JEREMI 29:13 - Bibəl ta Sar̄

¹³ Ā ī-sāāī njaḿ ō, ā ə́ngemī ō. Ā ī-sāāmī kə ngarā̰ kemsí sḭḭ̄ kɔ́ gə̄

Bible sar

¹³ Ā ī-sāāī njaḿ ō, ā ə́ngemī ō. Ā ī-sāāmī kə ngarā̰ kemsí sḭḭ̄ kɔ́ gə̄

JEREMI 29:13 Referans Kwoze

PĀ GƏ̄ 119:2

Ngé gə̄ ń rāān̄ yá̰a̰ gə̄ ń ni-əda ní rɔ̄də́ nel̄də́, nin̄ sāānən̄ i kə ngarā̰ kemdə́ malang.

MATIYE 7:7

Ī-dəjeī anī a adə̄n̄sí, ī-sāāī anī ā ə́ngeī, ī-gógī ta róbə anī a teēn̄ yā kadə̄sí.

PĀ GƏ̄ 119:10

m̄-sāāī i kə ngarā̰ kemḿ gēé malang, ī-lōō kəya̰m̄ kadə̄ m-ə́ya̰ gō míndí gə̄ kɔ̄ɔ́ ba m̄-rā m̄-dáȳ sa̰y.

JEREMI 24:7

M-ā m-ādə̄də́ kur̄ dɔ kə́ kadə̄ nin̄ gerə̄n̄neé na mā i Kɔ́ɔ̄ɓē. A télən̄ gír deē yāḿ gə̄ ō, mā i Nə́ɓā yādə́ ō, a télən̄ yā reē rɔ̄ḿ tə́ kə ngarā̰ kemdə́ malang.

JOEL 2:12

Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

PĀ GƏ̄ 119:145

Kɔ́ɔ̄ɓē, m̄-ɓāríī kə ngarā̰ kemḿ malang, ī-ndigəm̄ tə́. M-ā m̄-rāā yá̰a̰ gə̄ ń ī-ndang kadə̄ yā rāā ní.

2 YÁ̰A̰ GƏ̄ 31:21

Dan ń ni gḛy rāā loo kújə yā Kɔ́ɔ̄ɓē Nə́ɓā kə́ nujə gə̄ ō, gḛy rāā kadə̄ de gə̄ ɓōlə́n̄ ndū najə̄ yā Nə́ɓā ō, gō míndə́ Nə́ɓā gə̄ ō ní, ni-əhɔ rɔ̄n tɔgə ger̄ yá̰á̰ ń kem Nə́ɓā ndigə ní. Ni-rāā yá̰a̰ tītə̄ ń noō i kə ngarā̰ kemən gēé mámák, adə̄ Nə́ɓā rāā adə̄ kəla yān teē yá̰a̰.

PĀ GƏ̄ 119:58

M-ə́hɔ rɔ̄ḿ tɔgə kadə̄ nelī seḿ, ī-rajəm̄ tītə̄ ń ə́dań ní.

2 YÁ̰A̰ GƏ̄ 22:9

Gō tə́ anī adə̄ sāān̄ Akajias, əhɔnən̄ kem ɓē kə́ Samari tə́ loo ń ni ɓɔ̄ɔ̄ rɔ̄n tū tə́ ní tə́ reēn̄ seneé adə̄n̄ Yehu, ba tɔ̄lnən̄. Banī dubə̄nən̄ tām̄ ədan̄ na ni i de kə́ gír kojə yā Josapat ń sāā Kɔ́ɔ̄ɓē kə ngarā̰ kemənneé mámák ní. De kə́ gír kojə yā Akajias kə́ asə ko̰o̰ ɓē gətóo.

2 MBAN̄G 23:3

Mban̄g ra njan kə́ dɔɔ́ ta kum Kɔ́ɔ̄ɓē dɔ loo ndɔ̄ȳ kə́ kḭḭ kə̄ dɔɔ́ tə́ rāań madə̄ naā kə Kɔ́ɔ̄ɓēé. Ni-ənī ndūn yā kun gō Kɔ́ɔ̄ɓē ō, yā rāā gō míndə gə̄ ń əda ní ō, yá̰a̰ gə̄ ń ɔjə ní ō, yá̰a̰ gə̄ ń ndū najə̄ yān əda ní ō, kə ngarā̰ kemənneé mámák ō, kə rɔ̄neé malang ō. Ni-ənī ndūn yā rāā yá̰a̰ malang ń i kə́ ndang kem makətūbə̄ madə̄ naā tə́ ní ō. Ngán Israel gə̄ malang ndigən̄ madə̄ naā ní adə̄ nin̄ ənīn̄ ndūdə́.

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

PĀ GƏ̄ 119:69

Ngé kɔjə rɔ̄ gə̄ əlan̄ rɔ̄sɔl̄ dɔḿ tə́ kə najə̄ yādə́ kə́ sor̄ gēé, banī mā m̄-rāā yá̰a̰ gə̄ ń ī-ra kə de gēé ta rāā ní kə ngarā̰ kemḿ malang.

JEREMI 3:10

Ngōkó̰o̰ Israel kə́ dəyá̰ ń i Juda kə́ sew aĺ ní rāā yá̰a̰ gə̄ ń noō malang banī tél reē rɔ̄ḿ tə́ gogə́ kə ngarā̰ kemənneé alé, ni gól̄ i loo. Najə̄ ń Kɔ́ɔ̄ɓē əda ní n noó.

1 MBAN̄G GƏ̄ 2:4

Loo ń noō tə́ Kɔ́ɔ̄ɓē a rāā yá̰á̰ ń ni-ənī míndən yā rāā kadə̄m̄ ní. Ni ədam̄ na ré ngánə́ḿ gə̄ ngɔ̄mə̄n̄ háĺdə́ majə ba njə̄rān̄ kə́ de kə́ sew gə̄ tə́ kə̄ non tə́ kə ngarā̰ kemdə́ mámák ō, kə dā̰ rɔ̄də́ malang ō anī, na m-ā m̄-nal deē kógə̄ḿ kə́ gír yāḿ tə́ dɔ kōr̄ kāgə̄ mbang kə́ Israel tə́ alé.

PĀ GƏ̄ 32:6

I tām̄ najə̄ ń noō tə́ n deē yāí gə̄ malang ndɔ̄ȳnī ndɔ̄ ń tasí a̰a̰ń naā tə́ ní. Ká ré man̄ kə́ bo ngá̰ý taā loo gə̄gē anī, a ɔdə rɔ̄də́ alé.

KƏLA RĀĀ 8:36

Dan ń unən̄ róbə́ á ugə̄n̄ loo ń man̄ i tū tə́ ní tə́ anī de kə́ bo ní əda na: Man̄ n toó ō ba i rí n ɔgə̄ kadə̄ ī-rāām̄ batém ní?

1 YÁ̰A̰ GƏ̄ 22:19

Ngɔlaā ní ə̄ndāī rɔ̄sí ta sāā yá̰á̰ ń kem Kɔ́ɔ̄ɓē Nə́ɓā yāsí ndigə ní tə́ kə dan wursí gēé mámák kadə̄ ī-gerī. Ḭ́ḭī dɔɔ́ ī-rāāī kújə́ kə́ táĺ yā Kɔ́ɔ̄ɓē Nə́ɓā ba ī-reēī kə sandúkə madə̄ naā yā Kɔ́ɔ̄ɓē ō, yá̰á̰ kə́ yā ɓōĺ gidə kə́ tām̄ yā Nə́ɓā tə́ gə̄ ō, ī-tə́ndāī kem kújə́ ń ī-rāāī kə rī Kɔ́ɔ̄ɓēé ní tə́.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

IJAI 45:19

M-ɔ̄r̄ najə̄ i loo mundə̄ tə́ alé, i kem kɔgɔ̄ loo kógə̄ḿ kə́ dɔ nang tə́ kə́ risə til tə́ alé. M-ə́dá ngán kaa Jakob gə̄ najə̄ ń toō alé: Ī-sāāmī ɓōdə̄ loo tə́, loo kə́ yá̰a̰ gətóo tū tə́ tə́. Mā Kɔ́ɔ̄ɓē, m-ə́da i yá̰á̰ kə́ gōtə́, yá̰á̰ ń mā m-ə́da najə̄n ní i yá̰á̰ kə́ rɔ̄kum.

PĀ GƏ̄ 145:18

Kɔ́ɔ̄ɓē i ngɔr rɔ̄ de gə̄ malang ń a ɓāŕnən̄ tə́ ní, rɔ̄ de gə̄ malang ń a ɓāŕnən̄ kə́ rɔ̄kum tə́ ní.

IJAI 65:10

Tām̄ yā gír deē yāḿ gə̄ tə́ ní, tām̄ yā ngé gə̄ ń tūrə̄n̄ rɔ̄də́ kə̄ rɔ̄ḿ tə́ ní, ndágə mbō kə́ Saro̰ a tél i loo kə́ kadə̄ batə̄ gə̄ əsan̄ yá̰a̰ tū tə́ ō, wól loo kə́ Akor a tél i gong man̄g gə̄ ō.

JEREMI 50:4

Dan ń noō tə́ ní, kum mbang nəkɔ́ ń noō tə́, ngán Israel gə̄ ō, Juda gə̄ ō, a reēn̄ naā tə́ mbak. A njə̄rān̄ kə nōó kumdə́ tə́ yā sāań Kɔ́ɔ̄ɓē Nə́ɓā yādə́.