JEREMI 3:14 - Bibəl ta Sar̄

¹⁴ Ngáń kə́ ngé túy taā kem gə̄ ī-tél ī-reēī! Tɔdɔ̄ i mā n i Kɔ́ɔ̄ɓē ní. Najə̄ ń Kɔ́ɔ̄ɓē əda ní n noó. M-ā m-ɔ́ýsí kógə̄ḿ, kógə̄ḿ kə dɔ ɓē gēé ō, jōó jōó kə dɔ gír kaa gēé ō, yā kaw̄ sesí Siyo̰.

Bible sar

¹⁴ Ngáń kə́ ngé túy taā kem gə̄ ī-tél ī-reēī! Tɔdɔ̄ i mā n i Kɔ́ɔ̄ɓē ní. Najə̄ ń Kɔ́ɔ̄ɓē əda ní n noó. M-ā m-ɔ́ýsí kógə̄ḿ, kógə̄ḿ kə dɔ ɓē gēé ō, jōó jōó kə dɔ gír kaa gēé ō, yā kaw̄ sesí *Siyo̰.

JEREMI 3:14 Referans Kwoze

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 31:32

Madə̄ naā ní a to tītə̄ madə̄ naā ń m-ə́hɔ kə kaadə́ gēé, dan ń m-ə́hɔń ta jīdə́ m̄-ndɔ́rəńdə́ m̄-teēń sedə́ kɔ̄ɔ́ kem ɓē kə́ Ejiptə tə́ ní alé. Nin̄-mbātə́n̄ madə̄ naā ń m-ə́hɔ sedə́ ní. Banī mā i kɔ́ɔ̄ yá̰a̰ ɓēé loodə́. Najə̄ ń Kɔ́ɔ̄ɓē əda ní n noó.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

JEREMI 23:3

Mā m-ā m̄-kán̄ nja gotə yá̰a̰ kul̄ yāḿ gə̄ ń m̄-tə̄ndā m̄-tḭ̄ḭ̄də́ kə̄ gō ɓē gēé ní naā tə́ malang. M-ā m̄-tél yā reē sedə́ gogə́ dɔ mu kə́ mbōl̄ tə́. A ojən̄ naā ngá̰ý.

JEREMI 3:8

mā m-á̰a̰ā̰ ō. Kə́ rɔ̄kum tə́ m̄-mbātə́ Israel kə́ nge túy taā kem yān ō, m-ādə̄n makətūbə̄ mbātə́ naā ō i najə̄ rāā rāȳ yān tə́. Banī yá̰á̰ ń toō əla ɓōĺ kem ngōkó̰o̰n kə́ dəyá̰ ń i Juda kə́ sew aĺ tə́ ní sḛ́ý aĺ bátə́. Adə̄ ni yḛr loo kə́ dɔ nang tə́ tɔdɔ̄ ni-əndā kum kedə̄ dɔ rɔ̄n tə́ alé, ba əla gír rāā ájə́ba ō. Ni-rāā rāȳ tɔdɔ̄ ndɔ̄ȳ mbal̄ ō ndɔ̄ȳ kāgə̄ ō.

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

IJAI 10:22

Tá Israel, ká ré kutə gír deē yāí gə̄ i ngá̰ý tītə̄ nán̄g ngárə̄ḿnjēý kə́ ta bā bo tə́ gə̄gē, i gotədə́ ń a na̰y ní ngóy n a tél yā reē rɔ̄ Kɔ́ɔ̄ɓē tə́ ní. Unən̄ ndūdə́ kɔ̄ɔ́ yā nujə loo. Yá̰a̰ rāā kə́ gōtə́ a taā loo tītə̄ man̄ beé.

IJAI 6:13

Ré gángə̄n̄ de kə́ kem ɓēé gə̄ gír loo kutə anī, gírən kə́ kógə̄ḿ ń a na̰y ní, hor a o̰o̰ tītə̄ loo róō kāgə̄ kə́ tə́gā kɔ̄ɔ́ beē. I gír gisə kāgə̄ ní ngóy n a na̰y ní. Banī gír gisən ní i yá̰á̰ kə́ Nə́ɓā ɔjəń kadə̄ n a n-rāā yá̰á̰ kə́ kijə.

Makətūbə̄ ń Pol ndang adə̄ Rom gə̄ ní 9:27

Ɓáý to̰ ní Ijai ɔr̄ najə̄ yā ngán Israel gə̄ ngeé ń noō kə ndū boó əda na: Ká ré kutə ngán Israel gə̄ asəń i kə kutə nán̄g ngárə̄ḿnjēý kə́ ta bā bo tə́ gə̄gē anī, i gotədə́ kə́ na̰y n a ənge kajə yā Nə́ɓā ní.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

IJAI 17:6

I yá̰á̰ kə́ ngá̰ý aĺ n a na̰y gotə Israel tə́ ní. Ɓē ngeé ń toō a to tītə̄ kāgə̄ olibə kə́ əjan̄ kanə̄n kɔ̄ɔ́ beē. Na̰y kanə̄n gə̄ i jōó aláa mətá jam kāgāá dɔɔ́ ō, na̰y i sɔ́ aláa mí tū ta jīn gə̄ tə́. Najə̄ ń Kɔ́ɔ̄ɓē Nə́ɓā yā Israel əda ní n noó.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

IJAI 31:6

Israel gə̄, sḭḭ̄ ī-tūrī gidəsí kɔ̄ɔ́ ta Kɔ́ɔ̄ɓē tə́. I beé ní, ī-tél ī-reēī kum kə̄ rɔ̄n tə́.

IJAI 57:17

Israel rāā yá̰a̰ adə̄ najə̄ i dɔn tə́, kə ta kūl̄ gḛy yá̰a̰ malang sɔɔ̄ń ngurən. Nge ń noō rāā adə̄ wōn̄g rāām̄ ō, dan ń wōn̄g rāām̄ ní, m-ə́ndan ō. Kété ní m̄-ndigə ka̰a̰n to̰ alé. Tá ni dum̄ naā ngá̰ý, adə̄ ni na̰y kə̄ loo kun róbə yān nəkɔ́ tə́.

JEREMI 3:12

Āw̄, ə̄nī mbēr̄ ń toō dām̄ mbɔ́r ɓē kə́ ko̰ó̰ tə́ ə́da na: Israel kə́ nge túy taā kem yān, ī-tél ī-reē tā. Najə̄ ń Kɔ́ɔ̄ɓē əda ní n noó. Ndíĺsí a a̰ȳ ta kumḿ tə́ to̰ alé. Rɔ̄kum, mā i de kə́ sew. M-ā m̄-rāā wōn̄g sesí kə́ njɔ́ḿ gə̄ tə́ alé. Najə̄ ń Kɔ́ɔ̄ɓē əda ní n noó.

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

2 YÁ̰A̰ GƏ̄ 30:6

Makətūbə̄ gə̄ ń mban̄g nin̄ kə de kə́ bo yān gēé ndangən̄ ní, ngámbang kəla gə̄ aw̄n̄neé kə gō ɓē gə̄ kə́ Israel tə́ malang ō, gō ɓē gə̄ kə́ Juda tə́ ō. Nin̄ ədan̄ de gə̄ kə gō ndū mbangāá na: Ngán Israel gə̄, sḭḭ̄ ń ī-teēī ta yo tə́ jī mban̄g gə̄ kə́ Asiri tə́ ní, ī-tél ī-reēī gogə́ rɔ̄ Kɔ́ɔ̄ɓē Nə́ɓā yā Abəraham ō, Isaak ō, Israel ō tə́, anī ni a tél yā reē rɔ̄sí tə́ ō.

IJAI 27:12

Ndɔ̄ ngeé ń noō tə́ ní, Kɔ́ɔ̄ɓē a ənda dɔ kōō gə̄, a əla gír i bā Opəratə tə́ bátə́ ngōn̄ man̄ dɔ mbal̄ kə́ Ejiptə tə́. Ba sḭḭ̄ Israel gə̄, ni a kə̄tósí kógə̄ḿ kógə̄ḿ tītə̄ loo kə̄tó dɔ kōō beé.

IJAI 44:22

m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

JAKARI 1:4

Ī-lōōī ndájə̄ kaasí gə̄. Kété ní, m-ə̄ndā ɓār̄ yāḿ ta ngé koō ta gə̄ tə́ adə̄ ɓārə́n̄də́, ədan̄ na: Ī-lōōī gíŕ háĺsí kə́ majaĺ tə́ ō, gíŕ yá̰a̰ rāāsí gə̄ kə́ majaĺ tə́ ō. Banī nin̄ oōn̄ najə̄ yāḿ aĺ ō, usədə́ dɔḿ tə́ aĺ ō.