JEREMI 3:8 - Bibəl ta Sar̄

^8-9 mā m-á̰a̰ā̰ ō. Kə́ rɔ̄kum tə́ m̄-mbātə́ Israel kə́ nge túy taā kem yān ō, m-ādə̄n makətūbə̄ mbātə́ naā ō i najə̄ rāā rāȳ yān tə́. Banī yá̰á̰ ń toō əla ɓōĺ kem ngōkó̰o̰n kə́ dəyá̰ ń i Juda kə́ sew aĺ tə́ ní sḛ́ý aĺ bátə́. Adə̄ ni yḛr loo kə́ dɔ nang tə́ tɔdɔ̄ ni-əndā kum kedə̄ dɔ rɔ̄n tə́ alé, ba əla gír rāā ájə́ba ō. Ni-rāā rāȳ tɔdɔ̄ ndɔ̄ȳ mbal̄ ō ndɔ̄ȳ kāgə̄ ō.

Bible sar

^8-9 mā m-á̰a̰ā̰ ō. Kə́ rɔ̄kum tə́ m̄-mbātə́ Israel kə́ nge túy taā kem yān ō, m-ādə̄n makətūbə̄ mbātə́ naā ō i najə̄ rāā rāȳ yān tə́. Banī yá̰á̰ ń toō əla ɓōĺ kem ngōkó̰o̰n kə́ dəyá̰ ń i Juda kə́ sew aĺ tə́ ní sḛ́ý aĺ bátə́. Adə̄ ni yḛr loo kə́ dɔ nang tə́ tɔdɔ̄ ni-əndā kum kedə̄ dɔ rɔ̄n tə́ alé, ba əla gír rāā ájə́ba ō. Ni-rāā rāȳ tɔdɔ̄ ndɔ̄ȳ mbal̄ ō ndɔ̄ȳ kāgə̄ ō.

JEREMI 3:8 Referans Kwoze

NDŪ NAJƏ̄ 24:1

Ré de kə́rēý taā dəyá̰, ba nelə̄n kə dəyá̰ ní to̰ alé, tām̄ ni-ənge yá̰á̰ kə́ to rɔ̄sɔl̄ rɔ̄n tə́, ɓáa ādə̄ ndang makətūbə̄ mbātə́ naā əla jīn tə́ ba tə̄ɓān kɔ̄ɔ́,

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

EJEKIEL 23:9

I tām̄ najə̄ ń noō tə́ n m-ə́lan kem jī ngé sāān gə̄ tə́ ní, adə̄ i jī Asiri gə̄ ń ni gḛydə́ ngá̰ý ní tə́.

EJEKIEL 16:47

Ḭ̄ ī-ndájə̄ i háĺdə́ ngóy aĺ ō, ī-rāā i yá̰á̰ kə́ majaĺ ngá̰ý gə̄ ń nin̄ rāān̄ ní ngóy aĺ ō. Ngé gə̄ ń noō i yá̰á̰ kə́ sḛ́ý beē gə̄! Hálí majaĺ ngá̰ý tɔȳ yā gotə ɓē kə́ rang gə̄.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

NDŪ NAJƏ̄ 24:3

ba dəngam ní nelə̄n seneé to̰ alé, adə̄ ndang makətūbə̄ mbātə́ naā əla jīn tə́ ba tə̄ɓān kɔ̄ɔ́, aké oy tan tə́ kɔ̄ɔ́ anī,

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 33:24

Īkɔ́ ī-ger̄ majə kadə̄ de gə̄ ń toō ədan̄ na Kɔ́ɔ̄ɓē na mbātə́ gír kojə kə́ jōó gə̄ ń na gə̄rā ní. Adə̄ kídə̄n̄ gír deē yāḿ gə̄ ba rāān̄də́ nápar de gə̄ tə́ to̰ alé.

EJEKIEL 16:46

Rī ngōkó̰ó̰í kə́ dəyá̰ kə́ nga tɔ́gə na i Samari. Ni-ndi i dām̄ mbɔ́r ɓē kə́ ko̰ó̰ naā tə́ kə ngán ɓē kə́ dūú gēé kadən tə́. Ngōkó̰ó̰í kə́ dəyá̰ ń teē gidií tə́ ní rīn na i Sodom. Ni-ndi i dām̄ mbɔ́r ɓē kə́ geleé tə́, naā tə́ kə ngán ɓē kə́ dūú gēé kadən tə́.

EJEKIEL 16:51

Yā Samari tā anī, majaĺ ń ḭ̄ ī-rāā ní, núsən gə̄gē ni-rāā alé. Ḭ̄ Jerusalem ī-rāā yá̰á̰ kə́ majaĺ ngá̰ý gə̄ tɔȳn. Sodom ō Samari ō ń nin̄ i ngákó̰ó̰í kə́ dəyá̰ gə̄ ní, ré deē əndādə́ kadií tə́ anī, ton̄ tītə̄ kə́ nin̄ rāān̄ yá̰á̰ kógə̄ḿ kə́ majaĺ aĺ beē.

2 YÁ̰A̰ GƏ̄ 21:11

Ni rāā loo ndɔ̄ȳ gə̄ dɔ mbal̄ gə̄ kə́ Juda tə́ sə̄lań de kə́ Jerusalem gə̄ ō, kə́ Juda tə́ gə̄ ō, kadə̄ rāān̄ ájə́ba rāā ɓesə̄ ō, háĺ kə́ gōtə́ aĺ ō.

JEREMI 5:7

Ń noō ní, loo kadə̄ m-ā m̄-mā̰ȳ rɔ̄ḿ dɔí tə́ i ba̰ý? Ngání gə̄ mbātə́mə̄n̄ kɔ̄ɔ́, ba túbə̄n̄ kə rī nə́ɓā kə́ rɔ̄kum aĺ gə̄. M-ādə̄də́ yá̰a̰ malang, banī nin̄ rāān̄ rāȳ. Nin̄ rɔ̄ɔ̄n̄ naā dɔ loo tə́ kem kújə yā dəyá̰ ájə́ba tə́.

EJEKIEL 23:44

Dəngam gə̄ aw̄n̄ kə̄ rɔ̄n tə́! Ohola nin̄ kə Oholiba ń i dəyá̰ gə̄ kə́ i náā gə̄gē anī a ɓīī seneé ní, dəngam gə̄ aw̄n̄ ɓēé loodə́ tītə̄ loo kaw̄ ɓē dəyá̰ ájə́ba gēé beē!