JEREMI 3:4 - Bibəl ta Sar̄

⁴ Nəkɔ́ ń toō gə̄gē ní ā ɓārə́m̄ jīí tə́ laā ɓáý na: Bɔbə́ḿ, i ḭ̄ n kemjí əhɔ naā majə dan mandəḿ tə́ ní.

Bible sar

⁴ Nəkɔ́ ń toō gə̄gē ní ā ɓārə́m̄ jīí tə́ laā ɓáý na: Bɔbə́ḿ, i ḭ̄ n kemjí əhɔ naā majə dan mandəḿ tə́ ní.

JEREMI 3:4 Referans Kwoze

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.

OJEE 2:15

M-ā m̄-rɔ̄ɔ̄n najə̄ kum mbang ń ni un rɔȳń ɓesə̄ Baal gə̄ ní. Ni róō ndujə̄ yá̰á̰ kə́ kotə majə adə̄də́. Ni o̰ō̰ nə̄ngá gə̄ ō, yá̰á̰ súū rɔ̄ gə̄ ō tām̄ yādə́ tə́. Ni un gō ngé sāān gə̄, mā ɓáa dɔn ndígə̄naləḿ kɔ̄ɔ́ ō. Najə̄ ń Kɔ́ɔ̄ɓē əda ní n noó.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

Gōsə̄ najə̄ gə̄ 2:17

Ni əya̰ ngaa mandən kɔ̄ɔ́ ō, dɔn ndígə̄nal dɔ madə̄ naā yā Nə́ɓā yān tə́ kɔ̄ɔ́ ō.

PĀ GƏ̄ 71:17

Nə́ɓā, ə́lá gír kɔjəm̄ yá̰a̰ i kə ngōn̄ dūúḿ ō, m-ə̄nī mbēr̄ dɔ yá̰a̰ rāāí kə́ majə ngá̰ý gə̄ tə́ bátə́ ɓōólaā ō.

MALASI 2:14

Sḭḭ̄ ī-dəjeī rɔ̄sí najə̄ ə́daī na ké i tām̄ rí tə́ wa. I tɔdɔ̄ sḭḭ̄ ə̄nī ndūsí ta kumən tə́ yā ra dɔ ndūsí tə́ kə dəyá̰ ń sḭḭ̄ ī-gə̄rāī dan balsáásí tə́ ní. Banī sḭḭ̄ ī-raī dɔ ndūsí tə́ kə dəyá̰ ní alé! Kété ní dəyá̰ ní ndi sesí ō, sḭḭ̄ ə̄nīī ndūsí ādīin̄ ō.

JEREMI 2:27

Nin̄ ədan̄ kāgə̄ na: Ḭ̄ i bɔbə́ḿ, nin̄ ədan̄ mbal̄ na: I ḭ̄ n ójəm̄. Rɔ̄kum, nin̄ tūrə̄n̄ i gə́ra gōdə́ n ɔjəmə̄n̄ ba i nɔtə nodə́ alé. Ba dan nəkɔ́ ń yá̰á̰ kə́ to kum tō ndoō teē dɔdə́ tə́ anī, nin̄ ədamə̄n̄ na: Ḭ́ḭ dɔɔ́, ájə́jí!

Gōsə̄ najə̄ gə̄ 1:4

kadə̄ ɔjənə̄ń de gə̄ kə́ kumdə́ gān̄g aĺ gə̄ loo gōn̄g yá̰a̰ ō, kadə̄ balsáa gə̄ kə mandə gə̄ gerə̄nneé yá̰a̰ ō, əndān̄neé ma̰ȳ yá̰a̰ ō.

PĀ GƏ̄ 119:9

Dan ń deē na̰y ngōn̄ ɓáý ní loo kadə̄ hálən majə ɔtə̄ kə taá i ba̰ý? Kɔ́ɔ̄ɓē, hálən a majə i kə ta kūl̄ rāā yá̰á̰ ń ə́dá ní.

PĀ GƏ̄ 71:5

Kɔ́ɔ̄ɓē Nə́ɓā, m-ə̄ndā kemḿ i dɔí ḭ̄ tə́. M-ə́lá gír kənī kemḿ kadī i kə ngōn̄ dūúḿ.

PĀ GƏ̄ 48:14

Á̰a̰ī ndogə̄ mbal̄ kə́ gidə tə́ gə̄ majə. Ī-tə́daī kutə loo kə́ ngan̄g ngan̄g kə́ tū tə́ gə̄ majə ī-gerī, kadə̄ ə́daīneé ngé kə́ ndɔ̄ń tə́ gə̄ gotə.

MALASI 1:6

Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.

JEREMI 31:22

Ngōmandə kə́ nge túy taā kem yān, ā ɔ̄r̄ rɔ̄í kə̄ gogə́ yā ndi kə kérí tītə̄ de kə́ mbóo i bátə́ rə́ngáý tə́? Kɔ́ɔ̄ɓē əndā yá̰á̰ kə́ kijə dɔ nang tə́. De kə́ dəyá̰ nong dəngam.