JEREMI 30:15 - Bibəl ta Sar̄

¹⁵ Ba̰ý á ī-nōō rɔ̄í dɔ nujə kə́ ī-nujə sák sák tə́ beē? Do yāí i kə́ dum̄ kedə̄. I ndéý kə́ m-ə́ndaī najə̄ yā majaĺ yāí kə́ ngá̰ý gə̄ tə́ ō, i najə̄ yā yá̰á̰ kə́ gōtə́ aĺ yāí kə́ ngá̰ý gə̄ tə́ ō.

Bible sar

¹⁵ Ba̰ý á ī-nōō rɔ̄í dɔ nujə kə́ ī-nujə sák sák tə́ beē? Do yāí i kə́ dum̄ kedə̄. I ndéý kə́ m-ə́ndaī najə̄ yā majaĺ yāí kə́ ngá̰ý gə̄ tə́ ō, i najə̄ yā yá̰á̰ kə́ gōtə́ aĺ yāí kə́ ngá̰ý gə̄ tə́ ō.

JEREMI 30:15 Referans Kwoze

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

JEREMI 30:12

Kɔ́ɔ̄ɓē ɔr̄ najə̄ i tītə̄ ń toō beé: Ī-nujə i nujə kə́ al̄ naā ngá̰ý adə̄ dum̄ kəndaī ta naā tə́. Do gə̄ kə́ rɔ̄í tə́ i kə́ dum̄ kedə̄.

MISE 7:9

Majə kadə̄ jə-tə́gā tají, dan ń Kɔ́ɔ̄ɓē a rāāń wōn̄g tə́ ní. Tɔdɔ̄ jə-mān̄ dɔ ndūn. Banī ndɔ̄ a reē noó, kadə̄ ni a rɔ̄ɔ̄ dɔjí tə́ ō, ni a gān̄g sarya kə́ gōtə́ yā kadə̄jí ō. Ni a ɔrjí ta róbə yā kaw̄ sejí kum loo kə́ unjə̄ kow tə́ ō, a rāā majə sejí yā kutə̄ń gidəjí ō.

MISE 1:9

Tɔdɔ̄ ndéý ń ɔdə Samari ní, dáwán gətóo. Ɓē kə́ Juda gə̄gē, ndéý ní ɔdən ō, ndéý ní ɔdə ta róbə́ kə́ Jerusalem ō, loo ń gír deē yāḿ gə̄ ndin̄ tū tə́ ní.

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.

NŌŌ RƆ̄ 3:39

De kə́ majaĺ ngá̰ý ba ndi kə kumneé ō, kə dɔn dɔɔ́ ō ní, a nōō rɔ̄n i najə̄ rí tə́?

NŌŌ RƆ̄ 1:5

Ngé rɔ̄ɔ̄n gə̄ tetənə̄n̄ rɔ̄ɔ̄, madə̄ ba̰ā̰n gə̄ ndin̄ loo yādə́ majə, tɔdɔ̄ Kɔ́ɔ̄ɓē rāān adə̄ tɔ́gən gətóo najə̄ mbātə́ najə̄ yān kə́ ngá̰ý tə́. Ngé rɔ̄ɔ̄n gə̄ əhɔn̄ ngánən gə̄ adə̄ njə̄rān̄ kété nodə́ tə́ yā kaw̄ń sedə́ ɓəloó.

JEREMI 46:11

Ngōmandə kə́ Ejiptə, āw̄ Galaad ī-sāā bəto kāgə̄ kə́ yā rāā ta do tə́. Ī-rɔ̄ɔ̄ dɔ rɔ̄í tə́ kə kḭ̄ḭ̄ gə̄ kə́ gíŕdə́ i ngá̰ý ɓá tā, ba i ndańg karī, yá̰á̰ kógə̄ḿ kə́ asə kadī rɔ̄ ngān̄g gətóo.

JEREMI 30:17

M-ā m̄-rāā kadə̄ rɔ̄í əsō naā tə́ majə ō, kadə̄ doí gə̄ edə̄n̄ ō. Tɔdɔ̄ de gə̄ ɓāríīn̄ na i yá̰á̰ kə́ ɓōkə́ kɔ̄ɔ́ ō, Siyo̰ ń de kə́ usən dɔ tə́ gətóo ō ní. Najə̄ ń Kɔ́ɔ̄ɓē əda ní n noó.

JEREMI 15:18

I tām̄ rí tə́ á tápə̄ yāḿ i kə́ dum̄ təgā ō, do yāḿ i kə́ dum̄ kedə̄ ō, dum̄ ta kəga gə̄ malang ō ní. Kə́ rɔ̄kum tə́ ní ḭ̄ ī-tél ī-to i tītə̄ kəɓa man̄ kə́ a gól̄ loo beé ō, kə́ deē asə kəndā kemən dɔ tə́ aĺ beé ō tām̄ yāḿ tə́.

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə loo tun̄ yá̰a̰ kə́ to rɔ̄sɔl̄ ń i loo róō yá̰á̰ kə́ tun̄ gə̄ yā kadə̄ Baal ní asə naā kə kutə kəla róbə gə̄ kə́ Jerusalem tə́ ō.

JEREMI 6:13

Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

IJAI 5:2

Ni ndɔr̄ dɔ nang ní ō, ró̰ȳ kɔkərɔ gə̄ kə́ tū tə́ kɔ̄ɔ́ ō, ba əhɔ kāgə̄ nduú kə́ majə gə̄ kem ndɔr̄ yān ní tə́. Ni-rāā kújə ngɔm̄ kə́ ngāl̄ kə̄ dɔɔ́ yā ngɔ̄məń ndɔr̄ ní ō, ndēr̄ loo kə́ yā mbə́rē kan̄ nduú tū tə́ ō. Ni-əndā kemən dɔ kənge kan̄ nduú kə́ majə tə́ kem ndɔr̄ kāgə̄ nduú yān ní tə́, banī kanə̄n ń ni-ənge ní, i kə́ masə̄.

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.

Makətūbə̄ yā Job 34:6

Ni-gān̄g sarya yāḿ i kə gō róbə najə̄ kə́ rɔ̄kum alé. Ni-adə̄m̄ do kə́ asə yoḿ kanjə̄ kadə̄ m̄-rāā yá̰á̰ kógə̄ḿ kə́ majaĺ.

ESDRAS 9:13

Nə́ɓā yājí, yá̰á̰ kə́ tōr̄ gə̄ malang ń rāān̄jí ní, sɔɔ̄ń i kəla rāājí kə́ gōtə́ aĺ gə̄ ō, majaĺ yājí kə́ bo ngá̰ý ō, ɓá tā, ba ḭ̄ ə̄ndā njaí dɔ yá̰á̰ kə́ gōtə́ aĺ yājí kə́rēý gə̄ tə́. Adə̄ ndéý ń ə́ndájí ní asə g ō ndéý ń kadə̄ j-ənge tām̄ majaĺ yājí tə́ ní aĺ ō, ḭ̄ ī-ngɔ̄m̄jí jḭḭ núsə de kə́rēý gə̄ ń jə-teē ta yo tə́ ní adə̄ jḭḭ n toó ō.

PĀ GƏ̄ 107:17

Háĺ ngé kə́rēý gə̄ əla mbóo dɔdə́ tə́, yá̰a̰ rāādə́ kə́ majaĺ rāā kumdə́ ndoō tə́.

JEREMI 30:16

Ɓáa de gə̄ malang ń nujən̄ seí ní, a nujən̄ sedə́ ō, a əhɔn̄ madə̄ ba̰ā̰í gə̄ náḿ náḿ yā kaw̄ sedə́ dɔ nang kə́ rang tə́ ō. De gə̄ ń nujən̄ kə yá̰a̰ yāí ní a nujən̄ kə yá̰a̰ yādə́ ō. De gə̄ malang ń ɔyn̄ yá̰a̰ yāí dɔ gúú tə́ ní m-ā m-ə́ya̰ kadə̄ ɔyn̄ yá̰a̰ yādə́ dɔ gúú tə́ ō.

IJAI 1:6

Ḭḭ njasí tə́ bátə́ dɔsí tə́ ní, loosí kógə̄ḿ kə́ yá̰a̰ rāā aĺ gətóo. Rɔ̄sí malang i do ō, gotə ndéy ō, do kə́ ta ra kə wōyōó ō. Deē tə́go ta aĺ ō, deē ndem̄ ta aĺ ō, deē rāā yibə̄ ta tə́ aĺ ō.

NŌŌ RƆ̄ 2:13

Jerusalem ngōmandə yāḿ, kə m-ə́daī na i rí ɓáý to̰? I náā n to tītīí ta kumḿ mā tə́ ní? ngōn̄ kə́ madə̄ yāḿ, ngōmandə kə́ Siyo̰, i rí n kə m̄-sɔlə̄ń kemií ní? Tɔdɔ̄ ī-nujə i nujə kə́ to ɓōĺ ngá̰ý tītə̄ man̄ bā bo ń i yá̰á̰ kə́ laa to ɓōĺ ngá̰ý ní beē. I náā n a ajiī ní?

NAHUM 3:19

Rɔ̄ɔ̄ ń tetiī ní i kə́ njɔ́ḿ gə̄ tə́ ō, do gə̄ ń ə́ngé ní, a asən̄ kedə̄ aĺ ō. De gə̄ malang ń oōn̄ kōōí ní, əndan̄ jīdə́ gíŕ yá̰á̰ kə́ to kum kaȳ aĺ ń teē dɔí tə́ ní. Tām̄ i náā n a̰a̰ tápə̄ najə̄ yá̰a̰ rāāí gə̄ kə́ kumií o̰o̰ī loo rāā tə́ aĺ alé ní? Yá̰a̰ rāāí gə̄ ní, loo dəba tadə́ gətóo!