JEREMI 3:1 - Bibəl ta Sar̄

¹ Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

Bible sar

¹ Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

JEREMI 3:1 Referans Kwoze

EJEKIEL 16:26

Ḭ̄ ī-rāā ájə́ba kə de kə́ Ejiptə tə́ gə̄ ń i madə̄ ɓēí gə̄ kə́ rɔ̄də́ majə ngá̰ý ní ō, ī-rāā ájə́ba ní al̄ naā adə̄məń wōn̄g ngá̰ý ō.

JEREMI 4:1

Israel, ré ī-tél ī-reē anī, majə kadə̄ ī-reē i rɔ̄ḿ mā tə́.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

OJEE 1:2

Ta kəla gír najə̄ ń Kɔ́ɔ̄ɓē əda gír deē yān gə̄ kə ta kūl̄ Ojee ní n toó. Ni-əda Ojee na: Āw̄ ī-taā dəyá̰ kə́ nge rāā ájə́ba gíŕ kújə ɓesēé. Ngán gə̄ ń ni a ojə yā kadī ní, i ngán dəyá̰ kə́ nge rāā ájə́ba. Tɔdɔ̄ de kə́ kem ɓē ń toō tə́ gə̄ rāān̄ ájə́ba, tām̄ nin̄ rɔyn̄ nə́ɓā kə́ rang gə̄ kanjə̄ kadə̄ i mā Kɔ́ɔ̄ɓē.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

JEREMI 2:23

I ba̰ý á ī-nāā kəda na: Yá̰á̰ kə́ yḛr tákə̄m̄ aĺ ō, m̄-ngɔ̄də̄ gō ɓesə̄ Baal gə̄ tə́ aĺ ō ní? Á̰a̰ kəla rāāí kə́ kem wól loo tə́, ḭ̄kɔ́ ī-ger̄ yá̰á̰ ń ī-rāā ní. Kó̰ó̰ jámbal kə́ nge dáȳ dɔɔ́ kanjə̄ kɔr̄ koō.

NGÉ SARYA 19:2

Də̄yá̰ gidə ndogə̄ ní rāā rāȳ adə̄ əya̰n ba aw̄ ndi ɓē bɔbə̄neé Betlehem na sɔ́.

MISE 2:10

Ḭ́ḭī dɔɔ́ ba āwī! I kum mbang kə́ yā kadə̄ sḭḭ̄ ɔ̄rīiń koō n toó alé! Ɓē yāsí téĺ ɓē kə́ yḛr kɔ̄ɔ́ sɔɔ̄ ń mān̄ dɔ ndū najə̄ yāsí gə̄. I tām̄ najə̄ ń noō tə́ n ā á̰a̰ī tápə̄ ngá̰ý ní.

JEREMI 3:22

Ngáń kə́ ngé túy taā kem gə̄ ī-tél ī-reēī, m̄-ndigə rāā kadə̄ gír túy taā kem yāsí gān̄g kɔ̄ɔ́. Jḭḭ n toó! Jḭḭ i tām̄ yāí tə́. Rɔ̄kum i ḭ̄ n i Kɔ́ɔ̄ɓē Nə́ɓā yājí ní.

JEREMI 2:7

m̄-rāā adə̄ údiī kem ɓē kə́ kāgə̄ kə́ kəndā gə̄ i ngá̰ý tū tə́, yā kadə̄ sḭḭ̄ ī-nāī kan̄ kāgə̄ kə́ nel̄ gə̄. Banī dan ń sḭḭ̄ údiī kem ɓē nge ń toō tə́ kɔ̄ɔ́ anī, sḭḭ̄ ī-tákī ɓē yāḿ kə majaĺ ō, sḭḭ̄ ī-rāāī yá̰á̰ kə́ majaĺ ngá̰ý kə yá̰a̰ yāḿ ō.

IJAI 24:5

A̰á̰ā̰, deē ndul gə̄ rāān̄ dɔ nang adə̄ tél kə́ yḛr, nin̄ mbātə́n̄ rāā yá̰á̰ ń Kɔ́ɔ̄ɓē ədadə́ kadə̄ rāān̄ ní, nin̄ kídə̄n̄ jī bēl̄ loo rāā yá̰a̰ yān gə̄, madə̄ naā ń ɓoodə́ naā tə́ kə Nə́ɓāá kə́ njɔ́ḿ gə̄ tə́ ní, nin̄ gāngə̄n̄ madə̄ naā ní kɔ̄ɔ́.

NDŪ NAJƏ̄ 22:21

a aw̄n̄ seneé ta kújə yā bɔbə̄n tə́ kadə̄ de kə́ dəngam kə́ kem ɓē yān tə́ gə̄ tə́nīnən̄ kə mbalá yā tɔ̄lən. Ni-rāā i yá̰á̰ kə́ to rɔ̄sɔl̄ dɔ nang kə́ Israel tə́, tɔdɔ̄ ndi i ɓē bɔbə̄neé ɓáý n rāań kaya ní. I beé n ā ɔ̄rəń yá̰a̰ rāā kə́ majaĺ kɔ̄ɔ́ mbo̰ō̰í tə́ ní.

MATIYE 5:31

Ədan̄ ɓáý to̰ na: Deē ń mbātə́ nə̄yá̰n ní, kə adə̄n makətūbə̄ mbātə́ naā.

PĀ GƏ̄ 106:38

Ɓōkə́n̄ mósə de kə́ kanjə̄ najə̄ dɔdə́ tə́ gə̄ nang tə́, adə̄ i mósə ngáńdə́ kə́ dəngam gə̄ ō kə́ dəyá̰ gə̄ ō ń nin̄ tɔ̄lə̄n̄ ba tun̄ adə̄n̄ nə́ɓā gə̄ yā Kanaan gə̄ ní. Mósə́ ń a̰ȳ nang tə́ ní rāā adə̄ yá̰á̰ kə́ majaĺ tákə̄ ɓē.

JEREMI 22:20

Āl̄ dɔ mbal̄ Liban tə́ ba ə́ga kɔŕ. Ādə̄ ndūí ɓār̄ taā dɔ loo kə́ Basan tə́. Ə́ga kɔŕ ādə̄ ndūí ɓār̄ kə̄ loo gə̄ tə́, tɔdɔ̄ ngé sāāí gə̄ malang ní gír yādə́ gān̄g kɔ̄ɔ́.

NŌŌ RƆ̄ 1:2

Ni nōō ba tél nōō dan ndɔ̄ɔ́, man̄ nōō nɔ̄l̄ kumən malang. Dan ngé sāān gə̄ tə́ malang ní, nge kə́ asə sɔl̄ kemən gətóo. Dɔ madə̄ njə̄rān gə̄ malang ndigə̄nal dɔn tə́ kɔ̄ɔ́. Nin̄ télən̄ madə̄ ba̰ā̰n gə̄.

OJEE 2:2

Loo ń noō tə́ de kə́ Juda gə̄ ō, de kə́ Israel gə̄ ō, a télən̄ yā ɓoo naā gogə́. Nin̄ a əndān̄ ngār kə́ kógə̄ḿ beē dɔdə́ tə́ ō, nin̄ a télən̄ Kɔ́ɔ̄ ɓē gə̄ ō. Ndɔ̄ ń noō i ndɔ̄ kə́ bo yā Jisreel.

JEREMI 31:22

Ngōmandə kə́ nge túy taā kem yān, ā ɔ̄r̄ rɔ̄í kə̄ gogə́ yā ndi kə kérí tītə̄ de kə́ mbóo i bátə́ rə́ngáý tə́? Kɔ́ɔ̄ɓē əndā yá̰á̰ kə́ kijə dɔ nang tə́. De kə́ dəyá̰ nong dəngam.

EJEKIEL 16:30

Á, tɔ́gí gətóó ngá̰ý al̄ naā! Najə̄ ń mā Kɔ́ɔ̄ɓē Nə́ɓā m-ə́dá ní n noó. Dan ń ī-rāā yá̰a̰ gə̄ ń noō malang ní, ī-rāā i yá̰a̰ rāā ájə́ba kɔ̄r̄ kə́ tɔȳ ájə́ba madə̄n gə̄.

EJEKIEL 16:35

I beé ní, ḭ̄ Jerusalem ń i dəyá̰ ájə́ba ní, ōō najə̄ yā Kɔ́ɔ̄ɓē.