̄ ní ədan̄ na: Kété ní nin̄ i gír de gə̄ yā Kɔ́ɔ̄ɓē, i dɔ nang yān n nin̄ əya̰n̄ kɔ̄ɔ́ ní.

NŌŌ RƆ̄ 2:15

Ngé mān̄ róbə gə̄ malang əndan̄ jīdə́ gírí tə́ mbóon̄neé seí. Nin̄ kɔ̄rə́n̄ ngél ō, tə́gān̄ dɔdə́ nek nek ō, mbóōon̄neé kə ngōmandə kə́ Jerusalem. I ɓē ń de gə̄ ɓārə́n̄ na i yá̰á̰ kə́ majə ɔtə̄ kə taá ō, na i rɔ̄nel̄ yā dɔ nang kə taá malang ō ní n toó a?

PĀ GƏ̄ 142:4

Dan ń tɔ́gə́ḿ ur̄ wak kɔ̄ɔ́ ní, loo ń m-ā m-āw̄ kə̄ tū tə́ ní ḭ̄ ī-ger̄. Əyān̄ gūmbə̄ dɔ róbə́ ń m-úń tə́ ní.

IJAI 33:24

De kógə̄ḿ kə́ Jerusalem kə́ yā kəda na mā i mo̰y ní gətóo. Gír de kə́ kem ɓēé ń toō tə́ gə̄ a əngen̄ mā̰ȳ rɔ̄ tām̄ yá̰a̰ rāādə́ kə́ gōtə́ aĺ gə̄ tə́.

IJAI 56:8

Kɔ́ɔ̄ɓē Nə́ɓā, ni ń ɔsə nja ngán Israel gə̄ kə́ aw̄n̄ sedə́ dɔ ɓē kə́ rang tə́ dɔ gúú tə́ kə̄ naā tə́ ní, əda kə̄ ndágá wáńg na: M-ɔ́sə njadə́ kə̄ naā tə́ kɔ̄ɔ́ ɓá ō, m-ā m-ɔ́sə nja kə́ rang gə̄ kə̄ naā tə́ ɓáý to̰ ō.

IJAI 58:8

Loo ń noō tə́ loo kə́ unjə̄ kow yāí a teē tītə̄ ta gír loo kə́ atə wororo beé ō, do yāí a idə̄ láẃ ō. Yá̰a̰ rāāí kə́ gōtə́ a njə̄rā kété noí tə́ ō, kɔsə gɔn yā Kɔ́ɔ̄ɓē a njə̄rā gogə́ gōí tə́ ō.

IJAI 60:15

Kété ní əya̰īn̄ kɔ̄ɔ́, de gə̄ kídīn̄ ō, deē mān̄ looí aĺ ō. Ngɔlaā ní m-ā m̄-rāāī kadə̄ ā ī-majə ngá̰ý, kadə̄ ā ī-téĺ yá̰a̰ kənda kadə kə́ ngándáńg ō, yá̰a̰ rɔ̄nel̄ kə́ kə dɔ ɓāl̄ gə̄ ɓāl̄ gə̄ ō.

JEREMI 17:14

Kɔ́ɔ̄ɓē ī-tɔ̄l̄ mo̰y dɔḿ tə́ anī rɔ̄ḿ a ngan̄g. Ī-gān̄g dɔḿ, anī m-ā m-ájə. Tɔdɔ̄ i ḭ̄ n i yá̰á̰ tɔ̄ȳ yāḿ ní.

OJEE 11:3

Tá mā m-ə́hɔ jī Epəraim m̄-ndóōnəń loo njə̄rā. Banī ni ger̄ kadə̄ m-á̰a̰ gōn alé.

Makətūbə̄ yā Job 5:18

I ni n i nge kadə̄ do ō, nge ndem̄ ta do ō ní. Ni-adə̄ deē do ō, jīn rāā do ní adə̄ idə̄ ō.

IJAI 54:6

Tɔ́gí ur̄ wak tītə̄ dəyá̰ kə́ əya̰nən̄ kɔ̄ɔ́ beē. Banī Kɔ́ɔ̄ɓē tél ɓāríī gogə́. A̰á̰ā̰, Nə́ɓā yāí əda na: Dəyá̰ ń deē gə̄rā dan balsáan tə́ ní, deē asə mbātə́n rɔ̄kum a?

IJAI 57:18

Hálən ń rāā ní, m-á̰a̰ā̰ majə ngá̰ý, banī m-ā m̄-rāān kadə̄ a ngáā. M-ā m-ɔ́jən ta róbə, m-ā m-ə́la go̰ kemən tə́. ngé gə̄ ń yo i dɔdə́ tə́ adə̄ nin̄ əhɔn̄ ndoō ní,

IJAI 57:19

m-ā m-ə̄ndā pā tɔ̄ȳ tadə́ tə́. Kɔ́ɔ̄ɓē əda na: Deē ń ndi sa̰y ní, kem sɔl̄ lɔm i tām̄ yān tə́ ō, deē ń ndi ngɔr ní, kem sɔl̄ lɔm i tām̄ yān tə́ ō! A̰á̰ā̰, m-ā m̄-rāā gír deē yāḿ gə̄ kadə̄ rɔ̄də́ ngáā.

JEREMI 10:20

Kújə tandā yājí gə̄ nujən̄ sák sák kɔ̄ɔ́, kəlādə́ gə̄ gángə̄n̄ malang kɔ̄ɔ́. Ngánjí gə̄ əya̰n̄jí kɔ̄ɔ́, nin̄ gətóon̄. De gə̄ kə́ kadə̄ rákə̄n̄ tandā yājí gə̄ gətón̄ bátə́ ō, de gə̄ kə́ kadə̄ rákə̄n̄ gérger yājí gə̄ gətón̄ bátə́ ō.