JEREMI 30:14 - Bibəl ta Sar̄

¹⁴ Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

Bible sar

¹⁴ Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

JEREMI 30:14 Referans Kwoze

NŌŌ RƆ̄ 1:2

Ni nōō ba tél nōō dan ndɔ̄ɔ́, man̄ nōō nɔ̄l̄ kumən malang. Dan ngé sāān gə̄ tə́ malang ní, nge kə́ asə sɔl̄ kemən gətóo. Dɔ madə̄ njə̄rān gə̄ malang ndigə̄nal dɔn tə́ kɔ̄ɔ́. Nin̄ télən̄ madə̄ ba̰ā̰n gə̄.

JEREMI 5:6

I tām̄ ń toō tə́ n ɓɔl kə́ kem ku kāgə̄ gə̄ tə́ a əhɔdə́ ō, soó kə́ kem kə̄sā gə̄ tə́ a rə́yā̰də́ naā tə́ ō ní. Kagə gə̄ a tə́nīn̄ rɔ̄də́ yā gīr̄ gidə ɓē gə̄ ō, a rə́yā̰n̄ de gə̄ ń a teēn̄ kemeé ní naā tə́ kɔ̄ɔ́ ō. tɔdɔ̄ mbātə́ najə̄ yādə́ al̄ naā ngá̰ý ō, túy taā kem yādə́ to kə̄ ndágá ngá̰ý ō.

Makətūbə̄ yā Job 30:21

Ḭ̄ ī-tél de kə́ kumən o̰o̰n aĺ tām̄ yāḿ tə́ ō. ḭ̄ ī-rāām̄ yá̰á̰ kə́ tōr̄ kə tɔ́gí ō.

JEREMI 22:20

Āl̄ dɔ mbal̄ Liban tə́ ba ə́ga kɔŕ. Ādə̄ ndūí ɓār̄ taā dɔ loo kə́ Basan tə́. Ə́ga kɔŕ ādə̄ ndūí ɓār̄ kə̄ loo gə̄ tə́, tɔdɔ̄ ngé sāāí gə̄ malang ní gír yādə́ gān̄g kɔ̄ɔ́.

JEREMI 30:15

Ba̰ý á ī-nōō rɔ̄í dɔ nujə kə́ ī-nujə sák sák tə́ beē? Do yāí i kə́ dum̄ kedə̄. I ndéý kə́ m-ə́ndaī najə̄ yā majaĺ yāí kə́ ngá̰ý gə̄ tə́ ō, i najə̄ yā yá̰á̰ kə́ gōtə́ aĺ yāí kə́ ngá̰ý gə̄ tə́ ō.

JEREMI 22:22

Nél ɔy ngé kulīí gə̄ malang aw̄ sedə́ kɔ̄ɔ́ ō, əhɔn̄ ngé sāāí gə̄ aw̄n̄ sedə́ dɔ ɓē kə́ rang tə́ ō. Kə́ rɔ̄kum tə́ ní, rɔ̄í a sɔlī ō, a ndaanī ō, najə̄ yā ngé nong yāí gə̄ malang tə́.

JEREMI 4:30

Ba ḭ̄, ā ī-rāā i rí? Ə́la kūbə̄ kə́ kərē bḭḭ ō, ī-tə́lá yá̰á̰ súū rɔ̄ kə́ rāā kə lɔ́rɔ́ gə̄ ō. Ī-rāā yá̰á̰ súū rɔ̄ dɔ kumií tə́. Ī-rāā mandə i ndāńg. ngé sāāí gə̄ idən̄ tadə́ gírí tə́, nin̄ sāān̄ tɔ̄lī.

JEREMI 2:36

Tītə̄ ń ḭ̄kɔ́ ī-rāā ādə̄ de gə̄ kídīnī sɔɔ̄ ń dɔ hál koō naā loo mundə̄ tə́ yāí gə̄ ní, rɔ̄í a sɔlī ngá̰ý Ejiptə tə́ ō, Asiri tə́ ō.

Makətūbə̄ yā Job 19:11

Ni bə̄gā wōn̄g yān dɔḿ tə́ ō, rāām̄ i madə̄ ba̰ā̰n kógə̄ḿ tə́ ō.

OJEE 5:14

Tɔdɔ̄ i mā Kɔ́ɔ̄ɓē n m-ə̄nī Epəraim rɔ̄ɔ̄ tītə̄ ɓɔl beé ní ō, m̄-rɔ̄ɔ̄ Juda tītə̄ balsáa ɓɔl beé ní ō. I mā n m-ā m̄-rə́yā̰sí naā tə́ ní. Gō tə́ anī, m-ā m-úńsí yā kaw̄ sesí tītə̄ batə̄ beé ō, de kə́ yā taāsí jīḿ tə́ a gətóo ō.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.

EJEKIEL 23:22

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́daī najə̄ ń toō ní: M-ā m̄-sə̄lā ngé sāāí gə̄ dɔí tə́, ngé gə̄ ń ta tɔ̄l̄ ta anī nelī sedə́ aĺ ngá̰ý ní. M-ā m-ɔ́ýdə́ kə̄ loo gə̄ tə́ malang yā kɔsə dɔdə́ naā tə́ kadə̄ reē rɔ̄ɔ̄īn̄.

EJEKIEL 23:9

I tām̄ najə̄ ń noō tə́ n m-ə́lan kem jī ngé sāān gə̄ tə́ ní, adə̄ i jī Asiri gə̄ ń ni gḛydə́ ngá̰ý ní tə́.

NŌŌ RƆ̄ 1:19

m̄-ɓāŕ ngé sāāḿ gə̄, banī nin̄ gól̄mə̄n̄. Ngé tun̄ yá̰a̰ yāḿ gə̄ ō, kum kɔ̄ɔ́ yāḿ gə̄ ō, oyn̄ kem ɓēé dan ń a sāān̄neé yá̰a̰ kəsa kə́ tadə́ tə́ yā kajəń ní.

JEREMI 38:22

Dəyá̰ gə̄ malang ń na̰yn̄ kem kújə yā mban̄g kə́ Juda tə́ ɓáý ní, aw̄n̄ sedə́ kum kə̄ rɔ̄ de kə́ bo gə̄ yā mban̄g kə́ Babilon tə́. Dəyá̰ gə̄ ní ədan̄ na: Madə̄ taí kə́ ngá̰ý gə̄ kɔ́lnī ba o̰o̰n̄ ɓē dɔí tə́. Dan ń njaí dubə̄ bɔrɔɔ́ anī, nin̄ ɔrə̄n̄ rɔ̄də́ kɔ̄ɔ́.

JEREMI 6:23

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum to ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Siyo̰, nin̄ ndin̄ dɔ sə́nda gə̄ tə́, ba ran̄ kə ta naá tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

Makətūbə̄ yā Job 16:9

A̰á̰ā̰, ni ngɔ̄də̄ gōḿ kə wōngōó yā rə́yā̰m̄ naā tə́, ni ngor gɔgən mur mur dɔḿ tə́, madə̄ ba̰ā̰ḿ əndā kumən kə́ saan pírírí dɔḿ tə́.

PĀ GƏ̄ 107:17

Háĺ ngé kə́rēý gə̄ əla mbóo dɔdə́ tə́, yá̰a̰ rāādə́ kə́ majaĺ rāā kumdə́ ndoō tə́.

IJAI 57:13

Dan ń ā ī-ɓāŕ yá̰a̰ kadə̄ ajiīn̄ tə́ anī, ādə̄ nə́ɓā yāí kə́ rɔ̄kum aĺ gə̄, kə́ majən̄ aĺ ngá̰ý gə̄ malang ní ajiīn̄! Nél a ɔydə́ malang yā kaw̄ sedə́ kɔ̄ɔ́, koō kógə̄ḿ a ndɔ́tə̄ sedə́ kɔ̄ɔ́. Ba ngé gə̄ ń nge ngɔ̄m̄də́ i mā ní, a əngen̄ ɓē tītə̄ yá̰a̰ haladə́ beē ō, nin̄ a əngen̄ mbal̄ bo yāḿ kə́ táĺ ō.

JEREMI 14:17

Ḭ̄ ā ə́dádə́ najə̄ ń toō: m̄-ndi i kə man̄ nōó kumḿ tə́ ndɔ̄ɔ́ ō, kadaá ō, kanjə̄ dəba. Tɔdɔ̄ yá̰á̰ kə́ to kum ko̰ ngá̰ý nujə kə ngōmandə ń i gír deē yāḿ gə̄ ní.

JEREMI 32:30

Rɔ̄kum, kə ngōn̄ dūúdə́ bátə́ ɓōólaā ní Israel gə̄ ō, Juda gə̄ ō, ton̄ i dan rāā yá̰á̰ kə́ nel̄ kemḿ aĺ tə́. Ngán Israel gə̄ rāān̄ kəla kadə̄m̄ wōn̄g sɔɔ̄ń kəla rāādə́ gə̄.

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

JEREMI 50:42

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum tō ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Babilon, nin̄ ndin̄ dɔ sə́nda gə̄ tə́ ba ran̄ kə ta naá, tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

ABƏDIAS 1:7

Tə̄ɓān̄sí kɔ̄ɔ́ dɔ nang yāsí tə́. Ngé ɓoo rɔ̄də́ tū yāsí gə̄ tə́ malang teēn̄ kə gíŕsí dɔɔ́ ō, nujən̄sí kɔ̄ɔ́ ō. Ngé kəsa yá̰a̰ sesí gə̄ əyān̄ gūmbə̄ gír njasí tə́. De gə̄ ədan̄ najə̄ yāsí na: Dɔdə́ ndi kə gōó alé.

JEREMI 5:5

Adə̄ m-ə́da na m-ā m̄-tūr̄ rɔ̄ḿ kə̄ rɔ̄ de kə́ bo gə̄ tə́ yā kɔr̄ najə̄ sedə́. Tɔdɔ̄ nin̄ gerə̄n̄ róbə yā Kɔ́ɔ̄ɓē ō, gerə̄n̄ jī bēl̄ loo rāā yá̰á̰ yā Nə́ɓā yādə́ ō. Ba m-á̰a̰ kadə̄ i de kə́ tītə̄ naā gə̄, adə̄ nin̄ tétə̄n̄ júk kɔ̄ɔ́ ō, gángə̄n̄ kəlā gə̄ kɔ̄ɔ́ ō.

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

JEREMI 32:34

Nin̄ tə́ndān̄ yá̰á̰ kə́ to yḛr gə̄ ń i ɓesə̄ yādə́ gə̄ ní kem kújə́ ń rīḿ ɓār̄ dɔ tə́ ní. Tām̄ ń toō tə́ ní, nin̄-rāān̄ beé adə̄ kújə́ ní téĺ kə́ yḛr.

JEREMI 32:35

Rāān̄ loo kə́ ḭḭ kə̄ dɔɔ́ gə̄ tām̄ yā ɓesə̄ Baal tə́ wól loo kə́ Ben Hinom tə́, yā tɔ̄lə̄ń ngáńdə́ kə́ dəngam gə̄, kə kə́ dəyá̰ gə̄ dɔ tə́ yā kadə̄ ɓesə̄ Molok. I yá̰á̰ kə́ m-ə́dádə́ kadə̄ rāān̄ aĺ ō, i majaĺ kə́ to ɓōĺ ngá̰ý kə́ m̄-gír̄ mēr̄ ngán Juda gə̄ rāā kadə̄ nin̄ ndɔmə̄n̄neé ta róbə aĺ ō.

NŌŌ RƆ̄ 2:1

I ba̰ý á Kɔ́ɔ̄ɓē utə̄ dɔ ngōmandə kə́ Siyo̰ kə kil̄ man̄ gēé kem wōn̄g yān tə́ beé. Ni-rāā adə̄ rī ɓār̄ yā Israel ḭḭ dɔɔ́ əsō nang tə́ Ndɔ̄ ń wōn̄g rāānneé tə́ ní, əga kemən dɔ yá̰a̰ kəndā nja yān tə́ alé.

DANIEL 9:5

jə-rāā yá̰á̰ kə́ gōtə́ aĺ gə̄, adə̄ j-əsō kɔ̄ɔ́ ō, jə-rāā kem ndul ō, jə-mbātə́ najə̄ ō, jə-tūr̄ gidəjí kɔ̄ɔ́ ta gō míndí gə̄ tə́ ō, ta yá̰a̰ gə̄ ń əda kadə̄ yā rāā tə́ ní ō.

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

DANIEL 9:13

Yá̰á̰ kə́ to kum kaȳ aĺ ní reē dɔjí tə́ malang i tītə̄ ń ndangən̄neé kem makətūbə̄ ndū najə̄ yā Moijə tə́ ní. Banī jḭḭ jə-tūr̄ gidəjí kɔ̄ɔ́ ta yá̰a̰ rāājí kə́ gōtə́ aĺ gə̄ tə́ jə-sɔlə̄ń kem Kɔ́ɔ̄ɓē Nə́ɓā yājí aĺ ō, jə-nēl̄ mbījí j-oōń najə̄ kə́ rɔ̄kum yān jə-sɔlə̄ń kemən aĺ ō.