JEREMI 29:8 - Bibəl ta Sar̄

⁸ Kə́ rɔ̄kum tə́ ní, Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Ādī ngé koō ta gə̄ ń i dɔ dáńsí tə́ ní ō, kɔdə̄ sāā yāsí gə̄ ō gólə̄n̄sí alé. Ə̄ndāī kumsí gír nī gə̄ ń a rāān̄sí ní tə́ alé.

Bible sar

⁸ Kə́ rɔ̄kum tə́ ní, Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel ɔr̄ najə̄ i tītə̄ ń toō beé: Ādī *ngé koō ta gə̄ ń i dɔ dáńsí tə́ ní ō, kɔdə̄ sāā yāsí gə̄ ō gólə̄n̄sí alé. Ə̄ndāī kumsí gír nī gə̄ ń a rāān̄sí ní tə́ alé.

JEREMI 29:8 Referans Kwoze

EPEJƏ 5:6

Ādī deē kógə̄ḿ gól̄sí kə mbóo najá alé. Ī-tām̄ yá̰á̰ kə́ tītə̄ ń noō gə̄ tə́ n wōn̄g yā Nə́ɓā a reēń dɔ ngé gə̄ ń mbātə́n̄ koō najə̄ tan tə́ ní.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

JEREMI 28:15

Tā anī, Jeremi əda Hanania na: Hanania ī-nēl̄ mbīí ōōń. Kɔ́ɔ̄ɓē əlaī alé. I ḭ̄ n ā ī-rāā kadə̄ gír de gə̄ ń toō gólə̄n̄ rɔ̄də́ kə najə̄ kə́ rɔ̄kum aĺ gə̄ ní.

JEREMI 27:9

Ba sḭḭ̄ tā anī, ī-lōōī koō najə̄ kɔr̄ ngé koō ta yāsí gə̄ ō, kɔdə̄ sāā yāsí gə̄ ō, ngé nī yāsí gə̄ ō, ngé bógə̄rō de gə̄ yāsí gə̄ ō, mbōlí yāsí gə̄ ō ń ədan̄sí na: Ā ə́lan̄ dɔsí gíŕ tɔ́gə yā mban̄g kə́ Babilon tə́ alé ní.

JEREMI 14:14

Kɔ́ɔ̄ɓē ədam̄ na: Najə̄ ń ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

JEJU TEĒ KUM JA̰A̰ 13:14

Ni-rāā adə̄ de kə́ dɔ nang tə́ gə̄ ndúmə̄n̄ sɔɔ̄ń yá̰á̰ kə́ yáā gə̄ ń ni-rāā ta kum dā̰ kə́ kété tə́ ní. Ni-əda de gə̄ na kə rāān̄ ndíĺ yá̰á̰ kógə̄ḿ kə́ ɔsə kum gotə dā̰ ń ənge do kaskar ba tél ndi kə kumneé gogə́ ní.

2 TESALONIK 2:3

Ādī deē kógə̄ḿ gól̄sí kə kum kedə̄ yānneé alé. Tɔdɔ̄ sɔɔ̄ kadə̄ mbātə́ najə̄ to kété, yā kadə̄ deē ń i nge rāā yá̰a̰ kə gō ń Nə́ɓā ndigə alé, á i ngōn̄ kə́ nge kudə kɔ̄ɔ́ ní, ɔjəń rɔ̄n kə̄ ndágá.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

Najə̄ kə́ Majə yā Jeju ń Luk ndang ní 21:8

Ni ədadə́ na: Ādə̄ kumsí ngan̄g, ba ə̄ndāī kum kedə̄ dɔ rɔ̄sí tə́, na ngá̰ý gə̄ a unən̄ rīḿ yā reēń, ba a ədan̄ na i mā ō, na ndɔ̄ na i ngɔr ō, ī-lōōī kun gōdə́.

Najə̄ kə́ Majə yā Jeju ń Luk ndang ní 6:26

Rɔ̄ ndoō i yāsí dan ń de gə̄ malang a ədan̄ najə̄ yāsí kə́ majə ní, tɔdɔ̄ i loo rāā nəkɔ́ ń kaadə́ gə̄ rāān̄neé kə ngé koō ta kə́ rɔ̄kum aĺ gə̄ ní n noó.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

JAKARI 13:4

Kum mbang ngeé ń noō tə́ ní, ngé koō ta gə̄ a o̰o̰n̄ kūbə̄ kə́ rāā kə ngə̄rā dā̰á̰ yā kɔr̄ń najə̄ kə́ loo ngé koō ta gə̄ tə́ aĺ ō, yā kənīń gotə yá̰a̰ gə̄ ń nin̄ a̰a̰n̄ ní yā ngóləń de gə̄ aĺ ō, tɔdɔ̄ rɔ̄də́ a sɔl̄də́.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

JEREMI 23:21

M-ə́lá ngé koō ta gə̄ ń noō alé, banī unən̄ ngɔ̄də̄ aw̄n̄. M-ɔ̄r̄ najə̄ sedə́ alé, ba oōn̄ najə̄ ədan̄.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

JEREMI 23:27

Nin̄ gírə̄n̄ kadə̄ nī yādə́ gə̄ ń a ənīn̄ gotə adə̄n̄ naā noó gól̄ gír deē yāḿ gə̄ adə̄ dɔdə́ ndígə̄nal dɔ rīḿ tə́ tītə̄ ń ɓesə̄ Baal góləń kaadə́ gə̄ adə̄ dɔdə́ ndigənal dɔ rīḿ tə́ ní.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

JEREMI 23:25

M-ōō najə̄ kə́ sor̄ gə̄ ń ngé koō ta gə̄ ədan̄ kə rīḿ na: Nī rāām̄, nī rāām̄ ní.

JEREMI 29:1

Jeremi kə́ nge koō ta Jeremi ndi Jerusalem ba ndang makətūbə̄ əlań adə̄ kum kɔɔ̄ gə̄ malang kə́ dɔ dán de gə̄ ń əhɔn̄də́ aw̄n̄ sedə́ dɔ nang kə́ rang tə́ ní ō, əlań adə̄ ngé tun̄ yá̰a̰ gə̄ ō, ngé koō ta gə̄ ō, gír de gə̄ malang ń Nabukodonosor əhɔdə́ Jerusalem aw̄ sedə́ Babilon tə́ ní ō.

JEREMI 29:21

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda Akab kə́ ngōn̄ Kolaya ō, əda Sedekias, ngōn̄ Maseya ō ń ədan̄sí najə̄ kə́ rɔ̄kum alé kə rīḿ ní n toō: M-ā m-ə́ládə́ kem jī Nabukodonosor, mban̄g kə́ Babilon tə́ kadə̄ a tɔ̄l̄də́ ta kumsí tə́.

JEREMI 29:23

Majaĺ yādə́ i yá̰á̰ kə́ to rɔ̄sɔl̄ ń rāān̄ Israel tə́ ní. Rāȳn̄ kə nə̄yá̰ madə̄də́ gēé ō, ɔrə̄n̄ najə̄ kə́ rɔ̄kum alé kə rīḿ ō, banī m̄-mēr̄də́ kəda najə̄ kógə̄ḿ alé. Mā m̄-ger̄ ō, m-á̰a̰ kə́ kumḿ ō. Najə̄ ń Kɔ́ɔ̄ɓē əda ní n noó.

JEREMI 37:9

Mā Kɔ́ɔ̄ɓē, Nə́ɓā yā Israel m-ɔ̄r̄ najə̄ i tītə̄ ń toō beé: Ī-lōōī gól̄ rɔ̄sí ba gír̄ kəda na Kalde gə̄ na teēn̄ kem ɓē yāsí tə́ kɔ̄ɔ́ ō, na aw̄n̄ na i kə́ njɔ́ḿ gə̄ tə́ ō. Nin̄ aw̄n̄ loo alé.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

EJEKIEL 13:6

Yá̰a̰ gə̄ ń a̰a̰n̄ ní i yá̰á̰ kə́ rɔ̄kum aĺ gə̄ ō, yá̰a̰ gə̄ ń nin̄ ədan̄ na a rāā yá̰á̰ ní, i yá̰á̰ kə́ rɔ̄kum aĺ gə̄ ō. Nin̄ ədan̄ na: Kɔ́ɔ̄ɓē əda na, banī mā Kɔ́ɔ̄ɓē m-ə́ládə́ alé. Nin̄ əndān̄ kemdə́ dɔ tə́ kadə̄ najə̄ yādə́ i rɔ̄kum.

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

JEREMI 29:15

Ré sḭḭ̄ ə́daī na Kɔ́ɔ̄ɓē na gə̄rā ngé koō ta gə̄ Babilon tām̄ yāsí tə́ ɓáa,