JEREMI 29:18 - Bibəl ta Sar̄

¹⁸ M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

Bible sar

¹⁸ M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

JEREMI 29:18 Referans Kwoze

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

JEREMI 15:4

M-ā m̄-rāā kadə̄ télən̄ yá̰á̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. M-ā m̄-rāā tītə̄ ń noō i najə̄ yā Manase ngōn̄ Ejekias, mban̄g kə́ Juda tə́, tām̄ yā yá̰a̰ malang ń ni-rāā Jerusalem tə́ ní.

2 YÁ̰A̰ GƏ̄ 29:8

Loo ń noō tə́ wōn̄g rāā Kɔ́ɔ̄ɓē kə ɓē kə́ Jerusalem ō, kə dɔ nang kə́ Juda ō. Yá̰á̰ ń ni-rāā sedə́ ní i yá̰á̰ kə́ to ndíl ka̰ȳ ō, kə́ to kɔr kum ō, kə́ to kadə̄ deē lurdə́ ō, tītə̄ ń sḭḭ̄ kɔ́ gə̄ á̰a̰īń kə kumsí ní.

JEREMI 34:17

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Sḭḭ̄ ōōī najə̄ yāḿ kadə̄ ə́ya̰īneé ngákó̰ó̰sí gə̄ ō, ngáń ngé ɓē gə̄ ō dɔɔ́ aĺ ní, mā m-ā m-ə́yá̰sí kadə̄ ə̄sōī ta kaskar tə́ ō, kadə̄ mo̰y ngāl̄bɔ̄gīí ō, ɓō ō əsōn̄ dɔsí tə́. M-ā m̄-rāā kadə̄ ī-téliī yá̰a̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. Najə̄ ń Kɔ́ɔ̄ɓē əda ní n noó.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

NDŪ NAJƏ̄ 28:25

Kɔ́ɔ̄ɓē a rāā kadə̄ madə̄ ba̰ā̰í gə̄ a tetənī rɔ̄ɔ̄. Ré ún i róbə́ kə́ kógə̄ḿ beē n āw̄ ə̄nińdə́ rɔ̄ɔ̄ anī, ā ī-tél yā ka̰ȳ nodə́ tə́ i kə ta róbə́ kə́ rang gēé gír sīrí. Ā ī-téĺ yá̰á̰ kə́ əga deē kə̄ngā sāā tə́ tām̄ yā ɓē ko̰o̰ gə̄ malang kə́ dɔ nang tə́ ń a a̰a̰n̄ yá̰á̰ ń a rāāī ní tə́.

EJEKIEL 12:15

Dan ń m-ā m̄-tə̄ndā m̄-tḭ̄ḭ̄də́ kə̄ dan nápar de kə́ rang gə̄ tə́ ō, kə̄ kem ɓē kə́ rang gə̄ tə́ ō anī, nin̄ a gerə̄n̄ kadə̄ Kɔ́ɔ̄ɓē i mā.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

IJAI 65:15

Ngé gə̄ ń m̄-gə̄rādə́ ní a unən̄ rīsí i yā ndɔ̄lə́nń deē ngóy, nin̄ a ədan̄ na: Ādə̄ Kɔ́ɔ̄ɓē Nə́ɓā rāā adə̄ óy tītə̄ yā deē ń toō, aláa tītə̄ yā de kə́ rang ń toō! Banī ngé gə̄ ń rāān̄ kəla adə̄mə̄n̄ ní, tām̄ yādə́ tə́ ɓáa a unən̄ i rī kə́ rang.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

JAKARI 7:14

m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

AMOS 9:9

A̰á̰ā̰, m-ā m-ə́dá yá̰a̰ gə̄ kə́ kadə̄ de gə̄ rāān̄, dan nápar de gə̄ tə́ malang ní, m-ā m̄-yéȳ gír de gə̄ ń i ngán Israel gə̄ ní, tītə̄ ń deē a əgań kum yá̰a̰ kə yḛngəreé noō beē, adə̄ kɔkərɔ kógə̄ḿ a əsō nang tə́ alé.

EJEKIEL 36:19

Mā m̄-rāā adə̄ nin̄ aw̄n̄ kə̄ dan nápar de gə̄ tə́, dɔ nang yā tə̄rā gə̄ tə́. Adə̄ m̄-gān̄g sarya dɔdə́ tə́ sɔɔ̄ń i háĺdə́ ō, yá̰a̰ rāādə́ gə̄ ō.

EJEKIEL 22:15

M-ā m̄-tə̄ndā yā tḭ̄ḭ̄sí kə̄ loo gə̄ tə́ dan nápar de gə̄ tə́, kə̄ kem ɓē kə́ rang gə̄ tə́ ō, yá̰a̰ rāāsí kə́ yḛr gə̄ malang ní m-ā m̄-rāā kadə̄ gíŕdə́ a gān̄g kɔ̄ɔ́ ō.

EJEKIEL 6:8

Banī m-ā m-ə́ya̰ gotə de kə́ sḛ́ý beē gə̄ ngóy, de gə̄ kə́ dɔ dáń nápar de gə̄ tə́ ń teēn̄ ta yo kaskar tə́ ní, dan ń a tə̄ndā tḭ̄ḭ̄n̄sí kə̄ kem ɓē kə́ rang gə̄ tə́ ní.

JEREMI 29:22

Ngé gə̄ malang ń əhɔn̄də́ Juda aw̄n̄ sedə́ Babilon tə́ ní, a ndɔ̄lə́n̄ naā i kə yá̰á̰ ń rāādə́ noō, adə̄ de gə̄ a ədan̄ na: Ādə̄ Kɔ́ɔ̄ɓē rāāī tītə̄ ń rāań Sedekias ō, Akab ō ń mban̄g kə́ Babilon gírēdə́ dɔ hor tə́ ní.

JEREMI 26:6

yá̰á̰ ń m̄-rāā kə Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

JEREMI 19:8

M-ā m̄-rāā kadə̄ ɓē ń toō tél loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ ń a mānə̄n̄ kadə tə́ á a̰a̰n̄ yá̰a̰ gə̄ malang ń nujə ní a ɔr kumdə́ ō, a tə́gān̄ dɔdə́ nek nek ō.

PĀ GƏ̄ 44:11

Ḭ̄ ī-rāā ādə̄ jə-tél kə gidəjí ta kum ngé rɔ̄ɔ̄jí gə̄ tə́. adə̄ madə̄ ba̰ā̰jí gə̄ ɔyn̄ yá̰a̰ kənge yājí gə̄ aw̄n̄neé.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

TƏ́DA 5:27

Ba yá̰á̰ ń a rāā yá̰á̰ ní n toó: Ré dəyá̰ ní sāā dəngam kə́ rang gidə ngaan tə́ əlań rɔ̄sɔl̄ dɔ rɔ̄n tə́ rɔ̄kum anī, man̄ kə́ katə̄ kárárá ń a reē kə ndɔ̄ĺ dɔ deē tə́ ní a udə kemən tə́ yā tíī kemən ō, yā kɔgə̄n kojə ngōn̄ ō. Loo ń noō tə́ ré de kə́ kem ɓē yān tə́ gə̄ a túbən̄ anī a unən̄ i rīn n a túbənə̄ń.

NDŪ NAJƏ̄ 28:37

Gír de gə̄ malang ń Kɔ́ɔ̄ɓē Nə́ɓā yāí a aw̄ seí ɓēé loodə́ ní a ɔr kumdə́ seí. A əgōnī ō, a lurnī ō.

JEREMI 27:8

Nápar de gə̄ ō, ɓē ko̰o̰ ō ń mbātə́n̄ rāā kəla kadə̄ Nabukodonosor, mban̄g kə́ Babilon tə́ ō, mbātə́n̄ kənī njúkə yān míndə́də́ tə́ ō ní, m-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāā kadə̄ nəkɔ́ tɔ̄l̄də́ kə jīneé malang kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 29:17

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔdə́ tə́, m-ā m̄-rāādə́ kadə̄ a ton̄ tītə̄ kan̄ kótə̄ kə́ ndum gə̄ ō, kə́ majən̄ aĺ ngá̰ý adə̄ dum̄ kəsa ō.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

JEREMI 44:12

M-ā m-ə̄ndā kumḿ gír Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

EJEKIEL 23:46

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ɔ́siī dɔ de gə̄ kə̄ naā tə́ ādə̄ rɔ̄ɔ̄n̄də́, ādə̄ rāān̄də́ kadə̄ ɓōĺ rāādə́ kadə̄ ndewn̄ ō, ādə̄ taān̄ yá̰a̰ malang ń nin̄ əngen̄ ní kɔ̄kə́ ō!

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

JEREMI 18:16

Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

JEREMI 24:10

M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔ dáńdə́ tə́, bátə́ kadə̄ gətóoneé kɔ̄ɔ́ dɔ nang ń m-ādə̄də́ nin̄ ō kaadə́ gə̄ ō ní tə́.

EJEKIEL 5:15

M-ā m-ún sarya gāngə̄ḿ yā rāań yá̰a̰ seneé kə wōn̄g kə́ ngá̰ý ō, m-ā m̄-kɔ̄l̄ seneé kɔ̄l̄ kə́ to ɓōĺ ngá̰ý ō. Nápar de gə̄ ń ndin̄ gīrə̄n̄ gidə ɓē kə́ Jerusalem ní a əgōn̄ ɓē ní ō, a tájə̄nən̄ ō. Banī ɓē kə́ Jerusalem a tél i tāā kə́ tām̄ yādə́ nin̄ tə́ ō, a tél i yá̰á̰ kə́ a rāādə́ kə ɓōló ngá̰ý ō. I mā Kɔ́ɔ̄ɓē n m-ɔ̄r̄ najə̄ noō ní.

JAKARI 8:13

Ɓē ko̰o̰ gə̄ kə́ Juda tə́ ō, kə́ Israel tə́ ō, dan nápar de gə̄ tə́ ní, sḭḭ̄ i gír de gə̄ kə́ ndɔ̄lə́n̄də́ kadə̄ gotə gír de kə́ rang gə̄ a̰a̰n̄. Banī ngɔlaā ní, m-ájə́sí. Adə̄ ā ī-téliī i gír de gə̄ kə́ tɔ́rə̄n̄ tadə́ dɔdə́ tə́, kadə̄ gotə gír de kə́ rang gə̄ a̰a̰n̄. I beé ní, ī-ɓōlíī to̰ alé, banī ə́hɔī rɔ̄sí tɔgə!