JEREMI 29:31 - Bibəl ta Sar̄

³¹ Ə́la kəla ə́da de gə̄ malang ń əhɔn̄də́ aw̄n̄ sedə́ ní na: Kɔ́ɔ̄ɓē ɔr̄ najə̄ dɔ Semaya kə́ Nehelam tə́ i tītə̄ ń toō beé: Semaya ɔr̄ najə̄ kə́ nge koō ta tə́ sesí ba mā m-ə́lan aĺ ō, ni gól̄sí kə najə̄ kə́ rɔ̄kum aĺ gə̄ ō.

Bible sar

³¹ Ə́la kəla ə́da de gə̄ malang ń əhɔn̄də́ aw̄n̄ sedə́ ní na: Kɔ́ɔ̄ɓē ɔr̄ najə̄ dɔ Semaya kə́ Nehelam tə́ i tītə̄ ń toō beé: Semaya ɔr̄ najə̄ kə́ *nge koō ta tə́ sesí ba mā m-ə́lan aĺ ō, ni gól̄sí kə najə̄ kə́ rɔ̄kum aĺ gə̄ ō.

JEREMI 29:31 Referans Kwoze

JEREMI 29:9

Nin̄ unən̄ rīḿ ɔrə̄n̄neé najə̄ sesí kə́ ngé koō ta gə̄ tə́, ba i najə̄ kə́ rɔ̄kum alé, tɔdɔ̄ m-ə́ládə́ alé. Najə̄ ń Kɔ́ɔ̄ɓē əda ní n noó.

2 PIYER 2:1

Ngé koō ta kə́ rɔ̄kum aĺ gə̄ ton̄ dan gír de gə̄ yā Nə́ɓā tə́ kété, adə̄ ngé ndóō de gə̄ yá̰á̰ kə́ rɔ̄kum aĺ gə̄ a ton̄ dɔ dáńsí tə́ ō. Nin̄ a udən̄ dansí tə́ yā ndóō de gə̄ yá̰á̰ kə́ rɔ̄kum aĺ gə̄ ō, yá̰á̰ kə́ majaĺ ngá̰ý gə̄ ō, loo mundə̄ tə́ jəke. Ngoldə́ ń gān̄g dɔdə́ ní gə̄gē nin̄-aw̄n̄ bátə́ mbātə́nən̄ kɔ̄ɔ́. Nin̄-ndɔ́rə̄n̄ kudə kɔ̄ɔ́ reēn̄neé dɔ rɔ̄də́ nin̄ kɔ́ gə̄ tə́, ba kudə kɔ̄ɔ́ yādə́ ní a ɔr bā̰ā̰ alé.

JEREMI 23:21

M-ə́lá ngé koō ta gə̄ ń noō alé, banī unən̄ ngɔ̄də̄ aw̄n̄. M-ɔ̄r̄ najə̄ sedə́ alé, ba oōn̄ najə̄ ədan̄.

1 MBAN̄G GƏ̄ 13:18

Banī nge koō ta kə́ tɔgə ní əda na: Mā i nge koō ta madí, adə̄ de kə́ dɔ rā̰ tə́ kógə̄ḿ ədam̄ na Kɔ́ɔ̄ɓē əda na kə m̄-tél kə m-āw̄ seí ɓēé looḿ kadə̄ ə́sá yá̰a̰ ō, ā̰ȳ man̄ ō. Nge koō ta kə́ tɔgə ní gólə̄n i mbée.

JEREMI 29:20

Sḭḭ̄ de gə̄ malang ń m̄-rāā ādə̄ əhɔn̄sí Jerusalem aw̄n̄ sesí Babilon tə́ ní, ōōī najə̄ yā Kɔ́ɔ̄ɓē.

JEREMI 29:30

Tā anī, Kɔ́ɔ̄ɓē ɔr̄ najə̄ kə Jeremi ədan na: