JEREMI 3:3 - Bibəl ta Sar̄

³ Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

Bible sar

³ Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

JEREMI 3:3 Referans Kwoze

LEBI GƏ̄ 26:19

M-ā m-ɔ̄r̄ tɔ́gə́sí ń ā ɔ́jiīń rɔ̄sí ngá̰ý ní. M-ā m̄-rāā kadə̄ dɔ rā̰ yāsí tél ngan̄g tītə̄ gində̄ adə̄ man̄ kə́ tū tə́ a edə aĺ ō, m-ā m̄-rāā kadə̄ dɔ nang yāsí tél ngan̄g tītə̄ gində̄ nə̄ngá kasə ō.

JEREMI 14:4

Dɔ nang tá̰ā̰ tām̄ man̄ edə alé, ngé ndɔr̄ gə̄ gerə̄n̄ yá̰á̰ kə́ yā rāā aĺ ō, urə̄n̄ wak ō.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

JEREMI 5:24

Nin̄ mbātə́n̄ kəda kə̄ kemdə́ tə́ na: Jə-ɓōlíī ndíĺ Kɔ́ɔ̄ɓē Nə́ɓā yājí, Nə́ɓā ń adə̄ man̄ edə kə kum mbangneé, ɓaraá ō, ta ɓāl̄ tə́ ō ní ni ń gə̄rā dəmásə gə̄ kə́ yā sāań kōō adə̄jí ní.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

NDŪ NAJƏ̄ 28:23

No rā̰ kə́ dɔí tə́ a ngan̄g tītə̄ gində̄ nə̄ngá kasə beé ō, dɔ nang kə́ gír njaí tə́ a ngan̄g tītə̄ gində̄ beé ō.

Makətūbə̄ yā Aje 1:11

m̄-rāā ādə̄ man̄ əhɔ laa kem ɓēé: Dɔ ngán mbal̄ gə̄ tə́ ō, dɔ ndɔr̄ kōō gémē tə́ ō, dɔ ndɔr̄ kāgə̄ nduú gə̄ tə́ ō, dɔ ndɔ̄r̄ kāgə̄ olibə gə̄ tə́ ō, dɔ ndɔr̄ kə́ rang gə̄ tə́ ō. Deē ndul gə̄ ō, dā̰ gə̄ ō a̰a̰n̄ tápə̄ najə̄ man̄ kə́ əhɔ laa tə́ ō, kəla malang ń ī-rāāī ní udə kɔ̄ɔ́ ō.

AMOS 4:7

M-ɔ̄gə̄sí man̄, adə̄ man̄ edə dɔsí tə́ alé nāā mətá kété no sāā kōō gə̄ tə́. m̄-rāā adə̄ man̄ edə dɔ ɓē kógə̄ḿ tə́ banī edə dɔ ɓē kə́ rang tə́ alé. M-ādə̄ man̄ edə dɔ ndɔr̄ kógə̄ḿ tə́ banī edə dɔ ndɔr̄ kə́rēý tə́ alé, adə̄ ndɔr̄ ní tutə kɔ̄ɔ́.

JEREMI 9:12

Kɔ́ɔ̄ɓē əda na: Nin̄ əya̰n̄ gō yá̰á̰ ndóō yāḿ ń m-ə̄ndā nodə́ tə́ ní kɔ̄ɔ́, tɔdɔ̄ nin̄ oōn̄ najə̄ yāḿ aĺ ō, unən̄ gō najə̄ ní aĺ ō,

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 6:15

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ n a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

SOPONI 3:5

Ɓá tā ba Kɔ́ɔ̄ɓē i kem ɓēé, ni-rāā yá̰á̰ kógə̄ḿ kə́ gōtə́ aĺ alé. Ni-gān̄g sarya yān dəloí kə dɔ ndɔ̄ gə̄. Banī de kə́ majaĺ gə̄ rāān̄ yá̰a̰ kanjə̄ rɔ̄sɔl̄.

EJEKIEL 3:7

Banī ngán Israel gə̄ a ndigən̄ koō najə̄ yāí alé, tɔdɔ̄ nin̄ ndigən̄ koō najə̄ yāḿ alé. Tām̄ nin̄ malang ní dɔdə́ ngan̄g ngá̰ý ō, dumə̄n̄ naā ngá̰ý ō.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

NEHEMI 9:17

Nin̄ mbātə́n̄ koō ō, dɔdə́ ndígə̄nal yá̰á̰ kə́ yáā gə̄ ń ī-rāā tām̄ yādə́ tə́ ní kɔ̄ɔ́ ō. Nin̄ rāān̄ dɔ ngan̄g ō, loo dum̄ naā yādə́ tə́ ní gírə̄n̄ tél kaw̄ Ejiptə ta kəla ɓəlo yādə́ tə́ gogə́ ō. Banī ḭ̄ i Nə́ɓā kə́ ā ī-mā̰ȳ rɔ̄í ō, kemií majə ō, kumií a o̰o̰ī ō, ī-rāā wōn̄g láẃ aĺ ō, ī-rāā kem majə ngá̰ý ō, adə̄ ə́yá̰də́ kɔ̄ɔ́ alé.

JEREMI 14:3

Ngol gə̄ əlan̄ de kə́ yá̰a̰ aĺ gə̄ kɔdə maná. Nin̄ ugə̄n̄ ta bəlo man̄ tə́ anī, əngen̄ man̄ alé, adə̄ tél reēn̄ gogə́ kem yá̰a̰ karī. Gerə̄n̄ yá̰á̰ kə́ yā rāā aĺ ō, dɔ kumdə́ tə́la naā ō, urə̄n̄ wak ō.

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

SOPONI 2:1

A tə̄ɓān̄sí tītə̄ mu kə́ gətóo kɔ̄ɔ́ kem ndɔ̄ kógə̄ḿ beē. Wōn̄g kə́ ngá̰ý yā Kɔ́ɔ̄ɓē a əsō dɔsí tə́. A̰á̰ā̰, ndɔ̄ wōn̄g yān a reē tām̄ yāsí tə́. I beé ní, sḭḭ̄ ń rɔ̄sí sɔl̄sí ndɔ̄ kógə̄ḿ aĺ ní, ī-gírī yá̰a̰ ō, ə́hɔī rɔ̄sí ō, kété pá tá kadə̄ yá̰a̰ gə̄ ń noō malang reē ugə̄n̄ ɓáý.

TA KƏLA 19:34

Teē kə ndɔ̄ kə́ noō anī, nge kə́ nga tɔ́gə əda nge kə́ dūú na: Ndɔ̄ɔ́ laā m̄-to kə bɔbə̄jí kɔ̄ɔ́ ɓá. J-adə̄n kasə nduú ādə̄ a̰ȳ ɓáý to̰ na ta to seneé i dɔí tə́ ɓōólaā. Jə-rāā beé ādə̄ gír kaají toń ta kaw̄ kə̄ kété.

Gōsə̄ najə̄ gə̄ 21:29

Nge kem ndul rāā háĺ kə́ ɔjə kadə̄ ni ɓōĺ deē alé, banī de kə́ súmūú tə́lā ngəran ngan̄g kem háĺ kə́ gōtə́ tə́.

JEREMI 5:25

I majaĺ yāsí gə̄ n rāān̄ adə̄ yá̰a̰ a̰a̰ gō naā aĺ ní ō, i yá̰á̰ kə́ gōtə́ aĺ yāsí gə̄ n utə̄n̄ ta róbə́ yá̰á̰ kə́ majə gə̄ ń noō ō ní.

JEREMI 14:1

Najə̄ kə́ Kɔ́ɔ̄ɓē ɔr̄ kə Jeremi dɔ loo kə́ əhɔ laa tə́.

AMOS 4:8

De kə́ kem ɓēé gə̄ ḭḭn̄ ɓē kə́rēý tə́ aw̄n̄ ɓē kə́ rang tə́ sāā man̄ ka̰yā̰á̰, banī nin̄ əngen̄ asə tadə́ alé. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.