JEREMI 30:16 - Bibəl ta Sar̄

¹⁶ Ɓáa de gə̄ malang ń nujən̄ seí ní, a nujən̄ sedə́ ō, a əhɔn̄ madə̄ ba̰ā̰í gə̄ náḿ náḿ yā kaw̄ sedə́ dɔ nang kə́ rang tə́ ō. De gə̄ ń nujən̄ kə yá̰a̰ yāí ní a nujən̄ kə yá̰a̰ yādə́ ō. De gə̄ malang ń ɔyn̄ yá̰a̰ yāí dɔ gúú tə́ ní m-ā m-ə́ya̰ kadə̄ ɔyn̄ yá̰a̰ yādə́ dɔ gúú tə́ ō.

Bible sar

¹⁶ Ɓáa de gə̄ malang ń nujən̄ seí ní, a nujən̄ sedə́ ō, a əhɔn̄ madə̄ ba̰ā̰í gə̄ náḿ náḿ yā kaw̄ sedə́ dɔ nang kə́ rang tə́ ō. De gə̄ ń nujən̄ kə yá̰a̰ yāí ní a nujən̄ kə yá̰a̰ yādə́ ō. De gə̄ malang ń ɔyn̄ yá̰a̰ yāí dɔ gúú tə́ ní m-ā m-ə́ya̰ kadə̄ ɔyn̄ yá̰a̰ yādə́ dɔ gúú tə́ ō.

JEREMI 30:16 Referans Kwoze

JEREMI 10:25

Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

Teē Ngán Israel gə̄ 23:22

Ré ōōī tan adə̄ ī-rāāī yá̰a̰ gə̄ ń m-ə́dásí ní anī, m-ā m̄-tél nge ba̰ā̰ madə̄ ba̰ā̰sí gə̄ ō, nge rɔ̄ɔ̄ ngé rɔ̄ɔ̄sí gə̄ ō.

JAKARI 2:8

Anī de kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ədan na: Āw̄ láẃ ə́da balsáá ń kəlā i jīn tə́ ní na: I gáŕ kadə̄ Jerusalem i ɓē kə́ tan ra i kə wōyōó ō, i ɓē kə́ ndogə̄ mbal̄ kə́ gidə tə́ kə́ yā rɔ̄ɔń dɔ tə́ gətóo ō. Tām̄ de gə̄ gē, dā̰ gə̄ gē ń a ndin̄ kemeé ní, kutədə́ i ngá̰ý.

JEJU TEĒ KUM JA̰A̰ 13:10

Deē ń kadə̄ aw̄ ɓəloó anī, a aw̄ ɓəloó ō, deē ń kadə̄ oy yo kaskar anī, a oy yo kaskar ō. I yá̰á̰ ń noō n majə kadə̄ de gə̄ yā Nə́ɓā ɔjən̄ kadə̄ nin̄ i de kə́ ngé tə́gā tadə́ gə̄ ō, de kə́ ngé taā kem gə̄ ō ní.

JAKARI 12:2

M-ā m̄-rāā Jerusalem i kópə kógə̄ḿ kə́ kasə nduú wōn̄g yāḿ rosə kem tə́. Kasə wōn̄g yāḿ ní, a tūr̄ dɔ gír de gə̄ malang ń ndin̄ kadən tə́ ní. Dan ń a ənīn̄ ɓē kə́ Jerusalem rɔ̄ɔ̄ anī, dɔ de kə́ Juda gə̄ malang a ndi gōtə́ alé.

IJAI 14:2

Gotə gír de kə́ rang gə̄ a reēn̄ sāā Israel tə́ yā tél kaw̄ seneé gogə́ dɔ nang yān tə́. Loo ń noō tə́ gír deē yā Israel gə̄ a əhɔn̄ de gə̄ ngeé ń toō ɓəlo tə́, dəngam gē dəyá̰ gē, dɔ nang yā Kɔ́ɔ̄ɓē tə́. Ngé gə̄ ń əhɔnən̄ dəngáý kété ní, ni a əhɔdə́ dəngáy i tītə̄ ń noō, ngé gə̄ ń kété rējə̄nən̄ ní, ni a téĺ kɔ́ɔ̄də́ i tītə̄ ń noō.

PĀ GƏ̄ 129:5

De gə̄ malang ń imə̄n̄ ɓē kə́ Siyo̰ ní ādə̄ rɔ̄də́ sɔl̄də́ ō, ādə̄ télən̄ kə̄ gogə́ ō!

SOPONI 2:8

M-ōō tájə̄ ndū yā Moab gə̄ ō, m-ōō lur ń Amon gə̄ lurən̄ loo ní ō. Nin̄ tájə̄n̄ gír deē yāḿ gə̄ ō, teēn̄ kem dɔ nang yādə́ kə̄ gogə́ kə ta kūl̄ taā dɔ nang yā gír deē yāḿ gə̄ ō.

HABAKUK 2:16

Ba sḭḭ̄, a rāān̄sí kadə̄ rɔ̄sí a sɔl̄sí banī a rɔȳn̄sí i mbée alé! Ta i dɔsí tə́ kadə̄ sḭḭ̄ ā̰yī yá̰á̰ ní ba ɔ́jiīń de gə̄ rɔ̄sí kə́ karī! Kɔ́ɔ̄ɓē a ra sesí ta ka̰ȳ yá̰á̰ kə́ kem kópə wōn̄g yān tə́. Kadə̄ rɔȳ ń rɔȳn̄sí ní, tél i rɔ̄sɔl̄ kə́ əlan̄ dɔsí tə́.

NAHUM 1:8

dan ń yá̰á̰ kə́ to kum kaȳ aĺ mān̄ tītə̄ man̄ dɔ mbal̄ beé ní. Banī ni-nujə madə̄ ba̰ā̰n gə̄ ō, tə̄ɓādə́ aw̄ sedə́ kum loo kə́ risə til yā yo tə́ ō.

MISE 7:10

Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

MISE 4:11

Ba ngɔlaā ní, de gə̄ ngá̰ý ɔsən̄ dɔdə́ naā tə́ yā rɔ̄ɔ̄sí. Nin̄ ədan̄ na: Ādə̄ j-ɔrī kɔsə gɔn yā ɓē yādə́ kɔ̄ɔ́, ādə̄ j-a̰ā̰ī Jerusalem ń nujənə̄ń kɔ̄ɔ́ ní kə rɔ̄nelēé.

EJEKIEL 35:5

Ngáńdáńg ní, nelī ḭ̄ kə Israel gēé aĺ ngá̰ý. Kum mbang ń yá̰á̰ kə́ to kum kaȳ aĺ teē dɔdə́ tə́ ní, dan ń gíŕ yá̰a̰ rāādə́ kə́ majaĺ ngá̰ý gə̄ gān̄g ní, ḭ̄ ə̄nīdə́ rɔ̄ɔ̄ kə kaskaraá.

EJEKIEL 29:6

Loo ń noō tə́, de kə́ Ejiptə gə̄ malang a gerə̄n̄ kadə̄ Kɔ́ɔ̄ɓē i mā. Dḭḭ̄ ń ī-dḭḭ̄ ngán Israel gə̄ ní hɔɔ́lɔ̄ tītə̄ yā mu tə̄ɓā beé.

NŌŌ RƆ̄ 1:21

De gə̄ oōn̄ kōōḿ ń m̄-to̰ō̰ń ní, de kə́ yā sɔl̄ kemḿ gətóo. Madə̄ ba̰ā̰ḿ gə̄ malang oōn̄ kōō yá̰á̰ kə́ to kum kaȳ aĺ ń rāām̄ ní. Anī rāān̄ rɔ̄nel̄ najə̄ yá̰á̰ ń ī-rāā seḿ tə́ ní. Kə́ rɔ̄kum tə́ tā anī, i ḭ̄ n ī-rāā yá̰á̰ ní. Ī-rāā ādə̄ ndɔ̄ ń ə́da najə̄n kété ní reē ugə̄. Ādə̄ nin̄ tél ton̄ tītə̄ḿ mā beé ō!

JEREMI 2:3

Israel i yá̰á̰ kə́ kɔr̄ kam̄ kəndā tayā tām̄ yā Kɔ́ɔ̄ɓē tə́. I kōō gə̄ kə́ ta kəga dɔ tām̄ yān tə́, náā nəkɔ́ ń əsa kōō kə́ ta kəga dɔ ngeé ń toō ní najə̄ i dɔ tə́. Yá̰á̰ kə́ to kum kaȳ aĺ əsō dɔn tə́. Najə̄ ń Kɔ́ɔ̄ɓē əda ní n noó.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

IJAI 54:15

Ré reē ənīnī rɔ̄ɔ̄ anī, nge ń noō gírən ndetəm̄ alé. Deē ń a ənī rɔ̄ɔ̄ ní, a əsō nang tə́ noí tə́.

JAKARI 14:2

Kɔ́ɔ̄ɓē a ɔsə dɔ nápar de gə̄ malang kə̄ naā tə́, yā kənīń ɓē yāsí rɔ̄ɔ̄. Nin̄ a taān̄ ɓē kə́ Jerusalem ō, a ɔyn̄ yá̰a̰ gə̄ kə́ kem kújə gə̄ tə́ ō, a sāān̄ dəyá̰ gə̄ dɔ gúú tə́ ō. A ɔyn̄ núsə de kə́ kem ɓēé gə̄ yā kaw̄ sedə́ dɔ ɓē kə́ rang tə́ dɔ gúú tə́, banī gotə de gə̄ a teēn̄ kɔ̄ɔ́ kem ɓēé alé.

JAKARI 1:14

De kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, mērə̄m̄ kəda najə̄ yā Kɔ́ɔ̄ɓē kə́ bo kə́ tɔ́gən i ngá̰ý ń toō: Ɓē kə́ Jerusalem ō, mbal̄ bo kə́ Siyo̰ ō ní, nelə̄m̄ sedə́ ngá̰ý.

JEREMI 50:28

Kōō yá̰á̰ kógə̄ḿ ɓār̄, i ngé ka̰ȳ naā gə̄ ō, ngé teē ta yo tə́ Babilon gə̄ ō n reē ədan̄ najə̄ dal ba̰ā̰ yā Kɔ́ɔ̄ɓē Nə́ɓā yājí kem ɓē kə́ Siyo̰ tə́ ní, i dal ba̰ā̰ kə́ dɔ rā̰ tə́.

JEREMI 25:12

Banī dan ń ɓāl̄ kə́ kutə sīrí gə̄ ní a təgān̄ anī, m-ā m-ə́nda mban̄g kə́ Babilon ō, nápar de gə̄ ń noō ō. M-ā m-ə́nda ɓē yā Kalde gə̄ ō, m-ā m̄-rāān kadə̄ a tél ndágə loo kə́ to kum ko̰ kə́ njɔ́ḿ gə̄ tə́. Najə̄ ń Kɔ́ɔ̄ɓē əda ní n noó.

JEREMI 12:14

Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

JEREMI 8:16

Kōō sə́nda yān gə̄ ɓār̄ kə̄ Dan nú. Dɔ nang kə taá malang ndebə dan ń oō kōō nōō sə́nda yān gə̄ ní. Nin̄ reē nujən̄ kə dɔ nangaá ō, kə yá̰á̰ kə́ kemeé gēé ō, kə ɓēé ō, kə de kə́ kemeé gēé ō.

JEREMI 30:15

Ba̰ý á ī-nōō rɔ̄í dɔ nujə kə́ ī-nujə sák sák tə́ beē? Do yāí i kə́ dum̄ kedə̄. I ndéý kə́ m-ə́ndaī najə̄ yā majaĺ yāí kə́ ngá̰ý gə̄ tə́ ō, i najə̄ yā yá̰á̰ kə́ gōtə́ aĺ yāí kə́ ngá̰ý gə̄ tə́ ō.

NDŪ NAJƏ̄ 30:7

Yá̰á̰ kə́ tōr̄ gə̄ malang ń m-ə́dásí najə̄n ní, Kɔ́ɔ̄ɓē Nə́ɓā yāsí a reēń dɔ madə̄ ba̰ā̰sí gə̄ tə́ ō, dɔ ngé kim̄sí gə̄ tə́ ō,

1 SAMUEL 17:53

Ngán Israel gə̄ lōōn̄ gír ngɔ̄də̄ Pilistin gə̄ tə́ ba tél reēn gérger yādə́ tə́ ɔyn̄ yá̰a̰ kənge yādə́ gə̄.

Gōsə̄ najə̄ gə̄ 22:23

Tɔdɔ̄ Kɔ́ɔ̄ɓē a rɔ̄ɔ̄ dɔdə́ tə́ loo sarya tə́ ō, a rāā kadə̄ yo taā ngé taā yá̰a̰ yādə́ gə̄ ō.

NŌŌ RƆ̄ 1:22

Ādə̄ kem ndul yādə́ gə̄ malang ton̄ kə̄ dɔ ndágá ta kumií tə́ ō, ī-rāādə́ yá̰á̰ ń ī-rāā seḿ najə̄ mbātə́ najə̄ yāḿ gə̄ malang tə́ ní ō. Tɔdɔ̄ m̄-nōō rɔ̄ḿ ngá̰ý ō, rɔ̄ḿ tōrə̄m̄ kə̄ loo gə̄ tə́ ō.

JAKARI 1:15

Banī wōn̄g rāām̄ ngá̰ý kə nápar de gə̄ ń nin̄ taān̄ kem rɔ̄də́ nin̄ kɔ́ gə̄ adə̄ al̄ naā tə́ ní. Tɔdɔ̄ dan ń wōn̄g ń rāām̄ kə Israel ní i ngá̰ý aĺ ɓáý ní, gír de gə̄ ń toō rāān̄ adə̄ yá̰á̰ kə́ to kum kaȳ aĺ yān reē kə̄ dɔ madə̄ tə́.

JAKARI 2:12

Kɔ́ɔ̄ɓē kə́ bo kə́ tɔ́gən i ngá̰ý əndā najə̄ kə́ bo ngá̰ý taḿ tə́. Najə̄ ń ni-əda dɔ nápar de gə̄ ń ɔyn̄ yá̰a̰ yāsí gə̄ dɔ gúú tə́ ní n toó: Deē ń ənīsí rɔ̄ɔ̄ ní, ənī i yá̰a̰ kənge yāḿ kə́ gātə̄n i ngá̰ý rɔ̄ɔ̄.