JEREMI 30:13 - Bibəl ta Sar̄

¹³ De kə́ yā kəndā rɔ̄n ta najə̄ yāí tə́ gətóo. Kḭ̄ḭ̄ kə́ yā do̰ō̰ń do səya̰ yāí kadə̄ edə̄ gətóo.

Bible sar

¹³ De kə́ yā kəndā rɔ̄n ta najə̄ yāí tə́ gətóo. Kḭ̄ḭ̄ kə́ yā do̰ō̰ń do səya̰ yāí kadə̄ edə̄ gətóo.

JEREMI 30:13 Referans Kwoze

JEREMI 46:11

Ngōmandə kə́ Ejiptə, āw̄ Galaad ī-sāā bəto kāgə̄ kə́ yā rāā ta do tə́. Ī-rɔ̄ɔ̄ dɔ rɔ̄í tə́ kə kḭ̄ḭ̄ gə̄ kə́ gíŕdə́ i ngá̰ý ɓá tā, ba i ndańg karī, yá̰á̰ kógə̄ḿ kə́ asə kadī rɔ̄ ngān̄g gətóo.

JEREMI 8:22

Bəto kə kāgə̄ kə́ yā rāā ta do tə́ gətóo Galaad i mbée a? Nge rāā de gə̄ mo̰y gətóo noó a? I tām̄ rí tə́ á rɔ̄ gír deē yāḿ gə̄ əsō naā tə́ aĺ ní?

JEREMI 33:6

Banī m-ā m̄-rāā kadə̄ ni-tél ndi majə gogə́ tītə̄ kə́ kété. M-ā m̄-rāā kadə̄ rɔ̄də́ ngan̄g ō, ndin̄ lɔm ō, kanjə̄ kadə̄ yá̰á̰ kógə̄ḿ a̰ȳ ndíĺdə́.

JEREMI 30:17

M-ā m̄-rāā kadə̄ rɔ̄í əsō naā tə́ majə ō, kadə̄ doí gə̄ edə̄n̄ ō. Tɔdɔ̄ de gə̄ ɓāríīn̄ na i yá̰á̰ kə́ ɓōkə́ kɔ̄ɔ́ ō, Siyo̰ ń de kə́ usən dɔ tə́ gətóo ō ní. Najə̄ ń Kɔ́ɔ̄ɓē əda ní n noó.

1 JA̰A̰ 2:1

Ngánə́ḿ kə́ dūú gə̄, m̄-ndang najə̄ ń toō m-ādə̄sí i yā kadə̄ ī-rāāī majaĺ alé. Ba ré deē kógə̄ḿ rāā majanī, jḭḭ̄ i kə nge rɔ̄ɔ̄ dɔjí tə́ kógə̄ḿ kə́ ndi rɔ̄ Bɔbə̄n Nə́ɓā tə́, adə̄ i Jeju Kərist ń i de kə́ nge rāā yá̰á̰ kə́ gō tə́ ní.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

NAHUM 3:19

Rɔ̄ɔ̄ ń tetiī ní i kə́ njɔ́ḿ gə̄ tə́ ō, do gə̄ ń ə́ngé ní, a asən̄ kedə̄ aĺ ō. De gə̄ malang ń oōn̄ kōōí ní, əndan̄ jīdə́ gíŕ yá̰á̰ kə́ to kum kaȳ aĺ ń teē dɔí tə́ ní. Tām̄ i náā n a̰a̰ tápə̄ najə̄ yá̰a̰ rāāí gə̄ kə́ kumií o̰o̰ī loo rāā tə́ aĺ alé ní? Yá̰a̰ rāāí gə̄ ní, loo dəba tadə́ gətóo!

OJEE 14:4

Dɔ nang kə́ Asiri asə kajəjí alé. J-a j-ḭḭ gidə sə́nda rɔ̄ɔ̄ gə̄ tə́ to̰ alé. Yá̰á̰ kə́ tɔ́sə̄ kum gotə yá̰a̰ gə̄ ń jḭḭ kɔ́ gə̄ jə-tɔ́sə̄ kə jījí ní, j-a jə-ɓāŕdə́ na i Nə́ɓā yājí to̰ alé. Tɔdɔ̄ i ḭ̄ ngóy n á̰a̰ kum tō ndoō yā ngán hal gə̄ ní.

OJEE 6:1

Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

EJEKIEL 22:30

m̄-sāā deē kógə̄ḿ dandə́ tə́ kə́ əndā ndogə̄ mbal̄ yā rɔ̄ɔń dɔ rɔ̄n tə́, kə́ ra ta kumḿ tə́ a ngɔ̄məń ndogə̄ mbal̄ tām̄ majə yā ɓē tə́, tá kadə̄ m̄-nujəń ɓē alé. Banī m-ə́nge deē kógə̄ḿ alé.

IJAI 59:16

Yá̰á̰ ń rāā yá̰á̰ ní ni-a̰a̰ kadə̄ deē kógə̄ḿ kə́ mbātə́ gətóo, kadə̄ de kə́ ḭḭ rāā yá̰á̰ kógə̄ḿ gətóó bátə́ ní ɔr kumən. Loo ń noō tə́ nəkɔ́ kə dɔneé gḛy rāā yá̰á̰ kógə̄ḿ ō, yá̰á̰ ń adə̄n tɔ́gə́ ní i yá̰a̰ rāā kə́ gōtə́ yān ō.

IJAI 1:6

Ḭḭ njasí tə́ bátə́ dɔsí tə́ ní, loosí kógə̄ḿ kə́ yá̰a̰ rāā aĺ gətóo. Rɔ̄sí malang i do ō, gotə ndéy ō, do kə́ ta ra kə wōyōó ō. Deē tə́go ta aĺ ō, deē ndem̄ ta aĺ ō, deē rāā yibə̄ ta tə́ aĺ ō.

PĀ GƏ̄ 142:4

Dan ń tɔ́gə́ḿ ur̄ wak kɔ̄ɔ́ ní, loo ń m-ā m-āw̄ kə̄ tū tə́ ní ḭ̄ ī-ger̄. Əyān̄ gūmbə̄ dɔ róbə́ ń m-úń tə́ ní.

PĀ GƏ̄ 106:23

Ni gḛy tɔ̄l̄də́ kɔ̄ɔ́ malang, banī Moijə ń ni gə̄rān kété ní ra non tə́ əhɔn dɔ tə́. Wōn̄g yān ń i wōn̄g kə́ a nujə loo ní, Moijə tūr̄ ta dɔ de gə̄ tə́ kɔ̄ɔ́.

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.

Makətūbə̄ yā Job 5:18

I ni n i nge kadə̄ do ō, nge ndem̄ ta do ō ní. Ni-adə̄ deē do ō, jīn rāā do ní adə̄ idə̄ ō.

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

JEREMI 17:14

Kɔ́ɔ̄ɓē ī-tɔ̄l̄ mo̰y dɔḿ tə́ anī rɔ̄ḿ a ngan̄g. Ī-gān̄g dɔḿ, anī m-ā m-ájə. Tɔdɔ̄ i ḭ̄ n i yá̰á̰ tɔ̄ȳ yāḿ ní.

JEREMI 14:19

Ḭ̄ ī-mbātə́ Juda kə̄ noí tə́ a? Nelī kə Siyo̰ to̰ aĺ a? I tām̄ rí tə́ á ə́ndájí kə yá̰á̰ kə́ majaĺ kə́ dum̄ təgā beé? Jə-rāā kemjí tə́ kadə̄ rɔ̄jí a ngan̄g ba yá̰á̰ kógə̄ḿ kə́ ngáā gətóo i ɓōĺ n teē kə̄ róbó.

JEREMI 6:7

Ni ngɔ̄m̄ kem ndul yān tītə̄ ń bəlo man̄ a ngɔ̄məń man̄ ní. ɓēé looneé ní a ɔrə̄n̄ i najə̄ rāā yá̰á̰ kə gúú ō, kɔy yá̰a̰ yā de gə̄ loo ɓogə tə́ ō ngóy. Wur kɔl ō, yá̰á̰ kə́ tōr̄ gə̄ ō ń m-á̰a̰ā̰ dejə ní adə̄mə̄n̄ rɔ̄nel̄ alé.

EJEKIEL 30:21

Ḭ̄ ngōn̄ deē, ōō! m̄-tētə̄ jī Parao̰, mban̄g kə́ Ejiptə tə́ kɔ̄ɔ́. De kə́ do̰ō̰ ta do kə́ jīn tə́ gətóo ō, de kə́ adə̄n kḭ̄ḭ̄ gətóo ō. De kə́ do̰ō̰ jīn kə ta kūbūú kadə̄ əngeń tɔ́gə yā kəhɔń kaskar gətóo.

NŌŌ RƆ̄ 2:13

Jerusalem ngōmandə yāḿ, kə m-ə́daī na i rí ɓáý to̰? I náā n to tītīí ta kumḿ mā tə́ ní? ngōn̄ kə́ madə̄ yāḿ, ngōmandə kə́ Siyo̰, i rí n kə m̄-sɔlə̄ń kemií ní? Tɔdɔ̄ ī-nujə i nujə kə́ to ɓōĺ ngá̰ý tītə̄ man̄ bā bo ń i yá̰á̰ kə́ laa to ɓōĺ ngá̰ý ní beē. I náā n a ajiī ní?